الأخبار
أخبار إقليمية
شؤون الأعضاء تدرس مقترحاً بزيادة مخصصات نواب البرلمان
شؤون الأعضاء تدرس مقترحاً بزيادة مخصصات نواب البرلمان
شؤون الأعضاء تدرس مقترحاً بزيادة مخصصات نواب البرلمان


10-13-2015 08:57 AM
البرلمان: سارة تاج السر
تعتزم لجنة شؤون الأعضاء بالمجلس الوطني، دراسة مقترح بزيادة مخصصات نواب البرلمان بجانب العمل على تمليكهم سيارات بالأقساط.
وقال رئيس اللجنة يوسف موسى إنهم بصدد دراسة مقترح لزيادة مخصصات النواب، وأضاف: (لا نملك الحق في إجبار الحكومة على زيادة مخصصاتنا، ولكن سندرسها لتحديد النائب الفاعل الذي يستحق الزيادة).
وأعلن موسى في تصريحات صحفية أمس، وضع خطة مالية لتغطية جميع مشاكل النواب أثناء عملهم، بالإضافة إلى ضوابط رقابية جديدة تصل الى استجوابهم عن الغياب من الجلسات، ونبه الى تشكيل لجان فرعية لحصر كافة مشاكل النواب توطئة لمعالجتها.

الجريدة


تعليقات 11 | إهداء 0 | زيارات 3042

التعليقات
#1354449 [ممغوص]
0.00/5 (0 صوت)

10-14-2015 12:44 PM
الناس ديل مش هسي صرفو ليهم بكاسي , تاني زيادة شنو وتمليك عربات بالاقصاد شنو,
هم عملوا شنو غير شغالين نوم وصفاقين بس .

[ممغوص]

#1353951 [همت]
5.00/5 (2 صوت)

10-13-2015 03:33 PM
تاااااااااااااااااني؟ وشوف التمويه: وأضاف: (لا نملك الحق في إجبار الحكومة على زيادة مخصصاتنا، ولكن سندرسها لتحديد النائب الفاعل الذي يستحق الزيادة).! ما إنتو الحكومة ذاتها!!. عندما يطالب النواب بزيادة مخصصاتهم فتأكد أن الحكومة بصدد زيادة معاناة الغلابى وتريد من النواب شرعنة تلك الزيادة فترشو النواب بزيادة مخصصاتهم - أو بالأحرى - مسروقاتهم من أموال الشعب! والنواب السودانيون هم الأرخص على مستوى العالم ... تزيدهم بضعة ملايين فيبيعوا السودان والسودانيين انفسهم إن أرادت الحكومة ذلك

[همت]

#1353916 [مدحت عروة]
5.00/5 (8 صوت)

10-13-2015 02:48 PM
برلمان شنو وقذارة شنو؟؟
قروش رايحة ساكت لو ادوها لاولاد المدارس فى شكل وجبات او كتب او كراسات او معدات مدرسية او المراكز الصحية احسن من هذا المجلس العواليق اللابيودى ولا بيجيب والحكومة والحزب الحاكم واجهزة الامن بتعمل الدايراه بلا زيادة مخصصات بلا كلام فارغ وانا اقترح تسريحهم والداير يعمل ليه كارو او يزرع او يبيع موية احسن له وللشعب لمن تجى ديمقراطية حقيقية وتمثيل حقيقى للشعب يقيف للحكومة فى حلقها ويسالها سؤال منكر ونكير عن اى قرش اين وكيف صرف وتعمل القوانين وتجيزها الخ الخ الخ
المؤسسات البتشبه المؤسسات فى الدول الديمقراطية ما هى الا زينة وديكور ساكت فى الانظمة الديكتاتورية وصرف يثقل كاهل دافع الضرلئب والمواطن!!!
كسرة:ما تشوفوا ديفيد كاميرون كيف بيقيف زى التلميذ امام نواب البرلمان ويسالوه سؤال منكر ونكير لمن يعرق انتو شنو يا السجم والعواليق غير مرتبات وسيارات وبنزين ومخصصات انشاء الله تدخل عليكم بالساحق والماحق وما تتهنوا بيها ابدا قوموا بلا لمة بلا عطالة فارغة التعليم والصحة والمساكين اولى منكم بهذا الصرف الا يجى نظام ديمقراطى حقيقى كامل الدسم!!!

[مدحت عروة]

ردود على مدحت عروة
[مشتهي آلله كتلا] 10-13-2015 06:30 PM
مساكين نواب البرلمان الياباني .. اذ يحضروا للجلسات بالعجلات

و وزير ماليتنا يلهث وراء اعفاء ديون 46 مليار دولار ! ! !!!

[ودكركوج] 10-13-2015 03:29 PM
احححح. لكن ماريحتني الله يريحك دنيا وآخرة.


#1353856 [فدائى]
0.00/5 (0 صوت)

10-13-2015 01:10 PM
انتظروا يانواب السجم الاحرار عندهم ليكم مخصصات ما سمعتو بيها قبل كده والنائب لازم اشيل مخصصاتو بالبنيه يعنى تشيل ماتشيل تشيل

[فدائى]

#1353832 [م محمد الحاج]
5.00/5 (1 صوت)

10-13-2015 12:41 PM
زيادة مخصصات ههههههههههههه
ياخ انتو بتصرفوا اكتر من رئيس امريكا زاتها
اختشوا قاعدين تقدموا شنو للمواطن انتم صفر علي الشمال وعالة علي المواطن ليس الا فما نقول غير (قدكم)

[م محمد الحاج]

#1353693 [صلاح حسن]
5.00/5 (7 صوت)

10-13-2015 09:55 AM
إقتباس:
((وقال رئيس اللجنة يوسف موسى إنهم بصدد دراسة مقترح لزيادة مخصصات النواب، )) .

إختشى يا راجل ,
إنتو فى شنو و الحسانية فى شنو !!
البلد مأزومة و إقتصادها فى الواطة و رئيسك جارى وراء المعارضة عشان يجتمعو لتحسين معيشة المواطن و سيادتك عايز تزيد من مخصصات عطالة مُقّنعة لو جاءو لحضور الجلسات و حتى بحضورهم يكونو 24 ساعة فاتحين الواتسأب و الفيسبوك للونسة !!
و حسبنا الله و نعم الوكيل .

[صلاح حسن]

#1353688 [ابو سحر]
0.00/5 (0 صوت)

10-13-2015 09:48 AM
الكاركتير جميل ومعبر
بيصفقوا عايزين يزيدوا مخصصاتهم هم مما ابتداوا عمل شنوا؟؟؟

البلد دي فيها حاجات تحير
منها الاتي
1-السودانيين شعب طيب ومحترم وكريم وشهم
لكن
1-ما عندهم قيمة للوقت
3-ما عندهم اعتبار للعام بيفضلوا الخاص علي العام
بيهتموا بالمجاملات اثناء ساعات العمل
وما بيهتموا بالعمل والمراجعين
4-الدولة لا تتقدم بالمجاملات بل بالعمل
ومن الاشياء المحيراني
1-القنوات الكتيرة وكلها بتقدم اغاني فقط
2-المطربين وعدهم في تزايد وبقوا اكتر من المستمعين
3-الاحزاب وصلت الي 83 حزب وكلها احزاب كرتونية بدون اعضاء
4-الحرائد وعددها اكتر من القراء
5-الوزراء وعددهم يفوق المائتين
و اكثر الوزراء غير معروفين للمواطنين

[ابو سحر]

#1353633 [المستعرب الخلوى]
4.75/5 (3 صوت)

10-13-2015 09:13 AM
حسبنا الله ونعم الوكيل فيكم ..
جهة غير منتجة .. وما كفاهم البياخدوه من عرق الآخرين ؟؟
مجرد رشوة لتمرير كل الزيادات والجبايات المرتقبة فى الطريق..

[المستعرب الخلوى]

ردود على المستعرب الخلوى
[عبدالمجيد] 10-13-2015 03:30 PM
النائب يعمل لاهله ومطلوب منه اشياء كثيرة هل يعقل ان يسير على قدميه ليقدم خدمه وراتبه اقل من راتب اى موظف فى الدرجة الثالثة!!!؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة