الأخبار
أخبار إقليمية
اعتصام اللاجئين السودانيين في الاردن
اعتصام اللاجئين السودانيين في الاردن
اعتصام اللاجئين السودانيين في الاردن


10-04-2015 02:03 PM
يعاني اللاجئيون السودانيون من ظروف قاسية في الأردن ونظموا مظاهرة سلمية اليوم الموافق 4/10/2015 امام مفوضية الامم المتحدة في خلدا نطالب بالحقوق الأساسية كبشر ولاجئين حسب ما نصت في الاتفاقيات والمعاهدات الدولية.


خطاب الي المفوضية السامية لشؤون اللاجئين
مكتب الأردن

نحن اللاجئين السودانيين نعاني من ظروف الحياة القاسية في الأردن لذلك نظمنا مظاهرة سلمية نطالب بالحقوق الأساسية كبشر ولاجئين التي نصت في الاتفاقيات والمعاهدات الدولية.
مطالبنا كالتالي:
1/اجراء مقابلات توطين وفتح الملفات المغلقة وسرعة الاجراءات ما بعد التوطين
2/رفض الاستفزاز والتهديد من قبل موظفين المفوضية تجاه اللاجئين السودانيين
3/أيجاد حل جذري لكافة مشاكل اللاجئين السودانيين في الاردن
4/الاهتمام بالمسنين والاطفال والاسر
5/عدم تفويض الروابط واللجان والجمعيات بالتحدث باسم اللاجئين السودانيين
6/تقديم كافة الخدمات الصحية والتغطية الشاملة لكافة الامراض المزمنة وغيرها
لماذا؟ وماهي الاسباب:نحن اللاجئين السودانيين اكثر من4000 لاجي افراد واسر لم نتلقى أي مساعدات وان وجدت محدودة
7/في حالة عدم تنفيذ المطالب المذكور اعلاه سوف يكون الاعتصام مفتوحا




تعليقات 7 | إهداء 0 | زيارات 4381

التعليقات
#1349802 [شلنكو]
0.00/5 (0 صوت)

10-06-2015 12:52 AM
في زول عاقل يمشي الاردن والله العظيم ديل افقر واخس ناس خلقهم الله خاصة ذو الاصول الفلسطينية ناس اعوذ بالله منهم
شوام شوم خلاس

[شلنكو]

#1349527 [Ahmed Abdelrahman]
0.00/5 (0 صوت)

10-05-2015 01:21 PM
غايتو مشيتو لبلد اهلهم من الجبابرة الفلسطينيين ومعروفين طبعا ديل اخير ليكم ترجعو بلدكم السودان

[Ahmed Abdelrahman]

#1349366 [رؤيا]
5.00/5 (1 صوت)

10-05-2015 09:05 AM
يا اخى فى زول نصيييييييييييح وعقله في رأسه يمشى يطلب لجوء فـــي بلد ع ر ب ى كده ينصفوا انفسهم من انفسهم أولا .. والله جنيتوا عديييييييييل كده .. يا اخ امشوا محل الاحترام ومحل حقوق الانسان ومحل لا فرق بين ابيض واسود ومحل الناس يتساون امام القانون وامام الحقوق وفى الإنسانية -- اعبروا البحر وفروا الى حيث تجدون ضالتكم واقل شيء واهم شيء تجدون الاحترام ...

نصيحة أولى وأخيرة اتخااااااااااارجوا .. لاجئين في الأردن قال .. تحيروا والله طيب ما كان اتخمدتوا في سودانكم احسن ..

[رؤيا]

#1349082 [alshrif]
1.00/5 (1 صوت)

10-04-2015 06:20 PM
بسم الله الرحمن الرحيم
اصلي واسلم على النبي الامين
الاخوه اللاجئين في الاردن السلام عليكم وربنا يحفظكم
قراءت خطابكم الموجه الي المفوضية السامية لشؤون اللاجئين
مكتب الأردن.
وذكرتم . بانكم تعانوا من ظروف الحياه القاسيه في الاردن لكونكم لاجئين،
وطالبتم
1/اجراء مقابلات توطين وفتح الملفات المغلقة وسرعة الاجراأت ما بعد التوطين
يجب ان تكون مطالبكم وفقا للحقوق اللاجئين الوارد في اتفاقية جنفا 1951
والتى تنص بان اللاجى المقبول . له الحق في الحلول الدائمه .الثلاثة.
1/ الاندماج المحلي 2/ اعادة التوطين 3/ العوده الطوعية.
شرح الاندماج المحلي مثال السودان موقع على اتفاقيه جنفا واللاجى في السودان
يحمل بطاقه مكتوب عليها جمهورية السودان وزارة الداخلية معتمد اللاجئين . بطاقة لاجئ
يحق له العمل و التنقل و السكن و التعليم و العلاج .
اذا كان الاردن موقع على اتفاقية 1951 ، من حق كل لاجئ الاندماج المحلي .
2/ اعادة التوطين ، اذا كان الاردن غير موقع على الاتفاقية يتم سريعا اعادة التوطين الى
دول ثالثه، واذا كان الاردن موقع على الاتفاقيه واللاجئين تعرضوا لظروف معيشه صعبه وتهديد
امنى او اضهاد او سؤمعامله يحق لهم اعادة التوطين
اما 3/ العوده الطوعية. ، اذا زال نظام الانقاذ وحكم الشعب نفسه بالشورى والحريه والرفاهيه
والسلام ومحاسبت كل مجرم وزال الاضطهاد والبطش . حين ذلك ممكن تكون عودة طوعية.
كل ما اطلبه منكم ان تطالبوا بالحل الدائم ،لان كلمه لاجي هى وضع موقت وبعد ذلك يأتى
الحل وتصبح مواطن مع الحلول الثلاثه

[alshrif]

#1349077 [ودالضهبان]
5.00/5 (2 صوت)

10-04-2015 05:59 PM
ابنا وطني الاعزاء الهاربين من جحيم الاسلامين وحكم الجبهة الملعون في السودان اتركوا طيية السودانين دي واركبوا المتواسط زي الشوام والاريترين وبقية الافارقة هذا والحل الوحيد لا الاردان ولا بطيخ ما بحلوا ليكم مشكلة فا عليكم باالبحر الابيض المتوسط

[ودالضهبان]

#1349031 [معجب بيك]
1.50/5 (2 صوت)

10-04-2015 03:40 PM
وغير ديل والله في الاف في دول عربية قريبة زي مصر وليبيا
حقوا ناس الانقاذ اشوف واتفرجوا
ايه عمل مشروعهم الحضاري ف الامة السودانية
والله تلقي هسه ناس الحكومة ضاربين
قريشاتهم وهما قاعدين اتلفتوا
الله ياخدهم واريح الناس منهم
بلا اخمهم من بشيرهم للترابيهم
وكل عقابهم
يمهل ولا يهمل

[معجب بيك]

#1349021 [عمر موسي]
5.00/5 (1 صوت)

10-04-2015 03:03 PM
يا للفضيحة ...السودان مع ناس علي عثمان اصبح طاردا ..تشتت السودانيون في بلاد الله يبحثون عما يسد الرمق ..يبحثون عن حياة شريفة ..يتسولون المنظمات العالمية ..ولو فتحت الدول العربية والدول الغربية سفاراتها للسودانيين . .واعلنت تاشيرة لكل سوداني بدون شروط ..لترك الشعب السوداني البلد لعلي عثمان وعصابة الكيزان ..ليقيموا مشروعهم الحضاري علي رؤوسهم ..بخديعة الدين وضعونا تحت ااحذيتهم ..سرقوا البلد ...خربوا البلد .ضيعوا البلد ..قتلوا ..شردوا ...اشعلوا فتنة القبلية. .ونيران الحرب ...بلد اصبح كوشة ..بسبب الكيزان ...نتمني ان متنا في بلاد الغرب ان لا ندفن في السودان وفي حكم الكيزان .ملعون ابوكي بلد .

[عمر موسي]

ردود على عمر موسي
[عمر موسي] 10-04-2015 06:41 PM
الرد علي ابو جلمبو .....ملعون ابوكي بلد تتعبير لعنوان كاتب سوداني ..عندما ضاقت بعه الحال لعن حكام بلده وبلده التي لا تشبه بلاد الله ..البلد اصبحت ملعونه بحكم الكيزان وفسادهم ...ولو كنا سارقين لكنا مع الكيزان وللعنتمونا والبلد ذاته ..ولو لم يجد طفلك ثمن دواء للعلاج للعنت البلد ..والجمرة بتحرق الواطيها يا ابو جلمبو

[ابو جلمبو] 10-04-2015 05:26 PM
لما واحد يلعن بلده، والتاني يسرقها، يبقو الاتنين زي بعض

[ابو جلمبو] 10-04-2015 05:26 PM
لما واحد ينبز بلده، وواحد يسرقها، مافي فرق بيناتهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة