الأخبار
أخبار إقليمية
رزق يقترح تأدية الخدمة الوطنية في الزراعة
رزق يقترح تأدية الخدمة الوطنية في الزراعة
رزق يقترح تأدية الخدمة الوطنية في الزراعة


10-02-2015 11:59 PM
اقترح إمام وخطيب مسجد الخرطوم الكبير، أن يعمل طلاب الخدمة الوطنية على زراعة الأراضي بدلاً عن تحمل الدولة نفقة معيشتهم، مضيفاً "من الأولى أن يقضوا الخدمة في الزراعة فالحرب في النهضة"، كما اقترح تخصيص يوم السبت لأعمال النظافة.

وقال الشيخ كمال رزق، في خطبة صلاة الجمعة، إن يوم السبت بعد أن تحول إلى عطلة أضحى يوماً للبطالة والتسكع، ودعا الحكومة إلى أن يكون "السبت" يوماً للنظافة من خلال حملات يشارك فيها الطلاب والموظفون بالدولة.

وأوضح أن النظافة تعتبر مسألة تربية وتنشئة والحكومة ليست وحدها المسؤولة عنها، وانتقد ضعف القيم الوطنية للسودانيين، وأكد أهمية استحداث الأشياء، لافتاً إلى أن الحياة أصبحت كلها رتابة ولا جديد فيها على حسب قوله.

ودعا رزق الجميع حكاماً ومحكومين إلى إعلاء قيم التربية الوطنية وغرسها في عقول الصغار والعمل الجماعي على استنهاض همم الناس، مبيناً أن ذلك يسهم في رفعة السودان وتقدمه، معبراً عن أمله أن تصبح البلاد في مقدمة الأمم تنهض في مجالات اقتصادية وحربية وتنموية.

وأشاد خطيب مسجد الخرطوم الكبير بقرارات وزير العدل الأخيرة بتكوين لجنة للتقصي في تجاوزات أراض بولاية الخرطوم، وأكد أن هناك أراضي لا حدود لها بيعت.

وحث على احترام القانون والعمل والزمن، والعمل على كشف الفساد قبل محاربته، وأضاف "لا يوجد احترام في العمل ولا في الوقت ولا في القانون.


شبكة الشروق


تعليقات 17 | إهداء 0 | زيارات 2274

التعليقات
#1351202 [adil mohyeddin]
0.00/5 (0 صوت)

10-08-2015 12:47 PM
كان يمسكونى حكم السودان دة شهر:
عشان امشِّى الحرامية من الرجال (مشى العقرب)والحراميات امشيهن (شَدَّت)!!
وحرامية الحكمومة امشيهم على حواجبهم !كيف؟يتصرفوا :عايز مشى على الحواجب!! عشان يعرفوا انه فى اللى بيعرف لاجرامهم !

[adil mohyeddin]

#1351172 [adil mohyeddin]
0.00/5 (0 صوت)

10-08-2015 11:55 AM
فى اواخر الثمانينات صادف شهر رمضان صيفاًقائظاً،وكانت الاوضاع المعيشية متردية!
المهم ان الامام خصص الجزء الاخير من خطبة الجمعة اليتيمة-كما نسميها- لوداعه !فاخذ ينوح بما يشبه الغناء قائلاً-بما معناه-((اوحشتنا يا شهر الصيووووم !!هىء هىء هىء!!!ليتك كنت 6 ستة اشهر متواليات هىء هىء هىء)!
وما ان خرجنا من المسجد حتى قال احد المزارعين (لو كنتا بتمسكلك موية فى اب سبعين ماكان اتمنيت كدى يااااااااا العاطل اب اضنين ))
هههههههههههههه

[adil mohyeddin]

#1351110 [adil mohyeddin]
0.00/5 (0 صوت)

10-08-2015 10:16 AM
ان الحديث عن الفساد فى شندى يحتاج الى نظم وتلحين واستيراد مغنية اوبرا لكى تمد صوتها بالغناء للتأكيد على تمدده وانتشاره كالنار فى الهشيم :
مثال:
انبوبة الغاز يسلمها الوكيل (الكبير اوى)الى الوكلاء ال(سُغَار)بسعر 25 جنيه للانبوبة كى تصل الى الموزع فى القرى والاحياء بسعر35جنيه حسب افادته!
ثم تم ابتداع فكرة التوزيع عن طريق حصص عبر رؤساء اللجان الشعبية بتدخل من المحلية!
وعندما عانى مواطنو قريتى من الوكيل ذهبت الى مكتب الامن لتغييره الى آخر ،فقالوا امشى كلم وكيل شركة النيل!
قال وكيل النيل دة ماشغلى ارجع ليهم-انتا قبيل جيتنى؟
-وجدت كلامه منطقيا فرجعت وطلبت تحويل الحصة الى المدعو(اب شنب)فرفض الشخص المعنى فى مكتب الامن طلبى!
ثم اسر لى احدهم ان اب شنب شخصية وهمية!
طيب:طالما ان اب شنب شخصية وهمية فهذا يعنى ان وراءه(ثعلب ذو ضنب)!!
الآن سعر الانبوبة مابين 50-80 جنيه وعلى عينك ياناس الامن الاقتصادى والشرطة وحرس الصيد الخ!!ياخى اعملوها بى 50 جنيه ويكون البيع من مركز الكبير اوى مباشرة:او سلموها طرمبات البنزين !!الغاز فرقه شنو من باقى مشتقات البترول؟فى كل العالم يباع من خلال محطات الوقود!!
لكن نحن مخالفين فى اى حاجة!
-ذهبت الى احدى المؤسسات لاجراء معاملة معينة :آخر حاجة قالوا الزول المعاهو الختم مشى الفطور!!!!
قلتا ليهم دة معيَّن فى مهنة(فنى ختم )يعنى ولا شنو؟
ذكرونى واحد سودانى كان شغال فى مشروع دواجن فى ليبيا مهمته قطع مناقير الدجاج بكاوية حتى لا يؤذى بعضه!!
خانة المهنة كان مكتوب عليها فى بطاقته :فنى مناقير!!
وبما انى كنت مقدم فى مهنة فنى معمل بايولجى لانهم عايزين ناس فى مجال التلقيح الصناعى قلتا للسودانيين انا متخارج يقوم يعينونى ويكتبوا لى فى بطاقتى(قواد تيران)ههههههههههههههه

[adil mohyeddin]

#1349281 [adil mohyeddin]
0.00/5 (0 صوت)

10-05-2015 06:48 AM
هذا ماطبقه الرئيس الكوبى فيديل كاسترو روس قبل خمسين عاما:

عندما فرض ان تكون الخدمة الوطنية فى ان يقدم كل مواطن -من الشعب البالغ تعداده آنذاك خمسة ملايين نسمة-ان يقدم 7غرسات بُن! وان يقدمها رب الاسرة عن القُصَّر فى اسرته ،فجمع بذلك 35مليون غرسة !!استصلح لها ارضا حجرية تم تفتيتها وتحويلها الى تربة بمعاونة السوفيت!!وقبل ذلك كان قد فرغ من انشاء سد اطلق عليه اسم سد فيتنام على نهر كوتو !وقال بضرورة تعليم الشباب مبادىء وقيم الوطنية بطريقة منهجية فخصص جزيرة تابعة للدولة بنى فيها مرافق تعليمية لهذا الغرض -قبل انخراط الطلاب فى الدراسة الجامعية،اطلق عليها اسم(جزيرة الشباب)!

[adil mohyeddin]

#1348934 [علاءالدين عبدالواحد]
0.00/5 (0 صوت)

10-04-2015 11:31 AM
حسبنا الله ونعم الوكيل في الحقيقه خربانه من كبارها يا مولانا خليك في قال الله وقال الرسول وافتي فيما انت اهل له ..............
يعني لوعندك طبيب يقضي خدمته زراعه الله ازرع ليك نخله في عينك
المفروض الخدمه تكون فيما انت اهل له لو كان الطبيب خدمته في الطب الكل مستفبد وهو ايضا مستفيد وبعدين الناس البتزرع والمتخصصه في الزراعه هل المناخ مهيأ لهم لو كل واحد اشتغل بتخصصه كان البلد دي مشت لي قدام لكن الحاصل يجيبو ليك فاقد تربوي قريب فلان مدير كذا والمتخصص في كذا دي زاته موظف عادي وابسط حقوقه ما لاحقه وكمان امام الجامع بيفتي في الطب والهندسه ..........
الله يرحمكم من امه

[علاءالدين عبدالواحد]

#1348867 [ترنتي]
0.00/5 (0 صوت)

10-04-2015 09:39 AM
الشيخ دا بفتي في كل شيئ

[ترنتي]

#1348596 [ود احمد]
0.00/5 (0 صوت)

10-03-2015 05:28 PM
انتو خليتو فيها زراعة بعد ربع قرن من الزمان والتهريب والفساد وللهط تاتوا

[ود احمد]

#1348545 [مدحت عروة]
5.00/5 (1 صوت)

10-03-2015 01:46 PM
التربية الوطنية والاخلاق والقيم الحميدة بتجى فى ظل الحرية والديمقراطية وحكم القانون اما الحكومات العسكرية والعقائدية الديكتاتورية ما بتجيب غير العهر والدعارة والقذارة السياسية مفهوم يا كمال رزق ولا داير ليك فهامة؟؟؟
ده شنو ده البلد الغوغاء والجهلة والفاقد التربوى طالعين فى الكفر اعوذ بالله!!!!!!
كسرة:هسع عليك الله يا كمال يا رزق احسن اخلاق الدول الديمقراطية فى الغرب ولا اخلاق المتاسلمين اللالامين فى اسلام صحيح ولا قيم انسانية انت ما شايف الناس كلها هجرة ولجوء لاوروبا وامريكا عشان يلقوا الحرية والكرامة الانسانية ايها الفشلة العواليق؟؟؟؟انظر حواليك وشوف الناس بتمشى وين هل تذهب الى ايران او السوداهن او غيرها من الدول الفاشلة العواليق؟؟؟حتى الاسلامويين واشباههم بيمشوا الغرب هم واسرهم بعد ما يدمروا اوطانهم اولاد الكلب واولاد الحرام اخ تفووووووووووووووووووووووووووووووووووووووووووووووووووووووووو على الحركة الاسلاموية وعلى الاسسوها كمان يا شيخ!!!!!

[مدحت عروة]

#1348492 [م محمد الحاج]
5.00/5 (2 صوت)

10-03-2015 11:31 AM
اقتراحك مرفوض زراعة شنو عشان ياكلوا هم ونموت غما نحن
النظافه قاعدين ندفع قروش للدوله لزومه شنو تدخلنا فيها عمال كدي انزل نظف انت واولادك بعدين برانا بنجيك
الاجازة في نظرك كدا والله انت ما عندك موضوع نحن مستفيدين منها بنصل الارحام عشان الله يرضي عننا ونطالب بيوم اجازة زياده عشان نكفي ارحامنا كلهم
والله ي مولانا انت كلامك دا عجيب شديد
يا جماعة اتاريه العقل نعمة كبيرة

[م محمد الحاج]

#1348476 [عبدو]
1.00/5 (1 صوت)

10-03-2015 11:05 AM
اقتراح ممتاز اتمنى ان تتبناه المجموعات الشبابية قبل الدولة لانه يقوي روح الوطنية المفقودة ويخلي الجيل الجديد يفرق بين مصلحة البلد ومصلحة الحكومة .. مشكلة السودان ظلم بنيه بدعوى اسقاط النظام عمل كل شي ضار بمصلحة البلد والنظام عايش احلى عيشه والمتضرر المواطن والاجيال القادمة .. دعونا نتبنى ذلك الطرح الجميل في كل المواقع والمساجد والكنائس ومواقع التواصل الاجتماعية

[عبدو]

#1348473 [ابو كدوك]
0.00/5 (0 صوت)

10-03-2015 10:59 AM
قبل فتره قليله لدى صديق عزيز ضاق زرعا بزوجته وقال لى انا لازم اطلقا المره دى

كنت اعلم يقينا انه لا يستطيع لانه يحبها منذ ايام الجامعه ولديه طفله لم تكمل العام بعد .

المهم كنا معزومين مناسبة زواج واثناء مراسم الزواج التقينا بمازون فقام صديقى بمفاتحته فى الموضوع وساله عن سعر ورقة الطلاق

كنت اعتقد ان المازون سوف يوبخه ويطلب منه التراجع عن هكذا تفكير , ولكن تفاجات به يقول لصديقى " بصراحه ورقة الطلاق ب 200 جنيه لكن عشانك جيب 150 بس " ضحكت بصوت عالى لا اراديا حتى التفت الجميع , وقلت له يامولانا بالغت لكن عاد بدل تصلح وتقول " ان ابغض الحلال عند الله الطلاق " طوااالى خاشى مساومه هههههه

قالى " انت اسكت ساكت اطلع منها بس انت ياعجوز لاتعرس لا تخلى غيرك يشتغل "

ضحكنا وتجازبنا اطراف الكلام وفى نهاية الونسه قال صديقى بطرافة يحسد عليها انه مستكتر فى زوجته حق ورقة الطلاق .. لا ادرى اضحك ام ابكى " حقيقه هم يضحك وهم يبكى
" شفتوا وصلنا وين " .

[ابو كدوك]

#1348461 [إنسان السودان]
0.00/5 (0 صوت)

10-03-2015 10:33 AM
أين موارد البلد وما عمل البلديات وصحة البيئة ( يعنى خوت العقول وإمتلأت الشوارع بالوسخ وقشور الفول )وكما للإنسان حقوق فللوطن حقوق ( ومن لم يجدها فليبحث عنها فى كلية الحقوق )

[إنسان السودان]

#1348413 [عماد]
0.00/5 (0 صوت)

10-03-2015 09:18 AM
كلا م ممتاز وعقلاني جدا نتمني ان تلتزم الحكومة به فالزراعة مهمة جدا

[عماد]

#1348412 [سيف]
5.00/5 (1 صوت)

10-03-2015 09:16 AM
وكمان مفروض تعمل كل الجهات النظامية في الزراعة والنظافة .. شرطة وجيش وابوطيرة وابوجلمبو .. كلهم لافين ساكت والحكومة تاكل فيهم ..وبدل مطاردت اصحاب الدرداقات وستات الشاي .. لانهم تحصيل حاصل .. الغرب مهدد ومحتل والنيل الازرق والشرق .. الاثيوبيين بقو يزرعو ولمن يحصدوا كمان داخل اراضينا ..

[سيف]

ردود على سيف
[بدري الصايم] 10-03-2015 01:17 PM
اقترح مشروع الجيش الاخضرتساهم فيه كل القوات النظاميه بنسبة مقدره من القوه


#1348403 [عمر عدالة]
0.00/5 (0 صوت)

10-03-2015 08:51 AM
من المفترض الاستفادة من طلاب الخدمة الوطنية في قطع اشجار المسكيت التى اصبحت المهدد الرئيسي للزراعة والمياه الجوفية في السودان 0000 مع تخفيض مدة الخدمة ستة اشهر مثلا ..... مع تحفيزهم .

[عمر عدالة]

ردود على عمر عدالة
[adil mohyeddin] 10-08-2015 08:36 AM
صحيح التوريد الالكترونى فكرة جهنمية للوزير بتاع المالية وبمثابة صاروخ اسكود ردم بيهو الحرامية !لكن مثلما ان كل فولة ليها كيَّال وكل دقيق عندو غربال فإن كل اسكود ليهو باتريوت ممكن يرميهو !!وزماااااااااان البالونات الحرارية طرطشت سام 6 اللى الامريكان عرفوا انه بيبارى حرارة محرك الطائرة !!وال..... Na بيطرطش حاسة شم الكلب البوليسى يومين هههههه

European Union [adil mohyeddin] 10-07-2015 06:30 AM
بالامس -وبعد كتابتى للتعليقات ادناه-سافرت الى الدامر لمقابلة وزير الزراعة فحال بينى وبينه مدير مكتبه واحالنى الى مدير المشاريع الذى للحق تفهم المشكلة !اما مدير الجلوجيا الذى كانت لديه خلفية عن الموضوع وسبق ان سلمنى خطاب يقضى بايقاف جميع كمائن الطوب من حجر العسل جنوبا الى الضيقة شمالا فقد علمت انه توفى فى حادث رحمه الله!ثم افادنى من حل محله ان تراخيصص الكمائن قد تبعت للمحاجر فرع الدامر !وان الترخيص يأتى بعد موافقة الزراعة ! المهم حاولت ان اساعدهم فى دفن ابوهم دسوا المحافير !!كنت اريد افهامهم ان التوريد الالكترونى به ثغرات يمكن ان تحيله الى طبلة على حزام (جكسا فى خط 6 )بتاع زمااااااااااااااان!!

European Union [adil mohyeddin] 10-05-2015 10:41 AM
آآآآآآآآخ
زماااااااااان :قالوا للجمل خد الزمارة زمر ،قال ياريت شفايفى مضمومة وصوابعى مبرومة!!
هسع البوم بقى يعزف وبالنوتة ويغنى على كل السلالم كمان،فى السودان!

European Union [adil mohyeddin] 10-05-2015 10:27 AM
يعنى مفروض المحليات ماتمنح رخص تجارية الابعد صاحب العمل يبرز رخصة ممارسة المهنة من قبل جهة الاختصاص(فرع عطبرة)وبعد استيفاء رسوم الجلوجى الزائر وسداد 800جنيه ضريبة الفدان وضريبة البوصة100جنيه عن مضخته المائية وقبل ذلك موافقة وزارة الزراعة لان الاصل فى الاراضى النيلية هو الزراعة!ولا ما كدة يامتعلمين يا بتوع التوريد الالكترونى!مرات فى تصرفات حكومية بتخلى الواحد يتذكر نكتة الصعيدى اللى عمل لى مرته طبلة فى حزام الاسكيرت حقها لما قررت تمشى موضة

European Union [adil mohyeddin] 10-05-2015 06:46 AM
القرار الجمهورى283-2015م حظر قطع الاشجار لمدة خمس سنوات ،بما فى ذلك اشجار المسكيت !وربما لان هناك فكرة فى استحداث صناعة الخشب المضغوط (الموسونايت)!
ولكن مين يطبق؟
-90 بالمائة من كمائن الطوب فى ولاية نهر النيل مخالفة لقانون المناجم والمحاجر لسنة 1972 المعدل فى 2005! مما يفوت على خزينة الولاية الاف الجنيهات !
ولكن القانون نفسه يتعارض مع القرار الجمهورى!!

وزارة الزراعة لاتحفل بالاراضى التى تتلفها الكمائن ربما لانها لاتعلم ان موافقتهاشرط رئيس بينما لوائح هيئة الابحاث الجلوجية والتعدين صاحبة الحق فى منح تراخيص الكمائن تاتى من حيث الضرورة بعد موافقتها

والمضحك ان المحليات تفرض رسوم ترخيص عمل تجارى على اصحاب الكمائن الذين لم يحصلوا اصلا على ترخيص جهة الاختصاص ومن قبلها وزارة الزراعة!

جبانة هايصة!


#1348400 [عودة ديجانقو]
5.00/5 (2 صوت)

10-03-2015 08:48 AM
ودعا الحكومة إلى أن يكون "السبت" يوماً للنظافة
****************************************************
خدمه وطنيه يعنى يشتغوا مجانى وناس البلد يصرفوا وهم نايمين فى بيوتهم..تنوم عليك حيطه تجيب أجلك إنت ومرتك وأولادك يا منافق.

وليه ما يكون يوم الجمعه على الاقل الناس ماتشوف خلقتك فى الجامع.

[عودة ديجانقو]

ردود على عودة ديجانقو
[adil mohyeddin] 10-09-2015 12:44 AM
من الخطأ تحديد السلوك الحميد الواجب بيوم محدد!!النظافة مفروضة على الانسان فى كل وقت !! فتخصيص النظافة بيوم معين سلوك خاطىء لاسيما مع الصغار لانه يعنى ((كون اخرق ومعفِّن كل الاسبوع عدا يوم كذا ))!!ولا ما كدة ياشيخ يا متعلم يابتاع النظافة من الايمان!!لم يقل النظافة من الايمان يوم السبت !

United States [questlove] 10-03-2015 06:52 PM
مرتو و اولادو عملو ليك شنو ؟


#1348340 [truth]
5.00/5 (1 صوت)

10-03-2015 03:01 AM
*"لا يوجد احترام في العمل ولا في الوقت ولا في القانون...انتهى...هو اساسا فى عمل لا فى قانون و الوقت اصبح مزورا مثل العملة على رجل امام ان يتحدث فى اسباب تدهور ما ذكر و كمان عايز الموظفين يشيلو مكانس و قفف و ينظفوا ليه القصة من المشروع الحضارى قلبت بقت مشروع كوريا الشمالية

[truth]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة