الأخبار
أخبار إقليمية
الهلال السوداني ينهي علاقته بمدربه التونسي نبيل الكوكي
الهلال السوداني ينهي علاقته بمدربه التونسي نبيل الكوكي
الهلال السوداني ينهي علاقته بمدربه التونسي نبيل الكوكي


10-16-2015 09:59 PM
كووورة - أنهى نادي الهلال السوداني لكرة القدم، رسميا علاقته بمديره الفني التونسي نبيل الكوكي، وذلك من توضيح رسمي ورد على لسان الأمين العام لنادي الهلال عماد الطيب المحامي، ونشر بالموقع الرسمي لنادي الهلال بشبكة المعلومات مساء الجمعة، وقد جاءت هذه التطورات بعد تأكد نادي الهلال على توقيع مديره الفني السابق على عقد مبدئي مع نادي الأفريقي التونسي الجمعة، وجاء فيه توضيح نادي الهلال أن الكوكي طلب عدم الإستمرار في مهمته مع الهلال بسبب ظروف مرض والدته الحرجة.

وفيما يلي ما ورد بالموقع الرسمي لنادي الهلال:

أفاد الامين العام لنادي الهلال بان رئيس الجهاز الفني لنادي الهلال نبيل الكوكي غادر البلاد بإذن من مجلس ادارة نادي الهلال لمتابعة الحالة الصحية الحرجة لوالدته،على ان يعود للبلاد السبت، إلا أنه ومن خلال رسالة للسيد رئيس نادي الهلال ومن خلال الإيميل الخاص بنادي الهلال أبرق مجلس ادارة نادي الهلال عن ظروف صحية حرجة تمر بها والدته الأمر الذي يتطلب وجوده بدولته سيما وانه الابن الوحيد، معتذرا ومتأسفا عن مواصلة عمله مع نادي الهلال ابتداءا من الجمعة، وذلك على الرغم من وجود تعاقد رسمي بينه ونادي الهلال.

وقد قرر مجلس الادارة قبول طلب المدرب، تقديرا لظروفه الاسرية القاهرة ،مع علم المجلس واخطاره بتوقيع المدرب لعقد مع نادي الافريقي التونسي، شاكرا له فترته التي قضاها في وطنه الثاني .متمنيا له التوفيق والسداد.

يذكر أن نبيل الكوكي إعتذر عن مهمته في الإستمرار مع الهلال في وقت يواجه فيه الفريق الأزرق المتصدر للدوري الممتاز السوداني، نده المريخ في مباراتين من العيار الثقيل، ببطولة الدوري وكأس السودان خلال الاسبوع الأول من نوفمبر المقبل.


تعليقات 10 | إهداء 0 | زيارات 6209

التعليقات
#1356261 [راصد مدعي الكتابة الصحفية]
0.00/5 (0 صوت)

10-18-2015 11:27 AM
معليش العنوان الصحيح بعد قراءة الخبر
هز:
مدرب الهلال السوداني نبيل الكوكي بنهي علاقته بالنادي

[راصد مدعي الكتابة الصحفية]

#1356243 [Abo alkalas]
0.00/5 (0 صوت)

10-18-2015 11:13 AM
بلا وإنجلى

[Abo alkalas]

#1356039 [نبيل حامد حسن بشير]
0.00/5 (0 صوت)

10-18-2015 01:53 AM
من زمان قلنا مصطفى يونس هو الحل، وهو يعشق الهلال.

[نبيل حامد حسن بشير]

#1355818 [كردفاني]
0.00/5 (0 صوت)

10-17-2015 02:35 PM
صحي بلد هاملة وكورتا مضروبة وأندية نسمع عنها اكثر مما نري ولا إنجاز تحقق
ومن هو الاجدر لتدريب الهلال الكوكي صاحب التعادلات والخسارات
أم صلاح محمد ادم لذلك لابد من المدرب الوطني حتي وإن إستعان بالفاتح نقه

[كردفاني]

#1355816 [محمد صالح/مكه]
5.00/5 (1 صوت)

10-17-2015 02:33 PM
يجب ان نسال انفسنا لماذا ذهب الكوكي؟
-اذا كان عشان القروش .......عادي
-اذا كان فضل فريق بلدو .....عادي
-اذا لانه فشل في تحقيق نتائج لم ترضيه او ترضي الادارة ...يبقي كلام مقبول
-اذا كان في تدخل في عمله من اي جهه كانت فنيا.......فهذه عاوزة وقفه(من سلبيات الرياضة عندنا في السودان)..
اتمني من ادارة الهلال او الصحافة الرياضية استنطاق الكوكي لمعرفة اسباب تركه للهلال حتي نتعلم من اخطاءنا .
نحن في السودان لانعرف سلبياتنا الا اذا تم تشخيصها من الذين جربوا العمل في السودان من غير السودانين.
(المثل بيقول الجمل ما بعرف عوجة رقبتو)

[محمد صالح/مكه]

#1355802 [هيثم عيون]
5.00/5 (1 صوت)

10-17-2015 01:59 PM
الكوكي راجل متفتح جدا رغم قلة امكانياته الفنية قدر يظهر للجمهور انه مدرب كبير من خلال حركاته بس .وبعد داك كان عارف انه حيتم اقالته ازا حضر كورة المريخ ولزلك خارج نفسه اول باول.
مدرب فاشل لم يقدم للهلال اي شي ..وسيتم اقالته من الافريقي لاحقا لان فاقد الشي لايعطيه
..

[هيثم عيون]

#1355774 [abdalla]
0.00/5 (0 صوت)

10-17-2015 01:00 PM
يا الكاردينال جيبوا لينا مدرب وطني من الذين قلبهم على الهلال العظيم
شخصيا اقترح الفاتح النقر لتولي مهمة التدريب في الهلال الحالي فهو من ابناء الهلال وله مقدرة تدريبية جيدة مناسبة في الفترة الحالة واعطوه كاغة صلاحيات المدرب

[abdalla]

#1355677 [najy]
5.00/5 (3 صوت)

10-17-2015 10:29 AM
كلهم بقولو امي عيانة!!!! والغريبة بتلقهم اتعاقدو في النفس الوقت مع اكبر الاندية في بلدهم ، وتاني بنجيبهم بعد يمشو !!!!

[najy]

#1355663 [Malik]
5.00/5 (1 صوت)

10-17-2015 09:53 AM
ربنا يسهل امرك ويشفي والدتك لكن بصراحه انت عملت لينا كوكه يا الكوكي

[Malik]

#1355517 [هلالابي]
3.85/5 (6 صوت)

10-16-2015 11:23 PM
والله الهلال الشفتوا في البطوله الافريقية دي لو جابوا ليهو بيب غوارديولا و مورينيو مساعداً له لما طلع قوزاً (ازرق)
لذلك الكوكي ذهب لبلاده قبل ما تتمرمط سمعتو اكتر من ما حصل .

من الاخير كدا نحنا ما بنعرف كورة ، وقدامنا كتير جداً ، والناس مشت لي قدام شديد
يعني من اول السطر .
ابدوها من مدارس سنية وخلونا من الكبار ديل يعكّوا في الدوري المايل بتاعنا ده وكفاية (ملطشة)
كذلك المريخ والمرحومة المورده و المنتخب الوطني الفاشل والذي نهنئه بذهاب اهم عوائقه المتمثله في افشل المدربين (مازدا)
وبانتظار ذهاب جمال و الكاردينال وأمثالهم من السماسره وتجار السيخ .
شوفوا العاب فردية زي العدو او الملاكمة او السباحة وناس سارة جاد الله موجودين واكيد بننجح في العاب زي دي لانها بتعتمد
على شخص واحد وهي ليست العاب جماعية بحاجة لخطط وتكتيكات ذهبت فيها الكورة لمراحل تجاوزت ناس بشه (اديها شلوت
وقوم جاري وراها) .

[هلالابي]

ردود على هلالابي
[ابومروحة الازرق] 10-17-2015 05:48 PM
شكرا" هلالابى شخصت الداء ووصفت الدواء الفرق السنية و الاشبال اخرجت تجربة عظيمة بجميع الاندية ابرهومة المريخ خالد احمد المصطفى الهلال وغيرهم كثير من اللاعبين حتى ان السودان صعد للتمثيل فى ايطاليا يجب ان نبداء من الاسفل فالبناء القوى يكون من اساس قوى

[اب جاكوما] 10-17-2015 10:23 AM
انت يا هلالابي ما بتعرف تتفرج ولا شنو؟؟ الهلال فيه امكانيات لاعبين لم يفجرها الكوكي.. الكوكي امكانياته ليست بالخارقة انا اعتبره موازي لامكانيات اي مدرب سوداني والله لا يفوقهم في شيء..
لو سألنا انفسنا كمتابعين ومشجعين؟ ما الذي فعله الكوكي ما في النقلة والابداع الذي احدثه الكوكي ما هي طريقة اللعب في الهلال تداخلت المهام الكل جايط.. ادوار متداخلة والفوز صار بالنسبة للهلال حتى محلياً يأتي بعد عناء وتعب.
من هو اللاعب الجديد الذي اكتشفه الكوكي وكان على كنبة الاحتياط ونفض عنه الغبار ماهي الخانات التي استخدثها وفق لامكانيات اللاعبين.. يعني لو يعمل حتى تبديل في المراكز وخانات اللاعبين..
نعم الهلال لم يكن كهلال 2007 أو 2009 فنياً.. ولكنه لم يكن بالسوء أو الأسوء.. ففي لاعبين لم تتفجر طقاتهم مثل نيلسون دا ممكن يكون احرف لاعب واهم لاعب محترف في السودان امكانياته هائلة جداً.. لم يستفد الهلال منه في البطولة الافريقية.
غابت شخصية الهلال في ظل وجود الكوكي.. الكوكي انحسب عارف انه لن يستطيع تقديم اكثر مما قدمه.
شكراً الكوكي ما قصرت.. الكوكي يمكن ان يكون مدرب في السودان ولكن ليس على رأس جهاز فني كالهلال. الهلال عايز مدرب بحيوية وديناميكية ميشو؟؟

European Union [رياضى] 10-17-2015 09:08 AM
يااخى لا يستقيم الظل والعود اعوج
حال الكورة من حال البلد

[ابوالحوت] 10-17-2015 08:57 AM
هههههههه والله اهنيك يا هلالابي والله انت فاهم وبتعرف وكلامك عجبني بالرقم انني هلالابي

[عكود] 10-17-2015 06:36 AM
اها المدارس السنيه كيف اللخو بس البتسمعوه ترددوه ياخ قوم لف بلا مدارس سنيه معك مين بيدرس ومين بيدرس ولادو حتي يلعبو كورة قدم هي كده كورتنا هو مسعول من الخيرالمخطط عندنا شنو عشان نبدا من المراحل السنيه الشوارع ولا المدن طيب ما نجيب رئيس نادي من المدارس برضو يكون حلو يا سيد في تسجيلات مدروسه في لعيبه تحب تطور نفسها في ادارة مسؤله في فرق بطولات تاتي بالنجوم اما فلسه كل شوية نخفق نرجع لنغمة المدارس السنيه زي المخده البيتكي عليها كل فاشل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة