الأخبار
أخبار إقليمية
تفاصيل جديدة حول سقوط جسم غريب بالخرطوم
تفاصيل جديدة حول سقوط جسم غريب بالخرطوم
 تفاصيل جديدة حول سقوط جسم غريب بالخرطوم


شاهد صور
10-16-2015 07:19 PM
الخرطوم
تسبب انفجار جسم غريب سقط داخل أحد المنازل بإمتداد الدرجة الثالثة مربع(7) بالخرطوم في إحداث إصابات وأضرار بالغة وسط المواطنين والممتلكات، وأسفر الجسم الغريب الذي سقط بمنزل مواطن يدعى مدني محمد عبد الله عن انهيار عدد من الغرف داخل المنزل بجانب السور وأبواب المنزل وأبواب كافتريا على بعد(50) متراً من موقع،

بينما سقطت غرفة بأكملها على موظف العلاقات العامة بإحدى الشركات الخاصة محمد النور إسماعيل ، وهرع شباب الحي وسارعو لإنقاذ إسماعيل من تحت الأنقاض ونقل للمستشفى الأكاديمي ليكتشف الأطباء إصابته بكسر في الحوض وتهتك في المسالك البولية، ودونت أسرة الموظف محمد النور بلاغاً بقسم الإمتداد، وأكدت والدة الموظف المصاب وتدعى منى مدني، أنهم لايعلمون من أين أتى الجسم الغريب، ودعت الجهات المختصة للتدخل لمعرفة سبب الانفجار.

آخرلحظة

image

image

image


تعليقات 49 | إهداء 0 | زيارات 30913

التعليقات
#1369406 [layla]
0.00/5 (0 صوت)

11-14-2015 08:01 AM
يمكن هجوم من داعش والاالدوله اللااسلاميه..عندي صديقه جات من القاهره قبل اسبوعين قالت كان معاهم في الطياره اجانب اصحاب دقون وشكلهم يخوف نزلو الخرطوم..يكون دي تجربه لجس نبض الامن السوداني لبدايه انشطتهم الارهابيه؟؟؟الله يستر

[layla]

#1366791 [ابوباهر]
1.00/5 (1 صوت)

11-08-2015 08:06 PM
عايزاعرف شابكننا جسم غريب جسم غريب عرفتوهو كيف مكتوب عليه امكن جسم قريب

[ابوباهر]

#1365536 [قلم حبر]
3.00/5 (2 صوت)

11-05-2015 03:55 PM
ما معقول يا جماعه الما عارف الاجابه مايرفع يده

[قلم حبر]

#1361367 [مكلوم]
5.00/5 (1 صوت)

10-27-2015 05:27 PM
يخوانا دي شطايا باقية طايرة من ضربة اليرموك

[مكلوم]

#1359806 [كوكى قرفان]
5.00/5 (1 صوت)

10-25-2015 07:04 AM
وين التفاصيل الجديده طيب؟؟؟؟؟؟دى الصور يعنى؟طيب ماتقول صور جديده!!!!انتو اللغه برضو اتغيرت؟؟؟؟؟

[كوكى قرفان]

#1358726 [ود المك]
3.00/5 (4 صوت)

10-22-2015 02:12 PM
ادعواالشركات الخيرية ورجال البر والاحسان وكذلك محلية الشهداء في تبني ازالة الانقاض وبناء الدكان والغرفتين والسور الخارجي . وبذلك نكون ساهمنا ايجابيا في ازالة بعض الضرر عن اسرة الرجل المعاشي بغض النظر عن الحصل شنو. لانك لو داير تعرف الحصل شنو في البلد دي مش ممكن تعرف ولاحول ولاقوة الا بالله.

[ود المك]

#1358329 [ود المك]
0.00/5 (0 صوت)

10-21-2015 08:44 PM
في البلد دي مابتظهر الحقيقة الا بعد ان يتكرر الحدث . يعني ننتظر انفجار تاني ولا شنو؟ ،والداير معلومات عن قوة صوت الانفجار او الشظايا التي بلغت عنان السما يسال اللعيبة الكان بتمرنوا في الميادين المحيطة والقريبة من مركز صحي سمير.(شاهد على الحدث) عموما ماتستعجلوا. البندسا الليلة بتعرف بكره.

[ود المك]

#1357879 [الكردفاني العدييييييييييييييييييييييييييييييييييييييل]
0.00/5 (0 صوت)

10-21-2015 08:28 AM
يمكن متفجرات .... بتخزنها ..... العصابات ..... ليوم آت .... وما نفع ذلك القذافي ..... لما اتى الموعود ......

اين .... مدعي المعرفة ... متصدري الاعلام .... ليبينوا .... للمواطن .... حكايتهم بقت ذي التلفزيون ..... بتونسوا بيناتم ..... ولا تعريف بالموضوع ولا اشراك للمشاهد .... ولا احساس بوجوده ..... هكذا الارجاس ..... زيتنا في بيتنا.....

المطلوب حضور ابو ساطور ..... شخصيا .... ليكون في مواجهة الحدث ....

[الكردفاني العدييييييييييييييييييييييييييييييييييييييل]

#1357825 [دودالشق]
0.00/5 (0 صوت)

10-21-2015 06:49 AM
من نقل الخبر جريدة اوسبق صحفى ولا وزارة الداخلية ولا شمشرة ساكت ومنو النشر صورة الخراب بلد غاب مسئوليها فغابت فيها الحقايق يللا مساحة للتامل والتحليل اهو تسلية وكلمات متقاطعة مساحةللتاليف والعصف الذهنى والقصص القصيرة وملهاة للناس وانصرافية وهكذا يضيع الجهد والزمن الغالى والطاقة الذهنية فى فراغ الفارغ فنتخلف .رحم الله الشعب السودانى فهو ميت حى,.,.

[دودالشق]

#1356464 [جامو كامو ياموووووووووووووووو]
4.50/5 (5 صوت)

10-18-2015 04:03 PM
غالبا الجسم ده جاء بالليل وكان طافي النور
عشان كده دفاعتنا ما شافتو

الله يعوضك يا صاحب البيت و شوف ليك طريقة تتلعبث بيها على إسرائيل و ألا أمريكان كان تلقى ليك تعويض .

[جامو كامو ياموووووووووووووووو]

#1356432 [جمال علي]
0.00/5 (0 صوت)

10-18-2015 03:03 PM
لم أقرأ تعليقآ واحدآ مسئولآ. و لم أقرأ إفادة من الدفاع المدني حول هذا الحادث.
كان يبغي علي الجهة المختصة إفادة المواطنين و تمليكهم الحقيقة,اللهم إلا إذا كان هناك شئي غير عادي حدث.
منذ ثلاثة سنين أو نحو ذلك إنهارت بئر السايفون في أم درمان و قتلت إثنين من سكان منزل.لم يتم إخراج الجثث إلا بعد أن تعفنت.كان هذا الحدث فضيحة كشفت بدائية و عفوية العمل الإداري و التفيذي في البلد.
لا نعرف شيئآ عن غدارة المخاطر و حكايتنا (رزق اليوم باليوم).
ربما تحدث كوارث في المستقبل لا قدر الله.ماذا سنعمل.
و السؤال : هل سيتم تعويض صاحب البيت عن هذا الضرر إن تم بفعل فاعل,أم سبيت في العراء؟

[جمال علي]

#1356236 [RABSO]
0.00/5 (0 صوت)

10-18-2015 11:06 AM
الجسم الغريب أنبوبت غاز ..........

[RABSO]

#1356182 [الحافظ الشريف]
5.00/5 (1 صوت)

10-18-2015 09:50 AM
البيت مسكون مسكون و اهله رافضين يرحلو و لغة الحوار لم تقنعهم جات الطامة نسال الله لهم السلامة .

[الحافظ الشريف]

#1356014 [اوريكم]
0.00/5 (0 صوت)

10-17-2015 11:53 PM
يمكن يكون دا الفنان طة سليمان. .

[اوريكم]

#1355995 [أمواس]
4.91/5 (12 صوت)

10-17-2015 10:31 PM
قلنا ليكم في ناس ما عنهم أي علاقة بالصحافة يعني الراجل كاتب الخبر لا نشر صورة للجسم الغريب ولا وصفه بالكلمات ولا قابل السلطات ليجمع معلومات حوله ، ولا الجسم الآن وين ؟ ولا هو شنو؟ ولا أي حاجة . مما يفتح ملايين الاحتمالات يشغل بها فكرنا ونحن ما فاضيين لمثل هذا

[أمواس]

#1355919 [عابر سبيل]
5.00/5 (1 صوت)

10-17-2015 07:33 PM
يكون مكنة لحام؟؟

[عابر سبيل]

#1355872 [سكران لط]
5.00/5 (1 صوت)

10-17-2015 05:00 PM
عليكم الله هسه كضب كمال عمر البنفخنا بهو من بدا الحوار مش بفجر بلد بحالو ؟
يعنى ناس المؤتمر الشعبي لمتين قايلين الناس غفلانه من كضبم ؟ الناس عارفه المنسلخين من الحركات المسلحة المشى كمال عمر جابم من تشاد هم جماعتم الكانو في الحركات ومشو سلخوهم عشان يضغطو على الجبهة الثورية ويفركشوها بعد رفضت الحوار

[سكران لط]

#1355867 [mohd]
0.00/5 (0 صوت)

10-17-2015 04:47 PM
لا جسم غريب لا يحزنون، منزل متداعي اكل عليه الدهر وشرب؛ احتمال صوت الانفجار نتيجة انهيار احدى الغرف او البرندات مما أدى الى تصدع بقية الأسقف، حمد لله على سلامة أصحابه.

[mohd]

ردود على mohd
[abdelrahim] 10-18-2015 07:51 AM
والاماكن الحوله


#1355860 [AMMA]
5.00/5 (4 صوت)

10-17-2015 04:32 PM
بعض المصادر أكدت أن الجسم له شلاليف كبيره وعيون تشبه عيون بشه وعنده زيل طويل ونخره ،أما الكرعين مكعوجات ، غايتو الله يستر إحتمال أبو شلاليف قام بعاتى

[AMMA]

ردود على AMMA
[سامي] 10-18-2015 09:17 AM
دي يااخوي شلاليف اصلها ام مجاري خريف


#1355834 [كرازي]
0.00/5 (0 صوت)

10-17-2015 03:16 PM
ردا على ارسطو
يعني كلامي دا صاح .... فى شرامه....وكلامي في شرطه الامتداد صاح....يعني الراوى كلاموا صاح.....وإنت أثبت بأن كلام الراوي ذائد كلامي صاح ... والقران يقول فيما معناه أن غضب الله يأتي من اطرافها يعني الأمتداد فى وش المدفع.....سوبا كذلك.....كرري والثورات من الحاره ٦٠وإنت طالع ....بحري من شرق النيل وإنت طالع....
شوف الكيزان حرفين شديد سكنو الصحا فه ""يعني بين يافطين""بحري كذلك المربع الذهبي يعني بين يافتطين .....وهكذا .... ياار سطو إنت مبني شرطه الامتداد قدامو فسحه...؟الراوي قال غضب الله لما ينزل يوم الجمعه ناس شرطة الامتداد مابشوفوا.قلت لماذا؟ قالو والله اعلم دي نقطة ظلم إرتكازا . وعلي يدك الشمال جوار الظلط مبني
المغتربين قالوا دي ايضا نقطة ظلم ...يعنى ناس الامتداد وقعين فى خط المرمى غضب الله يوم الجمعه...كويس برضو بيعيدن من خط ال١٨.مع تحياتي

[كرازي]

ردود على كرازي
[الكلس] 10-18-2015 10:38 AM
يا زول انت ضارب شنو ؟


#1355813 [كردفاني]
0.00/5 (0 صوت)

10-17-2015 02:25 PM
خبر عاجل
حسب الناطق الرسمي الجديد بأن الجسم الغريب هو طائرة تجسس بلا طيار اسرائيلية اسقطت وسوف يتم نشر الحقائق والتفاصيل لاحقاً في نشرة العاشرة مساءً

ياحليللك ياصوارمي

[كردفاني]

ردود على كردفاني
[المظلوم] 10-19-2015 01:06 PM
تجسس على مين ديل لودايرين معلومة الجماعة ديل براهم بودوها ليهم في محلهم وليس بقصة بن لادن وكارلوس ببعيدة.


#1355796 [husseinmusa]
5.00/5 (3 صوت)

10-17-2015 01:41 PM
النجيضة بتلقوها عند بلة الغآئب ..ممكن واحد من شياطينه تلب بالغلط في المنزل...

[husseinmusa]

#1355778 [ALIIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

10-17-2015 01:16 PM
احتمال كبير يكون نيزك او بقايا منه وفي احتمال اخر انو يكون قصف جوي مركز من قبل العدو الصهيوني ولانامت اعين الجبناء هي لله هي لله لاللسلطة ولا لي الباسطة واحتمال يكون واحد من سكان البيت مخزن قنابل احتمال الله اعلم عموما برضو نقول هي لله هي لله لاللسلطة ولا للباسطة بالله دي بلد يااخوانا والله السودان ده فيهو تخلف عجيب بلد مافي زول عارف حاجة والسلطات بين قوسين المختصة او المعتقد انها مختصة ماعارفة اي حاجة بلد هملة

[ALIIIIIIIIIIIIIIIIIIIIIIIIIIIIIIIIIIIIIII]

#1355775 [ود الفاضل]
5.00/5 (1 صوت)

10-17-2015 01:06 PM
يكون واحد من الدبابين انفجر داخل البيت .

[ود الفاضل]

ردود على ود الفاضل
[sasa] 10-18-2015 11:40 AM
الله يذكرك بالخير اخوى .... ذكرتنا أيام الدجل والأسود والقرود وعطور المسك تفوح من أجساد مايسمى بالشهداء الذين قال عنهم الترابى (( فطائس)))


#1355770 [taluba]
5.00/5 (1 صوت)

10-17-2015 12:53 PM
هنالك احتمالان، الاحتمال الاول قد يكون رجم من رجوم الشياطين، فأصبح الشياطين في السودان يرجمون بعضهم بعضا، لضيق المعيشه. والاحتمال الثاني ،تتعلق بمهنه هؤلاء الشياطين لإجراء التجارب بالمواد المتفجره، استعدادا لهجوم الملائكه قريبا.وعليه انبه كل الملائكه بأن يحزروا من تجارب الشياطين هذه، لأنها ستؤدي الي التهلكه، هذه هي اخلاقيات الشياطين.

[taluba]

#1355764 [واحد داقس]
5.00/5 (1 صوت)

10-17-2015 12:42 PM
يعني يا سعاده الفريق عبدالرحيم المصائب وراك وراك ممكن تقول لينا رايك في الحصل شنو مش انت الوالي وامتداد الدرجه التالته تابع ليك بس رجاء ما تقول كنا في المقابر أو في عرس

[واحد داقس]

#1355761 [أسامة]
5.00/5 (3 صوت)

10-17-2015 12:38 PM
هذا صاروخ، فالجسم الغريب سقط في السودان عام 1989م والنيران مازالت مشتعلة.

[أسامة]

#1355757 [الحكيم]
0.00/5 (0 صوت)

10-17-2015 12:34 PM
نعتمد ع الدفاع بالنظر امكن نعرف حاجه .... الكلام دا كان بالليل ولا النهار عشان نعرف نحدد الجسم الغريب دا .... كدا اسالو عبدالرحيم بكون عارف والله لانو عندو تقنيه الدفاع بالنظر حصريا... ولا كلامي كيف معاكم

[الحكيم]

#1355748 [سودانى غيور]
0.00/5 (0 صوت)

10-17-2015 12:29 PM
هذه رسالة لاصحاب المنزل بصورة للباقين والله يستر ويصلح حال السودانين

[سودانى غيور]

#1355745 [فدائى]
5.00/5 (1 صوت)

10-17-2015 12:27 PM
اكون (ورل)

[فدائى]

#1355737 [محمد عبدالقادر]
0.00/5 (0 صوت)

10-17-2015 12:16 PM
نشكيك لي منو يا بشه حرمتنا من تنظير عبد الرحيم محمد حسين كان ممكن يدينا تحليل للحصل ده بدقه وشفافيه...

[محمد عبدالقادر]

#1355735 [الناهه]
5.00/5 (1 صوت)

10-17-2015 12:14 PM
من المرجح انه جسم طائر من احدى الاقمار الصينيه رديئة الصنع وقع في البيت ده عموما نتمنى للمصابين عاجل الشفاء وربنا يحرس بلادنا من بقايا الاقمار والاجسام الطائره وطبعا نحن ما عندنا اجهزة رصد

[الناهه]

ردود على الناهه
[الكردفاني العدييييييييييييييييييييييييييييييييييييييل] 10-21-2015 08:34 AM
الناهه ..... ذاته .... !!!!!!!!!!!!!!!

نحتاج قصيدة غزلية لوصف الحال المايل ..... ده ... وكيف ان الرجل ......... استحى ... الوقار منه .... ورقص .... بسحر الجنوب ..... ..... حلاتو في وجناتو ......

European Union [بتاع الليمون] 10-19-2015 04:04 PM
مبروك فزتا معانا بجائزة اغبي تعليق ,,قمر صناعي ردئ كيف يعني


#1355678 [موسى الامين]
5.00/5 (4 صوت)

10-17-2015 10:31 AM
هو يا كافى البلاء ... ما سمعنا فى العالم كله مثل هذا الكلام المبهم ايه جسم غريب .. كلام شرامة ويجعلنا مضحكة امام العالم .. وزى علق بعض الاخوان قالوا يمكن يكون زلزال يعنى زلزال مفصل على قدر هذا المنزل .. لحظة وقوع هذا الجسم ممكن نقول مجهول لكن ساعة ساعتين يفترض ان المعلومة تملك للمواطنين ذ

[موسى الامين]

#1355639 [هزاز]
5.00/5 (1 صوت)

10-17-2015 08:56 AM
لم يسمع الجيران قوت انفجارظ.
لا يوجد صور اثر لجسم غريب.
السبب الراجح اما هزة ارضية محدودة اول خلل في البناء ذاته.
هذا لا يفسر سبب انهيار السور, بالارجح هو هزة ارضية .. ربما.

[هزاز]

#1355628 [ابومروان]
5.00/5 (3 صوت)

10-17-2015 08:42 AM
يعني الجسم الغريب حايكون اغرب من الاجسام الهبطت على السودان ومازالت تتهابط منذ 06/30/1989 اتحملتوا البلوى الكبرى غالباكم تتحملوا دي والمؤمن مصاب

[ابومروان]

#1355594 [أبو مهند]
0.00/5 (0 صوت)

10-17-2015 07:40 AM
هو انا ما فاهم حاجة هل جسم غريب سقط و لا هناك انفجار اذا جسم غريب سقط أين الجسم و ما نوعها ..... يمكن يكون زلزال

[أبو مهند]

#1355544 [aliali7488]
0.00/5 (0 صوت)

10-17-2015 01:40 AM
الشفاء العاجل للمصابين*****الجسم الغريب **نتيجة حوار النطة ***

[aliali7488]

#1355532 [كرازي]
4.50/5 (4 صوت)

10-17-2015 12:39 AM
يا جماعه أى إنفجار لابد من حريق, صاروخ او غيره....طالما نيران مافى حسب الصور يبقى المرجح هو سقوط نيازيك مثل الصخر....وسقوطه لا يولد حرائق... يعنى غضب الله يوم الجمعه....سؤال إنتو ناس الامتداد ناس كويسين ولا فى وسطهم ناس شرامه.. سمعت والله اعلم ان بعض من افراد المباحث لشرطة الاإمتداد لابعرفو الله والرسول. سب الدين عندهم عادي .وحتى يقال بعض منهم سمين جدا لدرجه أنك لا تميز جعبتوا من راسهم لامؤاخذه .وديل موجودين إلى الان بداعي حماية الشرطه ومعظم افراد شرطة الامتداد لايملكون بسطة فى الجسم.علشان كده جابوا أولاد الحرام ديل حسب رواية الراوى.مطلوب من وزارة ا لدخليه مراجعة القسم وعمل زيارات مفاجئه ليهم.علشان المصايب ماتقع على المساكين هناك

[كرازي]

ردود على كرازي
[أرسطو] 10-17-2015 09:27 AM
يا كرازى ياخى وجعت مصرانى بالضحك بخصوص شرطة مباحث الامتداد - واسمح لى أن احكى لك حكاية كنت شاهدا عليهاو تأكد كلامك بخصوص شرطة الامتداد- فى حوالى عام 87 أو 88 - تم القبض على قندران داخل الى الخرطوم و محمل بالكامل بكراتين الويسكى والبيرة (اكرر قندران مستف بالكامل ) - ولأن زمن القبض كان حوالى 9 مساء فتم سحب القندران من لفة اركويت الى قسم شرطة الامتداد لكى يتم تسليمه فى الصباح الى شرطة التهريب - وتم ايقاف القندران امام الباب الشمالى لقسم شرطة الامتداد- وفى الصباح كانت المفاجأة - حيث وجدوا القندران فارغا تماما من أى كرتونة ويسكى أو بيرة!!و عند التحقيق مع افراد شرطة الامتداد -قالوا بأن شباب الحى فى الامتداد قاموا فى الليل بسرقة الويسكى والبيرة من القندران !!! و كنت حينها صبيااسكن مع خالى فى ذلك الحى - وبالطبع كنت احد المتهمين بالسرقة -

[ashshafokhallo] 10-17-2015 05:47 AM
راجل احترم نفسك وبطل كتابه الدجل دا. اكان الله بيعاقب بطريقتك دي ركان خسف الارض بناس الانقاذ وهم اكتر الناس المابيعرفو الله


#1355524 [سوداني حر]
4.75/5 (4 صوت)

10-17-2015 12:01 AM
اين الادله الجنائيه واين المباحث المركزيه واين النظام العام هههههه ديل كان ستات شاي وعرقي ولا داخلية طالبات كان عينك ما تشوف الي النور وبيانات وزارة الداخليه تضارب من امثال بعد متابعات دقيقه ومصادر مطلعه واستخدام تكنلوجيه متقدمه وبمجهود سوداني خالص هههههه

[سوداني حر]

#1355510 [الهلباوي]
5.00/5 (1 صوت)

10-16-2015 11:11 PM
ناسنا ديل اطورو شوية بعد الدفاع بالنظر مشي وبحاولو يختبرو حاجات جديدة بس اصبرو ،، المشلة شنو انتو صابرين 25 سنة علي اي حاجة

[الهلباوي]

#1355504 [Miedo]
4.75/5 (4 صوت)

10-16-2015 10:44 PM
السؤال الجسم لقوهو وما عرفوهو عشان كدة سموهو غريب وللا ما اتلقي اساسا؟

[Miedo]

ردود على Miedo
Hong Kong [مستغرب] 10-17-2015 04:42 AM
سلامات. وكفارة.

أنا أسأل بس.
اللمنبات كانت مولعة ولا طافية.


#1355486 [sas]
4.94/5 (9 صوت)

10-16-2015 10:02 PM
وين الجسم الغريب شكلو كيف

[sas]

#1355472 [مدحت عروة]
4.50/5 (4 صوت)

10-16-2015 09:40 PM
يمكن يكون قطعة من قمر صناعى انتهت مدته ودخل الغلاف الجوى وسقطت قطعة من على هذا المنزل والله اعلم!!!!

[مدحت عروة]

#1355460 [هع]
4.00/5 (4 صوت)

10-16-2015 09:19 PM
صاروخ
ما هو الان هنالك بعض المواطنين المتفلتين يمتلكون اسلحة ثقيلة بما فيها صواريخ
لا امن - لا سلام -- لا طمانينة
الحكومة غايبة وفي نوم عميق
الفوضى تضرب باطنابها في العاصمة ولا احد يحرك ساكن .........

[هع]

#1355458 [محجوب عبد المنعم حسن معني]
1.50/5 (2 صوت)

10-16-2015 09:02 PM
عاجل الشفاء للمصابين
يبدو ان الجسم الغريب سقط من احدى الطائرات العابرة .
مع مودتي

[محجوب عبد المنعم حسن معني]

ردود على محجوب عبد المنعم حسن معني
[محجوب عبد المنعم حسن معني] 10-17-2015 06:43 PM
تحياتي يا بت ابوزيد
والله مشتاقين، سلمت عليك كم مرة، بقيتي زي هلال رمضان، ان شاء الله المانع خير، تحياتي لك اختي الكريمة.
مع مودتي

European Union [nagatabuzaid] 10-17-2015 02:29 AM
ود معنى كيف حالك اختصرت الموضوع . شفت جنس الحالة اليها أهلنا


#1355441 [أبو علي]
4.97/5 (11 صوت)

10-16-2015 07:56 PM
يمكن يكون كوز كبير مغضوب عليه شاتوه من القصر وتفرقعت كرشه وسط الحي

[أبو علي]

ردود على أبو علي
European Union [nagatabuzaid] 10-17-2015 02:31 AM
ههههههه احتمال وارد ولا تكون صينية باسطة وقعت من وزير الداخلية


#1355439 [Azan Malta]
4.94/5 (8 صوت)

10-16-2015 07:49 PM
الخبر مبهم متى سقط وما هو هل وجد. اثر لذالك الجسم الغريب وللآن الطيارة كانت طافيه نور

[Azan Malta]

#1355438 [بت البلد]
3.75/5 (3 صوت)

10-16-2015 07:45 PM
لا حول ولا قوة الا بالله اللهم لا اعتراض في حكمك ...
بالله عليكم وافونا بالتفاصيل

[بت البلد]

#1355437 [المراقب]
4.00/5 (3 صوت)

10-16-2015 07:44 PM
أثار هذا الانفجار فى القالب تكون ناتجة عن انفجار قنبلة فراغية - حيث لم يحدث الانفجار لهب او دخان مثل انفجار القنابل العادية -

[المراقب]

ردود على المراقب
[كرازي] 10-17-2015 03:27 PM
غضب الله بنزل من الاطراف كدا راجع المصحف بتمعن تاني ....القصر الجمهوري واقع شمال وقدامو بحر فيه رزق للعباد ......كافوري شمال شرق الخرطوم زي الجناح اليمين في الكوره نسبة التهديف ضعيفه ...

[اسرائيلي] 10-17-2015 07:55 AM
طيب وين الصحرة الوقعت من النيازك ، وليش ما وقع فى القصر الجمهورى ولفى كافورى

[كرازي] 10-17-2015 01:57 AM
طيب وين بواقي القنبله االفارغه ؟؟؟ ياعمى المرجح صخره من بقايا نيازك وقعت يوم جمعه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة