الأخبار
أخبار إقليمية
كشف عن استشراء الفساد بالمناقل والقرشي..وزير سابق يطالب بإصلاح الخدمة المدنية
كشف عن استشراء الفساد بالمناقل والقرشي..وزير سابق يطالب بإصلاح الخدمة المدنية
كشف عن استشراء الفساد بالمناقل والقرشي..وزير سابق يطالب بإصلاح الخدمة المدنية


10-05-2015 11:17 AM
مدني: مزمل صديق
طالب د. الحارث عبدالقادر وزير الشؤون الاجتماعية الأسبق بحكومة الجزيرة، والي الجزيرة محمد طاهر إيلا بإجراء المزيد من الإصلاحات في الخدمة المدنية وحزب المؤتمر الوطني، مشيراً في ذلك لاستشراء الفساد بالخدمة المدنية خصوصاً بمحليتي المناقل والقرشي منذ عهد الوالي الأسبق عبدالرحمن سر الختم.
وأشار الى أن المحليتين تعانيان من الفساد المالي والإداري، معتبراً أن إيلا لم يتخذ القرار الصحيح تجاههما بعد، وقال إنه ظل ينادي بإصلاح الخدمة المدنية في محليتي المناقل والقرشي.
وقال الحارث إن الجهاز التنفيذي لحكومة الجزيرة يعاني من ضعف واضح خصوصاً المعتمدين، وما لم يلتفت إيلا لهذه النقطة سيكون مصير الحزب الفشل، وأن التنمية التي ينشدها إايلا لن تتحقق أان التنمية تحتاج قواعد ثابتة تتميز بالكفاءة والخبرة وكوادر تتفاعل وتنفعل مع المجتمع.

الجريدة


تعليقات 7 | إهداء 0 | زيارات 2482

التعليقات
#1350228 [حجوج]
0.00/5 (0 صوت)

10-06-2015 04:33 PM
القرشي ادمرت دمار شامل

[حجوج]

#1350050 [ود الجزيرة]
0.00/5 (0 صوت)

10-06-2015 11:28 AM
خلي الوالي يزور محليات غرب الجزيرة الفساد حا استقبله في الشارع .اذا كان في شارع..خليه ارسل قريدر عشان امسح اثار الخريف قبل تلاتة سنوات خليها السنة دي.ايلا قال

[ود الجزيرة]

#1349818 [اهم زول]
5.00/5 (1 صوت)

10-06-2015 01:41 AM
طبعا رئيس جمهوريتنا ما حا يصدر اي قرار بخصوص العقاب عشان ما يتطبق عليهو هو اولا لمان تفلت منو و هي قربت و هو عارف كدا كويس. و تانيا يا خوانا ايلا دا جاي عشان يبيع و ما تسمعو لي الكلام الفارغ الماليين بيهو المرتزقة الصحف و وسائل الاعلام و ياهو نعي فريق المرتزقة العمل منو بطل في بورسودان جابهم هنا برضو اصلو لقاكم سماعين و للعلمكم و علم الجميع الجزيرة اتباعت للصين و جزو لمصر و بكرة تشوفو.
بعدين بطولاتو القالوها في بورسودان دي كلها جيبوها و شوفو لو في مشكلة واحدة اتحلت مما جابوهو لغاية ما نقلوهو

[اهم زول]

#1349698 [ابو بك الجاك]
5.00/5 (1 صوت)

10-05-2015 07:11 PM
باسم الله يا كيزان
باسم الشعب نتحدّى
وانتو ربيبكم الشيطان
قلوب مسمومة مرتدة
لهيب الثورة والعصيان
ساكن فينا من مدة
طلعنا الليلة متحدين
ومتكاتفين عشان نبدا
نزيل طغيانكم الظالم
ونعلن ثورة ممتدة
لآخر الكون ح نمشيها
جميع اطيافنا نلغيها
ونتجمع على الوحدة
عشان نبني الوطن جنة
وصوت الحق إذا رن
يفجر صحوة المبدا
أذيتونا
وأذيتوا الدنيا بي حالا
فضحتونا
وفضحتوا بلدنا وأحوالا
قهرتوا الطفل في الروضة
خنقتونا
وخنقتوا الزهرة والوردة
حرموتونا
حلاوة العيشة والقعدة
بضل شمس الضحى الحارق
وجرح الوجعة احتد
منو الفيكم هو ما سارق
وعايشين نحن بالشحدة
وكل شبابنا قام مارق
يفتش لي وطن أجدى
بدل الذل وصدر السل
ديل ميتين وديل مرضى
تجارة الدين وحلف يمين
كذب بهتان ودجالين
لا قرآن ولا ياسين
لا ركعات ولا سجدة
لا إنقاذ ولا إنجاز
حكم مفطوم على الفوضى
بقدرة ربنا السامع
وحلم نبينا الشافع
وقبضة كفنا البضة
داهية تشيل وتسعاكم
وتلحسوا انتو كيعانكم
وتحت الجزمة تتمدى
حرامية ولصوص سارقين
ورباطين ونشالين
مرافعين خايفة مرتعدة
فصلتو جنوبنا أرض الخير
بيهو حياتنا كانت غير
عظيمة كريمة معتدّة
وفي دارفور كتلتوا الناس
ميت فيكم الاحساس
جشعكم أصلو ما بهدَى
حتى النيل صبح عريان
وماتت دومة امدرمان
وكل الكان جميل عدّا
راحة البال وطيبة الفال
بقت في لحظة بيكم حال
نفس مقفولة منسدّه
وأي فرح بسيط هاجر
وضاع سودانا في غمضة
حق أطفالنا ما بروح ساي
كل وليد ح يتسدا
شقى الحرمان
وقهر حياتو في السودان
وقصرالظلم بتهدّا
بلد نبداهو من أول
جديد وفريد ولو طوّل
طريق الخير إذا انسدّ
بنفتح ليو مساماتنا
ونعبر بيو محطاتنا
عليهو نقيف ونستهدىَ
ونفتح صفحة وردية
طريق نمشيه حرية
بدل قصر الظلام نبني
للإشراقة قطية
فيها حياتنا بيو رغدة
ده في جوانا هو السودان
بلد نحميه من أحزان
وينهض تاني في غمضة
ومن سرطان ومن كيزان
وكل عمايل الأخوان
عشان نرضيه لو يرضى.

[ابو بك الجاك]

#1349690 [النوبي]
0.00/5 (0 صوت)

10-05-2015 06:49 PM
كلام عجيب،، نريد ان نقرأ شئ عن صلاح الخدمة المدنية او شئ اخر غير الفساد والمفسدين!! اليست هؤلاء هم نتاج سياسة التمكين التي اتي يها الكيزان كما يسمون؟ كلهم ياسادة مؤتمر وطني ومن كان منكم بلا فساد (خطيئة) فيرمهم بحجر، فان حزبكم فاشل اصلا وليس بسبب هؤلاء فحسب بل كلكم، ولا احد فيكم يجرؤ لان يقول لاخر منكم البغلة في الابريق،،، من لم كان منكم بلا فساد فاليرمهم ب ....،، والا ننظر له بانه رجل وطني له رؤيا وبرنامج يكد ويجد في السعي لتحقيقه،، ولكن ان نظرنا له منظور حزبي فعلي الارض السلام..

[النوبي]

#1349642 [قساس فادي]
5.00/5 (1 صوت)

10-05-2015 05:00 PM
لماذا لا يصدر رئيس الجمهورية قرار كالذي اصدره عيدي امين وتم بموجبه جلد كل المتلاعبين بقوت الشعب والمحتكرين والفاسدين ومستغلي السلطة في ساحة عامة وهم عراة أما نحن فمارعاة لمظهرهم الاسلامي السياسي كالذقن وانتفاخ الاوداج والكروش نطالب بجلدهم بسراويلهم

[قساس فادي]

#1349517 [العمدة]
5.00/5 (1 صوت)

10-05-2015 01:03 PM
فعلا الوالي ايلا اذا عايز ينجح كما قلنا في السابق ومرارا
عليه الاتجاه مباشرة لحلحلة مشاكل مشروع الجزيرة والمناقل
لانها تمس احوال كثيرين .. ومشروع الجزيرة هو مربط الفرس
لنجاح ايلا .. اما حكاية تزبيط الشوارع ونظافة المدينة
هي اشياء مهمة ولكن هناك المهم والاهم والذي يلامس احوال الناس
وهو معاشهم .. ولكن كوني الوالي الجديد يأتي بشركاته وبلدوزراته
لكي يصيين ويصلح شوارع مدني ويستثمر في ان واحد
هذا افق غير سوي لان مدني وولاية الجزيرة بها ما بها منذ الالاف السنين
ولكن يد النظام المستبد هي التي اودت بمدني وبمشروعها كما ترون
واحياء مدني هو احياء مشروع الجزيرة والمناقل والفاو والرهد
اما حكاية الاحتفالات والمهرجات وما عارف ايه
وقتو ما هسه ي ايلا شوفي الاشياء المهمة التي تلامس معاش الناس كما قال
بشيركم ثم بعد ذلك الاشياء الهامة.
صحيح النظافة مهمة وتنظيم الطرق مهم وتعبيدها ولكن هناك المجال الصحي
والمدارس والمستشفيات والمراكز الصحية وتنظيم الاسواق ولكن اذا حل
معضلة الزراعة سوف تنتعش حاضرة الجزيرة ود مدني والمناقل والفاو
وتكون بذلك اسهمت اسهاما كبيرا في حياة الناس والوطن

[العمدة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة