الأخبار
أخبار إقليمية
نائب : في النهاية دا مواطن سوداني بطلع قرفان وزهجان وسابي، ودا انطباع ما كويس، لما يطلع بمعاملة خشنة ما بجي البلد دي تاني).
نائب : في النهاية دا مواطن سوداني بطلع قرفان وزهجان وسابي، ودا انطباع ما كويس، لما يطلع بمعاملة خشنة ما بجي البلد دي تاني).
نائب : في النهاية دا مواطن سوداني بطلع قرفان وزهجان وسابي، ودا انطباع ما كويس، لما يطلع بمعاملة خشنة ما بجي البلد دي تاني).


مغادرة (500) سوداني للسعودية عبر ميناء عثمان دقنة يومياً
10-18-2015 10:51 AM
بورتسودان: سارة تاج السر
كشف مسئولون بميناء عثمان دقنة بولاية البحر الاحمر، عن مغادرة (٥٠٠) سوداني يومياً الى المملكة العربية السعودية بحثاً عن فرص عمل، فيما انتقد نواب برلمانيون، التكدس والصفوف الطويلة للمسافرين في صالات المغادرة لانهاء اجراءات السفر، واتهموا مسئولي الميناء بإهانة المسافرين، ووجهوا بتسهيل الاجراءات ومعاملة المواطن بشكلٍ راقٍ بدلاً من خروجه (قرفان وزهجان وسابي).
وتسبب تأخر وصول باخرة (المودة) جراء عطل فني، في ازدحام شديد، وسط سخط المسافرين، وشكا خمسيني استطلعته (الجريدة) من بطء الاجراءات في صالة المغادرة بسبب تخصيص نافذتين فقط للجوازات، وقال ان الوضع الاقتصادي دفعه للتفكير في السفر رغم دخوله الخمسين، وقال انه استطاع اخيراً الحصول على عقد عمل بمهنة راعي بالمملكة العربية السعودية.
ومن جهته طالب رئيس لجنة النقل والطرق والجسور بالبرلمان السماني الوسيلة، خلال زيارتهم لولاية البحر الاحمر الاسبوع الماضي، بزيادة نوافذ الخدمة وتسهيل اجراءات المغادرين، وان تكون جاذبة داخلياً وخارجياً.
وفي السياق وجه النائب حسن علي نمر، ادارة الميناء بمعاملة المسافر بشكلٍ راقٍ يخلف في نفسه انطباعاً طيباً قبل مغادرته ويشجعه على العودة فيما بعد، وذكر (في النهاية دا مواطن سوداني بطلع قرفان وزهجان وسابي، ودا انطباع ما كويس)، وأردف (لما يطلع بمعاملة خشنة ما بجي البلد دي تاني).
ومن جانبه وجه النائب الشرتاي عمر ادم انتقادات لادارة الميناء وطالبهم بفتح (١٠) نوافذ لتقديم الخدمة وقال (معقول ٥٠٠ نفر يقيفوا في نافذتين؟، ما ممكن تهينوهم بالمستوي دا).
وبرر مسئول الجوازات بالميناء العقيد فيصل محمد مختار، الازدحام بسبب تعطل باخرة المودة لظروف فنية، ووصف احد مسئولي الميناء التكدس بالحالة الشاذة نتيجة تعطل باخرة (المودة)، وعمل باخرة واحدة (المحبة) في نقل المسافرين والحجاج، وتوقع ان تنفرج الازمة قريباً.

الجريدة


تعليقات 19 | إهداء 0 | زيارات 7690

التعليقات
#1357117 [آمال]
0.00/5 (0 صوت)

10-19-2015 09:48 PM
ما في طفش السودانيين من البلد غير انها بقت طاردة و الظروف فيها بقت سيئة و الكيزان بتكلموا عن الموضوع و كأنهم ما ليهم علاقة بالحال الوصل له المواطن السوداني بسبب سياساتهم الخاطئة في السودان و احتكارهم للوظائف و اي شيء

[آمال]

#1357040 [محمد]
0.00/5 (0 صوت)

10-19-2015 05:46 PM
الرد علي دنيا الوهم ياخوي انا قاااااعد ف السعودية دي كان كوز ماكان مرقته كدي تعال علينا بيجاي وجرب وشوووف بينفسك وتعال غبيرا شوووف العطالة المالين القهاوي واسمع حكاياتم الليهوو 15 سنه وكفيلوو ماكلو وعامل ليهووو هروب ده اقل شي واقل حاجه تعااال شوف بي نفسك ماتجي بي عماك وتقول جابوني وماوروني

[محمد]

#1356924 [ALMAHI]
5.00/5 (1 صوت)

10-19-2015 01:55 PM
بلادى وان جارت على عزيزة واهلى وان ضنو على كرام ضع خطين تحت كلمة اهلى لتعرف ان من يعاملوك لو كانوا اصلا سودانيون جد جد بيعاملوك كويس والمعامله الطيبة سلوك وطبع ودين اما حكاية نافذتين دى مش معقولة افتحوا 20 نافذه ايش المشكله فقط تسلط وتجبر فى ناس مريضه وما بتقدر على الوقفه لماذا تجبرهم على الوقوف والله انا عندى تذكرة درجه اولى طيران سألت الموظفه ( عسكرى الجوازات وين شباك درجه اولى فى مطار الخرطوم قالت لى اقيف مع الناس فى الصف خفت اتكلم معاها زياده تلخبط لى سفرى ومواعيدى رجعت وقفت فى الصف وبمجرد ما خرجت من السودان ووصلت مطار الدوحه عرفت ان هناك فرق بين درجه اولى وغيره وعرفت كيف الناس تعامل الناس .
اما ان نترك بلادنا وفى احسن منها لا ابدا ما ممكن كرامتنا وعزتنا فى بلدنا مهما كان الناس تتغير وهؤلاء الموظفون الغير جديرين بالعمل سيتغيرون يوما وسيموتون حال البشر لذا بلدك ثم بلدك فلنعمل من اجل ان نتعلم المعامله الطيبه والعمل الجيد والكل يسعى ليجود عمله ومعاملته فمن تقدم لهم الخدمه دفعوا مقابلها فأنت يا موظف مجرد اجير لهذا المتلقى للخدمه فأحسن معاملته ليحسن الله لك فى ما تأخذه من اجر

[ALMAHI]

#1356857 [المهاجر]
5.00/5 (1 صوت)

10-19-2015 11:52 AM
المحبه والموده والشكشكه من ضباط الميناء ادفع 500 ج وامورك تخلص حصلت معى والله العظيم دخلت حتى الباخره بسيارة الشرطهدبروا اموركم البلد بقت بنظام ادفع واخلص

[المهاجر]

#1356828 [الحالم]
5.00/5 (1 صوت)

10-19-2015 11:17 AM
من نكد الدنيا على المرء ان يرى عدو ما من صداقته بد الكيزان ابتلاء من الله على الشعب السوداني اللهم لا نسالك رد القضاء ولكن نسالك اللطف فيه

[الحالم]

#1356788 [ابو الهادي]
4.50/5 (2 صوت)

10-19-2015 10:22 AM
القال ليك منو ما بنرجع والله يدونا بالشلوت في المطار وماهي إلا ثلاث شهور حتى تتحر دموعنا شوقا إليك أيها السودان و لأهلك الطيبين عشت يا سوداني ما ح نخلي ليكم

[ابو الهادي]

#1356767 [مواطن سوداني زعلان]
5.00/5 (1 صوت)

10-19-2015 09:33 AM
اول ما قريت الموضوع حسيت كانو بتكلم عني شخصيا لاني
طلعت من السودان قبل 4 ومانوي ارجع نهائي بسبب معاناة السفر المريت بيها وتاني بقول م جائي م جائي واشبعو ي الكيزان بالسودان هجينا و ماراحعين ي كلاب

[مواطن سوداني زعلان]

ردود على مواطن سوداني زعلان
[jime fan] 10-19-2015 03:46 PM
وضح المقصود بقبل ٤ دي شنو؟شهور ولا سنين ولا اربع رمضان؟


#1356697 [تور الخلاء النطاح]
5.00/5 (1 صوت)

10-19-2015 07:23 AM
يوميا 500 مواطن سوداني يخرجون من السودان..... وبالمقابل 1000 حبشي يدخلون السودان عن طريق القلابات والقضارف...... شوفو الحكاية حتودي وين؟؟؟؟؟؟؟

[تور الخلاء النطاح]

#1356646 [الداندورمي.]
5.00/5 (1 صوت)

10-19-2015 01:25 AM
عشان القرف والسجم ده،،،طلعنا وده
طرفنا من وطن الذل والإضطهاد والحسد
وما،،،عندنا أي رغبه في الإستقرار إجازات
فقط لخاطر عيون وطن عزيز ما،،،عنده ذنب
بسبب تصرفات أبنائه ،الحمد الله نشكر الله علي توفيقنا وإستقرارنا
في وطن جديد يحترم إنسانيتنا ،يحترمنا ويقدرنا ونبادله الإحترام والتقدير.

[الداندورمي.]

ردود على الداندورمي.
European Union [الداندورمي.] 10-19-2015 12:06 PM
والله يا،،،محمد أخوي ناس الخليج
والعرب بصفه خاصه عشان قلبي ما،،،بدورهم
ربنا ما،،،قسم لي قسمه معاهم ،وبعتبر نفسي محظوظ
جدا وأحمد الله وأشكره شكرا كثيرا علي قسمتي مع مجتمع
الكفايه والعدل والصدق والأمانه ،وإحترام إنسانيتنا المسلمين بدون
إسلام ورغد العيش ما،،،بتشيل هم معيشتك وعلاجك وتعليم أبنائك حتي بعد وفاتك
خمسه سنوات وأصبحنا مواطنين نتمتع بكل حقوق المواطنه نحن مع مجتمع الخواجات وأكبر خطأ في تاريخ السودان لم يستفيد من الإستعمار .

[دنيا الوهم] 10-19-2015 09:59 AM
الرد على محمد ، أها الكرامة وين في رايك في سودان الإنقاذ التعيس ولا شنو؟ السعودية على الأقل بلد الحرمين و خيرها باسط لو مرضت تقدر تتعالج و راتبك ماشي الحمد لله ، أها سودان الإنقاذ فيه شنو؟ لا صحة لا علاج لا حياة كريمة ، أخير تعيش ذليل خارج بلدك مما تعيش زليل في سودان الشوم الإنقاذي ، شكلك كده كوز قديم و مرتاح و أمورك ظاااااااابطة

[محمد] 10-19-2015 08:19 AM
متتغش علي نفسك ساااااااااي قااااعد وين اته في السعووودية؟؟ والله لا في انسانية ولاشي ف زله وتسكت بس دي الحقيقة المرة من خرج من داروو اتقل مقدااارووو ماف زول بقبلك غير بلدك حاتعيش بره لكن الكلام بي حساب والمشي علي اطراف اصابعيك وتخاااف من الكفيل والتجديد والرسوم حقت الجديد وهلم جرررر ماتغش علي نفسك ساااااااااااااااااي


#1356601 [مندهش]
0.00/5 (0 صوت)

10-18-2015 09:22 PM
و ماذا بعد ان ينتقد المجلس التشريعى ادارة الجوازات او الميناء او اى جهة قام بزيارتها .ماهى سلطاته و ما هى قوة توصياته ما هى الياته التى يتابع او ينفذ او يجعلها على ارض الواقع ..لا شئ زيارة و انتهت و فقط

[مندهش]

#1356570 [محمد مدني]
0.00/5 (0 صوت)

10-18-2015 08:00 PM
بلنسبه لسياسة ادارة صالة المغادره بيقولو الزحمه فيها الرحمه يتكدس المواطنين في وقت
واحد ويقتفق الظابط والعسكري الجواز بخمسين ومرات بمئه ويتقاسمو اخر اليوم والله علي ما اقول
شهيد يعني النظام وراحة المواطن ما من صالحهم واصغر صبي ورنيش ممكن ينظم الف مسافر بكل
سهوله / نشوف فيكم يوم ي كيزان وسبتمبر كانت المناظر

[محمد مدني]

#1356511 [توفيق عمر]
0.00/5 (0 صوت)

10-18-2015 05:11 PM
والناس ديل ككككككككلهم عندهم تاشيرات دخول للسعودية
قرات في الخبر 500 يسافروا كل يوم
معقول الكلام دا
هي السعودية دي الدخول ليها تراهو بالسهولة دي
هذا انطباع جديد بالنسبة لي
بعدين القريت في الخبر انهم بيقولوا علي انفسهم مسئولين ديل
دايرين او بيعملوا علي تسهيل سفر الناس ديل كدا بالبساطة دي
وبدون حياء او خجل كمان يقولو
عاملو الناس ديل كويس ديل سودانيين لو عاملتوهم بطريقة مقرفة تاني ما بيجو راجعين
يا ربي انا في حلم ولا علم
سبحان الله

[توفيق عمر]

#1356378 [الجقود ود بري]
4.75/5 (3 صوت)

10-18-2015 01:50 PM
هههههههه قال تعامل راقي
من وين تعلموا الرقي؟
الإنسان السوداني لن يحلم بتعامل راقي ابدا! !!!!
وديل قالوا مسلمين !!!!
ورسولنا الكريم صلى الله عليه وسلم قال
" إنما بعثت لاتمم مكارم الأخلاق "
والنافذين من حزب الشيطان اكترهم عاشوا في الغرب كما يسمونه الكافر
وشافو التعامل الراقي. لكن هم من استرتيجيتهم ذل الشعب السوداني عشان يستمروا في الحكم

[الجقود ود بري]

#1356363 [sudaniiy]
5.00/5 (2 صوت)

10-18-2015 01:36 PM
انا اشك فى قبول السعودية لهذه الاعداد للعمل فقط
بعد اعلان سعودة الوظائف !!!!!!!
ما هي اجندة المتأسلمين بقيادة السعودية فى السودان ؟؟؟
انتبهوا ايها السودانيين

[sudaniiy]

ردود على sudaniiy
[آمال] 10-19-2015 07:19 PM
شكلهم دايرين يشغلوا السودانيين وظائف هامشية بعد ما سعودوا كل الوظائف و خلوها للسعوديين فقط


#1356348 [محمد]
4.88/5 (4 صوت)

10-18-2015 01:13 PM
اقترح على الدوله ارسال مندوبين للامارات لمشاهدة المعامله ااراقيه تخليك تحس انهمرجال الجوازات هم الضيوف وانت سيد البلد

[محمد]

#1356285 [جهجهة]
5.00/5 (2 صوت)

10-18-2015 11:54 AM
اقترح ان تقوم الحكومة بارسال وفود لتزور بعض الدول الفقيرة مثل الفلبين والهند وسيرلانكا وه في الاساس تعتمد في اقتصادها علي الايدي العاملة . لتري كيف يعامل المغترب وكيف ان ضرائبه تعود علي في شكل خدمات علاجية وتعليمية لابنائه . ولكن الظاهر جماعتنا ديل بسافروا فقط لمتعة انفسهم ولا يبحثوا عن كيف تدار الدول . انا عن نفسي طبيعة عملي تجعلني اسافر لكثير من الدول ووصلت لقناعة بان حكومتنا تسرق كل شي في البلد ولا تخصص مليم للتنمية والخدمات . والا لماذا دول مثل الفلبين وسيرلانكا تكون بنيتها التحيتة افل منا بسنوات ضوئية . ونحن اغني منهم في الموارد ولكن افقر منهم في الاخلاق . اما موضوع التدين فهذا متروك لرب العزة اسال الله ان يرينا فيهم يوم هم واولادهم اكالي السحت لتشفي صدور المساكين .

[جهجهة]

#1356273 [عبد الله]
2.97/5 (7 صوت)

10-18-2015 11:41 AM
يتباكو على ظلم اسرائيل للفلسطين وهم يفعلوا بنا اسوأ من افعال اليهود بالفلسطينين !! خصوصا المدعو عبد الجليل الكارورى الذى خطبه تدعوا للغثيان من هول المفارقات

[عبد الله]

#1356247 [الناهه]
4.88/5 (6 صوت)

10-18-2015 11:17 AM
انظر الى الشارع السوداني لن ترى غير البؤس والشقاء والشعب كان على راسه الطير
انهاحاله من الكابه نتيجه للفقر والجوع والمرض الذي اصاب المواطن
في المقابل هنالك موظفي الدوله صغارهم وكبارهم لا يبدو عليهم غير الرضا والسعاده وهم يمتطون الفارهات جيئة وذهابا حتى عندما ينزل احدهم من السياره الفارهه فانك ترى له مؤخره ضخمه جدا واضخم منها كرش ولا يكاد يطيق النزول من فارهته ومفارقه مكيف الهواء الا طلبا لجبايه من الجبايات وبكل جلافه وفظاظه
فما تقوم به سلطات ميناء عثمان دقنه ليس بجديد ولا فريد انها منظومه متفق عليها يطبقها اصغر واكبر افندية الدوله وصبر جميل

[الناهه]

ردود على الناهه
[بنت الناظر] 10-18-2015 12:54 PM
ناسين قول رَسُولَ اللَّهِ صَلَّى اللَّهُ عَلَيْهِ وَسَلَّمَ : " أَيُّمَا لَحْمٍ نَبَتَ مِنْ حَرَامٍ ، أَوْ جَسَدٍ غُذِّيَ بِحَرَامٍ ، فَالنَّارُ أَوْلَى بِهِ " .


#1356241 [المغبون]
4.50/5 (2 صوت)

10-18-2015 11:10 AM
هو منو العائزم يرجعو تانى ديل بقر حلوب بالنسبة للحكومة عشان كده بيعاملوهم المعاملة القرف دى عشان الواحد فعلا ياخذ هذا الانطباع السيئ عن بلده وما يفكر يرجع ليها تانى وطبعا الجهاز بيكون شغال فى حلبه طول ماهو باقى خارج البلاد والله كل المعاملة التى يعامل بها المغترب السودانى هى رساله له بان لايفكر يقعد فى البلد وان يستمر فى الاغتراب ويظل الجهاز مفتوح ويستنزف فيه ومن غير اى مقابل . غايتو الحمد لله انحنا والله بتحكمنا حكومة شياطين لابشر عاديين والحمد لله .

[المغبون]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة