الأخبار
أخبار إقليمية
الطفل المخترع أحمد يلتقي البشير ببيت الضيافة بالخرطوم
الطفل المخترع أحمد يلتقي البشير ببيت الضيافة بالخرطوم
الطفل المخترع أحمد يلتقي البشير ببيت الضيافة بالخرطوم


البشير تعهّد بتبني كل اختراعاته
10-14-2015 11:59 PM
الراكوبة - الخرطوم التقى الطفل المخترع أحمد محمد الحسن الصوفي، رئيس الجمهورية المشير عمر البشير ببيت الضيافة وأطلعه على تفاصيل اختراع الساعة. وذلك عقب صوله الخرطوم، قادماً من المملكة العربية السعودية بعد أداء العمرة. في وقت تعهّد فيه البشير بتبني كل اتراعات الطفل احمد الصوفي.

وكانت الشرطة الامريكية قد اعتقلت الطفل احمد، بعدما اشتبهت في وجود قنبلة في حقيبته المدرسية، قبل ان يتبيّن لاحقا ان ما بداخل الحقيقة ساعة قام الطفل احمد باختراعها.

وقال الطفل المخترع أحمد محمد الحسن الصوفي في تصرحيات صحفية إنه بصدد اختراع جديد لتطوير صناعة الحديد، قال إنه يتمنى أن يسهم في تطوير قطاع السكة حديد بالسودان. وأزاح اللثام عن اختراع آخر لتوليد الطاقة الكهربائية بغير الطرق الحالية.

واكد محمد الحسن الصوفي والد الطفل المخترع، إن لقاءهم مع رئيس الجمهورية كان ودياً وتطرق لشرح اختراع الساعة، منوهاً إلى أن الرئيس أكد رغبته في تبني كل اختراعات أحمد تشجعياً للمواهب اليافعة. مشيرا الى انهمس يغادرون نهار اليوم (الخميس) إلى أمريكا، لمقابلة الرئيس الأمريكي باراك أوباما بالإثنين المقبل.


تعليقات 52 | إهداء 0 | زيارات 10300

التعليقات
#1355416 [كرازي]
0.00/5 (0 صوت)

10-16-2015 06:40 PM
[الرأى العام]رد
يازول إنت متأكد جلد نمر ما جلد كدروك؟؟؟؟بشه ماكفى عليه الجنائيه كلامك ده بعمليهوا رعب. حسع بكلامك ده يقوم يديهو لاي كوز علشان يلبسوا الجريمه البتقول فيها...كدى نشوف اللقاء الجاي بلبسوا ولا بغيرو بمركوب أبيض .اها المره الجايه ماتقولينا المركوب الابيض من جلد النعام ولاطاوؤس وهو محرما دوليا..اها ودعتك الله..

[كرازي]

#1355351 [isic]
0.00/5 (0 صوت)

10-16-2015 03:18 PM
والله بصراحة كده أبوك بدأ يتسوق بك وإنت عارف الامريكان تماما لامن تقابل لك رئيس يقتل أطفال مثلك ويحرقهم بالانتنوف في دارفور وجنوب كردفان وجنوب النيل الازرق، إنت ضيعت إختراعاتك بنفسك يا إبن مرشح رئاسة الجمهورية!!!!

[isic]

#1355326 [طالب تية]
0.00/5 (0 صوت)

10-16-2015 12:52 PM
يا ربي لو كان الطفل ده بيدرس ويتعلم في السودان كان اخترع الساعة دي؟ كم من امثال هذا الطفل يوجدون في السودان الان ولم يلتفت اليه احد. فيا جماعة الطفل ده اصبح طفل امريكي وما حيكون عندو علاقة بالسودان لان امريكا قد استثمرت فيه وهي سوف لن تفرط فيه. ونحى ونشوف المغالطنا في الكلام ده.

[طالب تية]

#1355144 [كرازي]
0.00/5 (0 صوت)

10-15-2015 08:21 PM
بشه مالوا بقي سمين كده؟؟؟؟؟ ولا منفوخ هواء ساى!!!!! نظرى ضعيف شويه ....فى البدايه قلت تاجر المواشى دا مالو عشان لابس مركوب مصنوع من جلد فيل ولابقره.....ماقادر أ ميز؟؟؟

[كرازي]

ردود على كرازي
United States [abo Tika alzat] 10-16-2015 05:06 PM
Sudan's President Omar Hassan al-Bashir, shaking hands with. American Secretary of State Colin Powell,,

European Union [الرأى العام] 10-16-2015 02:58 PM
لابس مركوب نمر المتخلف, جلد النمور محظور عالميا نظرا لتعرضها للانقراض كبقية كثير من الحيوانات التي أصبح وجودها مهددا, واستعمال أو اقتناء أي من جلود الحيوانات هذه أصبح جريمة يعاقب عليها القانون في العالم المتحضر, يبدو أن البشير يضيف جريمة أخرى لجرائمه التي لا تحصى ولا تعد.


#1355142 [المانى]
5.00/5 (2 صوت)

10-15-2015 08:04 PM
مافى داعى لكل الحيلمانه ... عشان بكره ما تدخل فى جنون العظمة وتضيع مستقبك... ارجع مدرستك واعتبر مافي حاجة حصلت ..واعمل المزيد

[المانى]

#1355140 [Nagi]
0.00/5 (0 صوت)

10-15-2015 08:01 PM
والله كل التعليقات تدل علي سطحية وتخلف وغباء المعلقين انتو مالكم يلاقي البشير ولا اردوغان ولا اوباما ولا الجن الكلكي

[Nagi]

#1355097 [بدرنورالدائم]
5.00/5 (1 صوت)

10-15-2015 05:06 PM
اخوتى السلام عليكم ورحمه الله من الؤسف جد ان دائما نحن نحطم ولانشجع و الله فى السودان الواحد مايقدر يصنع ابره ليه الشكوك هل الناس البشكو والبحلل هم احسن من الامركان هل الناس الذين اكرموا هذا الفتى ماعندهم خلفيات ياجماعه انا اعرف والد هذا الشاب هولاء عباقره فيما بعد ممكن يصنع طياره وعلى العلم هذه عائله دينه متصوفه ربنا اكرمهم بلاش الشكوك

[بدرنورالدائم]

#1355095 [عبر الاسير]
5.00/5 (2 صوت)

10-15-2015 04:59 PM
والد احمد بقى شغال تجارة بابنه من رئيس لوزير .. شكلهم عايزين يسترزقوا من القضية بشتى السبل . والطفل المسكين اتلهى عن دراسته.

[عبر الاسير]

#1355086 [النذير]
4.97/5 (7 صوت)

10-15-2015 04:36 PM
يبدو أن والد أحمد لم يستطع مقاومة جاذبية القصر الذى كان يحلم بألاقامة فيه ودعوة البشير لهم لالتقاط صورا تذكارية يلعب أبنه فيها الدور الرئيسى, من الواضح أن والد أحمد يتعامل مع مسألة ابنه بقصر نظر ودون حكمة ولا أدرى ان كان يدرك أو لا يدرك أو يتجاهل أن مثل هذا اللقاء لا يصب في مصلحة ابنه وأن كل التعاطف والاعجاب المبرر أو الغير مبرر الذى وجده سيفقده بمثل هذا التصرف الارعن, لماذا يقحم الرجل ابنه في دعاية سياسية رخيصة لديكتاتور تسبب في مآسى لا حد لها لهذا الوطن, وهو المهاجر الذى يعيش في دولة ديمقراطية تضمن مؤسساتها حقوق الانسان والتي أعطته جنسيتها وجعلت منه رجل أعمال ناجح, هل يريد الرجل لابنه أن يرى البشير كمثال يجب أن يقتدى به, أم ماذا!! أنا أتعاطف مع أحمد لصغر سنه وأنه وجد نفسه تحت سيطرة أب فقد البوصلة تماما ويعرض ابنه لمزالق وأخطاء كان يمكن أن يكون أحسن حالا بدونها.

[النذير]

ردود على النذير
[ود التبلدي] 10-16-2015 11:09 AM
تعليق محترم جدا شكرا النذير

European Union [Man] 10-16-2015 08:05 AM
صدقت!


#1355013 [قرمبع]
5.00/5 (1 صوت)

10-15-2015 01:54 PM
يا ود قلبا و الله انت ود قلب قلب امها زاتو. كلام في الصميم.
بعدين ابو الولد زول اسلامي من دقنو العامله زي بتاعة تماسيح الاراضي دي و الحكايه فيها ان و ابعد من كده انهم بدون ما يشعرو لوثو القصه كلها بحشر البشير فيها. اساسا بشه اليومين ديل بفتش في اي حاجه تلمو مع امريكا و الامريكان و يرسل في المتورك الاسمو غندور داك يشحد في اليسوي و المايسوي عشان يرسي قصة دعم الارهاب دي علي بر.اذن بشه قال طالما الود ماشي يقابل اوباما الاتنين انا اقص ليهو يوم الاربعا. و ما معروف يمكن يكون وصي ابو الولد يكسر ليهو تلجتين تلاته في المكتب البيضاوي. كلها حركات كيزان معروفه و الكوز ده شفتو مش لو مشي امريكا. لو مشي الواغ الواغ زاتا ما بخلي سجم رماد اخلاقهم دي.

[قرمبع]

#1354997 [مكركاوى]
0.00/5 (0 صوت)

10-15-2015 01:20 PM
انا الان قااااااااعد فى امريكا و الان هنا كل الطلاب على مختلف المراحل التعليميه فى بداية الموسم الدراسى الجديد والذى بداء قبل شهرين فكيف لاحمد ان لا يكون متواجد الان فى مدرسته ؟ مع العلم ان هذا التصرف هنا ممنوع بان يتخلف اى تلميذ او طالب فى مراحل الابتدائى ثم المتوسطه ثم الثانوى ؟ ولكن اذا كنت تدرس فى جامعه او كليه فهذا شانك ولا يتدخل فيه احد حتى الشرطه و الوالدين ؟؟؟؟ عليك اشك فى هذه الصوره والتى اعتبرها تركيب بفضل التكنولوجيا الحديثه المعاصره ؟ ولو كان الامر كذلك لماذا لم يعرض هذا اللقاء فى التلفزيون او الاذاعه ::::::....

[مكركاوى]

ردود على مكركاوى
[الكترابة] 10-15-2015 04:34 PM
أعتقد أن الأسرة جاءت وعملت عُمرة (بدعوة من الملك سلمان) وهي في طريق العودة لأمريكا بعد زيارة الأهل في السودان.
قد يكون خالف لوائح الدراسة لأن ما جناه كثير ولا يبالي خاصة انه بعد عودته سيقابل الرئيس اوباما كما في الخبر.


#1354990 [نقطه نظام!]
0.00/5 (0 صوت)

10-15-2015 01:09 PM
اقتراعاته ؟ سبحان الله الناس دي بقت عندها مشكله في العربي ولا شنو ولا ماعارفين الفرق بين القاف والغين ؟؟
ده اخلال تمام بالمعني المقصود

[نقطه نظام!]

ردود على نقطه نظام!
[الكترابة] 10-15-2015 04:35 PM
يبدو أن ناشر الخبر مشغول بالاقتراع (من القرعة)
او لا يعرف الكوع من البوع.


#1354986 [فدائى]
0.00/5 (0 صوت)

10-15-2015 12:57 PM
بالهداوه الموضوع من الاول لا يدخل الدماغ وشبهة الفبركه واضحه من طريقة الاعتقال والطريقه التى صور بها تدل على ان من اخذ صور الاعتقال مصور صحفى محترف الاظهاره (للكلبشات) كرمزيه معينه يعنى بالمنطق كده اتصلو على الصحافه فى الاول حتى جو اعتقلو ولا كيف - الموضوع مفبرك لهدف معين مطلوب مننا نعرف الهدف ده

[فدائى]

#1354984 [الحازمي]
5.00/5 (1 صوت)

10-15-2015 12:55 PM
يا الصوفي
يا أحمد
كفى متاجرة و ارجع يا ولد لمدرستك أحسن ليك
ابعد من الكيزان و الدجاليين و الماسونيين "الاخوان المسلمين"

[الحازمي]

#1354953 [عصمتووف]
5.00/5 (1 صوت)

10-15-2015 11:58 AM
حلت علي اليافع احمد اللعنة والفشل ف مسيرتة الا يدري بان البشير ونظامة يدس يده ويحشر انفة ف كل شئ مصيره الي ززوال اسرة الصوفي لم تشاهد المشاريع والصناعة والمجتمع والاقنصادد والاسلام انهار بيدة الله يكون ف هونك زيارتك خطا لا يفتغر مسمي نفسة البشير ولا ادري كيف يكون حالنا اذا كان اسمة الشؤم

[عصمتووف]

#1354928 [اشرف]
0.00/5 (0 صوت)

10-15-2015 11:02 AM
جزاك الله خير

[اشرف]

#1354925 [Zee]
4.75/5 (3 صوت)

10-15-2015 11:01 AM
لقاء السفاح المجرم البشير ح يأثر سلبا على قضيتك في أمريكا. الإعلام الامريكي حينشر و يتناول الخبر لا محالة و إنت عارف نظرة الناس في أمريكا للبشير.

[Zee]

#1354912 [ابو سحر]
5.00/5 (1 صوت)

10-15-2015 10:32 AM
الموضوع الذي اثار الامريكان كان موضوع اعتقال طفل من المدرسة لانه مسلم واسمه احمد
الاعتقال سبب مشكلة كبيرة للحكومة الاميريكية لان اجراء الاعتقال فيه عنصرية وفرز بين المواطنين الامريكيين مما يعد مخالف للقانون الامريكي وحقوق الانسان
اما الطفل احمد فهو مصمم وليس مخترع صمم ماركة او موديل جديد للساعة
ومفروض نشجع المواهب ونساعدهم ونتمني له التوفيق

[ابو سحر]

ردود على ابو سحر
[فنجاط] 10-15-2015 09:18 PM
اذا كنت عايش في امريكا مابتقول الكلام دا


#1354904 [مدحت عروة]
5.00/5 (2 صوت)

10-15-2015 10:22 AM
يا جماعة الخير لا اقصد بتعليقى هذا الانتقاص من الولد الشاطر الذكى احمد محمد الحسن وربنا يوفقه ويزيده علم وخبرة حتى يصير له شان بعد تلقى المزيد من العلوم والدراسة العلمية والعملية!!
ما اريد ان اقوله هو ما اول شخص فى العالم يخترع حاجة بل هو لم يخترع بل عمل ساعة بمجهوده الخاص والساعة اخترعت منذ زمن بعيد ولا اعرف او اذكر من اخترعها لكن الكبر المسألة هو عملية اعتقاله من قبل الشرطة الامريكية خاصة انه لم يرتكب اى جريمة بل صنع ساعة بمجهوده وذكائه وشطارته وما كان يجب ان يجازى بالاعتقال والتحقيق معه الخ الخ الخ وطبعا الامريكان شعروا بالحرج من معاملة صبى صغير السن موهوب وامامه مستقبل واعد بهذه الطريقة الفظة بدلا من الثناء عليه وتشجيعه من قبل المدرسة فقط لانه مسلم وباقى القصة معروف ظهر فيها اوباما وناس قوقل وبيل قيتس على ما اعتقد الخ الخ الخ !!!
اتمنى لك التوفيق يا احمد وربنا يوفقك فى اختراع حاجة جديدة تفيد منها البشرية جمعاء ونفتخر بك كسودانى وتكون قدوة ونموذج لاطفال السودان المعظمهم بقى فاقد تربوى(اكثر من 3 ملايين طفل باعتراف حكومة الكيزان) وربنا شافك ساكت واكرمك بالهجرة الى بلد ديمقراطى يمتاز بالتعليم الجيد والاعتراف بالاخطاء اذا اخطاوا هل يستطيع طفل سودانى او ابوه ظلمتهم الحكومة فى السودان ان يعملوا مؤ تمر صحفى فى السودان وينتقدوا الحكومة ويطالبوا بحقهم او الاعتذار الخ الخ الخ ويجى بعض الدلاهات والاغبياء والجهلة والفاقد التربوى ويقولوا ليك الديمقراطية بتاعة الكفار اخ تفوووووووووووووووووووووووووووووووو!!!!

[مدحت عروة]

#1354899 [keemo]
5.00/5 (2 صوت)

10-15-2015 10:14 AM
لو ما ماخد الجنسية الاميريكية لو اخترع سحابة ما حدى حا يجيب خبرو .

[keemo]

#1354891 [عمر الرشيد]
5.00/5 (6 صوت)

10-15-2015 10:02 AM
و متى يقتنع الشاب احمد و أبوه بأن الساعة تم إختراعها منذ مئات السنين و هو ليس عمل جديد أو مُبتكر حتى يصحو و يفوقو ؟؟
متى يقتنعون حتى يرتاح الجميع من هذه الغلوتية التى لا تنتهى , و حتى ينتهى إستغلال الأهل لهذه القصة , إنه إستغلال مُفرط إلى حد العوارة ..

فعلاً الموضوع أخد حجم اكبر من حجمه , و منذ خروج الموضوع للعلن لم يذهب الولد لمدرسته و أبوهو عملها ليهو كلها سفر و مقابلات و لقاءآت ووووووو و المدرسة شغالة و فى النهاية لا يستطيع الولد مواكبة دروسه و يسقط و يفشل فى دراسته , ويكون السبب أبوهو و أهله الذين إستغلوهو ..
ف رفقاً بإبنك يا سيادة الوالد و خليهو يشوف قرايتو و مستقبله .

[عمر الرشيد]

ردود على عمر الرشيد
United States [abo Tika alzat] 10-15-2015 06:45 PM
The man his son with him where is your son leave man alone ya Mkanies

United States [محمد ود تمبول] 10-15-2015 11:50 AM
هههه وهو كذالك...الود فشل خلااااص...اولادي جيراني بيصنعوا هليكوبترات عديييل...اي والله يصنع طائرة عدييييل ويطيروا ومافي حد يتحدث عنهم وجنانا ابو رويس دا صمم ليه منبه خلاص اصبح يتصور مع اوردغان وفرتكان وايو ركب خخخخ ههههه

European Union [زهجان من الكيزان] 10-15-2015 11:24 AM
ينصر دينك يا اخ


#1354886 [samiiiiiiiiiii]
5.00/5 (2 صوت)

10-15-2015 09:55 AM
الكيزان يتاجرون بكل شئ ابتداءً بالدين والراجل بدأ يتاجر بالولد مثلا مصر في كل مخترع وأكثر من الولد دهـ بمراحل وما سمعنا بالبروبجندا والحيصة دي كلها

[samiiiiiiiiiii]

#1354880 [كول]
4.75/5 (5 صوت)

10-15-2015 09:47 AM
ده راجل ما بختشي لافي يشحد بولده من حته لحته اصلاً ده طبعهم ناس الصوفيه حب القروش مفتكر ولده عمل كرامه من الكرامات عالم متخلف بشكل.

[كول]

ردود على كول
[بولت] 10-15-2015 08:51 PM
سبحان الله قريت افكاري .الطبع غلاب.....

[المغبون] 10-15-2015 12:06 PM
ضحكتنى ياكول . فعلا اذا كان من صوفية اليومين ديل لايستحون من الشحده ابدا وليس فى وجههم نقطة ماء تراق .

[ودالبلد] 10-15-2015 11:39 AM
أحترم نفسك وأوعك تغلط ....


#1354878 [ابن السودان البار]
4.75/5 (3 صوت)

10-15-2015 09:42 AM
في السودان الآن يتقاعد واحد من أكبر 5 علماء نخيل في العالم وهو الدكتور عوض محمد أحمد عثمان وزراعة النخيل في سوداننا الحبيب متخلفة للغاية وتدهورت في أيامك يا البشير وعصابتك الفاسدة ؟؟؟ وسودانا ما محتاج لساعة وإنما للطعام الذي تجده الطيور ؟؟؟ لماذا يا أكبر رئيس منافق. وساذج في تاريخ الإنسانية والسودان لم تسأل عن الأطفال الذين لا يجدون الغذاء الآدمي الموزون وجيد كاكل أطفال الكفار والملحدين ؟؟؟ وهل تعلم بأن هنالك 250الف طفل بمدارس العاصمة لا يجدون وجبة الفطور ناهيك عن الأقاليم ؟؟؟ الا تختشي تحتفل بطفل ركب ساعة وتنخدع بالإعلام الزائف ومثل هذه الأعمال يوميا تظهر بالآلاف وينجح منها القليل بعد اختباره ومعرفة جدواه الاقتصادية ومدي الاستفادة منه ثم تسجيله كبرائة اختراع ثم تبني احدي الشركات بتصنيعه وتسويقه أن السذزج ينساقون لأي حدث بدون التدقيق والتمعن في الحدث وسوف يعتبرون كلامي هذا حسد؟ في الدول الاسكندنافية كل يوم يسجل كذا الف اختراع وينتج ويسوق منهم عدد قليل جدا ليستفاد منه العالم ؟؟؟ وخليك يا البشير وعصابتك الفاسدة مع بلة الخايب وشيخ اللمين الحيرانه غلمان وجكسي ومحايته ببسي وشعبك المنكوب بافنديته وعسكرييه وتجار الدين وهلم جرررررر ؟؟؟

[ابن السودان البار]

#1354864 [سلفادور]
5.00/5 (1 صوت)

10-15-2015 09:24 AM
الكيزان عايزني يبدع و يصنع ليهم قنبلة نووية

[سلفادور]

#1354858 [محمد عباس محمد عثمان]
1.50/5 (2 صوت)

10-15-2015 09:16 AM
نحن شعب غريب وعجيب لماذا لا ندعم هذا الطفل واعماله وافعاله بدلا من لغة التشكيك والتثبيط ..امريكا بكل فكرها اثنت عليه لماذا لا ندعمه بدلا من هذا التشكيك الغريب.

[محمد عباس محمد عثمان]

ردود على محمد عباس محمد عثمان
European Union [محمد عباس محمد عثمان] 10-18-2015 09:29 AM
طفل وجد الاشادة من ماكروسفت وغوغل الا يكفي هذا على نبوغه لماذا لا ندعم ابنائنا ممن لهم فكر وهوايات يمكن ان تفجر طاقاتهم

United States [abo Tika alzat] 10-15-2015 06:49 PM
a real man will not put his brother down I do not think those just punch of cowards

[ابن السودان البار] 10-15-2015 04:42 PM
انت يااخي عايز تدعم طفل ليصنع ماذا ؟؟؟ وبشيرك يستورد بصل وطماطم ؟؟؟ خليها مستورة ؟؟؟


#1354836 [د.عبدالله]
0.00/5 (0 صوت)

10-15-2015 08:57 AM
تأكدت من قراءة التعليقات أن:العقلية السودانية لا ترقى لمستوى الطموحات العالية،وأن الشخصية السودانية تعيش حالة من الانحطاط الفكري ،وهي ذات قلب مليء بالحسد ...ماذا قدمتم أنتم حتى تبخسوا الناس أشياءهم ...تأكدوا أن الله لا يغير ما بقوم حتى يغيروا ما بأنفسهم ...أرجو منكم قراءة تعليقات القراء في صحيفة (سبق)السعودية ...

[د.عبدالله]

ردود على د.عبدالله
European Union [د.عبدالله] 10-15-2015 01:09 PM
يا علي هولندا..اظن هولندا قاصدبيها الدولة الأوربية المتقدمة المعروفة ..يا أيها الهولندي ..أنت الوحيد الذي يعلل الأمر بهذه الطريقة ..الظاهر إنك لم تقرأ التعليقات ..معظم المعلقين بيسخروا من كلمة اختراع بحجة أن الساعة شيء قديم مخترع من قبل متناسين إن الطفل عمره 14 سنة ..وأفتكر إن أكثرهم لما كانوا بالعمر دا كانوا حايمين ب.....(واللبيب يفهم) فالمطلوب التشجيع والفخر بكل ما هو سوداني حتى نتقدم ...والرجاء منك ومن القراء لرفعة شأن الوطن أن نتبع سياسة (أنا لا أكذب لكن أتجمل) ودمتم

[علي هولندا] 10-15-2015 10:40 AM
يا د.عبدالله (اعتقد انه الدال ) قاصد بيها دكتور ..عن اي طموحات تتحدث يا ايها الدكتور ...الزخم الاعلامي الصاحب القبض علي هذا الطفل كان بسبب خطأ البوليس الامريكي في القبض علي طفل يحمل ساعة حائطية زعموا انها قنبلة.. التركيز كان علي الخطأ اكثر من الاختراع او الاكتشاف المزعوع ..كل الحصل هو تعاطف الاعلام العالمي مع طفل برئ من تهمه الارهاب...يعني الطفل ده لو ما تم القبض عليهو ماكان في جهة حتهتم باكتشافه ده لانه في ملايين الاطفال اكثر ابداعا منه...التعليقات هنا ركزت علي الاستغلال السيئ من قبل والد الطفل للحدث والترويج والمتاجرة بدلا من الاهتمام بعودته الي قاعات الدراسة...متجاهلا تمام الاثر النفسي للطفل ..الموضوع هنا ما عنده علاقة الحسد كما تدعي يا دكتور


#1354808 [Badr]
4.75/5 (4 صوت)

10-15-2015 08:20 AM
الوالد ضيع الولد و هو يعلم ان الشعب السوداني لم يكره شخصا قط مثل ما كره البشكير . الوالد سقط سقوطا مدويا و الى الأبد . احمق

[Badr]

#1354792 [هالة]
4.50/5 (3 صوت)

10-15-2015 07:42 AM
مخترع الساعة هو الفرنسي لوى كارتييه . سنة 1904م
الإختراع هو إبتكار شيء لم يكن موجودا من قبل .
لكن الإكتشاف هو الوصول إلى شيء موجود بالفعل ولم يصل إليه أحد من قبل .
الطفل دة ممكن نطلق علية صنع ساعة .. اكتشف شئ جديد في الساعة . زبط الساعة صنع زَنبَلِك من نوع تاني ؟؟ موش تشبكونا مخترع الساعة مخترع الساعة ؟؟

[هالة]

#1354787 [ابو سامر]
4.50/5 (2 صوت)

10-15-2015 07:37 AM
احمد لم يخترع ساعه يا جماعة الساعه اخترعوها قبل مئات السنوات هو صنع ساعه من نموذج موجود ... لو صنع نموذج لي ايباد ولا سامسونج او حاجه جديدة مافي من قبل ممكن نقول ليه مخترع، اما حكاية الساعة دي اي طالب ممكن يصنع لو أتوفر ليه المواد والمكونات مثلا software و hardware و component
الاعلام الغربي أتكلم عنها عشان حكاية العنصرية ما عشان مخترع وصنع حاجه جديد وووو

[ابو سامر]

#1354783 [دنيا فرندقس]
5.00/5 (3 صوت)

10-15-2015 07:23 AM
بعيدا عن الجدل حول هوية السودان العربية, الا ان اللغة العربية لا تزال هى اللغة التى نتحدث ونكتب ونفكر بها ولذلك لابد من احترامها فقد لاحظت فى الفترة الاخيرة تردى بشع فى استخداه العربية لاسيما حروف الفاء و القاف والزاى او الزاءوحرف الذال وفى هذا المقال اراد الكاتب ان يستخدم كلمة اختراع فكتب بدلا عنها كلمة اقتراع وشتان مابين الاثنين ولاحول ولاقوة الا بالله

[دنيا فرندقس]

#1354782 [ابومروان]
5.00/5 (13 صوت)

10-15-2015 07:23 AM
الموضوع اخد حجم اكبر من حجمه والولد صدق وابوه بقى يسمسر بيه خلي الولد يشوف قر ايته وانت شوف شغلك وولدك لوعنده اختراع جاد الناس حاتشوفه بعد مايصقل قدراته بالتعليم بدل تدق بي ولد الطار وكمان جايب معازوجتك وفي كل صورة تظهر العائلة كلها كلام يحير والله بقت علينا زي عملية الراعي بتاع السعودية في زمن هزائمنا وتدهورنا بقينا مانصدق نلقى لينا حاجة ولو تافهة نعمل ليها قومه وقعده

[ابومروان]

ردود على ابومروان
European Union [السودان الوطن الواحد] 10-15-2015 08:20 AM
ما روح الإحباط هذه يا مروان.. هذه العائلة تمثل شعبك خير تمثيل ورئيس اكبر امبراطورية فى العالم سيستقبله الإسبوع القادم فضلا عن كبريات المؤسسات العالمية والشعب السوادانى فى غنى لفت انتباهك هذا وتوبيخك لبنى شعبك ، ونحن شعب ليست مهزوم بفضل الله لدينا كنوز بشرية ، ولكن مهزومة حسن الإدارة لدينا ونحن متفائلون بتغيير الوضع إلى الأفضل .. فلا تربط شعبك بالهزائم الساسية ..


#1354781 [حاج علي]
5.00/5 (6 صوت)

10-15-2015 07:21 AM
قصة الولد ده زي قصة سامي الحاج
الكيزان عاملين هيصة
ساعة شنو ال اقترعها
ما الساعات مالية البلد والميايلات كلها ساعات
دي زي اعادة اقتراع العجلة كما يقول المثل
والنكته تقول
واحد ياباني قال لسوداني : نحن ابلد واحد عندنا صنع لاب توب
السوداني قال ليه : يعني ايه نحن ابلد واحد عندنا رئيس جمهورية هههههههه

[حاج علي]

ردود على حاج علي
European Union [Man] 10-16-2015 08:20 AM
هههههههههههه


#1354780 [كلام الطير]
5.00/5 (7 صوت)

10-15-2015 07:20 AM
الولد دا ابوه لو ما ضيعه ما برتاح هسي المدارس شغالة في داعي يلف بيه دا زول مريض بالشهرة ممانزل الانتخابات في السودان

[كلام الطير]

ردود على كلام الطير
[ابو جلمبو] 10-15-2015 08:36 AM
يا الاسمك هالة الساعات تم اختراعها من القرن الخامس عشر يا بت هوي

[هالة] 10-15-2015 07:43 AM
مخترع الساعة هو الفرنسي لوى كارتييه . سنة 1904م
الإختراع هو إبتكار شيء لم يكن موجودا من قبل .
لكن الإكتشاف هو الوصول إلى شيء موجود بالفعل ولم يصل إليه أحد من قبل .
الطفل دة ممكن نطلق علية صنع ساعة .. اكتشف شئ جديد في الساعة . زبط الساعة صنع زَنبَلِك من نوع تاني ؟؟ موش تشبكونا مخترع الساعة مخترع الساعة ؟؟


#1354777 [sami]
5.00/5 (1 صوت)

10-15-2015 07:12 AM
بعدين يا سعادة الرئيس
انتا ناسي ابوه كان مرشح
يعني الامريكان
شغالين يعملو في اورنيش ليهو
عشان لمن يجي ينزل يفوز حتي علي الفنان احمد الصادق
لكن نحنا كسودانيين
سيكون لنا دور في كل من تنصل عن هويتنا
فمن لاتعجبه عمامتنا فليعصب عيونه منا(وكفاية وزرائك المعزولين ذوي الهويات المختلفة الذينا اضاعوا هذه الامة)
وينبغي لنا
دستورا جديدا
في وزراء وحكام تملصوا عن ريش الغراب ولبسوا لبس الطاؤوس ولا يحق لكائن من كان يقودنا
الا من كان له شرف الانتماء لهذا الوطن الابي
ابي ام رضا
ومن لم يعش في هذا الكيان لن يحس بمعاناته
فهوجديرا بخدمات التوصيل
ونحن من نخدم انفسنا.
يجب اعادة النظربالدستور
لكي لايحكمنا ماردا متامركا
كفاية الفاتواااااا

[sami]

ردود على sami
[كابوس] 10-15-2015 08:26 PM
والله أحييك على حسك الوطني ويجب أن لا يسمح لمن تخلى عن هويته السودانية بأن يتدخل في شئون السودان تاني لانه الان اصبح اجنبي وفاقد الاهلية للتضحية من اجل الوطن فهو مثل من يترك أسرته عندما تسوء الظروف. فهم الآن يقتاتون إستمرار الحرب مقابل حفنة من الدولارات والإقامة في الفنادق.

[سننتصر علي الكيزان الخونة اكلة قوت الغلابة] 10-15-2015 08:43 AM
ان لم تكن (احد دجاجات المؤتمر الوثني الرجعي ) فاقل ما يقال عنك انك شخ تفكر في حدود ضيقة. اعلم ان كل من خرجوا من السودان لهم اسبابهم المشروعة .والكل يعلم - السودانيون في الخارج لم تكن غربتهم خيارا وانما اجبروا للخروج سعيا وراء لقمة العيش الحلال وستر الحال . اجبر السودانيون للرحيل المؤقت لان الاسلامويون سدوا الطريق امام الجميع (انهوا خدمات الكثيرين بدعوي الصالح العام ؟؟ ونهبوا ثروات البلد وجعلوها حلالا لانفسهم بفتوي فقه الضرورة والتحلل) . السودانيون في الخارج هم من يعيلون 90٪ من الاسر ممن بقي علي قيد الحياة فيما تبقي من ارض السودان . السودانيون في الخارج لا يستطيع ان يهضم حقوقهم اي من كان واقل مايمكنك فعله هو الا تتقوه بما لايليق في حق شرفاء وفروا لاسرهم الطعام والكساء والدواء والتعليم لابناء كآحمد فاستطاع ابوه ان يجعل منه مخترعا صغيرا ليفيد اهله ووطنه . لا ادري ماهو الجديد في اختراع الساعة - وحتي تتوفر التفاصيل - لنكن مشجعين لا مثتطين ...

الباقون في الداخل من االشعب وهم كل اركان هذا الحكم الجائر الفاسد والمطبلين لهم من المنتفعين ومدفوعي الاجر (وقد تكون انت منهم او لاتكون) فهؤلاء لاهم لهم غير التشكيك في جهود الاخرين ومواراة سوءات النظام ..

اما استنكارك للزيارة التي قام بها هذا الرجل بصحبة ابنه (المخترع) فهي استجابة لدعوة من المعتوه رئيسك الاعرج - بعد ان علم بان اوباما قد سبقه بالدعوة .
وسؤالي لك هو منذ متي كان البشكير مهتما بالتعليم والموهوبين ؟ انصحه ان يهتم بمن في الداخل فستجد الكثير من المخترعين . ومن يدري فقد نجد بيننا طبيب المستفبل ممن يستطيع ان يعالج مرض رئيسك المستعصي . قل خيرا او اصمت . ونتمني لاحمد مستقبلا مشرقا . وليتنا نعلم عما قريب ما هي الاضافة التي جاد بها احمد (عالمنا الصغير) ..

[هالة] 10-15-2015 07:43 AM
مخترع الساعة هو الفرنسي لوى كارتييه . سنة 1904م
الإختراع هو إبتكار شيء لم يكن موجودا من قبل .
لكن الإكتشاف هو الوصول إلى شيء موجود بالفعل ولم يصل إليه أحد من قبل .
الطفل دة ممكن نطلق علية صنع ساعة .. اكتشف شئ جديد في الساعة . زبط الساعة صنع زَنبَلِك من نوع تاني ؟؟ موش تشبكونا مخترع الساعة مخترع الساعة ؟؟


#1354772 [aboha]
4.75/5 (4 صوت)

10-15-2015 07:05 AM
انتو مسئولين من الخير دحين ابو الولد الامريكى دا مش كان اترشح لرئاسة السودان سنة 2010؟ اذا دا صحيح فأنا أؤيد الأخ محمد أحمد بأنو الموضوع كلو فبركة ومقصود للشهرة. و الا كيف يقابل البشير منافسو رغم خج الصناديق؟

[aboha]

#1354771 [sami]
0.00/5 (0 صوت)

10-15-2015 07:02 AM
انشاء الله دفعتا لي زي قطر
وبعدين معاكموين ناس الزراعةالدفنتوهم حيين وين مشروع كنانة وين الجزيرةوالعربية

[sami]

ردود على sami
[هالة] 10-15-2015 07:43 AM
مخترع الساعة هو الفرنسي لوى كارتييه . سنة 1904م
الإختراع هو إبتكار شيء لم يكن موجودا من قبل .
لكن الإكتشاف هو الوصول إلى شيء موجود بالفعل ولم يصل إليه أحد من قبل .
الطفل دة ممكن نطلق علية صنع ساعة .. اكتشف شئ جديد في الساعة . زبط الساعة صنع زَنبَلِك من نوع تاني ؟؟ موش تشبكونا مخترع الساعة مخترع الساعة ؟؟


#1354757 [فنجاط]
4.69/5 (5 صوت)

10-15-2015 05:30 AM
استغرب كيف يكون احمد لافي مع ابوهو وزملاءه في امريكا في فصولهم يدرسون( ادهو اجازة مرضية ولا شنو يا ابو احمد )وانت تعلم لو تاخر احمد عن مواعيد دخول باب المدرسة دقيقة في يوم من ايام الدراسة بتأثر علي نتيجتو السنوية في التفوق حتي لو كان بعذر مرضي ما حيمنح (الاورد) بتاع الحضور الكامل خلال العام الدراسي فلماذا إصرارك علي الاحتفاء بشيء لايسوي والمتاجرة به وانت تعلم انك تضخم هذا الحدث العادي في امريكا .

[فنجاط]

#1354755 [جمال فضل الله]
5.00/5 (10 صوت)

10-15-2015 05:19 AM
اعتقد ان الوالد هذا الطفل المسكين عنده جنون العظمة.. حايم بالولد من بلد لاخر بسذاجة وغباء واضجين.. الطفل لم يخترع اي شئ ولكن اعتقال الشرطة الامريكية له كان سبب الشهره الزائفة واستغلها الاب المريض كي يبلغ هدفه.. قبل ايام قليلة كان يكيل السباب والقدح للبشير فكيف يزوره اليوم.. انه نفاق وجنون عظمة !!!!والله بخته.. فسحه وفنادق واكل مجاني... ودقي يا مزيكا.. الاف الطلبة السودانيين في امريكا لهم اختراعات مهمة وليس ساعة مركبة.. ومن ضمنهم ابني محمد الذي اخترع تطبيق لالعاب الاطفال في ايفون موبايل ودعته كلية ماسوستس للتقنية اكبر جامعلا تقنية في العالم لزيارتها وتقديم اختراعه.. ولم نعمل زيظة وزمبريطة مثل هذا الاب الغبي.. وابني الان يعمل في شركة محترمة براتب خرافي .. وهناك الكثيرون غيره من النوابغ.. هذا الطفل سيفشل بسبب والده المتهور.. الله يكون في عونه....

[جمال فضل الله]

ردود على جمال فضل الله
[جمال فضل الله] 10-16-2015 04:10 AM
المعلق الاسمه ابوجلمبو يسب ويسئ للناس بطريقه تدل عللا غباءه وسوء تربيته وجهله.. حتلا الاسم الذي اختاره واختفلا خلفه ليسئ الناس يدل عللا بلاهته وسوء ادبه.. عليك اللعنة يا جاهل يا غبي يا حيوان....

[ابو جلمبو] 10-15-2015 08:39 AM
برضك عوير
عامل دعاية لولدك
كلكم زي بعض يا السودانيين
اب سن بيضحك على اب سنين

[هالة] 10-15-2015 07:44 AM
مخترع الساعة هو الفرنسي لوى كارتييه . سنة 1904م
الإختراع هو إبتكار شيء لم يكن موجودا من قبل .
لكن الإكتشاف هو الوصول إلى شيء موجود بالفعل ولم يصل إليه أحد من قبل .
الطفل دة ممكن نطلق علية صنع ساعة .. اكتشف شئ جديد في الساعة . زبط الساعة صنع زَنبَلِك من نوع تاني ؟؟ موش تشبكونا مخترع الساعة مخترع الساعة ؟؟


#1354754 [حاج رمرمة]
5.00/5 (4 صوت)

10-15-2015 04:57 AM
يا سيد محمد الحسن ما لزوم هذا الأشياء انها مضيعة للزمن من الأفضل تتركه لأهل الفضل الذين جعلوا من مخترعا و ان ترد الاحسان بالإحسان و ان تكون داعما للمدرسة و ان تجعل في ابنك حياة الرجال في تواضعهم كمان قال لقمان لابنه وتمشي في الارض مَرَحا ولن تبلغ الجبال طولا

[حاج رمرمة]

#1354753 [yahya]
5.00/5 (6 صوت)

10-15-2015 04:52 AM
والده رجل غير حكيم .. ما كان له ان يعرض الولد في هذا العمر الصغير ويتجول به بين الدول ورجالات السياسه الانتهازيين وصراعات الدول .. خطأ تربوي كبير سينعكس علي مستقبل الولد الغائب عن مواصلة دراسته حتي الآن

[yahya]

ردود على yahya
European Union [Man] 10-16-2015 08:26 AM
صدقت!


#1354747 [ابو الزفت]
5.00/5 (5 صوت)

10-15-2015 03:48 AM
اصلوا كان ابوها عايز يتاجر بيهوا للدرجة دية, الشغلانة طلعت مناجرة من والدة و الرخم الاعلامى الذى و جدة هو من حساسية الامريكان من التفرقة على اى اساس و الشافع دة لا اخترع ساعة و لا هم يحزنون ركب لة ساعة من ساعة قديمةو ساعة شنو كمان يخترعوها و الساعة هسة فى العربية و الاسمارت فون و و ... و المهندسين طلعوهوا ليهو ساعتوا اى كلام و تركيب ساكت ... بعدين لو ما متاجرة المدارس فاتحة و الوالد حايم مع امة و اختة الدنيا كلها و ين المدرسة. ياخى اختشو

[ابو الزفت]

#1354745 [[email protected]]
4.88/5 (4 صوت)

10-15-2015 03:26 AM
يا كاتب المقال الولد دي عمل اختراع أي ابتكار مش اقتراع ... التى اتت منها القرعة اي المقارعة وامصيبتنا فى لغتنا البقت فيها مبالغات ادت الى تغيير المعاني ... يا كتابنا أعرضوا أعمالكم لمدرس عربي رحمة بنا وبالوطن

[[email protected]]

ردود على [email protected]
[ابو جلمبو] 10-15-2015 09:06 AM
هههههه حقيقة حتى المعلقين ما علقو على الكلمة الغلط دي


#1354737 [الصادق]
0.00/5 (0 صوت)

10-15-2015 02:22 AM
قوموا الى صلاتكم يرحمكم الله

[الصادق]

#1354735 [Malik]
3.50/5 (11 صوت)

10-15-2015 01:56 AM
خلاص خليه في السودان وبلاش امريكا عسان يطلع ليك ساعاتي

[Malik]

#1354734 [Abo Tika]
0.00/5 (0 صوت)

10-15-2015 01:56 AM
مافي ماشاء الله
دا حسد منكم

[Abo Tika]

#1354733 [ابوعمه]
5.00/5 (9 صوت)

10-15-2015 01:55 AM
الي والد الطفل النابغة
لابنك التحية ولَك انت ايضا مثلها
وهل انت لاتعلم ان ابنك نبغ لانه لم يتربى في حضن البشير وفي عهد وزرائه أمثال الكاهن ابراهيم احمد عمر الذي حرم الطلاب السودانيين من الدراسة في الجامعات الأجنبية وأرسل ابناءه ليكملوا دراساتهم وفي ارقى جامعات العالم ولا احد يدري كم نابغة منعهم من إظهار نبوغهم ولو ان ابنك صادف الذنديق سبدرات وهو يخرمج التعليم لما تفوق أبدا ولو وتفوق فلن يسمع به احدا0 دولة عمر البشير الاسلامية لا ترعى المتفوقين ولا تعمل للتفوق ، وهي تمزق التعليم كل صباح وتنشر الجهل والعنصرية والهوس الديني والشعوذة والدجل وتساعد مثل بلة الغايب وتفتح المجال لأمثال عبد الحي يوسف بينما تغلق الباب امام العلم والمنهجية العلمية وتغلق المستشفيات ليلجأ الناس للعلاج بالرقية والمحاية والبخرات
أيها الأب الطيب
لا ادري ما الدافع من مقابلتك البشير وهو لعنة السودان التي ابتلانا الله بها ولكني اعلم ان البشير سعى لمقابلتك لكي يبرهن وهو الكذاب الاشر انه يحب العلم والعلماء ، علما بها لا يحب لا العلم ولا العلماء الا من كان أمثال علمائه الاشرار الذين يزينون له الباطل ويلبسونه ثوب الحق أمثال المدعو محمد صالح على ما اعتقد
وفي اثناء مقابلتك للبشير هل ذكرت له كيف يسير التعليم في أمريكا وما يخصص للعلم لكي تنتج المدارس طلابا نابهين هل ذكرت له كيف هي قاعة الدرس والمقاعد والفصول والمكتبة بل والوجبة التي تقدم للطفل ويتساوى فيها ابن المليونير مع ابن العامل البسيط والمدهش ان ابن الغني يدفع اكثر من ابن الفقير وذلك بغرض الإحساس بالمشاركة ، هل حدثته عن مناهج التعلم وليس التعليم عن المعامل وطرق التدريس الحديثة
تتقدم الدول بلا أدنى شك بالتعلم وأكرر وليس التعليم وان ابنك بالطبع لم يدرس كيف يصنع الساعة ولكن اتيحت له الفرصة ليتعلم من تلقاء نفسه ولبساطة الامر فهو مخترعها الاول ولم يسبقه احد لكي يعلمه صنعها هكذا هي مناهج التعلم الحديثة ان تساعد الطفل لكي يعرف من ذات نفسه0 ولكن في عهد البشير على الطفل ان يحفظ أربعة عشر جزا من القران ونعم بالله وكفى بالله حسيبا ولكن لم لا نترك الطفل بعد ان يتعلم القراءة ان يقرا القران صحيحا لا تلقينا
أيها الأب الرائع
ما كان ينبغي ان تنزل بمستوى ابنك النابه ليتساوى مع رجل حطم التعليم في بلاده ويتطاول فيه أمثال نافع الارعن على معلمه وأستاذه ويشتكي الاستاذ العالم لهذا الرئيس المنبوذ ولا يرد حتى بكلمة مجاملة.
حفظ الله ابنك وأدامكم انت ووالدته له عونا

[ابوعمه]

ردود على ابوعمه
[أسامة الكردي] 10-15-2015 03:54 AM
كفيت وأوفيت أستاذ/ ابوعمه ،
أتمنى أن تصل رسالتك هذه لوالده،عسى أن يفهم معناها ويتقدم بعدها بالاعتذار عن تصرفه هذا للأطفال الذين حرمهم هذا الرقاص السفاح الهارب ، ليس فقط من فرص التعليم بل من الغذاء والدواء، وحتى من الكساء وظل الشجر الذي يحميهم من لهيب الشمس .


#1354729 [ودكركوج]
5.00/5 (2 صوت)

10-15-2015 01:33 AM
اها زولكم طلع ماسورة كبير. ماتاني يجي واحد هنا يتفلسف ويقول ف الولد مخترع وكلام فارغ.

[ودكركوج]

#1354726 [محمد احمد]
5.00/5 (4 صوت)

10-15-2015 01:05 AM
عاملين ليه قومة وقعدة، ساعة بتاعت شنو دا ما اختراع دا تركيب وبعدين الساعات اخترعوها زماااان.. الود وقت الحكاية مع اخواتو في البيت شان تكون في سبتمبر وهم عارفين حساسية الموضوع في هذا التوقيت بالذات وقد حصل علي ما يريد وهي الشهرة عن طريق الشوشرة.

[محمد احمد]

#1354724 [adel]
5.00/5 (8 صوت)

10-15-2015 01:02 AM
ياراجل ماتخلي ولدك امشي يشوف قرايته بدل لافي بيهو كل يوم في بلد

[adel]

ردود على adel
[المشروع] 10-15-2015 06:56 AM
أحسنت افضل تعليق .. والسؤال هل السبب في ذلك هو الاختراع او اعتذار الشرطة الامريكية العادل ام دعوة اومباما للطفل لزيارة البيت الابيض..

نحن نفترض ان نتعلم الشفافية والعدل ..

لأ ادري لماذا يقابل الانسان الظالمين ويسعى بنفسه الى بيوت الظالمين حيث من المفترض ان يبتعد الإنسان عن امثال هؤلاء قدر الامكان .. وان زيارة والد الطفل لبيوت الايتام والملاجئ افضل مائة الف مرة من زيارة الظالمين فالظلم شؤم مؤذن بالخراب وعلى الإنسان ان يبتعد عن الظالمين قدر الإمكان حتى لا يصاب بشؤمهم

وكان رسول الله صلى الله عليه وسلم قد امر اصحابه عند مروره بقرى صالح (الذين عقروا الناقة - ناقة الله) امرهم بالاسراع في السير فإنهم ظالمين... قال العلماء اذا كان مجرد الخوف من البقاء في ارض الظالمين وهم اموات فمن الاولى عدم مخالطة الظالمين او مجاورتهم او الذهاب اليهم اللهم الا للنصحية..


#1354713 [علي هولندا]
4.75/5 (14 صوت)

10-15-2015 12:34 AM
الاحتفاء بالولد ده بقي فيهو مبالغات غريبة...اولا الزخم والاعلام الزائد بديك انطباع انه المضوع اكبر من اختراع ساعة حائطية..ابو الود ما صدق بقي سايق الود وحايم بيهو الدنيا ...شي قطر شي السعودية ...واخيرا كمان بشه خشة في الخط ...الموضوع انه طفل زي ده حيصاب بجنون عظمة مبكر... نفسيا ما حيستعوب الكم الهائل من الاحتفاء والتشجيع وحيفتكر نفسه وصل القمة ..كيف طفل في عمره ده كل يوم يقابل رئيس واسقبال ومراسم يرجع تاني لقاعة الدراسة والمزاكرة ...افتونا يا ناس علم النفس التربوي.

[علي هولندا]

ردود على علي هولندا
European Union [Man] 10-16-2015 08:32 AM
كلامك فى محلو اخوى!


#1354710 [ود قلبا]
5.00/5 (10 صوت)

10-15-2015 12:26 AM
مع احترامنا و تقديرنا لنبوغ احمد وطبعا يستاهل التكريم الا ان الموضوع يوجد به نوعا من الاستثمار لوالد احمد بطريقة ما احتمال ان الوالد اراد الظهور المتكرر او انه لديه مارب اخري لا نعلمها نحن خاصة وان الرجل ناشط سياسي لكن القضيه الاهم هؤلاء الناس وهذه الاسره الكريمه تدمر في ابنها بطريقه او باخري من خلال الظهور المتكرر في الميديا وربما اصيب هذا النابغه بحب الانا خاصة وانه في سن صغيره

[ود قلبا]

ردود على ود قلبا
European Union [Man] 10-16-2015 08:33 AM
صدقت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة