الأخبار
أخبار إقليمية
تقرير اللجنة كشف عن فضائح بالجملة.. الحكومة تقاضي شركة عارف بسبب فقدان خط "هيثرو"
تقرير اللجنة كشف عن فضائح بالجملة.. الحكومة تقاضي شركة عارف بسبب فقدان خط "هيثرو"
تقرير اللجنة كشف عن فضائح بالجملة.. الحكومة تقاضي شركة عارف بسبب فقدان خط


09-20-2015 02:34 AM
الراكوبة - الخرطوم في خطوة مفاجئة، وجّه وزير العدل عوض حسن النور، المدعي العام لجمهورية السودان، بفتح بلاغ تحت المواد (21/177) من القانون الجنائي لسنة 1991م، ضد إيان باتريك مستشار مجموعة عارف الاستثمارية الكويتية والكابتن علي ديتشي نائب رئيس مجلس الادارة للمجموعة وكل من تسبب في فقدان خط هيثرو، وكل من تثبت علاقته بالتعاون والاتفاق والتحريض معهما.

ووجّه وزير العدل، بنك السودان ووزارة المالية بوقف صرف أي مستحقات لكلٍ من (مجموعة عارف الاستثمارية الكويتية وشركة الفيحاء القابضة) لحين البت في الدعويين الجنائية والمدنية في مواجهتهما.

واصدر الوزير قرارا بالرقم (35) لسنة 2015م قال فيه إن اتفاق فض الشراكة مع مجموعة عارف الاستثمارية الكويتية وشركة الفيحاء القابضة وسودانير، يشير إلى التزامهما بتعويض سودانير عن أي أضرار ناجمة عن فض الشراكة،حيث التزم الطرف الثاني (مجموعة عارف الاستثمارية الكويتية وشركة الفيحاء القابضة) بمساعدة الطرف الأول (سودانير) باستعادة حق الهبوط بمطار هيثرو الذي كان يمتلكه الطرف الأول، وتعويضه في حالة فقدان حق الهبوط بمطار هيثرو – إذا كان الطرف الثاني أو أحد العاملين مع مجموعة عارف قد تحصل على فوائد مالية مباشرة أو حقق مكاسب شخصية من ذلك – على أن يتم ذلك عن طريق التحكيم لدى غرفة دبي للتحكيم الدولي التجاري إذا فشل الطرفان في الحل الودي لأي نزاع ينشأ فيما يتعلق بتفسير أو تنفيذ الاتفاق.


طالع نص قرار وزير العدل فى قضية فقدان شركة الخطوط الجوية السودانية لحق الهبوط والاقلاع بمطار هيثرو


image
"الخطوط الجوية السودانية 1972م - London - Heathrow "


تعليقات 36 | إهداء 0 | زيارات 11233

التعليقات
#1343504 [الغلبان]
0.00/5 (0 صوت)

09-21-2015 02:06 AM
هيثرو هيثرو هيثرو هيثرو الكلام دا انا سامعه من قبل يا ربي النائب العام والرئيس سمع اخيرا

[الغلبان]

#1343499 [Al Jammali]
5.00/5 (1 صوت)

09-21-2015 01:50 AM
وشنو الحصل فيما يختص ببيع بيت السودان بلندن والذى وهبه السيد عبدالرحمن المهدى للشعب السودانى قبل وفاته ؟ لقد كان منزلا لكل مبعوث سودانى الى لندن ينزل فيه وياكل ويشرب مجانا حتى اتى هؤلاء اللصوص وباعوه لواحد من جزر هيتى ايام كان اللص مصطفى اسماعيل وزيرا للخارجيه .

اين ذهبت قيمة بيت السودان .. مئات الالاف من الجنيهات الاسترلينيه ؟ اسالوا بتاع الاسنان المدعو الطفل المعجزه ..
حكايه تفقع المراره !!!

[Al Jammali]

ردود على Al Jammali
[القريش] 09-21-2015 03:41 PM
بكون العائد من بيع بيت السودان فى لندن نزلت فى حساب الحركه(الاسلاميه)بعدما السماسره طبعا يكونو قبضو الفيها النصيب !


#1343435 [عبير]
0.00/5 (0 صوت)

09-20-2015 10:40 PM
بعد دة الفاتح جبرا بنوم

[عبير]

#1343428 [ود الحاج]
0.00/5 (0 صوت)

09-20-2015 10:29 PM
كل هذا زوبعة في فنجان. متى وصل تحقيق في وطمي المغلوب على أمره إلى نهايته؟ النظام كله "خربان". التحقيق سيجر ناس في النظام أو محسوبين عليه وسيتوقف بأوامر عليا أو دنيا أو وسيطة. ليست لدينا دولة مؤسسات كما يدعون. هم خربوا دولة المؤسسات منذ ربع قرن وحولوها إلى دولة منتفعين ومنتفعات. أيها الشعب الصابر المتسب ، لقد طال صبرك، فمتى ستهب من سباتك؟ علمت الآخرين الانتفاضة، ونبذتها، إلى متى ستظل صامتا وخانعاً. لقد كمموك بأكاذيبهم، كان الله في عونك

[ود الحاج]

#1343396 [ميمد بيتة]
0.00/5 (0 صوت)

09-20-2015 09:25 PM
رحلتين كل اسبوع ومكوث ساعتين بالمطار وقيمةالاذن الواحد 30مليون جنية استرلينى ما يعادل180مليون ريال سعودى فى الاذن الواحد وفى الاسبوع 360مليون ريال سعودى وذلك حسب فهمى ان لم يكن غير ذلك . كيف تفرط حكومة فى دخل بهذه القيمة وتجرى وراء غربلة التراب والبحث عن الذهب وحفر آبار ميئات الامتار للبحث عن البترول . هذه جريمة فى حق الدولة والاجيال فهل يكفى تعويض مالى محدد فى حال ادانة المجرمين . وهل عقوبات السجن والغرامة تكفى على من تسبب فى كارثة اقتصادية . فى اعتقادى اعدام وصلب من ضيع قيمة مثل هذه لا يرضى ولا يشفى غليل الشعب السودانى نرجو من عدالة السودان بقائدها عوض محمد نور توقيع اقصى العقوبة مهما كان وضع من تسبب فى السلم الوظيفى واثبات استقلالية القضاء

[ميمد بيتة]

#1343341 [ابو كدوك]
0.00/5 (0 صوت)

09-20-2015 06:48 PM
" حليل زمن الصبا "

ياخساره ضيعوا كل شيئ جميل ..

الله يسامحهم خربوها وقعدوا على تلها ..


تحاسبوا مين ولا مييين ولا مييييين ماخلاص مالطه خربت .

[ابو كدوك]

#1343334 [lمحمد نور]
5.00/5 (1 صوت)

09-20-2015 06:25 PM
خلاص شبعتم وعايزين تشغلوا الناس بقضايا عايزة زمن طويل وتعملوا انكم قلبكم على البلد يا حرامية يا حثالة البشر وكلكم كيزان ودي مسرحية هزلية حسبنا الله ونعم الوكيل حسبنا الله ونعم الوكيل !!!

[lمحمد نور]

#1343325 [ظلال النخيل]
0.00/5 (0 صوت)

09-20-2015 06:00 PM
عصفورة وطارت

خليكم من اريك وديتشي امسكو ود بدر صاحب شركة الفيحاء والعصابة الكيزانية التي معه والتي خططت لهذا النصب والاحتيال واكل اموال الشعب واهدار مقدراته بهذه الصورة...

شركة الفيحاء ( الاسلاموية ) هي اللاعب الرئيسي في هذه العملية تحت التربيزة طبعا...

[ظلال النخيل]

#1343297 [ابو محمد]
0.00/5 (0 صوت)

09-20-2015 05:07 PM
بعد ايه جيت تصالحني بعد ايه ؟
هل الشعب ساذج الى هذه الدرجة ؟؟؟

[ابو محمد]

#1343254 [محي الدين الفكي]
0.00/5 (0 صوت)

09-20-2015 03:58 PM
لك مني التحية الاستاذ عوض النور النائب العام على هذا العمل الذي يشرفنا نحن اهل القانون وانني على استعداد من مكتبي لتقديم اي خدمة قانونية مجانا لشعب السودان وأي عدد من الساعات لكل المرافعات في المحاكم الأجنية عدا النتريات الضرورية والاقامة في انجلترا وغيرها ...

بريدي اللاكتروني :
[email protected]

[محي الدين الفكي]

ردود على محي الدين الفكي
[كمال ابوالقاسم محمد] 09-20-2015 06:44 PM
أتخيل أن الشعب السوداني صار لا يثق في ناس إسمهم (المحامين) بعد الشافو ممن سبدرات وأمثاله...!!
أتخيل إن الشعب السودانى صار لا يثق في ناس إسمهم(الأطباء) بعد الشافو من مجذوب الخليفة..مندور المهدى...حميضة...الطيب سيخة...إلخ
أتخيل غن الشعب السوداني صار لا يثق في صحافييه وكتابه من أمثال أفندينا...حسين خجلتينا...طيب زين عابدينا....الضو بلالينا....والغازي خازينا...والدهنيس المنافق بتاع الأم الرؤوم محجوب خوجلي....
أتخيل إن الشعب السودانى صار لا يثق في ناس بتاعت دين كضاب..امثال..عصام البشير كافورى...النذيير كاروري...الواد بتاع داعش....(المشايخ ) اللي ضربو فلوس حجاج بيت الله الحرام....ثم نادوا بفقه (التحلل والتطهير والسترة)
أتخيل إن الشعب السوداني صار لا يثق في أمنا الرؤو م ...الحاجة هدية...وإبنها البار عمر بشة...بعد ما لحسو كلامن وعلقو أولاد الناس في حبال المشنقة...والدنيا صباحات عيد

دحين يا خوي (محييى) الشعب السودانى (تعب ) من العضة...والعضعيض....وهى لله...هي لله....بنت (لناس ) بيوت وعماير...وسوت ليهم أرصدة جوا وبرة....ووفرت لهم المتع الحسية والجنسية مثنى وتلاث ورباع ...ومسيار...وشي حلال....وشي خلوها مستورة
يا محيى الدين...البلد دي لازم تولع....ودمها يملا الركب....ويختفي هذا الجنس 0المتأسلمة وأشياعهم وحلفاؤهم والمنتفعين من نظام الإنقاذ)...ويتم إستئصالهم تماما من البلاد....نعم لابد من القصاص وإشباع حزازات النفوس المليانة غباين....ولو إنهد المعبد على من فيه...!!!
الحياة الحرة الكريمة النبيلة غير المهدرة يجب ان تسع الجميع....وإلا لا حاجة لنا في حياة لا توفر لنا الا الإهانة والإحتقار والنفي والإذلال والجوع والمسغبة والمرض...ألأ هل أبلغت....!!!


#1343226 [همت]
5.00/5 (1 صوت)

09-20-2015 03:18 PM
لن يكلف عارف أكثر من مليون دولار لكي يغض البشير وجماعته الطرف عن عارف ولو سرق عارف السودان كله، ناهيك عن خط هيثرو

[همت]

#1343224 [علي سيف]
3.00/5 (1 صوت)

09-20-2015 03:14 PM
ما ان رأيت صورة طائرة سودانير حتى تذكرت اول رحلة لي للندن على متن تلكم الطائرة
وقتها كنا نفاخر اننا ضمن خطوط مميزة تسمح لها بالهبوط في هيثرو فيما كان العرب والافارقة يهيمون على وجوهم في ذلكم الزمان بل ان بعض الدول لم تنل حتى استقلالها
ذلكم الزمن الجميل كنا شبابا بماتعنيه الكلمة كنا شعبا محترما نفتخر بسودانيتنا ببعانخي وترهاقا والكنداكات
والمهدي بل ان معظم اسئلة البريطانيين كانت عن هذه الشخصيات الثلاث
والسؤوال الرابع يكون مناصفة بين النميري وصادق المهدي

كلل ذلك قبل ان يأتي هؤلاء الاقزام ذوي الشخصيات الساقطة الماحقة لكل ماهو جميل
حتى فقرنا واورثنا الفقر ....ياحسرة على بلدا فقد حلاته...واخلاص اهله وناسه
بقى زي القيد في اليد مربوط..يوم يتفكاتتحير تمشي لوين.

[علي سيف]

#1343223 [علي سيف]
4.00/5 (1 صوت)

09-20-2015 03:13 PM
ما ان رأيت صورة طائرة سودانير حتى تذكرت اول رحلة لي للندن على متن تلكم الطائرة
وقتها كنا نفاخر اننا ضمن خطوط مميزة تسمح لها بالهبوط في هيثرو فيما كان العرب والافارقة يهيمون على وجوهم في ذلكم الزمان بل ان بعض الدول لم تنل حتى استقلالها
ذلكم الزمن الجميل كنا شبابا بماتعنيه الكلمة كنا شعبا محترما نفتخر بسودانيتنا ببعانخي وترهاقا والكنداكات
والمهدي بل ان معظم اسئلة البريطانيين كانت عن هذه الشخصيات الثلاث
والسؤوال الرابع يكون مناصفة بين النميري وصادق المهدي

كلل ذلك قبل ان يأتي هؤلاء الاقزام ذوي الشخصيات الساقطة الماحقة لكل ماهو جميل
حتى فقرنا واورثنا الفقر ....ياحسرة على بلدا فقد حلاته...واخلاص اهله وناسه
بقى زي القيد في اليد مربوط..يوم يتفكاتتحير تمشي لوين.

[علي سيف]

#1343193 [الحقيقة]
5.00/5 (1 صوت)

09-20-2015 02:22 PM
يا وزير العدل والجماعة الحاكمة ما تلفو ودورو استأجروا شركة قانونية في لندن وسيجيبوا ليكم الدليل من ديلو بالأسماء والتواريخ وأرقام الحساب وتوثيقات من إدارة مطار هيثرو وغيرها من المعلومات القانونية وكل هذا في أقل من شهر،، الوثائق في المؤسسات الغربية محفوظة ومتاحة للجهات القانونية للإطلاع عليها خاصة إن كانت هناك أوامر قضائية.

ما تضيعوا الزمن وما في داعى للدغمسة فالجماعة الحرامية معروفين لكن نريد إدانتهم بالثابتة فنرجوكم إذهبوا للندن وستحصلون على الحقائق في أيام قليلة فالإنجليز شرفاء لا يتلاعبون بقيمهم وكرامتهم من أجل لصوص مشبوهين.

[الحقيقة]

ردود على الحقيقة
[fatmon] 09-20-2015 09:57 PM
يا جماعة يعني وزير العدل ده لو عادل بشتغل في حكومة رئيسها البشير ما تبقوا سذج وتصدقوا دي كلها حسابات بين العصابة وأفرادها ولن يصيبنا منها غير التصريحات والقرارات وما حنطلع بأي نتيجة كشعب سوداني خلاص البشير وعصابته وضعوا كل شيء في جيوبهم وحساباتهم وحسابات نسوانهم وما قصة الضباط الذين قبض عليهم في المطار بجريرة أنهم أرادوا أن يقوموا بعملهم بنزاهة لا تشبه اي موظف يعمل مع عصابة الأبالسة وما قصة إمام المسجد الكبير وإعتراضه على الأضحية بالأقساط وتصدى هيئة علماء السلطان الجائر عليهم ببعيد فلا تحلموا بأي خير مهما كان صغيرا من آكلي السحت الذين يظنون أن زمن الأنبياء والرسل عاد وأن الله بعثهم ليصلحوا حالنا ولا يدرون أنهم بعثوا بأمر من عصابة الأخوان العالمية التي تعد عليهم أنفاسهم ليجلعونا مسخرة الشعوب ندعو عليهم ليل نهار ان يرينا فيهم عجائب قدرته ولن تفيدهم أي إعترافات فكلنا نعرف فساد هذه القضية والفاتح جبرة ما فتيء يذكرنا ويذكر رئيس الغفلة فما الجديد الجديد الحكومة تريد أن تغير جلدها لتخدعنا بأنها تستحق تطويل عمرها مع العلم بأن الانفاس النجسة كلها تحوم حولها أولهم الرقاص وكل العصابة لا نعرف واحد منهم دخل السجن أو احيل لمحاكمة هاهو الوالي اللمبي يتحدث عن الأراضي التي بيعت والفساد المستشري لا إستطاع ان يفعل شيئا ولم نرى الخضر دخل السجن هاهو النائب يقول نحاسب كما كان يفعل الصحابة على نهج لو سرقت فاطمة لقطعت يدها وتاني يوم الحسيبة النسيبة بسببها اتنين في السجن عشان قالوا ليها عينك في راسك فيا جماعة الخير الكنس في الزبالة هو الحل الوحيد ولا حل غيره


#1343153 [ابوعديلة المندهش]
0.00/5 (0 صوت)

09-20-2015 01:22 PM
لا تلوموا شركة عارف ,لكن لوموا من أتى بها .

[ابوعديلة المندهش]

#1343074 [الحوشابى]
5.00/5 (2 صوت)

09-20-2015 11:18 AM
اين عصابة الداخل امثال الشرير ودبدر وشركاه ولكم يوم ياايهاالفاسدين قسما قسما لن يترككم الشعب السودانى . المعتوه البشير سوف يذكره التاريخ بانه اسواْ ريْيس دوله شهده العصر الحديث الا يوجد فى برلمانه الذى اختاره مواطن سودانى وقد طفح الكيل .

[الحوشابى]

#1343070 [المنجلك]
3.50/5 (2 صوت)

09-20-2015 11:15 AM
ذي ما قال المثل التاجر لمن يفلس يفتش دفاترو القديمة
ليس هذا محاربة فساد بل محاولة البحث عن مداخيل لخزينة الدولة
امسكوا الخشب سوف تفجر شهامة مفاجاة جديدة في الفساد المالي

[المنجلك]

#1343047 [العيسابي]
0.00/5 (0 صوت)

09-20-2015 10:53 AM
أحياناً أشعر أنو أنا سوداني لازم أتغشى وأستغفل وغبي وساذج ،المصري يغشني... الهندي يغشني ووو...الخ الحكاية دي من شنو يا جماعة ؟ فيكم دكتور نفساني يشخص لي الحالة دي ؟.

[العيسابي]

ردود على العيسابي
[Kudu] 09-21-2015 11:28 AM
كلامك صح.. انا اعاني من نفس المشكلة لكن نحن ضعاف حجة وضعاف شخصية مجاملين ووشنا ضيق ونخشى من احراج الآخرين حتى لو كانوا نصابين..


#1343038 [احمد]
5.00/5 (1 صوت)

09-20-2015 10:44 AM
الحراميه ديل ما كانو يبيعو خط هيثرو كانو ياجرهو ايجار ويسروقو حق الايجار بس.... في حالة عدم رجوع خط هيثرو للوطن نطلب الاتي تحديد كشف باسماء وعناوين كل من تسبب في بيع الخط واهدار دمائهم لي اي زول يلم فيهم يقتلهم والقتل والله العظيم عليهم شويه ...... المسؤلين اللصوص بقو ما بفرقو بين الحاجه المابتسسرق شنو والبتتسرق شنو ....

[احمد]

#1343031 [الناهه]
5.00/5 (1 صوت)

09-20-2015 10:33 AM
اما عن شركة عارف فانها ان لم تجد ان ارض السودان خصبه لممارسة الفساد لما نالت شراكة في سودانير وهي اصلا ليس لها علاقة من قريب او بعيد بالطيران ولكنه الفساد الذي يختفي وراء النفوذ والحصانات هوكان السببالمباش في بيع خط هيثرو كاسرع وسيله للربح الحرام بضمان النفوذ والحصانه
بنفس الذي كشف به فساد شركة عارف بكل وضوح فاننا ننادي بكشف الجانب الاخطر وهو يتجسد في الفاسدين داخليا ولا يكفي الاشاره الى مجلس ادارة سودانير نريد الاسماء صريحة وبكل وضوح

[الناهه]

#1343013 [محمد المحسي]
0.00/5 (0 صوت)

09-20-2015 10:20 AM
ده الكلام

[محمد المحسي]

#1342993 [ali]
5.00/5 (2 صوت)

09-20-2015 09:50 AM
شوفوا الطيارة وااقفة كيف زي الاسد في مطار هيثرو في اول السبعينات الان زي الطيارة دي ما عندنا ؟؟؟؟؟؟؟؟؟؟ اذا كان الكيزان بقولوا نحنا نهضنا بالسودان الا يصدقوا نفسهم لكن كنا في حال وانتقلنا بحكمهم الى حال لايعله الا الله ...

[ali]

#1342992 [جرية]
4.50/5 (2 صوت)

09-20-2015 09:50 AM
هيثرو كان في زمان الدولة السودانية كانت دولة, حسع حتسو بيه شنو؟ اللهم الا اذا طانت جاريين وراء التعويض. اللهم دمر العصابة الكيزانية.

[جرية]

ردود على جرية
[الحل ينبع من فوهة البندقية] 09-20-2015 04:00 PM
وانت ياعمر عمر الكضاب هو التيس المن تحتو طلعن المحن والمأبونين الذيك.

[تمرو] 09-20-2015 02:25 PM
المدعو
Omer
تعليقك زكرنى مقولة امين حسن عمر لابى قردة. كيزان متعالون مكابرون و كيسكم فاضى . غفلة زمان جابت العفن والكنس جاى جاى لا محالة

European Union [omer] 09-20-2015 11:46 AM
هم الكيزان ديل عملوا منك زول بتتكلم اشكرهم
علي ذلك


#1342991 [شبتاكا]
4.50/5 (2 صوت)

09-20-2015 09:48 AM
السد السد ....الرد الرد...جدواه الاقتصادية ومسار تنفيذه ومهدداته البيئية وارتفاع منسوب المياه الجوفيه الخطير فى المناطق التى تقع بعد جسم السد (نورى مثلا)...الخ المشاريع التى صاحبت السد وعدم اكتمالها الكلية التقنيه او المشاريع التى اكتملت ظاهريا ولم يتم تشغيلهاالمدينة الطبيه ومطار مروى....ومشروع امرى الجديده الزراعى.......
مشروع الجزيره...............................................................
السكة حديد..................................................................
الاتصالات.....................................................................الاقطان......................................................................الصمغ العربى................................................................
النقل النهرى................................................................
الخطوط البحريه..............................................................
........................................................................الخ
شعبنا الطيب ما عندنا مليش وعفى الله عما سلف واى زول شارك حتى ولو بالصمت الجبان فى السرقة يتم حسابه بالملى ويقتص منه على رؤوس الاشهاد......

[شبتاكا]

#1342968 [المقتول كمد وبطنه فايره]
5.00/5 (2 صوت)

09-20-2015 09:16 AM
الفاتح جبرا صوته بح وواواته المتكررة كل يوم وصل عددها قيمة التعويض المتوقع (إن كان في تعويض)، وصوتنا كلنا بح من الكوراك في الموضوع ده حتى ملينا.
لماذا الآن، في هذا التوقيت ؟؟؟؟
لا أدري ولكن من خبرتنا معكم أيها المتأسلمين، أكيد دايرين تحرجوا زول غضبتوا عليه !! ولا مسك عليكم ذلة !!!
طيب وين الجهات السودانية (السماسرة) راس المصائب في الصفقة، ما شايف سيرتها جات ؟؟؟

حيرتونا

[المقتول كمد وبطنه فايره]

ردود على المقتول كمد وبطنه فايره
[babo] 09-20-2015 11:52 AM
طيب ليه ما جابوا سيرة عن الشريف أحمد بدر جلاب المصائب للسودان ابتداءا من مشروع الجزيرة وشركة مواصلات الجزيرة وسودانير والبقية تأتي ومازال النيل يجري


#1342959 [Firdosalboshra]
5.00/5 (1 صوت)

09-20-2015 09:05 AM
يعنى لسه بعد ما يقعدو الاتنين ( مجموعة عارف والجماعةهم ديل الباعوالخط اساسا)وهم المتهمين والموقعين على القعد والناغضين العقد عرفتو القولوتية دى؟ يعنى شمار فى مرقة وعوض الحسن مين يا عمك ؟ديل شلة واحدة والله يعوض فى سودانير والبريد والبرق والسكة حديد والطيران المدنى وغيرهم

[Firdosalboshra]

#1342958 [رضوان الصافى]
5.00/5 (1 صوت)

09-20-2015 09:00 AM
سؤال بسيط جدا :
من الذى اعطى مجموعة عارف حق البيع ؟
وهل تستطيع بيع خط ( هيرثو ) دون تفويض او توكيل من الحكومة ؟
اذن البائع يحمل كل ( ادوات ) البيع القانونية .. والا لما باع ..او تكون الاتفاقية دقست فيها ( الحكومة ) ..
يا جماعة احنا ما فينا ( قنابييييير ) ..

[رضوان الصافى]

#1342938 [بكري محمد عمر]
5.00/5 (1 صوت)

09-20-2015 08:35 AM
مازال مسلسل إستقفال الشعب السوداني مستمرا واليوم حلقة جديدة بطلها وزير العدل فالحكومة مازالت تكذب وتتحرى الكذب حتى كتبت عندالله كذابة ففتح قضية بهذا الشأن وفي هذا التوقيت يأتي من باب الإستهلاك الإعلامي ليس إلا

[بكري محمد عمر]

#1342931 [الشايقي]
5.00/5 (1 صوت)

09-20-2015 08:20 AM
شكرا الفاتح جبرا ... على الصبر والمثابره
شكرا الهاشمي على الكاريكاتير المبدع

[الشايقي]

#1342908 [كمال ابوالقاسم محمد]
5.00/5 (1 صوت)

09-20-2015 07:46 AM
دا شعب واعي ومفتح
إنتو عايزين تضحكو عليه...بعد 26 سنة حامضة
دا تاريخ حى....وضارب في اللحم الحي
ولا شنو...يا (ماما) هدية...الأم الرؤوم....وجناها البار بشة
والدهنيس....المنافق سليل آل (عروة)...محجوب عروة
يعني نهائي ما (وليدات ترابي)...و(شوية) متاسلمة...في الموضوع...طوالي رحتو إستدعيتو قصة(صقر قريش)...والهناي الفي البتاع الجوا (قصر ود النمير)...ومن ثم دخلت نماة وخرجت نملة...ويواصل (هتيفة ومطبلي صحافة وإعلام الأنقاذ) إتحافنا بنبوغ...وعبقرية....و(فرادة)...المدعو...عوض حسن النور...وإنو مش من (الجماعة)...وما من ناس العضة....مع إنو عاضى جوا الجوا...شقيقة...الكريه...أمين حسن عمر...يعنى موضوعو في الأساس تطبيق فقه السترة بالتمام والكمال!!!

[كمال ابوالقاسم محمد]

ردود على كمال ابوالقاسم محمد
[سيف الدولة] 09-20-2015 12:25 PM
هههههه
مين الواعي ومين المفتح يا حبة
الشعب حقنا البنعرفه دا ؟؟؟؟؟ ول شعب تاني
الظاهر شبكتك طاشة يا معلم


#1342895 [الجـــــــــزيرة ابــا]
4.50/5 (3 صوت)

09-20-2015 07:18 AM
ذر الرماد فى العيون ... انعدام الدورار سيفتح ملفات لجلبه باى طريقة لتغطية العجز الرهيب فى تحريك دوﻻب الدولة المنهار
هذا البلاغ ﻻ يستفيد منه الشعب السودانى وانما تستفيد منه جهات حكومية فى حكاية التعويض وليس استردادا للخط .

[الجـــــــــزيرة ابــا]

#1342891 [جمال حنين]
5.00/5 (1 صوت)

09-20-2015 07:03 AM
يا سعادة الوزير: خطوة موفقة
ونضيف:::: كل شئ عند المستشار ياسر سيد احمد الذي يجلس على يمينك فهو المستشار الذي كان في سودانير اثناء التصرف في خط مطار هيثرو

اسأل اللواء نصرالدين مدير الشلركة الاسبق تجد كل الحقائق!!!!!!!!

[جمال حنين]

#1342882 [الاختشو ماتو]
5.00/5 (1 صوت)

09-20-2015 06:42 AM
بعد شنو يا سعادة الوزير ؟

[الاختشو ماتو]

#1342868 [Sudani 1]
4.50/5 (3 صوت)

09-20-2015 06:06 AM
في انتظار مولانا سيف الدولة ليبدي رأيه في الموضوع بمقال نحن في انتظاره

[Sudani 1]

ردود على Sudani 1
European Union [kattaha] 09-21-2015 09:28 AM
رد سيف الدولة جاييكم في الطريق وحسب إفادته شخصياً رغم مشغولياته.... أصبروا بس ... سمحة المهلة .



الكتاحة جاياااااكم

[سيف الله عمر فرح] 09-20-2015 10:18 AM
صدقت يا سودانى ،
نحن في انتظار مولانا سيف الدولة ليبدى رأيه في الموضوع ، فهو من أهل العلم والذكر في القانون . وثقتنا في صدقه وأمانته كبيرة .


#1342862 [محمد محجوب]
3.00/5 (2 صوت)

09-20-2015 05:24 AM
محاولة طيبة نرجو أن لا يكون قد فات عليها الأوان. ونسأل الله أن يعينه على المعوقين

[محمد محجوب]

#1342847 [CrossWind]
5.00/5 (9 صوت)

09-20-2015 04:23 AM
الخبر يحمل الإجابة في طياته، فالقوم لم يسعوا خلف خط الفاتح جبرا وإنما فقط أرادوا التعويض المادي، صحيح عندما يفلس التاجر....

[CrossWind]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة