الأخبار
أخبار إقليمية
ندوة الاستاذ هاشم صديق مع النادي النوبي في لاهاي
ندوة الاستاذ هاشم صديق مع النادي النوبي في لاهاي
ندوة الاستاذ هاشم صديق مع النادي النوبي في لاهاي


شاهد الفيديو
10-12-2015 11:59 PM
ندوة الاستاذ هاشم صديق مع النادي النوبي في لاهاي


هاشم صديق

****
أقول ليكم كلام إنسان
بيعز نبتة وبيحب شعبه
أقول ليكم شرفا لكلمة
شرف الأُمّة للحاكم وللدّاير صلاح أرضه
ومعنى الوعي في الفكر البيقود ضالّينا لدربه
وعشان أشرح وأقول الدّايرو لنبتة ولناسها
بذكّركم بظلم الكهنة يا أهلي
بدور النّاس تكون حاسّة
تقيس أفعالها بالتّفكير
وما تتبع مهاوي العادة والكُهّان
تفرّق بين عبادة النّجم
وبين الخشية والإيمان
رفعت مخدّة في بيتنا
لقيت خلّيتي لي بسمة
فتحت عيوني في الذّاكرة
طار بجناحه صوت همسة
فتحت كتاب طلع من وسطو نور بصماتك الخمسة
سمعت موسيقى حسّيتك تقول تاوقتي لي هسّا
هاك فنجان حنان قهوة
ومن إيديك أشيل إلفة كبابي الشّاي
يزغرد فيني صوت النّاي
وأقول ليكِ الغرام جرسة
أقول ليكِ القلب بكّاي
ملامحك والصّباح والبن
وضحكاتك تدوبي معاي
يبشّر فينا بوخ الشّاي
وأعاين ليكِ راسي يزن
وقافية حنينة فيني ترن
وأغيب في الحضرة وأتلبّش
وأخاف من جنّي بيكِ أجن
وإذا ضاقت عليكِ الدُّنيا
ألقى الدُّنيا ضاقت بي
ونتماسك وتطلعي من شجن ذاتك
وأطلع من شجن جلدي
نعاين للوطن والنّاس
نذاكر في هموم شعبي
أميل بريدو في كتفك
تميلي عليهو في كتفي
ونتشابك تقول نيلين
وتضحكي لي في السّكّة
تضحك غمزة في الخدّين
أقول يا روحي حنّي علي

أنا الشّاعر أجيب ليكِ الشّعر من وين ؟
::::

.


تعليقات 5 | إهداء 0 | زيارات 3586

التعليقات
#1354505 [walid]
5.00/5 (1 صوت)

10-14-2015 01:55 PM
عندما تنثر الدرر ويتلالا الضوء انعكاسا ويتعانق النيلان تنفجر نبته
وتزعرد مهيرة ونهتف ترهاقا ياهو ملكنا
يازول انت من وين بتجيب الكلام دا
ما نحن من زمان قلنا الكلمة حقتنا
والكلمة وحدتنا
والكملة سيفنا
كيف ما يكون ومهما يكون
اكتوبر يشهد لينا
والقرشي فينا
ويا كم قرشي ات
الصباج انبلج
والضو اتسع
والارض اخضرت ضرع
تسلم ياوطن

[walid]

#1354077 [shabtakh]
5.00/5 (1 صوت)

10-13-2015 09:53 PM
اخوى هاشم

وكت ربنا جابك لينا قريب , ما تكمل جميلك وتصلنا .. بينا وبينك الاطلنطى بس ..
الكثيرون هنا فى كندا وامريكا يتوقون للقائك .

[shabtakh]

#1354054 [مندهش]
0.00/5 (0 صوت)

10-13-2015 07:01 PM
الحلفاويين و المحس ديل ناويين على شنو اوعا يكون بعملو بروفات استقبال البشير قريبا فى لاهاى

[مندهش]

#1353596 [habbani]
5.00/5 (2 صوت)

10-13-2015 08:29 AM
روعة سطورك زى روعة قسماتك الشعرية ..يا اصيل يازول لا بغيرك زمان ولا بغريك مال
ورمال وطين بلدك مضغة حنان فى وجدانك ..
رائع كما كنت وكما حتكون ..عشق الوطن احر من عشق الحريم..والوطنية فيك عمة وجلابية وتو ب .... يا حبوب


هبانى

[habbani]

#1353521 [مدحت الهادي]
5.00/5 (1 صوت)

10-13-2015 06:51 AM
أتمنى من الإخوة النوبيين في كل بلاد المهجر أينما كانوا بأن تتضمن ندواتهم التي تقام بأن يتحدثوا ,لو بعض الشيء عن التهميش والتهميش الذي أصبح واضحا لكل مدن وقرى النوبة في الشمال ... وعن الأمراض المستعصية التي استوطنت الولاية الشمالية من ( سرطانات وفشل كلوي ) أصبح الإنسان النوبي يعاني منها معاناة لا قبل لها ....
أتمنى أتمنى أن يكون لو جزء يسير من وقتكم بأن تتحدثوا عن هذه المآسي التي في الولاية وأن لا يهدر كل الوقت في أشياء ربما لا يكون ذا أهمية أكثر من الوضع الصحي في الولاية المكلومة .... وفقكم الله وسدد خطاكم لما فيه الخير لأهلكم ،،

[مدحت الهادي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة