الأخبار
أخبار إقليمية
نفوق (حدية) يغير طعم ورائحة المياه بمناطق بالعاصمة
نفوق (حدية) يغير طعم ورائحة المياه بمناطق بالعاصمة
 نفوق (حدية) يغير طعم ورائحة المياه بمناطق بالعاصمة


10-06-2015 10:24 PM
الخرطوم: عبدالرحمن صالح
أرجعت وزارة البنية التحتية والمواصلات بالخرطوم تغيير رائحة وطعم مياه الشرب ببعض المناطق لنفوق «حدية» داخل أحد الصهاريج، وكشفت الوزارة عن زيارات ميدانية لعدد من المناطق التي دفع مواطنوها ببلاغات حول تلوث المياه، وجزمت بعدم وجود أي تلوث في مياه النيل الأبيض بالولاية.ونقل المدير العام للوزارة عبدالقادر همد لـ«الإنتباهة» وقوف الوزارة على بلاغات المواطنين، وقال عندما ذهبنا لتلك المناطق وجدنا «حدية» ميتة داخل صهريج للمياة مما أدى إلى تغير طعمها ورائحتها، وأضاف ذهبنا الى منزل مواطن آخر ووجدنا أن الصرف الصحي لمنزلة اختلط مع مياه الشرب مما أدى الى تغيرها، وقال «مافي موية ملوثة في الولاية دي ودا كلام ساي).


الانتباهة


تعليقات 13 | إهداء 0 | زيارات 4569

التعليقات
#1351068 [الكترابة]
0.00/5 (0 صوت)

10-08-2015 09:37 AM
مشكلة تلوث المياه خطير جداً ومن اسبابه تلوث مياه الصرف الصحي مع المياه الجوفية فمعظم الناس وبسبب الفقر وانعدام الرقابة يحفرون ابار منزلية للصرف الصحي دون عمل حوض للتخمير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!
هذا هو سبب تفشي السرطانات وأمراض الفشل الكلوي.
في الدول الأخرى حتى الفقيرة يتم عمل شبكات للصرف الصحي ويدفع المواطن رسوم للخدمة.

[الكترابة]

#1350846 [ALWATANI]
0.00/5 (0 صوت)

10-07-2015 08:35 PM
وأضاف ذهبنا الى منزل مواطن آخر ووجدنا أن الصرف الصحي لمنزلة اختلط مع مياه الشرب مما أدى الى تغيرها
دى نفهمها كيف مياه الهيئة داخل الماسورة والله دى الا يسالوا منها كبر والى شمنال دارفور السابق مايكون ادوا لية منصب فى الخرطوم اللة يستر

[ALWATANI]

#1350805 [saifteka]
0.00/5 (0 صوت)

10-07-2015 06:55 PM
طيب الحدية دي دخلت الصهريج كيف .. وقعت براها ولا رماها زول .. المسالة فيها انه .. ولا يكون ديل الامريكان رموها وعاوزين يضيعوا الشعب ده .. مايستبعد ..

والله ماعارفين نبكي ولا نضحك ولا نجري ..

[saifteka]

#1350697 [شفق الصباح]
0.00/5 (0 صوت)

10-07-2015 02:25 PM
يعني شنو ياجماعة موية متغير طعمها كل شيئ فى بلد العجائب اصبح شي عادي انتم ماشفتو بام اعينكم الزبالة الميت فيها كلب او كديس او حمار يتم حرقها فى قارعة الطريق فى عاصمة البشير !!!!!! اذا كان المواطنين المساكين الفضلوا تايهين فى شوارع البؤس يستنشقون عفن الزبالة المحروقة بكل سرور ايه المانع يشربو موية ميتة فيها حدية ( وهي ليست من صغار الصقور ) وانما هي نوع من الصقور خفيف الحركة يشتغل نشال محترف من الجو .يعنى اذا شافك شايل ليك لحمة فى صحن او شيئ مكشوف وانت داخل البيت او قادم من الجزار . فهو ينقض على اللحمة بسرعة الصوت ويحملها بين مخالبه ويرتفع فى الجو وهناك فى العش الهادئ يعمل الوليمة . وجماعتنا حكمامنا العينة الودو البلد فى ستين داهية لهم نفس الصفة صفة الختف واللقف ولا من شاف ولا من دري .والعنده دليل على السرقة يقدمه لسعادة بشبش زعيم العاصمة العاليات قصورة وتحتها مافي مجاري صرف صحي .. واخرتها اصبح المواطنون يشربون الماء عفنا وطينا .

[شفق الصباح]

#1350668 [موسى]
0.00/5 (0 صوت)

10-07-2015 01:23 PM
أطير حدي وأخطفه من العالم......
ما تزعلوا ساي (كيف ما تكونوا يولى عليكم ).... وكل حكومة بتخاطب مواطنيها على قدر عقولهم .....

[موسى]

#1350566 [abuzar]
5.00/5 (2 صوت)

10-07-2015 10:41 AM
دي حديه ولا بقرة البتغير طعم مويه مدينه كامله

[abuzar]

#1350494 [صالح عبدالوهاب]
0.00/5 (0 صوت)

10-07-2015 09:02 AM
سؤال...
ماهي الحدية؟!!

[صالح عبدالوهاب]

ردود على صالح عبدالوهاب
[اب جاكوما] 10-07-2015 04:46 PM
يااخوانا

الزول العلق باسمي الاسفيري اب جاكوما .. شكيتو على الله والرسول

انا ابوجاكوما البعلق في المواضيع الرياضية.. في زول استخدم الاسم الاسفيري اللي بعلق به دائماً.

انا بس كتبت عشان للتوضيح للاخ صالح ولباقي المعلقين

انا ابوجاكوما الاصلي

[صالح عبدالوهاب] 10-07-2015 11:47 AM
ي اخ (اب جاكوما)..مشكور على التوضيح.وعشان اوضح ليك انا كنت مستبعد(بالمنطق والعقل واحترام العقول) انه يكون دا المقصود(صغير الصقر أو انثى الصقر)بس طلع انه لافي ناس بتحترم عقل المواطن ولا في مواطن يستاهل يحترمو عقله( المقصود شاكلتك طبعا)ومع كااامل احترامي لكل العقول السودانية المحترمة،،وبالنسبة لتامر ولؤي وصقر الارض... احب اقول ليك انا ساكن الحاج يوسف (اتكلم باحترام وادب او صم خشمك عليك)

أخ (sudana)كل الشكر والاحترام...

[sudana] 10-07-2015 10:43 AM
نسر ... صقر كوز

[اب جاكوما] 10-07-2015 10:34 AM
دا الصقر الصغير؟؟ اصغر من الصقر؟ يعني يا صالح لو كان اسمك تامر ولا لؤي كانت سألت من الصقر زاتو دا شنو؟ ان شاء بتكون بتعرفوا ما صقر الواطة صقر الجو


#1350462 [الجـــــــــزيرة ابــا]
5.00/5 (1 صوت)

10-07-2015 08:12 AM
ﻻ يمكن لحدية ان تغيّر طعم مياه النيل اﻻ لو خلطوها مع ( لسان البشير )

[الجـــــــــزيرة ابــا]

#1350440 [ٍمرفود]
0.00/5 (0 صوت)

10-07-2015 07:28 AM
ما هم اصلو كده ناس الحكومه والحثاله الشغالين معاها بياخدو قروش عشان يطلعو للمواطن وينفوا دى شغلتن الاساسيه البياخدو عليها قروش واحد متخلف وجاهل زى ده يقول كلام مايدخل العقل ابدا

[ٍمرفود]

#1350434 [صادميم]
5.00/5 (2 صوت)

10-07-2015 07:09 AM
حدية اصلو الخرطوم بتشرب من جردل واحد و الصهريج ده ما مغطى ليه بعدين ملايين الأسماك و التماسيح و الماشية بتموت في النيل ما غيرت طعم الموية تجي حدية فد واحدة تغيرها غايتو ده اسمو العذر الأقبح من الذنب.

[صادميم]

ردود على صادميم
[د. هشام] 10-07-2015 08:16 AM
يا (صادميم) تعليقك و كل التعليقات الأخرى في نفس الإتجاه... و طبعاً كلامكم كلو صاح...المشكلة في المسؤولين البقولو التصريحات البليدة دي! الناس ديل جو من وين؟...أو كما قال المرحوم الطيب صالح!!!


#1350432 [محمد فريد]
5.00/5 (1 صوت)

10-07-2015 06:59 AM
سبحان الله يا اخوانا الناس عندها عقول وبتفهم عيب والله الاستخفاف بعقول الناس عيب والله حرقتو دمنا الله انتقم منكم ياخى قال حديه قال يخسى عليكم بالله ما بتخجلو

[محمد فريد]

#1350366 [النوبي]
5.00/5 (1 صوت)

10-07-2015 12:30 AM
شر البلية ما يضحك،، افمن المعقول مجرد (حدية) نافقة يغير طعم ورائحة مياه شرب لآلاف المنازل،، ياخي قول غيرها !!!!!

[النوبي]

#1350356 [ودالضهبان]
5.00/5 (9 صوت)

10-06-2015 11:35 PM
واللة السودان امرك يحير مرة جقور تاكل كبرى ومرة ضب يقطع الكهرباء من سنار والمرة دي حدية والجاية سحلية تسبب في اغلاق مدرج مطار الخرطوم وسير سير ياالبشير نحون جنودك للتعمير

[ودالضهبان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة