الأخبار
أخبار إقليمية
مسجل عام الأراضي:تكلفة تسجيل الأراضي في السودان تبلغ 2.3 % وتتجاوز 4 % عالميا
مسجل عام الأراضي:تكلفة تسجيل الأراضي في السودان تبلغ 2.3 % وتتجاوز 4 % عالميا
مسجل عام الأراضي:تكلفة تسجيل الأراضي في السودان تبلغ 2.3 % وتتجاوز 4 % عالميا


10-11-2015 09:59 PM
الخرطوم (سونا)- قال مسجل عام الأراضي مولانا عثمان الصديق ان إجراءات تسجيل الأراضي في السودان تحكمه ضوابط وقوانين جيده وعريقة ، مبينا ان تكلفة التسجيل تبلغ 2.3 % من القيمة الكلية للأرض في حين أنها تتجاوز 4 % عالميا .
ووفقا للتصنيف الصادر من منظمة الأمم المتحدة للتجارة والتنمية فان نظام تسجيل الأراضي في السودان فعال وبحسب تقرير البنك الدولي للعام 2015 حول سهولة مزاولة الأعمال فان السودان احتل المرتبة 46 بمعدل ستة إجراءات خاصة بتسجيل الأرض تتم خلال تسعة أيام بتكلفة 2.8% من قيمة الأرض وقال ان هذا التصنيف من قبل المنظمة يعد اداءً جيدا بالمقارنة مع دول أعضاء في منظمة التعاون والتنمية .
وقال مولانا عثمان في تصريح "لسونا" ان المستثمر الأجنبي يتساوى مع نظيره السوداني في ملكية الأرض ، مبينا ان تكلفة تسجيل الأرض بعد التخصيص للمستثمر لا تتعدى ال 2% وهي اقل تكلفة موجودة في العالم خاصة ان هناك دولا تتجاوز فيها الرسوم ال 5% من تكلفة الأرض .
وأكد على أهمية منح المستثمر حوافز تشجيعية لجذبه للاستثمار في السودان .
وأبان بان التصنيف العالمي للسودان في خطوات التسجيل متقدم وان المالك يتحصل على الملكية في يوم واحد بعد التخصيص ، مشيرا إلى أنهم يتبعون ما بين 3 الى 4 خطوات في الإجراءات .
وأشار إلى المنشور الصادر مؤخرا والذي منح من خلاله الجهاز القومي للاستثمار صلاحية المنح والنزع للأراضي.


تعليقات 7 | إهداء 0 | زيارات 4982

التعليقات
#1353443 [Lila Farah]
0.00/5 (0 صوت)

10-12-2015 11:19 PM
مولاكم عثمان الصديق بتاع الاراضي ده بعد شويه لو فتشتوا بي وراهوا
هاتلقوهوا مسجل لنفسه ولي كل مره من نسوانه ولكل عيل من عياله من
كل زوجه من نسوانه الاربعه قطعه والا قطعتين في ارقي المواقع المتبقيه
والتي لم يسعف الزمن الوالي الخضر الحرامي انو يلهطا.

انا متأكده ان عثمان الصديق ده هايكون أحرف من مولانا عصام الحرامي الذى
كان يشغل نفس الوظيفه قبل عثمان الصديق.

يشيلوا حرامي بعد يشيع يجيبوا غيرو حرامي جيعان وهكذا دواليك...

[Lila Farah]

#1353102 [مؤتمر وطني قال]
0.00/5 (0 صوت)

10-12-2015 12:02 PM
كذاب و الله العظيم أنا إشتريت من 6 سنوات قطعة ب 45000 ألف و سجلتها لديهم بــ 3500 ألف أي بنسبة 7.77% و الله علي ما أقوله شهيد ، معناها بالواضح 5.47% راحت الجيوب يا تماسيح.

[مؤتمر وطني قال]

#1353074 [سوداني قديم]
0.00/5 (0 صوت)

10-12-2015 11:23 AM
اسعار الاراضي في السودان مرتفعة والاغلب اسعار وهمية ومضاربات سماسرة والنسبة اذا جمعت كل الرسوم لتكملة التسجيل ترتفع الي 10% وال2.5 دي حقت الاراضي بس ولكن ال 4% العالمية دي شاملة كل شيء.... المقارنة غير صحيحة

[سوداني قديم]

#1352841 [زول ساكت]
0.00/5 (0 صوت)

10-12-2015 08:37 AM
في انتظار التخفيضات قبل نهاية العام يا سعادة المسجل

[زول ساكت]

#1352838 [babo]
0.00/5 (0 صوت)

10-12-2015 08:34 AM
أنا اشتريت بيت في الكلاكلة المنورة في عام 1999م بمبلغ 30 مليون بالقديم ولم يتم تسجيله باسمى حتى الآن وكلما ذهبت للأراضي يقولون لسه التسجيل ما بدا وأهو منتظرين الفرج

[babo]

#1352823 [جلال]
0.00/5 (0 صوت)

10-12-2015 08:20 AM
طيب اذا اعتبرنا ان قيمة التسجيل المحصلة من تسجيلات الاراضي هي 2.5% .. كم تبلغ قيمة ما تستحصلة سلطات المساحة والعوائد والذكاة والضريبة ، اما كان الاحري حين التحدث عن عملية كلية تنتهي بتسجيل الارض ان تذكر التكلفة الكلية لكل فلس يدفع في هذه العملية والتي هي عبارة عن سلسلة طويلة من الاجراءات تزيد عن هذه ال 3 خطوات المذكورة اعنى من بداية الاجراءات وحتى ينعم المالك الجديد بالتسجيل .

[جلال]

ردود على جلال
[.........] 10-12-2015 12:34 PM
طيب يا السيد المسجل العام للاراضي سؤال بسيط بس ؟؟؟ انت عارف قيمة الارض في السودان كم ؟؟ ياخ طيب خلوا لينا سعرها زي الاسعار عالميا واعملوا لينا رسوم التسجيل 5% ماعندنا مشكلة بعد داك .....
ولا اهااااااااااااا انت نتخيل انوا الشعب الفضل دا مخوا تخين ومابركز في حاجة زي دي ... نسأل الله السلامة


#1352780 [مبارك]
0.00/5 (0 صوت)

10-12-2015 07:11 AM
والله كذب..
لماذا ما يذكر مسجل الاراضي بان المشتري سيدفع جبايات اخرى مثل الزكاة ورسوم الاراضي ورسوم المحلية وووووو غيرها والتى تعادل جميع هذه الرسوم اكثر من 10%
انا اشتريت بيت وسجلت ودفعت قرابة 10% والله على ما اقول شهيد

[مبارك]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة