الأخبار
منوعات سودانية
خلي ماما تشوفهم
خلي ماما تشوفهم
 خلي ماما تشوفهم


09-22-2015 08:26 PM
الخرطوم/ هاشم عثمان :
من طرائف ومفارقات فنون النصب والاحتيال ذكر صاحب محل لبيع وشراء وصيانة الموبايلات بإحدى أحياء الخرطوم المعروفة، إنه في وقت مضى حضرت اليه إحدى الفتيات ذات حسن وجمال وفي منتهى الأناقة، وهي تحمل في يدها شنطة نسائية صغيرة وسلسلة مفاتيح بها مفتاح كبير يبدو مثل مفتاح عربة.


وضعت الحسناء الشنطة والمفاتيح على كاونتر المحل وتتجول عينها في العاملين بالداخل وفي الموبايلات المعروضة على البترينات
قامت بالغاء التحية بكل أدب، وتساءلت إن كانت موبايلات
ذكرت أنواعها بالاسم وهي موبايلات حديثة تتراوح أسعارها ما بين( 5 - 6) آلاف جنيه.
كانت الإجابة نعم من صاحب المحل وقام باحضارها لها، فأخذت اثنين منهما وقالت لصاحب المحل : ممكن تخلي ماما تشوفهم هي قاعدة في العربية برة.
وبكل طيبة أجابها صاحب المحل: جداً مافي مشكلة.
تركت خلفها المفاتيح والشنطة النسائية الأنيقة على الكاونتر
ويامؤمن يامصدق.. مرت ساعات وكمان أيام وسنوات، ولسان حال عمك صاحب المحل لسة وحياتك منتظرين!! !.. وذهبت الفتاة مع الريح
قال إيه؟ قال: خلي ماما تشوفهم.

اخر لحظة


تعليقات 6 | إهداء 0 | زيارات 2969

التعليقات
#1344967 [Rebel]
0.00/5 (0 صوت)

09-24-2015 07:54 PM
* مش برضو اخف بكتير من المحتالين بتاعين "الدقون و شرع الله"!!

[Rebel]

#1344762 [النصب كتر في السودان]
0.00/5 (0 صوت)

09-23-2015 07:02 PM
خلغتو ليك بالمفتاتيح والشنطة والطلة؟!! حلوة لكن خلي ماما تشوفهم؟؟ بكدا المعروف وعدم والثقة بتقل بين الناس كتير؟


المشكلة بقى ما بتعرف الحرامي من ود الناس؟


قبل كدا اعرف واحد اخونا يشتغل في تحويل الرصيد نصب عليهو وواحد رصيد بـ2 مليون..جاءه يركب عربية اخر موديل ويحمل شنطة ومهندم جدا وشوه ابن ناس وقام حول ليهو الرصيد من شريحتو وصاحبنا اتاكد من الرصيد تمام وقام صاحبنا اتظاهر بانه عند مكالمة مهمة جدا لاخوه في الخرطوم وتعلل بأن شريحته فاضية وطلب من صاحبنا جواله لكي يجري المكالمة وفي لمح البصر قام بتحويل المبلغ ثاني لجواله واخذ الاثنين مليون وركبا عربيته وعندما خرج وركب السيارة التفت صاحبنا بأن الرصيد تم تحويله مرة اخرى.. وشرب اخونا المقلب إلى الأن خشمو ملح ملح

[النصب كتر في السودان]

#1344750 [أبكرونا]
0.00/5 (0 صوت)

09-23-2015 06:18 PM
أنت قلت جملية إحتمال خطفوها قبلما تصل لماما تشوفهم ههههههههههههههههههههههههه

[أبكرونا]

#1344679 [:::بيـكو:::]
1.00/5 (1 صوت)

09-23-2015 01:29 PM
خلي ماما تجي تدفع ليك

[:::بيـكو:::]

#1344621 [المتغرب الأبدي]
5.00/5 (2 صوت)

09-23-2015 10:09 AM
ليس طرفة بل خبر من المبكيات يوضح حجم التردي في الأخلاق الذي وصلنا إليه

[المتغرب الأبدي]

#1344474 [العركى]
0.00/5 (0 صوت)

09-22-2015 10:17 PM
هههههههههههههههههههههه الفنون فى السودان التعيس هل وصل الحال بنا الى هذا الحد فنون دخيلة علينا

[العركى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة