الأخبار
أخبار إقليمية
مصادر: تلأعب وفوضى في تخصيص العربات الحكومية بالبرلمان
مصادر: تلأعب وفوضى في تخصيص العربات الحكومية بالبرلمان
مصادر: تلأعب وفوضى في تخصيص العربات الحكومية بالبرلمان


منح مدير مكتب الرئيس وسكرتيره عربتين لاندكروزر
09-20-2015 10:52 AM
البرلمان : سارة تاج السر
كشفت مصادر برلمانية عن تلاعب وفوضى فى تخصيص العربات الحكومية بالبرلمان، وكشفت المصادر عن تخزين نائبي الامين العام، ومدير ادارة الموارد البشرية، وموظف آخر بمكتب المستشار القانوني بالمجلس الوطني، سيارتهم الخاصة ماركة كوريلا التي ملكت لهم عام ٢٠١٠م بواسطة اللجنة العليا لتمليك العربات الحكومية، واستلام ٤ سيارات جديدة ماركة سوناتا وكامري فخمة، تتحمل الدولة تكاليف وقودها وصيانتها.
وأكد المصدر أن نائبي الأمين العام تركا سياراتهم الخاصة ماركة كوريلا، وقاما باستغلال سياراتان فخمتنان ماركة سوناتا وكامري، وسلم مدير الموارد البشرية عربة كامري وخزن عربته الكوريلا، إضافة الى موظف بمكتب المستشار القانوني بالبرلمان سلم سيارة سوناتا جديدة.
وأشارت المصادر الى أن الامانة العامة للبرلمان، منحت مدير مكتب رئيس البرلمان وسكرتير الأخير وهو فى الدرجة الوظيفية الخامسة سيارتين لاندكروزر، واعلامي خارج المجلس الوطني عربة حكومية.

الجريدة


تعليقات 8 | إهداء 0 | زيارات 4360

التعليقات
#1343575 [أبكرونا]
5.00/5 (1 صوت)

09-21-2015 07:50 AM
والحاج المسطول نائب رئيس الجمهورية يقول ان الفساد لم يصل مرحلة الازعاج .. حاج مسطول ( قالوا اليومين ديل فى الحج ) .. أها بعد الحج حتقدر تخليها ؟؟؟

أكثر من 70 مليار دولار .. عائدات النفط .. كانت كفيلة باقامة النهضة الزراعيه والتى يحلم بها مواطن السودان منذ ان عُرف السودان وسمى بهذا الاسم .. نهضة كانت كفيله بان تجفف سوق العمل فى كل دول الخليج لتكون قبلة رزقهم فى السودان .. أكثر من 70 مليار دولار .. كان بامكانها ايضا ان تنشط قطاع الصناعة . ( زيوت .. جلود .. نسيج .. لحوم .. اسماك .. البان .. تمور .. خضروات .. وحتى البنقو البتشرب فيهو ).
بالله شوف العسكرى الابله دا ؟؟
بعد كل الملايين الفقدناها دى ال .. ال .. لم يصل مرحلة الازعاج !! الم تزعجكم الفاقة والعوز الذى يعيشه شعبكم ؟؟؟ الم تزعجكم حالة التسول التى يعيشها ؟؟ الم تزعجكم وفيات الملاريا بسبب البعوض والذى يكون فى وداع المغادرين حتى بمطار الخرطوم ؟؟ الم تزعجكم حمى التايقود بسبب جيوش الذباب التى تتنقل بين مدن السودان حاملة اسلحتها الفتاكه ؟؟؟ اما كان لهذه المليارات ان تقضى على كل الوبائيات التى يعانى منها مواطن السودان ؟؟ اما جزء من هذه المليارات بقادر على اصحاح البئه ؟؟
ال .. ال .. لم يصل مرحلة الازعاج ..

[أبكرونا]

#1343512 [كمال ابوالقاسم محمد]
0.00/5 (0 صوت)

09-21-2015 02:38 AM
الحاج بكري حسن صالح النائب الاول...قال تاني (مافي عضة)
وزير العدل الجديد...االعبقري النابغة...مجرد سؤال....(وينك..من الحاصل دا؟؟؟!!)

[كمال ابوالقاسم محمد]

#1343250 [ودكركوج]
0.00/5 (0 صوت)

09-20-2015 03:48 PM
بلدا مافيه تمساح يقدل فيها الورل...بعدين كورولا (Corolla) مش كوريلا.

[ودكركوج]

#1343238 [مندهش]
0.00/5 (0 صوت)

09-20-2015 03:34 PM
و الله ناس عينا ما بتتملى و الما لقيتو فى بيت ابوك بخلعك

[مندهش]

#1343228 [الحقيقة]
0.00/5 (0 صوت)

09-20-2015 03:21 PM
لقد استباحوا الدولة الله ينتقم منهم

[الحقيقة]

#1343150 [abdalla]
0.00/5 (0 صوت)

09-20-2015 01:14 PM
كوريلا وسوناتا وكامرى سيارات فارهه مازا عن اللكزس الماريسدس بي ام دبليو اودى بورشكاتب المقال احترموا عقولنا

[abdalla]

#1343109 [فدائى]
0.00/5 (0 صوت)

09-20-2015 12:05 PM
لا يبالون بنا ولايهمهم اى شى ويتحدو لابد من ردعهم فهل من رفيق؟

[فدائى]

#1343086 [أبو محمد الأصلي]
5.00/5 (1 صوت)

09-20-2015 11:37 AM
الله ينتقم منكم ببركة هذه العشر من ذو الحجة ، الواحد مغترب عشرات السنين وما قادر يدخل ليه عربية من حر ماله للسودان لأولاده في الجامعات في السودان . الله يجعلها قبور متحركة لكم ولأسركم ، حوادث تقطعكم سلطة ببركة واحد أحد كريم .

[أبو محمد الأصلي]

ردود على أبو محمد الأصلي
[الجن الكلكي] 09-21-2015 06:53 AM
هههههههههههه وين وين ياعالي تموت انت طوالي ههههههههههههه انتم المغترب لها شنو تشيلو وتحولو في العملة الصعبة ويجيبوا العربات ههههههههههه انا خدمة 37 سنة ووصلتة منصب كبير ولقت نفسي عوير كان قلت جزاك الله خير وجوزية خير كان اسع والي ولا ى معتمد عندي عربية امجاد محتاجه لعمرة وبتكلف 8 مليون انا اسع شايفه ذي ال8 مليار وكمان جاي خروف بس الخفف علي في واحد قال لي اللواء (م) فاتح له كشك ليمون في الحاج يوسف وسعادته هو درس دورات في روسيا وامريكا وفاتح كشك ليمون ذي الزول درس وتأهل في كافتريا تقول لي مغترب وماقادر تجيب عربية عربية شنو وبعدين ديل لابخافو من الله ام الشعب الرمه دا يستاهل وفي النهاية نهدي ليكم والعالم كل بسمع فلنأكل من ما نزرع(العجورة الواحدة ب 16000ج) وكيلو البامية ب 30000ج القرن الواحد ب 1500ج تقول قرن شطه بتاع الاتحاد الافريقي شوال تيراب ابو سبعين ب 1000000ج خلاص ونلبس من مانصنع سروال الشافع الصغير ب 25000ج تقول سروال ملكة بريطانيا الباعو بملاين الدولارات ويجي واحد ناطي يقول لك نحن محاربين عشان التوجه الحضاري بتاعنا قال ليك ابليس عنده اجتماع في جزيرة العرب اصدر قرار بسحب كل الابالسة والشواطين من السودان ولابده من ان يستفاد من هذه القوة الشيطانية في مكان اخر لقد تم تأهيل كل(المؤتمر وانتخب الترابي كبير الابالسة لمنطقة السودان وليبيا والصومال) قلت لي سوناتا دي عربية انا قايلة ملكة جمال الله يكون في عوننا وخلاص شطبنا

[هدهد] 09-20-2015 02:40 PM
ربنا يتقبل منك ومنا يابومحمد . ربنا ينتقم منهم دنيا وآخرة اكلوا مال العباد ومصوا دماء الكادحين لعنة الله عليهم .

[abdalla] 09-20-2015 01:18 PM
كوريلا وكامرى وسوناتا عربات عاديه جدا جدا الفارهه مارسيدس بي ام دبليو بورش ووو نحن ليس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة