الأخبار
أخبار إقليمية
المتهمون في قضية فساد وزارة العمل يفجِّرون مفاجآت
المتهمون في قضية فساد وزارة العمل يفجِّرون مفاجآت
المتهمون في قضية فساد وزارة العمل يفجِّرون مفاجآت


10-12-2015 03:59 PM
الخرطوم: فوزية ضحية
فجر المتهمون في قضية التجاوزات المالية بوزارة العمل أمس عند استجوابهم بواسطة محكمة المال العام، فجروا تفاصيل خطيرة في القضية، وأنكروا تماماً أقوالهم المدونة في يومية التحري والاعتراف القضائي، وقالوا إنها «محرَّفة»، وكشف المتهم الأول هاشم ميرغني مدير الموارد البشرية بالوزارة، عن وجود خلافات بينه ووزيرة العمل السابقة إشراقة سيد، وأشار إلى رفض الوزيرة ووزير الدولة أحمد كرمنو، طلب وزير المالية السابق علي محمود بشأن إخلاء مكاتبهم ببرج الاتصالات نسبة لإيجارها الباهظ الثمن والذي يصل إلى نحو «6» مليارات جنيه في الشهر. ولفت إلى أن الحوافز التي صرفها، حوافز متراكمة تم تأجيل صرفها لعدم وجود سيولة بالوزارة، وأنه أخذ «21» حافزاً لسبعة أشهر.موضحاً تضرره من وزيرة العمل لإشانتها سمعته والتشهير به، بجانب فتحها بلاغاً سابقاً في مواجهته لدى نيابه المال العام، وتم شطبه لعدم كفاية الأدلة، وأضاف قائلاً: «وزيرة العمل فصلتني وقالت لي بي علاقاتي حأخليكم لافين صينية من محكمة لي محكمة». وأكد المتهم الثاني مدير عام الشؤون المالية والإدارية بالوزارة صديق جمعة، وجود خلافات بين وزارتي المالية والعمل، وأخرى بينه وبعض الوزراء، وأنه قام برفع إيرادات الوزارة من مليار إلى «60» ملياراً، وتم تحفيزه بمبلغ «80» ألف جنيه، مبيناً أنه تم استجوابه كشاهد اتهام في القضية، وأنه ليست له علاقة بوكالة الوفاق. بينما كشف المتهم الثالث آدم حمد وجود تشوهات بملفات العاملين بوزارة العمل لمخالفتها للقانون، ولفت إلى أن إدارة الاستخدام الخارجي بالوزارة عبارة عن أسواق، كما أن الخلافات بين وكيل وزارة العمل السابق ووزارة المالية نتج عنها طرد موظفي المالية من وزارة العمل، كما أنه قام بإيقاف وكالة الوفاق التابعة لوزارة العمل وسحب الرخصة منها لمخالفتها القانون.
الانتباهة


تعليقات 15 | إهداء 0 | زيارات 6487

التعليقات
#1353766 [المظلوم]
0.00/5 (0 صوت)

10-13-2015 11:13 AM
معقولة إيجار مكاتب بي 6 مليار.يا ترى المشروع الحضاري المقصود بيهوا مشروع تدمير السودان ولاشنو ولي صالح منو ؟

[المظلوم]

#1353725 [ابو محمد]
0.00/5 (0 صوت)

10-13-2015 10:34 AM
نحن البقينا لافين صينيه وما فاهمين حاجه - مين الظالم ومين المظلوم - غايتو جنس غايتو

[ابو محمد]

#1353696 [مدحت عروة]
0.00/5 (0 صوت)

10-13-2015 10:01 AM
6 مليون بالجديد و6 مليار بالقديم برضه مبلغ خرافى لايجار مكاتب فى شهر واحد وكان ممكن يحل مشاكل كتيرة مثلا وجبات مجانية للطلبة كتب مقاعد ادوية الخ الخ وناس اشراقة ممكن يقعدوا فى مكاتب عادية او حتى كونتينرات مكيفة كمان يبدو ان ناس الانقاذ ما شغالين بالمواطن شغلة!!!!
فى الدستور الامريكى او وثيقة الاستقلال المهم مذكور انه لابد من تقليص الحكومة اما عندنا هنا فتكبير الحكومة وهى اصلا ما بتعمل حاجة للمواطن من تعليم اساسى وصحة اساسية بالمجان هى الحاجة الحاصلة!!
عرفتوا ليه انه الدول الديمقراطية والخواجات متطورين ونحنا هنا عندك حلقوم كبير واجهزة امن تبطش بمعارضيك وانت مرتاح فى معيشتك ومن كله المواطن ما مهم!!!
كسرة:انتو القروش البتتمتع بيها الحكومة والدستوريين والوزراء وكل هذه الهلمة جايبنها من بيوت اماتهم او آبائهم ولا من قروش الدولة والمواطن وبعد ده كله يزدروا ويقلوا ادبهم على المواطن واصلا وكلو كلو ما يختشوا وهم ما يسوو جزمة قديمة ولا زول يراقبهم او ينتقدهم او حتى يسأل عن قروشه وضرايبه البيدفعها بتمشى وين الخ الخ مفروض مافى ديمقراطية وتمثيل حقيقى للمواطن مفروض مافى زول يدفع اى ضريبة او جباية هذا فى الدول المحترمة وليس فى الدول التى تحكم بالعواليق !!!

[مدحت عروة]

#1353642 [زول 200%]
0.00/5 (0 صوت)

10-13-2015 09:21 AM
لك الله ياسودان من اين اتى هؤلاء

[زول 200%]

#1353637 [محمد عبدالقادر]
0.00/5 (0 صوت)

10-13-2015 09:17 AM
ايجار شهرين يبني برج في الخرطوم ... مال السحت حمانا الله وحق الشعب السوداني ده صعب وبظهر في الدنيا قبل الاخره لو يعلمون

[محمد عبدالقادر]

#1353581 [ناصح]
0.00/5 (0 صوت)

10-13-2015 08:17 AM
هذا ما يسمى بالنصب الطبقي الموظف الصغير شايف المسئول الأكبر منو حرامي لذلك هو سوف يسرق وكبير اللصوص لن يحاسبه

[ناصح]

#1353539 [بنت الناظر]
5.00/5 (1 صوت)

10-13-2015 07:13 AM
سؤال ياجماعة مكاتب ناس إشراقة وكرمنو دى مِؤجرة بى 6 مليار فى الشهر... فى الخرطوم المدينة المليانة قمامة دى!!!! ولا فى منهاتن؟؟؟....

[بنت الناظر]

ردود على بنت الناظر
European Union [Noah] 10-13-2015 10:50 AM
هههههه....قطعتي مصاريني


#1353518 [بنت الناظر]
0.00/5 (0 صوت)

10-13-2015 06:41 AM
كل قضية فساد فى وزارة أو أى مرفق حكومى تؤكد لنا مدى سفاهةونزالة من تولى أمر السودان ...لك الله ياوطن..

[بنت الناظر]

#1353457 [الهلباوي]
5.00/5 (1 صوت)

10-13-2015 12:13 AM
قال 21 حافز في 7 اشهر يعني في الشهر الواحد بياخد 3 حوافز ،، دي كيف دي

[الهلباوي]

#1353408 [ناصح]
5.00/5 (1 صوت)

10-12-2015 09:15 PM
انتوا الحكاية شنوا كل مسئول ماسك ليهو فضيحة للمشئول الأكبر منو ... تفجير مفاجئات ساى بتاع مكتبر الوالي حق الأراضي قتل قبل ما يفجر كذالك بتاع شركة الاقطان

[ناصح]

#1353393 [صادميم]
5.00/5 (1 صوت)

10-12-2015 07:55 PM
حوافز ثمانين مليون جنيه لشخص واحد فقط ترى كم مثل هذا الشخص في الوزارات الاخرى بينما يفترش تلاميذ المدارس الارض ويموت الآلاف من اجل جرعة علاج يأتي مثل الدعي و يقول انه استحق ذلك بالرغم من هذا هو واجبه الذي عين من اجله.

[صادميم]

#1353382 [أبو هاني]
5.00/5 (1 صوت)

10-12-2015 07:15 PM
يا أخوانا منه كثير ، لم يتم موعد الحساب ، حاولوا لم الشمل أولاً وبعدين نبحث في من سطى على أموال الشعب ونبحث عن محاسبته كل شئ موجود ومحسوب والناس جمعوا الأدلة ومنتظرين لحظة الوفاق أولاً في لم الشمل ومن ثم ننطلق .

[أبو هاني]

ردود على أبو هاني
[ابوشنب] 10-13-2015 10:57 AM
شخص انتهازى .. وغالبا دجاجة ..

لا للحوار مع هذا النظام .. نعم للمفاوضات تحت رعاية دولية واقليمية...


#1353380 [همت]
5.00/5 (1 صوت)

10-12-2015 07:08 PM
كلهم حرامية ... تحاسبوا منو وتخلوا منو ... من هاشم ميرغني لي إشراقة ولغاية أحمد كُر منِّو!

[همت]

#1353370 [nagatabuzaid]
4.63/5 (4 صوت)

10-12-2015 06:38 PM
ايجار المكتب قلت كم ؟ 6 شنو ..؟ يا مفترية يا إشراقة زغاريد سمحة انت وسمح كرمنو 6 مليار فى الشهر ونحن جعانين وخفايا وعربيا يا تربية الجوع الله يكسر ظهرك وظهر كرمنوا شخصيا ميالة لصديق كلام المتهم ده إشراقة دى ما بتغسل دى بتزغرد للمجرمين وكمان وسط الرجال

[nagatabuzaid]

ردود على nagatabuzaid
[الجن الكلكي] 10-13-2015 07:21 AM
قايتو جنس قايتو 6 مليار في الشهر اليوم 50 مليون ولا كم يعني والله والله لو في مسئول واحد يجيبهم في وسط السوق ويملص هدومهم واي زول ماري يجيب معه عود القذافي ويحشروا فيهم 6مليار والشعب جيعان ومرضان وسجمان وجبان


#1353369 [الراجل]
4.50/5 (2 صوت)

10-12-2015 06:31 PM
كلنا لصوص يا صاحبى

[الراجل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة