الأخبار
أخبار إقليمية
باحثة سودانية تفوز بالمركز الأول في مؤتمر عالمي بأمريكا
باحثة سودانية تفوز بالمركز الأول في مؤتمر عالمي بأمريكا



10-13-2015 08:40 AM

مدني: مزمل صديق
فازت الأستاذة بجامعة الجزيرة ورئيسة قسم الصيدلانيات بكلية الصيدلة ست البنات يس الصديق بالمرتبة الأولى في الأوراق البحثية العلمية، حيث قدمت ورقة في المؤتمر العالمي الذي نظمته مجموعة الأومكس قروب بمدينة أتلانتا بولاية جورجيا بالولايات المتحدة الأمريكية، والذي شاركت فيه (23) دولة و(100) باحث وذلك في الفترة بين 28 – 30 من شهر سبتمبر الماضي.
ونالت الباحثة السودانية ست البنات المرتبة الأولى في بحثها بعنوان (تأثير الببتيد على الخلايا المسببة لسرطان القولون والبيئة المحيطة بالورم)، وكان البحث يمثل جزءاً من رسالة الدكتوراه التي نالتها من جامعة الصين للصيدلانيات.
وحسب متابعات (الجريدة) أمس، فقد وجدت تلك الورقة الإشادة من كبار الأساتذة والعلماء، ويعتبر المؤتمر الذي شاركت فيه هو المؤتمر رقم (389) للمجموعة، والمؤتمر العالمي الخامس لعلاج السرطان بالولايات المتحدة لذات المجموعة والذي حظي بمشاركة واسعة من باحثين من الولايات المتحدة وألمانيا وكوريا واسكتلندا والسعودية وعدد من الدول الأخرى.
يذكر أن د. ست البنات يس الصديق من مواليد مدينة الحصاحيصا في 29 أكتوبر من العام 1979م وتخرجت من جامعة الجزيرة كلية الصيدلة الدفعة (20) في 2003م، ونالت درجة الماجستير بجامعة الجزيرة في 2008م والدكتوراة في جامعة الصين للصيدلانيات في 2015م، وتمت مشاركتها الأخيرة عبر جامعة الجزيرة.

الجريدة


تعليقات 27 | إهداء 0 | زيارات 6405

التعليقات
#1354371 [كاحة امريكا]
0.00/5 (0 صوت)

10-14-2015 11:05 AM
وفقك الله وسيري وعين الله ترعاكي

[كاحة امريكا]

#1354161 [قاسم]
0.00/5 (0 صوت)

10-14-2015 06:50 AM
بتفق معاك يا سيد "دندرمة " مافي ترتيب اولاواخير لاراق المؤتمرات العلمية .بقينا فعلا كرورنصفق ساي.

[قاسم]

#1354101 [الجاااااك]
0.00/5 (0 صوت)

10-13-2015 11:09 PM
هذا هو اللنك بتاع المؤتمر ولم اجد به اشارة لفوزها او فوز غيرها بالجائزة الاولى او الاخيرة فالرجاء لمن يجدها تنويرنا

http://cancer.global-summit.com/america/2015/

[الجاااااك]

ردود على الجاااااك
[ميسون يس الصديق] 10-14-2015 07:51 AM
هذه صورة من تسليم الجائزة في المؤتمر

[abu mohammed] 10-14-2015 06:10 AM
يعني كذب يعني ماذا ستستفيد اذا كذبت في نيلك لجائزة عالمية هل السودلنيين غير مؤهلين لنيل جوائز عالمية يا اخي لاتكن مثبط همم ان كنت انت لم تتمكن من تحقيق شئ في حياتك فاصمت لان من ابناء السودان من هم قادة في مجال البحث العلمي في ارقى الجامعات في العالم -


#1354050 [abushihab]
5.00/5 (1 صوت)

10-13-2015 06:44 PM
مصيبتنا في السودان تنحصر في السياسيين لا بارك الله فيهم جميعا.

[abushihab]

#1354039 [ALWATANI]
5.00/5 (1 صوت)

10-13-2015 06:17 PM
الامريكان ديل خطيرين عرفوا السودانيين عندهم مرض العظمة وعايزين يجننوهم زيادة
*سلة غزاء العالم والقمح ياتى من الروس
* نلبس ممانصنع فى الصين
* اولاد وبنات سودانيين لمجرد الفكرة يقابلهم اوباما ديل هيصابو بجنون البقر بعدين
وتغلبوا فى علاجهم

ها الشمالين برضوا فى مناطقهم يوجد سرطان بنسب عالية ها المساكين ديل السببوا ليهم شنو ( ياجامعة يوهان الصينية.الامركان مشرفين على البعث عشان كد الدكاترة السودانين المتخرجين بدرجات عالية من جنون العظمة شوفو جامعة السودان وقيموا الخلاصة)

[ALWATANI]

#1354036 [دندرمة في برمة]
5.00/5 (1 صوت)

10-13-2015 06:13 PM
يا جماعة مافي أوراق مؤتمرات بيدوها مركز أول و مركز طيش فبالله إحترموا عقولنا شوية عشان ما نبقى كرور نصفق لأي كرور و كفاية الهيلمانة بتاعت الولد الفرتق ساعة و ختاها في شنطة قنبلة بإيعاز من أبيه المعتوه

[دندرمة في برمة]

ردود على دندرمة في برمة
[Bom] 10-14-2015 03:43 PM
والله كلامك صاح 100% الولد ابوه عايز يكسب شهره لا اخترع ساعه لا بطيخ ساعه مفرتقه ركبه وابوه فعلا معتوه لمن فعلا فشل بانه يشتهر فى امريكا عايز يشهر ولدوا وين مع الهنود الكل يوم اولادم بيخترعوا حاجه بالمناسبه ابلد دكاتره خارج البلاد هم الاطباء السودانين والدليل على ذلك ابوسن بتاعم


#1353946 [abu mohammed]
5.00/5 (1 صوت)

10-13-2015 03:26 PM
دا الكلام ولا بلاش بس يا خسارة بلد لايكرم المبدعين

[abu mohammed]

#1353931 [ودأبوريش]
5.00/5 (1 صوت)

10-13-2015 03:09 PM
ألف مليون مبروك ونتمنى للدكتورة ست البنات مزيد من النجاحات والبحوث فعلاً رفعتي إسم السودان عالياً.

[ودأبوريش]

#1353929 [ود احمد]
0.00/5 (0 صوت)

10-13-2015 03:07 PM
بلد يفتقد القيادة الرشيدة والحكم العادل
اذا جيت من حيث الكوادر البشرية والامكانات الطبيعية
اذن ما هو الشيء الذي ينقص السودان لمي ينعض
انها الحكومات اس الداء لقد فشل السودانيون فشلا ذريعا في اقامة الحكم الرشيد ولا يتاتى الا بالديموقراطية التي لا تحجر على احد
والمسكلة في احزابنا الحالية با بد من كنسها وتاتي قوى حديثة تقدم تجربتها

[ود احمد]

#1353859 [omer]
0.00/5 (0 صوت)

10-13-2015 01:16 PM
رابط الخبر كما جاء في موقع جامعة الجزيرة – مركز الأخبار وكمان معاهو صورة!!


http://uofg.edu.sd/NewsCenter/

[omer]

#1353847 [الحق ابلج]
0.00/5 (0 صوت)

10-13-2015 12:58 PM
الف مبروك يا دكتوره .......
ان شاء الله ما تكونى كوزه والا فكل الكلام يحتاج لى مراجعه وشكرا .

[الحق ابلج]

#1353828 [Ahmed]
0.00/5 (0 صوت)

10-13-2015 12:33 PM
مليون مبروك ياست البناتب هذه اشراقة من اشراقات بلادي و تقدم الامم والشعوب يقاس باحترامهم للعلم والعلماء

[Ahmed]

#1353825 [أسمر جميل فتان]
0.00/5 (0 صوت)

10-13-2015 12:29 PM
الف مليار مبرووووووووووووووووووووووووك يا دكتورة و عقبال Full Professor

[أسمر جميل فتان]

#1353817 [علي الرشيد]
0.00/5 (0 صوت)

10-13-2015 12:12 PM
مشاء الله مبروووووك رفعتي اسم السودان وجامعة الجزيرة علي وجه الخصوص ومزيدا من التقدم

[علي الرشيد]

#1353813 [زول سوداني]
0.00/5 (0 صوت)

10-13-2015 12:11 PM
مبروك ياست الناس والبنات و مزيد من النجاحات

[زول سوداني]

#1353812 [ود حجير]
0.00/5 (0 صوت)

10-13-2015 12:11 PM
انت تستحقي هذا التميز ويفخر بك البلد وامثالنا من الذين عاصروا والدك يس عليه رحمة الله ، كيف اجتهد في تعليمك وأحسن تربيتك ، نتمنى من الله ان تتمكني من تعليم بناتنا وأبنائنافي جامعات السودان وتكوني خير مثال يحتذى

[ود حجير]

ردود على ود حجير
[ميسون يس الصديق] 10-14-2015 07:47 AM
شكرا ود حجير علي كلامك الطيب بحق والدنا عليه رحمة الله ،،،، ونتمني من الجميع ومن كان لديه تعليق او استفسار ان يكون مصحوبا بادب وحكمة في اختيار الكلمات


#1353795 [مندهش مسغرب]
4.88/5 (5 صوت)

10-13-2015 11:48 AM
من متين اوراق البحث العلمى فى المؤتمرات بقوا يصنفوها ويدوها درجات؟
احترموا عقولنا ياوهم

[مندهش مسغرب]

ردود على مندهش مسغرب
European Union [kaka] 10-13-2015 04:15 PM
الورقة اكيد متميزة الا كمان السودانيين وخصوصا الكيزان عندهم عقدة التفخيم ,,, ما يعملو ليها زي الراعي الامين


#1353759 [hassan]
0.00/5 (0 صوت)

10-13-2015 11:05 AM
مبروك
والله حكم!!! الدكتوراة 2015 والآن رئيس قسم؟؟ البلد فاااااضية الناس إتخارجت

[hassan]

#1353689 [القريش]
5.00/5 (1 صوت)

10-13-2015 09:50 AM
مبروك ياست الناس والبنات الله يعينك ولك المستقبل ومزيد من التقدم والبحث العلمى الجاد!تهانينا!

[القريش]

#1353674 [مهندس / الرشيد حمزة]
5.00/5 (1 صوت)

10-13-2015 09:40 AM
مبروك و مزيد من النجاحات

[مهندس / الرشيد حمزة]

#1353665 [موردة حضارة]
5.00/5 (2 صوت)

10-13-2015 09:37 AM
very nice , go ahead

[موردة حضارة]

#1353652 [AHMED SALAH]
0.00/5 (0 صوت)

10-13-2015 09:26 AM
يعنى معقول لا صوره من المؤتمر ولا حتى صورتها هى ذاتها..!! اقلها نشوف الأستاذه السودانيه الرفعت رأسنا وشرفتنا دي..!!

[AHMED SALAH]

#1353629 [ابو عمر]
5.00/5 (3 صوت)

10-13-2015 09:07 AM
لك الله يا وطني ناس تنال الدرجات الاولى باسمك
وناس تاكل اسمك

[ابو عمر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة