الأخبار
أخبار إقليمية
السودان استقبل أكثر من 60 ألف لاجئ سوري
السودان استقبل أكثر من 60 ألف لاجئ سوري
 السودان استقبل أكثر من 60 ألف لاجئ سوري


10-04-2015 08:59 PM
أعلن رئيس لجنة العلاقات الخارجية في البرلماني السوداني، محمد مصطفى الضو، أن بلاده قد استقبلت أكثر من 60 ألف سوري، وأكد أن السودان يعاملهم معاملة المواطن السوداني من جهة الحقوق والخدمات وفقاً لتوجيهات الرئيس عمر البشير.

وقد نزح ملايين السوريين داخل بلادهم وخارجها منذ اندلاع الثورة المتواصلة، منذ منتصف مارس 2011.

وقال الضو، في مقابلة مع وكالة "سبوتنيك"، إن السودان الآن استقبل ما يزيد عن 60 ألف سوري، وهذه الأعداد تتزايد يوماً بعد يوم، ونستقبلهم كأنهم سودانيون في بلدهم.

وأكد أنه مهما زاد عدد السوريين في السودان، فالسودان لن يمتنع عن استقبالهم، وسيفتح لهم الباب انطلاقاً من مبادئه ومسؤولياته في محيط عربي وإسلامي وإنساني".

وأضاف قائلاً " لن نقيم لهم معسكرات كلاجئين، بل استقبلناهم كالشعب السوداني والأسرة السودانية والحكومة السودانية"’ والآن تنشأ جمعيات طوعية لتلبية احتياجاتهم ولاستقبالهم ولرعاية ظروفهم واستيعاب أطفالهم في التعليم بمستوياته المختلفة.

وقال عضو البرلمان السوداني، إن الشعب السوداني يسعى بمعاملته للاجئين السوريين لأن يجعلهم يشعرون وكأنهم يعيشون في بلدهم.


وكالات


تعليقات 30 | إهداء 0 | زيارات 5986

التعليقات
#1350098 [بت ملوك النيل]
0.00/5 (0 صوت)

10-06-2015 12:50 PM
حكومة السودان شردت اهل البلد وجابت اهل سوريا محن الله محن

[بت ملوك النيل]

#1350079 [لبلاب]
0.00/5 (0 صوت)

10-06-2015 12:17 PM
افعل الخير ولا تنتظر الاجر والمثوبة الا من الله

[لبلاب]

#1349993 [sudani one]
0.00/5 (0 صوت)

10-06-2015 09:59 AM
الف مرحب بيكم في وطنكم الثاني وبين اهلكم وعشيرتكم..

[sudani one]

#1349688 [عبدالعظيم]
0.00/5 (0 صوت)

10-05-2015 06:48 PM
فــــــــــــــــاقد الشى لا يعطيييييييييه

[عبدالعظيم]

#1349597 [خارم بارم]
5.00/5 (2 صوت)

10-05-2015 03:22 PM
والله لو السودان عامل السوريين الهاربين من الحرب ديل معاملة المواطن السوداني من جهة الحقوق والخدمات وفقاً لتوجيهات الرئيس عمر البشير، بكره ما تلقى واحد فيهم قاعد...كلهم يرجعوا لبراميل بشار المتفجرة وقصف الروس العينة... أرحم ليهم مليون مرة من معاملة الإنقاذ لمواطنيها السودانيين.. الإنقاذ أصلاً لا تعتبر المواطن في أي مكان من السودان من فصيلة البشر.

[خارم بارم]

#1349580 [TIGERSHARK]
5.00/5 (1 صوت)

10-05-2015 02:49 PM
Most of the Syrian refugees will not settle down in Sudan unless they have no other options, it is a transit point to other destinations, they are desperately need help, so anyone can give them help please do, i wish them best of luck

[TIGERSHARK]

#1349529 [العيسابي]
4.25/5 (5 صوت)

10-05-2015 01:24 PM
لازم يندمجوا في المجتمع كل زول سوداني يتزوج سورية والسوري يتزوج سودانية خلوا اللون يفتح شوية وتوقفوا كريمات تفتيح البشرة أمرقونا من الظلمة دي شوية والشنا الفايته الحد ديل نعمة ساقها الله لكم ما تضيعوها .

[العيسابي]

ردود على العيسابي
[انا] 10-06-2015 09:05 AM
تعليق يا العيسابي يدل على سخفك و قلة أدبك للاسف ، والغريبة انو الزول البييعلق زي تعليقك دا بكون في قمة القباحة و الشنا و الظلمة و السواد

[هنا امدرمان] 10-05-2015 03:30 PM
بنحب من بلدنا
محمد وردي
ﻣﻴﻦ ﻓﻲ ﺍﻟﺪﻧﻴﺎ ﺩﻱ ﺃﺟﻤﻞ ﻣﻦ ﺑﻨﺎﺗﻨﺎ
ﺍﻟﻠﻴﻬﻦ ﻗﻠﻮﺑﻨﺎ ﻭ ﺍﻟﻔﻴﻬﻦ ﺻﻔﺎﺗﻨﺎ
ﺍﻟﻜﺎﻣﻨﺎﺕ ﻓﻲ ﺭﻭﺣﻨﺎ ﻭ ﺍﻟﻌﺎﻳﺸﺎﺕ ﻓﻲ ﺫﺍﺗﻨﺎ
***
ﻓﻲ ﺣﻠﻔﺎ ﺍﻟﺒﺪﺍﻳﺔ ﺃﺣﻼﻣﻲ ﻭ ﻫﻨﺎﻳﺎ
ﺃﻧﺎ ﻋﺎﻳﺶ ﻟﺤﺒﻲ ﺍﻟﻤﺨﻀﺮ ﺑﺮﺍﻳﺎ
ﺍﻟﻨﺎﻓﺮﺓ ﺍﻷﻟﻴﻔﺔ ﺳﺖ ﺭﻭﺣﻲ ﻭ ﻫﻨﺎﻳﺎ
***
ﺃﻧﺎ ﻟﻲ ﻓﻲ ﻛﺮﻳﻤﺔ ﺷﺎﻳﻘﻴﺔ ﻓﻲ ﺷﻠﻮﺧﻬﺎ
ﻧﻌﺘﺰ ﺑﻲ ﺻﻔﺎﺗﻬﺎ ﻣﺎ ﻧﺠﻬﻞ ﺗﺎﺭﻳﺨﻬﺎ
ﻣﺎﻫﺎ ﺍﻟﻤﺎﺑﻴﺔ ﺭﻳﺪﺗﻲ ﻭ ﻣﻮ ﻳﺎﻫﺎ ﺍﻟﻤﺴﻴﺨﺔ
***
ﻓﻲ ﺷﻨﺪﻱ ﺍﻟﻌﻈﻴﻤﺔ ﺗﻠﻘﻰ ﺑﻨﺎﺕ ﺟﻌﻞ
ﻭﺍﺣﺪﺍﺕ ﻓﻲ ﺍﻟﻤﺘﻤﺔ ﻓﻲ ﻟﻮﻥ ﺍﻟﻌﺴﻞ
ﺍﻟﻨﺎﻳﺮﺍﺕ ﺧﺪﻭﺩﻫﻦ ﺯﻱ ﻓﺠﺮﺍ ﺃﻃﻞ
***
ﻓﻲ ﺳﻨﻜﺎﺕ ﺑﻨﻌﺸﻖ ﺑﺖ ﺳﻤﺮﺍ ﻭ ﺃﺑﻴﺔ
ﺗﺮﺗﺎﺡ ﻓﻲ ﺍﻟﻀﻔﻴﺮﺓ ﺧﺼﻼﺗﻬﺎ ﺍﻟﻐﻨﻴﺔ
ﻋﺎﺷﺖ ﻓﻲ ﺷﻌﻮﺭﻱ ﺃﺣﻠﻰ ﻫﺪﻧﺪﻭﻳﺔ
***
ﺍﻟﻮﺍﺭﺛﺎﺕ ﺟﺪﻭﺩﻫﻦ ﻓﻲ ﺍﻟﺠﻮﺩ ﻭ ﺍﻟﺸﺠﺎﻋﺔ
ﺍﻟﺒﻈﻬﺮ ﺟﻤﺎﻟﻬﻦ ﻣﻦ ﺯﻣﻦ ﺍﻟﺮﺿﺎﻋﺔ
ﺳﻮﺩﺍﻧﻴﺔ ﻣﻴﺔ ﺍﻟﻤﻴﺔ ﻓﻲ ﺫﻭﻗﻬﺎ ﻭ ﻃﺒﺎﻋﻬﺎ
ﻳﺎ ﻧﺎﺱ ﺃﺭﺣﻤﻮﻧﻲ ﺃﻧﺎ ﻗﻠﺒﻲ ﻓﻲ ﺭﻓﺎﻋﺔ
***
ﻟﻮﺯﺓ ﺍﻟﻘﻄﻦ ﺍﻟﻴﺎﻧﻌﺔ ﺍﻟﺴﻤﺤﺔ ﻭ ﻧﻀﻴﺮﺓ
ﺗﺘﻨﻰ ﺍﻟﺤﻠﻴﻮﺓ ﻓﻲ ﻣﺸﻴﺔ ﺃﻣﻴﺮﺓ
ﺃﺟﻤﻞ ﺣﺐ ﻋﻨﺪﻱ ﻓﻲ ﻗﻠﺐ ﺍﻟﺠﺰﻳﺮﺓ
***
ﻟﻲ ﻓﻲ ﺍﻟﻐﺮﺏ ﺃﻏﻴﺪ ﻓﻲ ﺩﺍﺭ ﺣﻤﺮ ﻭ ﺍﻟﺒﻘﺎﺭﺓ
ﻧﺤﻤﻴﻬﺎ ﺑﺴﻴﻮﻓﻨﺎ ﺗﻔﺎﺣﻬﺎ ﻭ ﻧﻀﺎﺭﻫﺎ
ﺗﺴﻜﺮﻧﺎ ﺍﻟﻠﻴﺎﻟﻲ ﻭ ﺗﻄﺮﺑﻨﺎ ﺍﻟﻨﻘﺎﺭﺓ
***
ﻟﻲ ﻓﻲ ﺟﻮﺑﺎ ﺳﺎﺣﺮ ﺗﺴﻠﻢ ﻟﻲ ﺧﺪﻭﺩﻩ
ﻳﻤﺮﺡ ﻓﻲ ﻏﺎﺑﺎﺗﻪ ﻭ ﻳﺴﺮﺡ ﻓﻲ ﻣﺮﻭﺩﻩ
ﺣﺒﻲ ﺍﻟﻐﺎﻟﻲ ﻟﻴﻪ ﻣﺎ ﺑﻌﺮﻑ ﺣﺪﻭﺩﻩ


#1349496 [TIGERSHARK]
5.00/5 (1 صوت)

10-05-2015 12:28 PM
Most of the Syrian refugees will not settle down in Sudan unless they have no other options, it is a transit point to other destinations, they are desperately need help, so anyone can give them help please do, i wish them best of luck

[TIGERSHARK]

#1349483 [م محمد الحاج]
4.00/5 (4 صوت)

10-05-2015 11:58 AM
عجبوهم وعاوزين يعرسوا منهم وكدا
ده علينا يا شطار

[م محمد الحاج]

#1349482 [عطوى]
3.00/5 (3 صوت)

10-05-2015 11:57 AM
... شفت فى فديو احدهم يستقبل اسرة سوريه فى منزلة تقريبا اسرة كبيرة اسرتين او تلاتة رقم انو المزيع نوه الى محدودية امكانات الشخص السودانى المستضيف حتى المنزل يؤكد ذلك والكبكة واضحة .. عندما شاهدت هذا الفيدو تسائل الكثير مثلى كيف ومتى ذهب هذا الشخص لهؤلاء السوريين ؟؟ واين تعرف بهم ؟؟ وكيف اتى بهم الى منزلة ؟؟وماهى الطريقة ؟؟؟ الهم الا اذا كان هذا الشخص كان مرابط فى المطار او ميناء بورتسودان او وداى حلفا حتى ياتى بهم الى منزلة وكم كانت الغبطة واضحة على قسماتة ولا ندرى كم عانى هذا الشخص فى الصرف والعمليات الوجستية التى تم بها استضافة هذة الاسرة الكبيرة ؟؟ مع ظرووف السودان الصعبة جدا جدا .. من خلال ملاحظتى بان بان الاسرة المتوسطة التى تتكون من اب وام وتلاتة اطفال تحتاج لمصاريف يومية يعنى طبيعية بدون ضيوف الى 100 جنية او اقلاها 70 جنية فى حالة تقشف .. ما بالك عندما تاتيك اسرة من اقاصى الارض وتتكون من 10 افراد شباب وبنات واطفال وكبار سند ؟؟؟؟؟ كم يكون الصرف ؟؟

... والسؤال الاهم هل ستعمل هذة الاسرة او اى اسرة من المحيط العربى مع اى اسرة سودانية حتى ولو كانت من اسر الطبقة الراقية ؟؟؟؟؟؟؟ اذا مرت بنفس الظرووف ... وهل سيسمحون لهم بالدخول الى منزلهم بكل هذة البساطة ومقاسمة الاسرة اسرتهم وغرفهم وخصوصياتهم ؟؟؟؟ هل يخطر ببال احدكم بان يفعل سورى او لبنانى او مصرى او اردنى او تونسى او ليبى مع اسرة سودانية مثل هذا فى حال تشرد السودانيين بسبب حرووب الكيزان المرتقب عوقبها ؟؟

وهل هذا يعتبر كرما ؟؟ ومررره كما نقول ؟؟؟ ام هو امر اخر يختص بطبيعة ونفسية السودانيين وتعلق قلبوهم بكل ما هو اتى من الشرق .... ام انه يكفيهم فط بان يشاهدو هؤلاء القوم فى منزلهم فهذا وحده فخر ربما ...

الاجابة متروكة لكم .......

[عطوى]

ردود على عطوى
European Union [Man] 10-06-2015 12:56 AM
بطل نفاق يا الاسمك Abuareej...الحكاية لو كدة ما كان اولى ناس دارفور او جبال النوبة ولا اقول ليك....ماتمشى بعيد..المشردين الفى ضواحى الخرطوم ديل ما ناس؟ الاقربون اولى بالمعروف....ما سمعت بالكلام دة؟؟؟
والله العظيم كل يوم تذداد قناعتى انو نحن فينا ناس اسوأ من خلق الله....
تفو عليكم يا خرةة

[AbuAreej] 10-05-2015 03:23 PM
السودانيون يعتبرون هذا واجب يا اخ عطوي وهذه التربية التي تربوا عليها دينياً فالواجب ان تساعد المحتاج وتكرم الضيف (رغم انه نحن مبالغين فيها حبتين) مثل الذي استضاف اسرة كبيرة .. ولكن تأكد انه لم يكن رياءاً ولم يفعلون نتيجة تعلق قلوبهم بكل ما هو اتى من الشرق او الغرب.. (او شوفوني).. وهذا ما يميزنا عن الغير اخي باقي الشعوب..

تحياتي


#1349465 [قرمبع]
5.00/5 (2 صوت)

10-05-2015 11:34 AM
غايتو الدبل صعب علينا مع ظروف البلد دي لكن الما عرس بختو.... مرات التأخير كويس و الما ضاق الحلويات الشاميه اهي الشام جاتكم برجليها هههههه

[قرمبع]

#1349434 [السودان الوطن الواحد]
0.00/5 (0 صوت)

10-05-2015 10:47 AM
وأكد أن السودان يعاملهم معاملة المواطن السوداني من جهة الحقوق والخدمات وفقاً لتوجيهات الرئيس عمر البشير.
......


وين توجيهاتك أنت يا هيئة تشريعية الواجب الرئيس أى قرار مصيرى يعرض على البرلمان اولا ولا يترك للرئيس استباحة مرافق الدولة لعناصر اجنبية بلا حساب ..

نعيد ترحيبنا بكل إنسان فى حاجة لتواجده فى بلادنا ولكن يجب أن تطبق عليه كل ما يسرى على المواطن وكنا نتمنى لو كنا دولة غنية وبها فائض انتاج

[السودان الوطن الواحد]

#1349432 [السودان الوطن الواحد]
5.00/5 (2 صوت)

10-05-2015 10:43 AM
الأهم هو ضبط الوجود الأجنبى وهذه دولة بها 80% يعيشون مستويات متدنية من الفقر وليست فيلا أحد أفراد الحكومة.

فاللجؤ من دول مختلفة على بلاد فقيره اصلا وكل شىء مجاناً هذا يعنى عبىء اضافى على المواطن ويزيد فقره فقرا ..

نرحب بالأشقاءمن افريقا والعالم العربى ( والفقرء اتقاسموا النبقة) ، ولكن يجب إدخال الجميع فى دورة الحياة كمنتجين وليست عاله على الدولة والمجتمع لأن لو أردنا نعاملهم كالمواطن السودانى ، فالمواطن السودانى مسكين ومغلوب على امره حتى اطفاله بدفع حق تعليمهم ناهيك عن التزاماته نحو الدولة التى لا تنتهى والمعلمين عايشين سلفيات وموظفين الدولة بتموها شحده وحجات تانية.

يجب على الدولة منح كل لاجىء يمنح اقامة وكرت صحى يثبت خلوه من الأمراض ورخصة عمل يناسب مؤهلاته ويشارك فى الإنتاج ويفى بإلتزامته تجاه الدولة ويعامل مثل المواطن السودانى ..

[السودان الوطن الواحد]

#1349431 [بره البلد]
5.00/5 (3 صوت)

10-05-2015 10:40 AM
اي جامع تصلي فيه يقوم ليك سوري يتبكي ونحن ماشاء الله بنحب اللون الابيض واصلا عامل لينا عقدة من زمان وهاك يا انفاق والفلاتية قاعدة برة زول يديها مافي واي تقاطع تجي واحدة سورية تمد ليك قرعتها وانت اصلا من اللون الابيض مابتقدر تزوغ وهاك با انفاق والشي عندا كلنا حتي الاهبل بتاعنا عندو العقدة دي عشان كدي دي لو كانت دولة ناس زينا ما كان في زول اشتغل بيهم
هو قايل لمن يختهم في معسكر ويقدم لهم المعينات ويخلي باقي المنظمات بساعد كده بيظمهم بالعكس انت لمن تدخلهم وبقو شحاتين وما لاقين حاجة تكون خزلتهم

[بره البلد]

#1349424 [:::بيكو:::]
5.00/5 (6 صوت)

10-05-2015 10:29 AM
ونحن البستقبلنا منو؟؟؟؟؟؟؟؟؟؟؟؟؟

[:::بيكو:::]

#1349394 [سعد بركات]
5.00/5 (1 صوت)

10-05-2015 09:36 AM
مساكين السوريين كالمستجير من الرمضاء باللهب

[سعد بركات]

#1349377 [قرفان]
4.97/5 (6 صوت)

10-05-2015 09:14 AM
هذه مهزلة ,, لا مانع بوجودهم فى السودان ولكن بضوابط ,, ما المانع من حصرهم ومعرفتهم وأعطائهم بطاقات , ايش المانع أكون فيهم دواعش أو القاعدة أو النصرة وايش المانع يكون فيهم السارق والقاتل
لا حول ولا قوة الا بالله , بعدين عمر البشير البلد دى حقت أبوه , خليه اشوف اللاجئيين السودانيين كيف يتم التعامل معهم فى الأردن وكيف يعامل المغترب السودانى عندما يأتى الى بلدة
منك لله يا ود البشير وربنا يورينا فيك يوم أسود

[قرفان]

ردود على قرفان
[الفارس الجحجاح] 10-05-2015 11:34 AM
في دواعش اكثر من حكومة السجم والرماد دي ,,,الحكومة لو عرفت فيهم دواعش والله بكرة تلقاهم مع قوات الدعم السريع


#1349367 [عشا البايتات]
4.69/5 (5 صوت)

10-05-2015 09:05 AM
يا اخي الشعب السوداني زاتو لاجئ في كل بلاد الله ، هو انت عندك حاجة تقدمها للشعب السوري غير انك تتزوج الحسناوات منهم برخص التراب وتفك الباقي يتسول في السوق .

[عشا البايتات]

#1349347 [Floors]
4.50/5 (5 صوت)

10-05-2015 08:37 AM
الشساويش السفاح وإخوان الشيطان شردوا كل أهل السودان وأفرغوه تماماً من مواطنيه
والآن يستقبلون كل مواطني دولة أثيوبيا ومرضى الكبد الوبائي المصريين والآن السوريين والبلد مافيها موية ولاكهرباء ومالاقين يشربوا كمان تستقبل لاجئين ياكلب ياجزمة لعنة الله عليك ليوم الدين !!!!!!!!!!!!!

[Floors]

#1349346 [kattaha]
5.00/5 (5 صوت)

10-05-2015 08:36 AM
هههه

حكومة شغالة " بالناكوسي " تشرد وتطرد في أهل البلد ... وتستقبل في الأجانب .

[kattaha]

#1349322 [سيف]
4.97/5 (7 صوت)

10-05-2015 08:04 AM
نحنا مارافضنهم لكن يجب تنظيمهم وحصرهم .. وانا من الان متاكد انهم ما 60 الف لكن قولو ستين .. بحسابات البشير مافارقة معاهو .. اثيوبيا كلها جاتنا هنا وايضا مصريين باعداد كبيرة والان سوريين والبلد ماشة باالله وجلالة ..
لكن نحنا عندنا عنتر .. يعني بدل يعاملهم كلاجئيين وتدعمهم الامم المتحدة .. لا لا يعيشو كسودانيين .. مع انو السودانيين عايشيين مجابده ..
هو زاتو قصة رئيس ووزير ووالي و 7+7 في ليها داعي مادام البلد ماعندها وجيع ..
ماشفنا منكم غير الازمات وخلق المعضلات من جهلكم والعنترية الماعندها معني دي

[سيف]

#1349314 [مبارك]
5.00/5 (1 صوت)

10-05-2015 07:54 AM
مرحبا بكم في بلدكم الثاني ووسط اهلكم حللتم اهلا ونزلتم سهلا

[مبارك]

#1349303 [جنو منو]
5.00/5 (1 صوت)

10-05-2015 07:38 AM
هلا .. والف مرحب بيهم وبالكبه الشاميه ..!!

[جنو منو]

#1349292 [محمد حسن فرح]
5.00/5 (8 صوت)

10-05-2015 07:13 AM
{{ يعاملهم معاملة المواطن السوداني من جهة الحقوق والخدمات }} وهو في سوداني عنده الحق مع انتهازيي المؤتمر الوطني ولصوصه!؟ أم في سوداني لاقي خدمات!؟ أصلا بلد فيه خدمات!؟؟

[محمد حسن فرح]

#1349273 [الممغوس]
5.00/5 (1 صوت)

10-05-2015 06:30 AM
هذا واجب انساني في المقام الاول وديننا الحنيف يدعوا لذلك مرحبا بهم في سودان العزة والكرم.

[الممغوس]

#1349272 [الهادئ خضر]
4.75/5 (5 صوت)

10-05-2015 06:29 AM
السوريون ضيعوا انفسهم ومستقبلهم بمجيئهم لبلد علي قائمة الدول الارهابية والابادة الجماعية وانهاكات حقوق الانسان والاغرب من ذلك يدعى المجرم المطلوب للمحكمة الجنائية والهارب من العدالة الدولية بانهم ضيوفة

[الهادئ خضر]

#1349269 [المستعرب]
4.50/5 (4 صوت)

10-05-2015 06:21 AM
دي خطة مدبرة من الكيزان الملاعين عايزين يعربوا السودان باي طريقة !!!!

[المستعرب]

ردود على المستعرب
[محمد] 10-05-2015 09:19 AM
اته ياالبقول دايرين اعربوو السودان ؟ طيب لمن جوو الجنوبين نازحين والان قاعدين ف قلب العاصمه وشغالين والاثيوبين القاعدين وفي وسط احياء العاصمه وعايشين وعندهم احياء معروفة بي اسمهم مالك ماقلت دايرين يخلوو السودان افريقي؟؟؟؟؟؟ ولا خلاص العقد اشتغلت وبعدين ديل مسلمين واولا بامعروف وربنا برزق الطير في الجبال مايزرق بشر ربنا يفتحه علي الناس دي كلهاااا وتترزق وداا عمل كويسين كونو تاوي مسلم وربنا مابنسااا زووول والاحمدلله


#1349257 [ALIIIIIIIIIIIIIIIIIIIIIIIIIIIIIIIIIIIIIII]
4.94/5 (7 صوت)

10-05-2015 03:54 AM
التغيير الديموغرافي لابالله ياحكومة الانقاذ جيبي ال25 مليون سوري كلهم للسودان بالله... الناس ديل التقول ماسمعوا بالسوري المسكو في السعودية العامل ليهو معمل بتاع تصنيع قنابل والله حكومتنا دي ابله واغبي منها الله ماخلق هسع طبعا جزء منهم حيكونوا تبع القاعدة وداعش والنصرة والحكومة بتاعتنا علي قفا من يشيل والمواطن السوداني مالاقي ياكل وحكومتنا العواليق عاملين فيها حاتم الطائي السودان مافيهو امكانات لاستقبال اعداد اكثر من هؤلاء وينبغي النظر لمصلحة البلد وزي ماقلت المواطن مالاقي ياكل والحكومة فاتحة الباب علي مصراعيه السوداني يغترب ويجو الاجانب الذي ديل ويخشوا البلد ويتعاملو احسن من المواطن ذات نفسه انحنا ننطرد ونتغرب ويجو ديل يخشوا وقال شنو (( الشعب السوداني يسعى بمعاملته للاجئين السوريين لأن يجعلهم يشعرون وكأنهم يعيشون في بلدهم)) هو انحنا المواطنين حاسين اننا اغراب في بلدنا ديل يحسو انهم مواطنين لالا يعني ده شنو ده بتغيظو في المواطن كمان ولا دول الخليج دفعو ليكم الفيهو النصيب عشان تستقبلوهم حدادي مدادي مش كده... ينبغي تحديد اقامتهم ووظائفهم والاعداد التي ينبغي استقبالهم في حدود معينة ياخي اوروبا والدول العربية قالو الروب جايين انتو عاملين فيها حاتم الطائي تشردوا وتجدعو المواطن برة وتاكلو لقمة عيشو وتقول شنو نستقبلهم كمواطنين بلد هملة بالجد

[ALIIIIIIIIIIIIIIIIIIIIIIIIIIIIIIIIIIIIIII]

#1349187 [مازن الصاوي]
4.75/5 (5 صوت)

10-04-2015 10:37 PM
هلا بيكم

[مازن الصاوي]

#1349186 [Samia]
3.00/5 (3 صوت)

10-04-2015 10:32 PM
Very generous of you, thanks.

[Samia]

ردود على Samia
[مازن الصاوي] 10-04-2015 10:38 PM
شكرا"



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة