الأخبار
أخبار إقليمية
أسرة أحمد محمد تصل واشنطون للقاء أوباما غداً وسط هجوم شرس من الأعلام الأميركي بسبب لقائها بالسفاح
أسرة أحمد محمد تصل واشنطون للقاء أوباما غداً وسط هجوم شرس من الأعلام الأميركي بسبب لقائها بالسفاح
أسرة أحمد محمد تصل واشنطون للقاء أوباما غداً وسط هجوم شرس من الأعلام الأميركي بسبب لقائها  بالسفاح


فاز بجائزة المسلم الأول بأميركيا
10-18-2015 11:55 AM

الهادي بورتسودان
وصلت أمس للعاصمة الأمريكية واشنطون قادمة من السودان أسرة الصبي الأميركي السوداني أحمد محمد للقاء الرئيس الأميركي باراك أوباما والمقرر لها يوم غداً الإثنين ، وسط هجوم (وصفته الديلي ميل البريطانية أمس) بالشرس من الأعلام الأميركي ووسائل التواصل على الأسرة بسبب لقائها بالرئيس السوداني المطلوب بجرائم إبادة جماعية الطاغية عمر البشير
وقالت وسائل أعلام مختلفة إن البيت الأبيض يواجه حرجاً كبيراً من هذا القاء بسبب مقابلة الأسرة للبشير قبله بايام والمعروف أن القاء تم تنسيقه منذ الشهر الماضي عندما ارسل أوباما تغريدة دعم لأحمد على تويتر بذلك
وكان الصبي قد تسلم في إحتفال مساء أمس جائزة مجلس العلاقات الأميركية الإسلامية (كير) للرجل المسلم الأول لعام 2015 ، وهو أهم مؤسسة متخصصة في الدفاع عن الحقوق المدنية وحريات المسلمين الأمريكيين أو الاجانب بالإضافة إلى تحسين صورة الإسلام في أمريكا

[email protected]


تعليقات 36 | إهداء 0 | زيارات 11886

التعليقات
#1356948 [الحقيقة]
5.00/5 (1 صوت)

10-19-2015 02:46 PM
إنتو عارفين لفافة الوالد دة ضيع لإبنه ملايين الدولارات من كبريات الشركات عبارة عن دعايات للتكنلوجيا وقد إهتمت به هذه الشركات من قولة تيت وأرسلت له الهدايا وبذلت له الوعود أبل وقوقل وياهو وفيس بوك وغيرها لكن كل هذه الشركات سكتت بعد إحتفاء أحمد وولده بزيارة البشير والتعلق به.

ما في شركة عالمية تخاطر بسمعتها من أجل شخص مجرم مطلوب للعداله الدوليه.

[الحقيقة]

#1356893 [العيسابي]
5.00/5 (1 صوت)

10-19-2015 12:46 PM
أنا شفت فيديو واحد أمريكي عمل نفس الساعة في 20 ثانية جاب ساعة وأخرج أجهزتها الداخلية ووضعها على سطح ووصلها ببطارية صغيرة وشغلها وأدعى أن أحمد ضحك على الناس والصدفة هي التي خدمته والمدرسة والإعتقال هما السبب في شهرة لا يستحقها حسب قوله وممكن تدخلوا على اليوتيوب وشاهدوا الفيديو .

[العيسابي]

ردود على العيسابي
European Union [wed Alsroor] 10-19-2015 05:22 PM
ياخى اسكت الحسد والحقد الفيك حا يقتلوك هسا تلقاك عاطل وباطل


#1356887 [هههههههااا]
0.00/5 (0 صوت)

10-19-2015 12:32 PM
ههههههههاااي في ناس الموضوع أكل معاهم واتمنو احمد دا لوكان ولدم ...
ي خلايق سيبو الحسد ياخ ونضفوووو نفوسكم عشان ربنا يسهلا معاكم

[هههههههااا]

ردود على هههههههااا
[الكرباج الحار] 10-19-2015 01:53 PM
فعلا حقد وحسد من انصاص سودانيين او قل متسودنين ،،داخلين من دول الجوار بالغلط


#1356858 [ALamaldin]
0.00/5 (0 صوت)

10-19-2015 11:53 AM
Ahmed’s family made mistake when she met dictatorship and people who already committed crimes and accused by genocide as well as crimes against humanity, therefore Ahmed’s family met Muslims brothers and Islamic movement in Arab country, he has right but still American community will not forgive and forget him for his met Islamic leader’s dictatorship

[ALamaldin]

#1356853 [المهاجر]
0.00/5 (0 صوت)

10-19-2015 11:48 AM
سودانى قابل سودانى ما دخل امريكا وهل امريكا سلمت يداها من قتل الابرياء قتلت فى العراق ما قتلت وفى باكستان وافغانستان ولازالت تقتل الابرياء تحت مسمى الارهاب وجعلت العرب يرتعدون ....امريكا هى من تقتل البشر حتى فى اسرائيل هى الداعم رقم 1 فى قتل الشعب الفلسطينى امريكا ولا اخر الدول تتكلم عن الاباده

[المهاجر]

#1356820 [wed Alsroor]
0.00/5 (0 صوت)

10-19-2015 11:06 AM
شعب حاسد شعب حاقد موتو بقيظكم عشان كدة عمركم ما حاتتقدمو مدام بتحسدو وبتحقدو على بعض كدة وللدرجة

[wed Alsroor]

#1356790 [صديق حسين]
5.00/5 (2 صوت)

10-19-2015 10:23 AM
احمد منذ ذاك اليوم لم يقرأ و لا سطرا واحدا و ابواه لا يألون الجهد بالزج به في أي محفل كان و من دوله ل أخرى و بالمجان فيجب ان تتولى الدوله رعايه الطفليين حيث فشل الاب في أداء دور الابوه و رعايه الأبناء بعيدا عن هذا المسخ

[صديق حسين]

#1356786 [الحاج]
5.00/5 (2 صوت)

10-19-2015 10:14 AM
بعد كده ابدأ كتابتك مذكراتك يا عم محمد الحسن محمد الحسن محمد الحسن .
اقترح العنوان التالى :
" احمد والساعه والرعده الفركاعه "

[الحاج]

#1356769 [really]
0.00/5 (0 صوت)

10-19-2015 09:35 AM
let Ahmed enjoy with his family becuase it's his right .do yours and people will be happy for what you made.

[really]

#1356695 [جمال حنين]
5.00/5 (1 صوت)

10-19-2015 07:18 AM
الان بدأت جهات كثيرة تشك في مقدرات احمد بالاساس وقالوا ان احضار الساعة التي تشبه القنبلة عمل متعمد وبتحريض من والده رغم ان المعلم نصحه بعد عرضها لاي شخص نسبة لشكل ولانها تصدر صوت انذار غريباحدى القنوات الغربية شككت في مقدرات الطفل وقال المذيع عندما كان يوجه له اسئلة على الهواء كانت اخته تلقنه الاجابة وصوتها كان واضحاً.

time will tell

[جمال حنين]

#1356665 [المنجلك]
5.00/5 (1 صوت)

10-19-2015 03:53 AM
قلنا لك خليك مع البشير بدل أن تجعل ادارة اوباما وكير والجالية السودانية في موقف محرج ايها الانتهازي عديم الضمير

[المنجلك]

ردود على المنجلك
[جميل بثينة] 10-19-2015 10:25 AM
والله العظيم شعب جبان جدا الولد عمل الصاح قابل الرئيس السودانى
وهو فى الاصل سودانى عن الجرائم المتهم بهاالرئيس هذا شأن لا يعنية
هو لا قاضى ولا محكمة والرئيس متهم فقط بكلام مغلوط هو طفل بس ارجل
من ناس كثير مستعدين يبعوا وطنهم واهلهم وزوجاتهم من اجل امريكا
الله يأخذكم جميعا


#1356649 [Azan Malta]
0.00/5 (0 صوت)

10-19-2015 01:50 AM
يا جماعه هذه مناسبة اجتماعيه ولا علاقة لها بالإبادة الجماعيه أو الاغتصاب وانا مناكد ان كل المعلقين الانتقدو تلبية رياالولد للبشير لو أتيحت لهم نفس الفرصه ما فأتوها

[Azan Malta]

ردود على Azan Malta
[amir] 10-19-2015 09:26 AM
ماذا سيضيف له لقاءه مع البشير واين هي الفرصة


#1356638 [الشايب]
3.00/5 (1 صوت)

10-19-2015 12:10 AM
اصلو في صفة لا توجد الا عندنا نحن (اخص) السودانيين :
اذا نبغ منا شخص في أي مجال لا يعجبنا أن نعدد محاسنه بل بالعكس نوغل في كيل مساوئه حتى النهاية.

واحد دكتور متفوق ومتخصص ... امه بتاعة !!!
أبوه خشمه عامل ذي الكدوس
اخته ذي الركشة في كل مكان
واحد نابغ في لعب الكورة ... صاحبه بتاع !!!
وهو بتاع !!! بعد الساعة !!
كل الشعوب تمجد ابطالها وعلمائها والمبرزين من ابنائها وبناتها إلا نحن
رجل بلغ من العلم والمعرفة والنبوغ الكثير نمنعه من بناء مدرسة بحجة أنه قادم من بلاد الشيوعيين والكفرة!!
وآخر بلغ شأواً بعيداً في ادارة البلايين في عالم الاقتصاد نمنعه من ادارة بنك صغير في ضواحي الخرطوم.
نحن شعب يعشق الحسد وكثير منا لا يصلي على النبي عندما يرى شيئاً جميلاً في أي شيء.

[الشايب]

#1356623 [علي هولندا]
4.97/5 (6 صوت)

10-18-2015 10:13 PM
ابو الولد طلع ذكي جدا عاوز يستفيد من الهيلمانه دي لابعد حد لانه عارف تماما انه ابنه ده تاني مافي حد حيسمع بيهو ليوم الدين ..هو عارف تماما انه الحصل ده صدفة وما حتتكرر ...عشان كيده يقابل البشير وكرزاي وكاسترو.بعد داك يغشي الديلالاما وما يخلي جمعية او منظمة اسلاميه في الدنيا ...بعد طز في الغربة والمنافي وهاك يا طرطيبة...المهم يستفيد من الهيصة الفرصة بتجي في الحياة مرة واحده..

[علي هولندا]

ردود على علي هولندا
[زول نصيحة] 10-19-2015 08:13 AM
يا علي كلامك مية مية ودا الحاصل فى امريكا الواحد يستغل فرصتوواكيد لو كان عرق تاني مثلا كان باع قمصان بصورتو وعمل فيديهوهات واعلانات
بس
هو لقى الاحسن من دا كلو
لقي قبول فى جامعة ماسيتشوس للهندسة افضل جامعة على مستوي العالم
ليه يجازف بيها
دي فرصة عمرو


#1356618 [م/محمد عبد الوهاب]
0.00/5 (0 صوت)

10-18-2015 09:55 PM
يا جماعة الخير ...
إتخيلوا معاي إنو أحمد أخوي ده في البيت وولد ناجح ونجاحو بيفرح ناس بيتهم الحيفرح بيهو أول منو ، أبو مش كده ..
حسع عليكم الله كان أفراد الأسرة قالو كدة ومشو إحتفلو مع أحمد مع عمو أو خالو أو أي واحد تاني من أفراد الأسرة وأبوه قاعد وعلى أتم الصحة ... دحين ما بيزعل ،، حسع دي نفس الطريقة ..

ههههههههههههههههههههههههههههههههههههههههههه

عاينو للإمور بي بساطة

البتقولوا فيهو ده تهميش للاباء الحقيقييين ,,,

هههههههههههههههههه

[م/محمد عبد الوهاب]

#1356606 [الحق ابلج]
5.00/5 (2 صوت)

10-18-2015 09:30 PM
يعنى شنو الرجل المسلم الاول ؟؟؟
هل عندكم الرجل المسيحى الاول واليهودى الاول ؟؟ ام ان هذا استهزاء وقلة أدب منكم .

[الحق ابلج]

#1356593 [عمار]
5.00/5 (3 صوت)

10-18-2015 08:55 PM
الفيلم الهندي ده حاينتهي بزيارة الولد احمد للبيت الابيض لان الزيارة دي هي المسخنه الموضوع وجاعلاه في التوب وبعد داك كله حايرجع لجحره

[عمار]

#1356560 [ابوهنيدة]
4.00/5 (3 صوت)

10-18-2015 07:45 PM
البشير رئيس كل السودانيين الآن ، والأميركان إذا ما عاجبهم أحمد يقابل رئيس بلدو طز فيهم .

[ابوهنيدة]

ردود على ابوهنيدة
[قرفننااا] 10-19-2015 01:29 AM
الراجل ابو الولد فاطي المدارس فاتحه خلي الولد يشوف مدرسته عايش علي الولد وضمن حقو في قصه مابتهمو يا راجل شوف ليك شغله تنفعك وخلي الولد يرجع المدرسه بلا لف ودوران معاك يا راجل يا فارق


#1356558 [بت البلد]
5.00/5 (1 صوت)

10-18-2015 07:44 PM
ستتم مقابلة أوباما لأحمد كما أريد لها أن تكون وفي التوقيت المحدد لها ... وربما لايتطرق أوباما للقائه بالبشير تمشيا مع حرية الرأي والفكر

[بت البلد]

#1356531 [عبد الرحمن بابكر]
5.00/5 (1 صوت)

10-18-2015 06:12 PM
اصلوا الزول ده لايوق وبتاع حركات من زمن حنتوب محمد الحسن محمد الحسن محمد الحسن كان ملغب ب محمد الحسن تكعيب اس 3 كان فى داخليه عنجه اصلا من قبوجه فى الجزيره اخوه اسم حامد اصغر منو درس فى حنتوب ودرس طب

[عبد الرحمن بابكر]

ردود على عبد الرحمن بابكر
United States [سادوس] 10-19-2015 02:33 PM
حتي مزاجه في اللبس راقي...ووجهه صبوح!!!!!!!!!!

[mokashfi] 10-19-2015 04:10 AM
لايوق ونجح ربنا سهل ليه سافر بلاد الاحلام الكبيرة والنفوس الطموحة....
اسمه محمد الحسن تكعيب وما العيب في ذلك....اصلا الثانويات ايام القاب....ثم اخوه حامد ومالو اسم جميل وممكن عادي الواحد يقرا بيه طب.....
ومالو لو من قبوجه او ابوروشيد او كادوس.....
الرئيس اوباما ابوه من احياء الصفيح في نيروبي وربنا قسم يقرا في هارفارد ويكون رئيس امريكا......
ومعلوماتك صحيحه بس ما فيها عيب وتحسب لمحمد الحسن من قبوجه والشاتاوي الي امريكا....انا من قري قبوجه بالنسبة لها زي فلوريدا وعشت في امريكا مده....هذا الولد وهذا الوالد لابد بذل جهد فالولد شكلو متربي حتي مزاجه في اللبس راقي...ووجهه صبوح....ادعو لهم بالثبات والله انا شفت ناس واولاد خرجوا من ثوبنا نهائي.....محمد الحسن علي ايامكم جمهوري وهو الان مكاشفي رجل بسيط ومبروك وسرتهم واخوانه معمرين مصلي السودانيين ومحبوبين جدا....


#1356468 [ابواحمد]
0.00/5 (0 صوت)

10-18-2015 04:20 PM
حسد في حسد ياعالم تويو واستغفروا

[ابواحمد]

#1356441 [Ahmed]
4.00/5 (4 صوت)

10-18-2015 03:15 PM
بالظبط الحصل ملخصه انو ابواجمد عنده عقدة نقص ولما احمد اخترع ساعه وهي حاجه عادي بتحصل في اغلب الشعوب ومامعناها عبقريه لكن شوية زكاء لقينا ابواحمد زي ماصدق وحام بولده السعوديه والسودان عشان يلاقي الروؤساء والاعلام يصوره ويتكلم عنه يعني من الاخر كده تعويض العقده الذاتيه بحدث اشبه بالمفتعل٠ابواحمد مع احترامي لكن تاجر سريع لما لقى فيها اضواء مسلطه على ولده وحب يستعيد فكرة نو كان مفكر في الهجره وبعدها ترشيح للرئاسة --يعني ممصلحه اب واسره في تسليط كشافات على ذكاء ولده--منو فينا اخترع وهوصغير-اغلبنا عمل بطارية بسلك بمروحه--يعني افتكارات طفوله ,,معنى كده اباهاتنا كانوا لفو بينا العالم يتفاخروا لو دي هي المساله --المساله الجد هي تنفيذ عقد نفسيه باولادنا ولا نخلي البهرجه ونخلي اولادنا يثبتوا نفسهم بنفسهم بدون مبالغات سطحيه--الله المستعان

[Ahmed]

ردود على Ahmed
[عمار] 10-18-2015 09:28 PM
الفيلم الهندي ده حاينتهي بزيارة الولد احمد للبيت الابيض لان الزيارة دي هي المسخنه الموضوع وجاعلاه في التوب وبعد داك كله حايرجع لجحره والاهم من ده كله يرجع ولدنا احمد واخوته للمدرسة ويعيش حياته الطبيعية فالموضوع لايستاهل كل هذا الزخم اعلامي..

European Union [عبر الاسير] 10-18-2015 07:41 PM
أوافقك الرأي في كل كلمة ذكرتها بخصوص استغلال والده لقضية ابنه .. و أضيف الى ذلك القضية ليست هي قضية اختراع بقدر ما هي قضية فصل عنصري في الأساس و ذلك لعاملي اسمه و ديانته فقط لكن القضية أخذت مسار اخر و هو مسار (تركيب) الساعة من شرائح إلكترونيات اخرى و ليست اختراعها كما متداول بين بعض الناس.


#1356440 [abdalkarim ibrahim]
0.00/5 (0 صوت)

10-18-2015 03:13 PM
الولد احمد دا اصولو سودانية ياجماعةوابوه زي كل المهاجريين عايزين تبقوه امريكي طوالي.اوباما ذاتو كان رجع بلد اجدادو في كينيا.

[abdalkarim ibrahim]

#1356433 [سعد بركات]
5.00/5 (1 صوت)

10-18-2015 03:03 PM
هذا ما لا تعرفوه عن الاعلام الأمريكي فالإعلام الأمريكي الذي تسطير عليه اللوبيات اليهودية و الجماعات المأسونية يسيطر على النظام السياسي الأمريكي ويصنع القرار السياسي هنالك امريكا دولة يحكمها إعلام يمثل فئة ضئيلة في المجتمع الأمركي ولكنها تسيطر على كل شي لانها تصنع القرار السياسي لذلك اعتقد ان اوباما سوف لن يقابل احمد وسيخذله كما خذل العالم العربي عندما خاطبه من جامعة القاهرة مبتدراً حديثة بالسلام عليكم والوعود الجميلة عند بداية ولايته ولكنة بعد ذلك غدر بهم وتجاهل قضاياهم رضوخاً لرغبة نفس الإعلام الذي يهاجم احمد الأن ويحاول أن يصنع منه مجرم بالع عليكم ماذا تعني مقابلة احمد لعمر البشير وهل هنالك ما يمنع المخترعين والعباقرة من مقابلة أي فرد في الدنيا علا شانه أو هبط شريفاً كان أم لصاً احمد مازال ولد صغير يتعامل بكل براءه وهو في النهاية قابل رئيس الدولة التي تنحدر منها اصوله ولا يعني إذا كان هذا الرئيس محبوب ام منبوذ لذلك ارجو ان لا نساير الإعلام الهدام وصاحب الغرض

[سعد بركات]

#1356418 [بت حبوبتها]
4.75/5 (4 صوت)

10-18-2015 02:47 PM
الإدارة الأمريكية عارفة إن ملاقاة البشير دي غلطة الأب ما غلطة الولد "أحمد" فمافي مشكلة وحيتم لقاء أوباما بشكل طيب بإذن الله على الأقل يذكروا فيه إيجابيات السودانيين بدل الصورة المهببة الطاغية في الإعلام بتاعة المجرم البشير وعصابته ..

كلمة لوالد أحمد, كان ممكن تعتذروا عن لقاء السفاح البشير خاصة وإن الولد لما يكبر ويفهم الدنيا غالبآ حيزعل من الموقف دة والعجب لو إترشح لانتخابات الرئاسة الأمريكية زي ما صرح بنفسه..الحكاية دي حتقعد ليهو نقطة سوداء في ملفه..شايفينهم بيزرزروا الرؤساء كيف على أخطاء ماضيهم..

وبعدين حتى لو كنتوا وافقتوا على مقابلة البشير على أساس مقابلتكم ليهو كشخصية إعتبارية يعني كرئيس وبس..ما كان في داعي للإنشراحة دي في الصور ..كان تسلموا بهدؤ وتتونسوا في حدود ولما يجوا المصورين تقيفوا ليهم معسمين وبعد داك اتخارجوا.. لكن طالما البقت بقت, أحسن تجهزوا عذر مقبول لما يسألوكم بكرة ناس الوايت هاوس عن الحصل وتبعدوا الولد عن المشاكل من الآن فصاعدآ مع دعواتنا له بالحفظ والتوفيق, اللهم آمين

[بت حبوبتها]

ردود على بت حبوبتها
[بت حبوبتها] 10-18-2015 10:45 PM
عفوآ ..تصحيح للمعلومة الفوق..

أحمد قال حيترشح في المستقبل لرئاسة السودان وليس أمريكا


#1356393 [امير علي]
5.00/5 (4 صوت)

10-18-2015 02:17 PM
الاعلام الامريكي اعلام راقي وفاهم وماتقوم به تجاه هزه الاسرة بعد مقابلة ر رئيس السودان المطلوب للعدالة الدولية شي جميل جدا لان هزه الاسرة غير جديرة بالاحترام واسرة مصلحجية وارزقية.

[امير علي]

ردود على امير علي
[الكرباج الحار] 10-19-2015 09:16 AM
انت اولا عايز مدرس للحروف الأبجدية ،،،وعامل معارض؟

[ابو جلمبو] 10-18-2015 02:59 PM
كدي اتعلم اكتب هذه اول وبعدين تعال اتكلم يا جاهل


#1356383 [bluenile]
0.00/5 (0 صوت)

10-18-2015 01:58 PM
امريكا تحتلف فيها منظمات مدنيه وحقوقيه تهتم بالانسان والانسانيه ومهما تتحدث وسائل اعلام محتلفه عن للقاء احمد بالبشير لكن فى النهايه سوف يقابل احمد اوباما
نعم لو كان قابل احمد اوباما اولا كان ممكن له ان لا يقابل البشير لكنه قابل البشير قبل اوباما
وبكل تاكيد سوف ينجح احمد بمقابله الرئيس الامريكى قريبا

[bluenile]

#1356369 [الجقود ود بري]
5.00/5 (3 صوت)

10-18-2015 01:39 PM
يبدو انو أبو الولد ركب الموجه لمصلحته الشخصيه من تفكير وهو اصلا فيه قولان لما اترشح ضد البشير واكثر الشعب السوداني مقاطع الانتخابات. وهو لما رجع لأمريكا زعلان وعلي حسب كلامه السبب تزوير في الانتخابات ليه رجع تاني ومن غير خجل متصور مع السفاح الزور الانتخابات
وطبعا الإعلام الأمريكي لن يرحم الولد ولهم الف حق في بلدهم بلد الحريه يكتبوا ويقولوا الدايرنو
الاعلام الامريكي لن يرحم الولد ولهم الف حق في بلدهم بلد الحريه يكتبوا ويقولوا الدارينو
أبو الولد لازم يروق شويه ويخليه يبني مستقبله بطريقته
أن كنت أنا والده لشرطت جوازه السوداني ناهيك عن أنه اقابل بيه السفاح

[الجقود ود بري]

#1356355 [ابو محمد]
5.00/5 (1 صوت)

10-18-2015 01:20 PM
هذا كذب صريح وهذه اوهام اليساريين ليس الا اوباما يعلم ان البشير برىء تماما من هذه التهمه وما هى الا كيد من الاعداء والخونه

[ابو محمد]

ردود على ابو محمد
United States [ALIIIIIIIIIIIIIIIIIIIIIIIIIIIIIIIIIIIIIII] 10-19-2015 05:30 PM
انت واحد حمار ساكت عمر البشير برئ هااااااااااااههههاااا عليك الله بالله عمر البشكير برئ قههههههههههههههه ياخي بالله احترم عقول القراء واحترم عقلك اذا كان عند واحد من اساسه وبطل كلامك المضحك ده وماتخلي الناس تضحك منك

United States [ودكركوج] 10-18-2015 03:40 PM
اليساريين ديل مايهم لحم اكتاف الكيزان الزيك من خيرهم والوحيدين الوقفو مع نظامكم الارهابي واهو عرابكم نافع من كم يوم شكّرهم وامتدح انو تجربة الحزب الشوعي الصيني. عالم منافقة.

[نعومة] 10-18-2015 02:55 PM
والله الظاهر إنك إنت الأكثر براءة يا ود أمي ..وبعدين الدخل اليساريين في إتهام سفاحك المجرم شنو .. يا سنة أولى تعليق .. أوف .. من الكيزان .. وين ما نروح منهم يطلعوا لينا زي العظم في الفشفاش !


#1356351 [برعي]
5.00/5 (6 صوت)

10-18-2015 01:16 PM
يا اخي قديتونا بالولد ده ، هو 12 مليون ولد مثله مشردين بشكل او اخر في السودان ، وهو السودان زاتو ماشي الي زوال .

[برعي]

#1356347 [أسامة]
5.00/5 (2 صوت)

10-18-2015 01:11 PM
السفاح الهارب وعصابته دمروا وطنهم وعذبوا واغتصبوا وقتلوا أبنائهم ، فما بالكم بأبناء دول الغير.
لماذا لم يتحرك الأمريكان السودانيين، لمنع والد هذا الطفل من زيارة السودان لمقابلة هذا الصعلوق الجزمة الهارب نطاط الحيط.

[أسامة]

#1356341 [ابو كدوك]
5.00/5 (1 صوت)

10-18-2015 01:01 PM
تستاهل والله يا ابوحميد وتسلم البطن الجابتك

هسى لو بنلاحظ هنا ان الوالد بجوار ابنه ياترى هل البعض سينتقد هنا كذلك ان الاب ضيع الولد ولاصق فوقه زى القراده وشنو مابعرف

يا اخوانا بالمنطق الرجل اتت له الفرصه والكل يعلم ان النفس البشريه ضعيفه وتحب الظهور والشعور بالعظمه فى لحظة ما ، الرجل دعى من كذا رئيس فما كان منه الا ان لب الدعوه ولا اعتقد ان فى ذلك خطا ، هل يريد البعض ان يغلق باب بيته امام الجميع ويقول ان ابنه وراءه مدرسه وكده ، بالمنطق الكل كان سيقول انه رجل انطوائى وشخصيته منفره وهكذا ، فى النهايه لن تسلم من كلام الناس ، يا اخوانا الولد صغير هل الاب يتركه يذهب لوحده ام بمعية امه واخته ، ده جناه يا اخوانا انتو بتتكلموا كيف ، اما بخصوص موافقته على تلبية دعوة البشير ، من الاخر كده الرجل لديه بزنس فى السودان اعتقد مصنع او ماشابه واكثر من ذلك اعتقد ، طيب هل يقول لا مابقابل البشير ويفتح على نفسه ابواب جهنم ، والله مصنعه ده مايشتغل ساعه زمن ويتقفل ،

الجزئيه الاخيره وهى تاخيره فى المدرسه وان المدارس فتحت " الرجل اعتقد ادرى بمصلحة ابنه " وفى الاخير الايه الكريمه بتقول " ان احسنتم احسنتم لانفسكم وان اساتم فلها "

"وجحا اولى بلحم توره يا اخوانا ولا كيف " .

[ابو كدوك]

ردود على ابو كدوك
United States [ودكركوج] 10-18-2015 03:47 PM
امشي اول اسمع الكلام المقرف القالو في مدح البشير وبعدين تعال قول كلامك ده.


#1356339 [الحقيقة]
5.00/5 (5 صوت)

10-18-2015 12:59 PM
والد الطفل بريد الإستثمار سريعا في إبنه لكنه لا يدرى أنه بتصرفاته البائسة هذه سينحره إجتماعيا،، في أمريكا سيرة كل شخص مسجل ومعروف وإذا لم يتم فتح سجلاته اليوم فسيلازمه ذلك بقية عمره وحتى بعد وفاته.

أبعدوا هذا الطفل من المتاجرة وأتركوه ينشا نشأة طبيعية فكم مثله صعد إلى عنان السماء في مجال الشهرة ثم دقس الأرض،،، إين الصبيان والصبيات الذين إمتهنوا التمثيل منذ نعومة أظفارهم وأين هم الآن؟؟ بعضهم لجأ للعمل في مواقف السيارات ولم يتبق لهم سوى ذكريات أفلام قديمة بعضها حتى غير ملونة يتم عرصها أثناء ساعات الظهيرة،،

أتركوا هذا الصبى ينشأ نشأة طبيعية فهو لا زال يتعلم بجانب عدم ضرورة خلق أعداء له وعلى الوالد ألا يبتهج بمثل هذه السذاجة.

[الحقيقة]

ردود على الحقيقة
[Shihab] 10-18-2015 06:01 PM
والله ماقلت إلا الحقيقة ياالحقيقة
ياليت المعنيين بقولك يسمعون ويعون وياليت قومى يعلمون...


#1356336 [عودة ديجانقو]
5.00/5 (3 صوت)

10-18-2015 12:59 PM
معليش يا احمد لكن أبوك طلع لمبى خاصه بعد ماشفت ليهو لقطة فيديو ماسك الميكرفون وبتخفف عامل فيها فنان

[عودة ديجانقو]

#1356324 [ٍSalah AL Deen P]
5.00/5 (7 صوت)

10-18-2015 12:44 PM
زيارات واختراعات والولد جا والولد راح ، والموضوع اتحكا لامن جاب دم زاتووو
والولد اينشتاين والولد مش عارف ايه!!!
يا اخوانا استهدوا بالله وختو الرحمن في قلبكم ، الولد لقى التعاطف نسبة لسوء تقدير المعلمة وطلب اعتقاله ووضع القيود على يديه ، يعني بالعربي كدا التعاطف كان بسبب سوء التفاهم الحاصل يعني لو كان يلعب بلي ساي وحصل معاهو سوء التفاهم كان برضو يلقى نفس التعاطف (اكرر التعاطف كان نتيجة المعاملة القاسية والخاطئة بدون سبب )
(صحيح برضو عملية تركيب اجزاء الساعة في مثل سنه يعتبر انجاز وعمل يشكر عليه لكن ما بنفس الطريقة دي)
بعدين ابوهو طلع رجل انتهازي وعديم الرحمة ما يفكر إلا في نفسه فقط
من ما مشى لي قطر عرفت ليك ابوهو زول استغلالي (بالله في أب يستغل ابنه الشافع ويضيع مستقبله بالشكل دا
ويقول ليك جائزة الرجل المسلم ،،شنو الكلام الفارغ دا ، خلو الولد في حالوا يعيش حياتو الطبيعية ما تحجموهو

[ٍSalah AL Deen P]

ردود على ٍSalah AL Deen P
European Union [ابو محسن] 10-18-2015 03:19 PM
فعلا تحليل موضوعي اخي صلاح الدين بس لا حياة لمن تنادي انت عارف لو كان يحمل معة دوم من السودان او لالبوب كان ممكن المعلمة تفتكر انه يحمل قنابل يدوية ورصاصات وبرضو كان لخذ نفس الشهرة ..... على العموم قلبي مع الصبي هذا اخاف عليه من الشهرة الفجائية من حدوث انعكاسات على مستقبله الدراسي في الختام السيد المرشح اثبت انك لاتقدر الاشياء حق قدرها فكيف يكون الحال لو قدر لك بالفوز بالسباق الرئاسي .


#1356304 [المتجهجه بسبب الانفصال]
5.00/5 (4 صوت)

10-18-2015 12:11 PM
تشكر يا الهادي على الخبر..... الرجاء من زملاء والد أحمد المقيمون في الولايات المتحدة نصح والده أن يهدن شوية ويترك التجوال بأحمد في ظل ظروف عالمية لاتفرق بين الصواب والخطأ،،، في موضوع أحمد العفوية السودانية لا مكان لها في العقلية الامريكية والاوروبية ،، ووالد أحمد عليه أن ينظر الى مستقبل ابنه ،،، اذا استمر الاب في التجول بأحمد سينته الامر بهم الى فقدان التعاطف الذي لقيه،، فالسياسة الامريكية قائمة على تحين الفرص،، لا تجعل ابنك العبقري ضحية لطموحات جهات مواجهة معقدة ،،، يا ناس الولايات المتحدة انصحوا والد أحمد خاصة انه ترشح للانتخابات ضد البشير ولديه طموحات سياسية،،، كما لا تنسى ان احمد أمريكي ويخضع للمعايير والقوانين الامريكية،،، تعليقات الامريكيين في مواقع التواصل الاجتماعي بدت تتسم بالسلبية عند زيارته للبشير ،،،

[المتجهجه بسبب الانفصال]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة