الأخبار
أخبار إقليمية
لجنة برلمانية تقر بتأثير هجرة الكوادر الطبية
لجنة برلمانية تقر بتأثير هجرة الكوادر الطبية
لجنة برلمانية تقر بتأثير هجرة الكوادر الطبية


10-11-2015 08:59 AM
البرلمان: سارة تاج السر
اقرت لجنة الصحة والبيئة بالبرلمان، بأن هجرة الاختصاصيين الطبيين الى خارج السودان تسببت في مغادرة اغلب المرضى لروسيا ومصر طلباً للاستشفاء.
واوضح رئيس اللجنة بالانابة صالح جمعة للصحفيين امس، ان وزارة الصحة رفعت الاجور الاضافية الى (٢٥) ألف جنيه شهرياً للاطباء الاختصاصيين بولايات النيل الازرق وجنوب كردفان ودارفور، واعتبر ان هجرة الكوادر الطبية ألغت بظلال سالبة على الوضع الامني وزعزعة الاستقرار الاقتصادي بالبلاد.

الجريدة


تعليقات 6 | إهداء 0 | زيارات 1783

التعليقات
#1353353 [ود البلد]
0.00/5 (0 صوت)

10-12-2015 06:03 PM
صحه البلد وانا ود البلد وود قلبا...هجره الاطباء كم مره قريتو الخبر ده.؟..يا بنى كوز الصحه ما محتاجه أطباء بس محتاجه مويه ما مخلوطه بالسايفون صالحه للشرب، صرف صحي ..شوارع نظيفه خاليه من الباعوض والذباب ... يعني بنى تحتية ...محتاجه اطفال ياكلوا كويس... وعشان ما يشردوا بيئه عمل للأطباء يعني يا بشه نتكلم باللغه البتعرفا عشان تسوي دشمان لازم مجمعات فرش وأسلحة وتدريب كديد . وبياده وكده صح يا تمساح الرجال!؟ ...يلااااا الحكيم ده برضو داير حاجات اساسيه عشان يشتغل.. مباني.. اسره ..معامل.. اشعه مقطعيه ..رنين .غرف عمليات.. شاش.. قطن ..اجهزه ضغط.. ابر ..دربات..الراتب ما مشكله كبيره بس تديهم البيستر ...ديل يا سعاتك ما برضو ناس متعلمه وصفوه.. الصحه دايره حكومه تدفع ده وتدي شعبها الفقير الجعان الدوا مجان عشان بتاع السكري ما بقدر يدفع 200 الف كل شهر للدوا وبتاع ضغط العين ما بقدر يدفع 250 الف شهريا للقطره .دايره وزير متعلم فاهم دارس ما قرد جاي كترضيه سياسيه ..وهلمجرا على قولت الامام

وآخر حاجه دايره شعب واعي يعرف انو اي حكومه ما بتوفر ليهو الصحه ما لازم تقعد د سنه وااحده مش 26 سنه!!!

[ود البلد]

#1352906 [aboha]
0.00/5 (0 صوت)

10-12-2015 09:18 AM
الساعة واحدة صباحا" و أنا لسة حايمة من عنبر لي عنبر و في مرافقة بتمشط في مرافقة تانية ( أي ياهو زاتو المشاط البنعرفو) و أثناء ما بكتب ال follow up في فايل واحد من العيانين، اسمع ليك الحوار دا:
- إنتي تعالي هنا الدكتورات ديل ما عندهن وليان؟ اليوم كلو ساكنات في المستشفى؟؟؟
- بري يختي الدكترة دي زاتا ما شغل بنات ناس
(و أنا الكلام طقش أضاني و فاتا بهناك كمان)
- هسي زي دي البعرسا منو؟ (قاصداني طبعا و اظنها أشرت علي) قاعدة من 8 صباحن بي بلبستا دي زاااتا إلا غايتو كان دكتور هامل زيهن 😮😮😮
- إنتي ما سمعتي بي ست فايزة ناظرة المدرسة؟
- مالا دي كمان السنيحة الكريهة زهللت الشفع كلهم و دقتم دق الويكة.
- بتها الدكتورة قالوا ليك عرسا دكتور من لنضن و ست فايزة كل سنة تمشي تقعدلها شهرين تلاتة لمن لونا فتح و سوتلها جضيمات.
- لنضن شنو يا .... أختي؟؟؟ ديل يلقوا لنضن وين؟؟؟ يزوزن اليوم كلو من عنبر لي عنبر.
لملمت كرعيني و مشيت أزوزي في عنبر تاني (و كرامتي واجعاني شديد من الدراب السمعتو دا)
الساعة 7 صباحا" جيت أقيس الضغط لولد واحدة من المشاطات إياهم، سألتها:
عارفة آخر قياس ضغط كان كم؟ ( سألتها بس عشان أعرف إنها متابعة حالة ولدا وللا بس قاعدة تنظر)
قالت لي هو القاس ليهو منو؟ نحنا زاااااتو القعد يجينا منو؟؟؟ لينا حداشر يوم في العنبر دا مافي زول عبرنا إلا يوم يجي الأخسائي الكبير ... لكن أنا حالفة إلا أكلمو و ممكن أصل المدير الطبي زاتو.
قلت ليها: هسي أمس مافي زول جا قاس ليهو الضغط خالص؟
- أقول ليك حداشر يوم كاملات مافي زول جانا.
- طيب يا أستاذة أنا أمس جيت قست ليهو بنفسي مرتين، مرة قالوا مشيتي تحضري المسلسل في الكافتيريا و المرة التانية قستو جمبكم لكن ما كنتي فاضية، كنتي بتتمشطي و تقطعي في ست فايزة...
و أنا ياني زاااااتا دكتورة أمس الهاملة اظنك ما عرفتيني لأني غيرت هدومي الكنت لابساها 😑😑😑
منقووول من الفيسبوك.
الأطباء دايرين بيئة عمل صالحة وبعض الاحترام

[aboha]

#1352740 [Azan Malta]
0.00/5 (0 صوت)

10-12-2015 03:59 AM
نافع قال حا خلى الاطباء يمشو بالسفن جات حاقد قميء شبح

[Azan Malta]

#1352505 [أبو محمد الأصلي]
0.00/5 (0 صوت)

10-11-2015 03:56 PM
يا جماعة مشكلة هجرة الأطباء دي ما بحلها ليكم إلا زول واحد بس خبير ومختص في بيوت الأشباح عشان ما حيخلي زول يطلع بره البلد دي أبداً حتى الرئيس عرفتوه منو هو السادن/ كمال جعارين بتاع المعادن السابق . الاهطل قعد هو وشلته يجعروا يوم ما قالوا ليه الباب يفوت جمل .

[أبو محمد الأصلي]

ردود على أبو محمد الأصلي
European Union [ABORAFAT] 10-12-2015 09:02 AM
وزير الصحة ابو قردة اوابو قرد وقبل مدة ليست بعيدة صرح وبكل فخر واعتزاز ان السودان يصدر ابتاء من النبق وحتى الاطباء


#1352501 [amin]
0.00/5 (0 صوت)

10-11-2015 03:53 PM
25 الف جنية دي بتساوي كم ؟ بتجيب كم كيلو لحمة ؟؟؟؟؟؟؟؟؟؟؟؟؟؟؟؟

[amin]

ردود على amin
[منكر] 10-11-2015 06:59 PM
لو بالجديد اقسم على 80ج يعنى 250 كيلو لحمة يعنى كل يوم تاكل 8 كيلو بس ناس البرلمان طاشين لانها لو باقديم تبقا مصيبة ما حتجيب غير ربع كيلو اما لو بالجديد اسا بتلقا الاطباء واقفين صف للتعيين و هو ما قادر يفرق بين 2500ج و 25000ج


#1352438 [من أين أتي هؤلاء؟]
5.00/5 (1 صوت)

10-11-2015 02:27 PM
غير انو ضياغ الخبر ركيك جدا جدا من الناحية اللغوية هو ايصضا غير مفيد ويفقع المرارة..

الكلام دا اي زول عندو شوية مخ وقاعد جنب ست شاي في السوق العربي عارفو..
ما محتاج لجنة برلمانية..

وبعد ما قلتوهو يا ناس اللجنة .. ما وريتونا حتسوو شنو..

قرف يقرفكم.. دمرتو البلد.. عاجزين ولاصقين فينا زي اللبانة المعفنة اللاصقة في حديدة مصقرة .. من أين أتي هؤلاء؟

[من أين أتي هؤلاء؟]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة