الأخبار
أخبار إقليمية
حزب الترابي : موقف حركة غازي من الحوار" زعل "
حزب الترابي : موقف حركة غازي من الحوار" زعل "
حزب الترابي : موقف حركة غازي من الحوار


10-03-2015 06:39 PM
الخرطوم: محمد البشاري :
قطع الأمين السياسي للمؤتمر الشعبي عضو آلية الحوار كمال عمر بأن مصداقية الحوار وشمولية محاوره أضعفت مواقف القوي السياسية التي تنادي بالتدخل الدولي وأصبح أمامها خيار واحد هو الحوار، وأضاف" الحوار أخرس كثيراً من الألسن وأحزاب كثيرة كانت تفتكر أن هذا الحوار عبثي وللاستهلاك السياسي واتضح أنه قائم على مصداقية عالية"، ووصف موقف حركة الإصلاح الآن من الحوار بأنه موقف غير مؤسس وأنه أقرب لـ" الزعل " ، وكشف عمر لبرنامج" مؤتمر إذاعي" الذي بثته الإذاعة القومية أمس عن تلقيهم إتصالات من عدد كبير من الأحزاب تبين لها أن الموقف الصحيح لها هو الحوار، مشيراً إلى أن حزبه لديه إتصالات وحوارات مع قوى سياسية والجبهة الثورية لإقناعهم بالحوار، وزاد" ودا تحت رعاية الأمين العام للحزب حسن الترابي، مؤكداً أن دعوات حضور مؤتمر الحوار ستصل لكل الأحزاب والحركات بما فيها الحزب الشيوعي، وأشار عمر إلى أنهم وجدوا خلال لقائهم بالرئيس التشادي ما فاق تطلعاتهم من خلال تعبير ديبي عن استعداده لتقديم كل ما يملكه لدعم الحوار.

اخر لحظة


تعليقات 13 | إهداء 0 | زيارات 1869

التعليقات
#1348986 [فدائى]
0.00/5 (0 صوت)

10-04-2015 01:03 PM
هل تستطيع ياكمال عمر حكومتك دى دفع مرتبات الناس الفصلوهم ظلم من 89 لحدى اسى هل تستطيع حكومة السجم دى تعويض نازحى دارفور الفى المعسكرات ديل هل تستطيع حكومة الحراميه ديل تقوم الناس الكتلتم من 89 لحدى اسى تقوم وليس تعوض يعنى تحييهم تانى وحاجات كتييييره لو كانت بتقدر على الكلام ده مافى مشكله امكن نحاورهم ولو مابتقدر بنقول ليك اركب الزلط ياكوكو ومااااااااااا نشوف وشك ده بى قرب

[فدائى]

#1348946 [دلدوم]
0.00/5 (0 صوت)

10-04-2015 11:57 AM
ديكتاتور تشاد يدعم الحوار او الخوار،،اظن كمال عمر يعني الهرار..مش كان احسن تشوفو ليكم فكي كارب من سنار

[دلدوم]

#1348893 [مبارك]
0.00/5 (0 صوت)

10-04-2015 10:23 AM
والله نحن اهل البيت محتارين نصدق وﻻ نكذب حوار الطرشان ده الليه عشرة سنوات ما بدا ده انا ما عارف الناس دى عايزة تتحاور على شنو 25 سنة هى عمر اﻻنقاذ وهى فى حوار دائم واتفاقيات ﻻ حصر لها بالله معقول يكون فى شئ غفلت عنه كل الحوارات التى سبقت ؟!!! ﻻ اعتقد ذلك لكن هى الحرب والمكيدة برافو الحركة اﻻسلامية ارفع لك القبعة اجلالا وتقديرا !!!!!

[مبارك]

#1348891 [أبو محمد الأصلي]
0.00/5 (0 صوت)

10-04-2015 10:18 AM
والله انت اخير منك كمال ترباس ، تربس الله مخارجك .

[أبو محمد الأصلي]

#1348847 [أبو محمد الأصلي]
0.00/5 (0 صوت)

10-04-2015 09:12 AM
كضاااااااااااااااااااااااااااااااااااااااااااااااااااب يا كمال عمر خليك في الحلم بتاعك ده الهدف كله جرجرة الصادق المهدي للحضور للسودان وده ما حيحصل لو ما حصل شي ملموس في في الحمار (الحوار) بتاعكم ده وبعدين يا اخي لو في حوار حقيقي ممكن يتم بدون الصادق المهدي لانه حزب الأمة موجود بالداخل وعندما بتأك الرجل أنه في شي يرجى من الحوار حيرجع بدون توسلات ودموع تماسيح .
نصيحة مرة أخرى للسيد الصادق المهدي ما ترجع السودان أبداً في الوقت الحاضر خليهم يتباكوا بدموع من دم ، وفوض مريم بنتك تشارك في الحوار لو شي ملموس ممكن ترجع غير كده ما تحقق أحلامهم في عودتك للسودان .

[أبو محمد الأصلي]

#1348808 [قلام الفقر]
0.00/5 (0 صوت)

10-04-2015 08:12 AM
ياكمال عمر عن اى شئ انت تتحدث؟؟؟؟ ياكمال عمر انت طعنت فى السن, فمن الاجدر ترك التصريحات الى شخص اخر اقدر, وشخص يقدر المواقف بقدرها.
ياكمال عمر انت تتحدث فى وادى وبقية اعضاء حزبك يتحدثون فى واد اخر.
ياكمال عمر حوار شنو والكلام الفارغ البتسوى فيهو ده.
ياكمال عمر اين من اطلقة شيخك (النظام الخالف), انت لا تعلم بهذا الامر.
بعدين ياكمال يامضلل, واللقمة السلسة للمؤتمر الوطنى, اتكلم كلام جاد, واترك بقية الاحزاب تقول ما تشاء, وليس لك اى حق ان تتحدث عنها فى قولك (كلام زعل), هل فوضوك للتحدث عنهم لرأب الصدع بينهم والمؤتمر الوطنى الذى هم انفسهم غير عابئين بة.
نمشى ونجى, ونقول لك انت ياكمال شخص متهور تتطلق التصريحات دون النظر لعواقبها, وده سببو انك عجوز طاعن فى السن وخرف على وجهه التحديد, لان هذا الكلام والاستمالة للمؤتمر ىالوطنى, لايصدر الا من رجل (راحت عليهو كل شئ).
نصيحتى ليك ان تلزم بيتك والفروة وتسيبك من المابتقدر عليهو ده, يامتشعبط. ولا قابض من الفسدة؟؟؟؟

[قلام الفقر]

#1348745 [adil]
0.00/5 (0 صوت)

10-04-2015 02:09 AM
عن اى جدية ومصداقيه يتحدث هذا المعتوه

[adil]

#1348734 [adil a omer]
0.00/5 (0 صوت)

10-04-2015 01:29 AM
حبيبى كان زعلان انا بالاكتر

زعلان ما زعلان العنقره بس

الحساب والقصاص من الانجاس

[adil a omer]

#1348724 [كمال ابو القاسم محمد]
0.00/5 (0 صوت)

10-04-2015 12:33 AM
لن تنحدر اي قوة أو منظمة سياسية داخل السودان أو خارجه للرد أو التعليق على هذا الثرثار (الحامض) فكل مايصدر عن هذا(الزعرور) لا يعدو كونه...تزحر..وتوجع وطحير ونهيم...يعبر عما (يتلبسه) من هم وغم وقلق...فيخرج توتر ه عالي الدرجة والنبرة....أنينا ونحيما وتوجعا مما تخبئه الايام

قال (فلان)
مالك لا تنحم يارواحة...ان النًحيم للسقاة راحة

يا كمال (روق المنقة شوية...انت والرجروجة بتاعك ترابي دا...!!!)
وخلينى استلف لازمة (المصهين اليوين ديل...عبد اللطيف بولينا)
أنا ما بفسر وانت ما بتقصر..ز!!!

[كمال ابو القاسم محمد]

ردود على كمال ابو القاسم محمد
[مبارك] 10-04-2015 10:26 AM
دى اساليب رخيصة وركيكة يا كمال ترفعوا عن السب واللعن ﻻنها ليست من صفات المسلم


#1348692 [على على]
0.00/5 (0 صوت)

10-03-2015 10:14 PM
يعنى الحكومة السرقت وقتلت ونهشت اعراض الناس ورفدت وفصلت الجنوب وشوهت الاسلام وتفهت الوطن واذلت المواطن وخادعت ربنا وسقتنا بولنا واكلتنا فضلاتنا وفضلات باقى العالم وبنت الابراج فى ماليزيا ودبى والخ الخ الخ
تتكرم وتتنازل وتملكنا رقابا وجيوبا
والله الواحد لو ادوهو بنقو بكرى وريالة عبد الرحيم وركب البشير وشنات اسحاق وبورة سامية ممكن يصدق

[على على]

#1348648 [التجاني]
0.00/5 (0 صوت)

10-03-2015 08:11 PM
مصداقية الحوار وشمولية محاوره


منذ اكثر من عقدين نسمع هذا الكلام و ما شفنا حاجة يا سيد كمال
خليك من عقدين .. منذ عامين .. أين (الوثبة) ووين مصداقية جماعتكم وشمولية محاوريكم ؟؟؟؟

[التجاني]

#1348646 [ابوالرووس]
5.00/5 (2 صوت)

10-03-2015 08:07 PM
استعداد ديبي بتقديم كل ما يملكه لدعم الحوار في السودان ؟؟؟

والله سجم السودان .

[ابوالرووس]

#1348638 [متعشم]
3.00/5 (1 صوت)

10-03-2015 07:43 PM
تعيشو و تشوفوا لو نجح الحوار و يا خبر بقروش بكرا ببلاش

[متعشم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة