الأخبار
أخبار إقليمية
رئيس أركان الجيش : الحوار يستوعب كل أهل السودان
رئيس أركان الجيش : الحوار يستوعب كل أهل السودان
رئيس أركان الجيش : الحوار يستوعب كل أهل السودان


09-28-2015 11:58 PM
قال رئيس هيئة أركان الجيش السوداني، مصطفى عثمان عبيد، إن المرحلة المقبلة ستشهد انطلاق الحوار الذي سيخلق مناخاً يستوعب كل أهل السودان، ويتيح الفرصة لكل ألوان الطيف السياسي وحاملي السلاح بالمشاركة وصولاً لنتائج تُنهي كل الصراعات والتوترات.

وتلقى عبيد يوم الإثنين، تهاني عيد الأضحى، من أفراد القوات المسلحة بحضور نواب الأركان المشتركة، والمفتش العام للقوات المسلحة، ومدير إدارة العلاقات الدولية، والأمين العام لوزارة الدفاع، وقادة القوات المسلحة، وحضور كبير من الضباط وضباط الصف والجنود، والعاملين ببرجي وزارة الدفاع ورئاسة الأركان المشتركة.

وأعرب عن أمنياته الطيبة بالرفعة والسؤدد للقوات المسلحة، وأن يعيش السودان وشعبه في أمن واستقرار، وأضاف" الحوار يتيح الفرصة لكل ألوان الطيف السياسي وحاملي السلاح للمشاركة في بناء هذا البلد العظيم".

وترحم رئيس هيئة أركان الجيش على شهداء حادثة الرافعة بالحرم المكي والتدافع بمشعر منى من الحجيج، وتمنى عاجل الشفاء للجرحى، كما طمأن أفراد القوات المسلحة على زملائهم ببعثة الحج العسكرية بأنهم بخير وعافية.

وقال إن هناك تنسيقاً بين الجهات ذات الصلة بالمملكة السعودية وعلى مستوى عال، لترتيب وتسهيل الإجراءات المطلوبة كافة لعودتهم إلى أرض الوطن سالمين غانمين، سائلاً الله أن يتقبل من الجميع صالح الأعمال.


شبكة الشروق


تعليقات 7 | إهداء 0 | زيارات 1542

التعليقات
#1346653 [مدحت عروة]
1.00/5 (1 صوت)

09-29-2015 02:09 PM
ولماذا تريدون الحكم المدنى؟؟؟
ما كل الدول المحكومة مدنيا وجيوشها بعيدة عن السياسة ومحترفة تذود عن الارض والعرض والمواطن متخلفة وتعبانة وشعوبها تموت غرقا طلبا للجوء الى سوريا واليمن والسودان ومصر وليبيا والعراق وهلم جرا هذه الدول القوية المتطورة فى كل المجالات واعنى بها الدول المحكومة من العسكر والاحزاب العقائدية واعنى بالدول المتخلفة الضعيفة مثل المانيا وبريطانيا وامريكا واليابان وكور يا الجنوبية الشعبها ميت من الجوع ما زى كوريا الشمالية الشعبها متخم من الشبع اصلا دى ما عايزة نقاش ان الدول المحكومة من العسكر والاحزاب العقائدية دول قوية عسكريا واقتصاديا والدول المحكومة بالديمقراطية مثل الهند والمانيا وبريطانيا وامريكا مثلا دول متخلفة وجعانة وضعيفة لانهم معدنها بس سكر ونضم ما الديمقراطية زى ما قال نافع على نافع المفكر الاسلاموى الكبير الناس عايزنها فى السودان بس عشان السكر والعربدة!!!
كسرة:لا يا سعادتك انحنا لا نريد الديمقراطية نريد حكومة عسكرية قوية تضرب اى مواطن معارض وتكون حنينة على المحتل والمعتدى الاجنبى ولا كيف يا سعادتك؟؟؟؟؟؟؟؟؟
كسرة تانية:الجيش فى دولة افريقية قبل ايام لم يتجاوب مع الحرس الجمهورى العمل انقلاب بل ارجع الحكم المدنى ما زى عندنا هنا فى السودان اى ملازم يعمل انقلاب الا يتبعه باقى الجيش وطبعا ما شاء الله الجيش السودانى ومعه بعض العقائديين الافذاذ حكموا البلد اكثر من48 سنة حققوا فيها الاستقرار السياسى والتنمية المستدامة والازدهار والقوة وحافظوا على اراضى الوطن ولقنوا اى معتدى درسا لن ينساه ولا انا غلتان يا سعادتك؟؟؟؟؟؟؟؟؟
كسرة تالتة: الف مليون تفوووووووووووووووووووووووووووووووووووووو على اى انقلاب عسكرى او عقائدى يسارى او قومجى عربى او اسلاموى عطل التطور الديمقراطى فى السودان وخلانا بقينا حثالة وزبالة مثل مصر وسوريا والعراق واليمن وليبيا وهلم جرا ولحد هسع لم يحقق شيئا من استقرار سياسى او الحفاظ على وحدة واراضى الوطن وحماية المواطن !!!!!!!

[مدحت عروة]

#1346615 [المات رجاو]
0.00/5 (0 صوت)

09-29-2015 12:56 PM
ربنا يهون

[المات رجاو]

#1346596 [فدائى]
0.00/5 (0 صوت)

09-29-2015 12:29 PM
اقسم بالله لن نتحاور معكم حتى لو اتنازلتو عن الحكم الناس ياوهم بتتكلم على ثوره وانتقاضه حوار شنو كمان ماااافى طريقه سننتقم مهما تفعلو

[فدائى]

#1346588 [sudaniiy]
0.00/5 (0 صوت)

09-29-2015 12:20 PM
هذا هو المتحدث الرسمى
لحزب الجيس السياسى الديكتاتورى
المختفى خلف الانقلابات

[sudaniiy]

#1346584 [الناهه]
0.00/5 (0 صوت)

09-29-2015 12:08 PM
بامانه موضوع الحوار ده فيهو حاجات مامنطقيه تب زي
- هو الناس دايره تحاور المؤتمر الوطني عشان الحروب والسلام والمعيشه والهويه وطريقة الحكم والدستور وتحويل السودان الى دولة قانون ومحاربة الفساد وكونه يكون المؤتمر الوطني هو رئيس الحوار دي فيها ان كبيره جدا
- المؤتمر الوطني يجري الحوار وهو يحكم البلاد ويعتقل من يريد ويقفل اي صحيفه تقول بقم والبقول اخ بتلخ والاحزاب الداير يحاورهم ديل يا كافي البلاء فيها رؤساء بدون جماهير قواعد يعني يتفاهم معاهم ويعرف رايهم شنو معنى كده لا بد من ان يمنح المؤتمر الوطني الاحزاب والشعب السوداني الحريه عشان يحاورهم ولا شنو انغمتي كده ما بتنفع
- المتمردين والمؤتمر الوطني بيناتهم ازمه ثقه ونفوسهم مقفوله تب من بعض ومامكن يجوا لغايه عش الدبابير بنفسهم ودي صعبه لانها تراكمات من اكثر من 25 سنه وهنالك اتفاقيات بيناتهم اتلحست ورجعوا ينطحوا في بعض
- عموما مافيها حاجه لو قمتو وعملتو الحوار ده في واحده من الدول الاوربيه ووصاية شنو الخايفين منها ما اكتر من تلت ولايات السودان فيها قوات اجنبيه عشان تحرسهم وتحميهم من بعضهم البعض وكمان كل الاتفاقيات مع المتمردين والمعارضين ماتمت بره السودان زي نيفاشا وابوجا واديس ابابا والدوحه وجيبوتي والقاهره المره دي مالكم ابيتوا بره تب
- امريكا والاتحاد الاوربي والامم المتحده قالوا عايزين يساعدوكم في الحوار وهم قاعدين يساعدوكم طوالي وعندهم مبعوثين يقدموا ليكم النصايح طوالي يعني نفهم انه جوا الناس يساعدوكم في حفر قبر ابيكم قمتوا دسيتوا المحافير .. ياجماعه كفايه دواس خلاص البلد فلست وبترولها ضاع وذهبها قاعدين يهربوه والبهايم قلت من التصدير العشوائي حتى الاناتي والنيل السنه ما فاض والامطار قلت والبركه مشت ومافي طريقه الا بتغيير النفوس والله لا يغير ما بقوم حتى يغيروا ما بانفسهم ..ارجوكم اتغيرواسريع

[الناهه]

#1346493 [Algarfan]
0.00/5 (0 صوت)

09-29-2015 09:38 AM
انت مالك ومال الحوار الوطني انت في مؤسسه قوميه واجبك حمايه الوطن ,اما الحواردا شغل الساسه كان عليك ان تكتفي بقولك الذي اعربت فيه عن أمنياتك الطيبة بالرفعة والسؤدد للقوات المسلحة، وأن يعيش السودان وشعبه في أمن واستقرار، ولله كان نحترمك ونختك فوق راسنا بل نتاول عليكم في حاله الانزلاق نحو الهاويه كحالتنا اليوم في ستطباب الامن وخلق اجواء معافيه لحكومه انتقاليه تمهد لانتخابات حره نزيهه ولكن .....

[Algarfan]

#1346428 [ابو جلمبو]
1.00/5 (1 صوت)

09-29-2015 08:29 AM
جيش فاشل
مافي جيش بيحاور حرامية شالو سلاح وقتلو ناس وكمان من الجيش، انتو زيكم زي البشكير لانه منكم حرامية بتحاورو حرامية

[ابو جلمبو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة