الأخبار
أخبار إقليمية
المغتربون يشكون من ارتفاع تكلفة استخراج الجواز الإلكتروني
المغتربون يشكون من ارتفاع تكلفة استخراج الجواز الإلكتروني
 المغتربون يشكون من ارتفاع تكلفة استخراج الجواز الإلكتروني


10-20-2015 03:40 PM
الخرطوم: دعاء محمد :
جدد عدد من السودانين المقيمين بالسعودية شكاويهم من ارتفاع تكلفة استخراج الجواز الإلكتروني بمدينة جدة و بط الإجراءات، مما أدى لتكدس المواطنين بالقنصلية.
وقال عدد من المغتربين تحدثوا لـ«آخر لحظة» إن تكلفة استخراخ الجواز عالية جداً. مشيرين إلى إنها تبلغ «515» ريالاً سعودياً، أي ما يعادل ألف وثلاثمائة جنيه سوداني، وقالوا إنهم يأتون من مناطق بعيدة وتصل تكلفة الرحلة نحو ألف ريال خاصة، وإن الاستلام يتم بعد ثلاثة أسابيع ما يضطرهم للمجيء مرة أخرى، مشيرين إلى أن التكلفة الكلية لاستخراج الجواز تبلغ «3»آلاف جنيه للفرد الواحد، وناشد المغتربون عبر الصحيفة وزارة الخارجية بمعالجة الأوضاع والعمل على تقليل تكلفة استخراج الجواز.

آخر لحظة


تعليقات 35 | إهداء 0 | زيارات 10505

التعليقات
#1358565 [زول..]
0.00/5 (0 صوت)

10-22-2015 09:52 AM
الكاريكاتير بذيء بعض الشيء ويخدش الحياء ، المغترب مواطن سوداني يمكنه أن يقول لا ويغير إذا أراد ، والحكومة ليست قوة الله في الأرض حتى تفعل بالناس ما تشاء ....لكل ظالم نهاية والله المستعان

[زول..]

#1358386 [Man]
0.00/5 (0 صوت)

10-21-2015 11:33 PM
اكتر واحد غياظ بتاع المنظار.....كوز عفن خسيس!

[Man]

#1358360 [أبو فاطمة]
0.00/5 (0 صوت)

10-21-2015 10:14 PM
رسوم إستخراج الجوازالإكتروني مرتفعة جدا مقارنة مع الجاليات الاخري .... نرجو إعادة النظر في هذه الرسوم ...رفقا بالمغترب الذي يتحمل الكثير من الاغباء المالية ويعول اكثر من اسرة في السودان ....

[أبو فاطمة]

#1358315 [حجازي بركات]
0.00/5 (0 صوت)

10-21-2015 08:07 PM
التحية والتقدير والاحترام لكل موظفي القنصلية السودانية بجدة بمايقدمونه من جهد لاينكره إلا جاحد .

[حجازي بركات]

#1358280 [المهندس سلمان إسماعيل بخيت على]
1.00/5 (1 صوت)

10-21-2015 06:48 PM
الأخ الكاريكتيرست عمر دفع الله
مش معقول دفع 650 ريال كقيمة جواز سفر مدة صلاحيته 5 سنوات اى 130 ريال عن كل سنة تخلى المغترب ملط وجعباته فى السهلة
نحن نعرف ان كتاب الكاركتير يميلون لصيغة المبالغة وياريت كنت بحثت عن موضوع اخر سوى ( المغتربون يشكون من ارتفاع تكلفة استخراج الجواز الإلكتروني )
انا عاوز اقول حاجة مهمة جدا
مثلا شركة فايزر او أبوت العالمية لمان تخترع دواء جديد يكون سعره مرتفع جدا فى سنواته الأولى والسبب يعود لتعويض ملايين ان لم تكن مليارات انفقت على البحوث التى سبقت اكتشاف الدواء
هنالك حالة شبيهة تحدث فى بناء البنية التحتية التى يوكل لها استخراج وحفظ البيانات المتعلقة بالرقم الوطنى والجواز الالكترونى - حواسيب ضخمة فى المركز وقواعد بيانات - اشياء عالية الكلفة لكن نحن لكراهتنا الشديدة فى هذا النظام ولانه يفعل كل شىء منفردا وبتكتم شديد ولا يشرك شعب السودان بإستثناء الكيزان فيه حدثت عندنا حالة رفض لكل شىء ينجزه هذا النظام ودا الفرق بين الحكم الذى يأتى من خلال انقلابات عسكرية وحكم يأتى عبر صناديق انتخابات حره
هذا الكاركتير لا يعبر عن حاله ارتفاع تكلفة استخراج جواز سفر الكترونى بقدر ما يعبر عن حالة كره ورفض للنظام القائم
ارجو اخى عمر ان تدقق الأختيار فى مواضيعك لتكون اكثر تعبيرا والساحة السياسية السودانية تعج بالحالات الحقيقة
هذه الحالة ليست حقيقية

[المهندس سلمان إسماعيل بخيت على]

ردود على المهندس سلمان إسماعيل بخيت على
[محمد الفاتح] 10-22-2015 11:25 AM
اخى المهندس سلمان تحياتى ،،، 650 ريال كتيرة شديد على جواز سفر تصدره العديد من دول العالم بمبالغ رمزية ولماذا إتحمل على الحكومة تكلفة استخراجه أين تذهب الضرائب والجبايات التى يتحصلونها من المغترب ، لا يوجد مبرر لجعل قيمة الجواز فى الخارج مضاعفة ثلاث مرات عن قيمة الجواز داخل السودان هذا والله الفساد بعينة

[تأشيرة خروج] 10-22-2015 10:08 AM
والله انت كان بتنفع أنا أحلق شنبي..انت قايل الناس دي كلها غنيانة زيك وكانت بتتاجر في الدقيق في السوق السوداء زي ما اعترفت قبل كده ؟

الزيك ديل مابيسوو ضفر عمر دفع الله - عمر محق في الكاركاتير ليه يدفع المغترب أضعاف مايدفعه السوداني في الداخل ؟ شوف الجنسيات التانية التجديد ل 10 سنوات برسوم رمزية!!

كفاية لعب على العقول ياجبهجي


#1358163 [زهجان من الكيزان]
0.00/5 (0 صوت)

10-21-2015 02:14 PM
سفارة السودان بالرياض عبارة عن محلية بس ناقص لافتة ...
الموظفين الموجدودين في السفارة يتعاملون بعنجهية فوضي ضاربة باطناب السفارة زي سوق ام دفسو ما بتعرف الطالع من الخاشي ... بالجد بيوضح انو حاكمننا مجموعة بتاعت حرامية ولصوص .. كل السفارات عاملة مواقع بتتعامل كل المعاملات عن طريق النت تعبي الابليكشن وتمشي بيدوك موعد انت تمشي في موعدك في كل السفارات ما عدا السودانية قبل كم يوم مشيت السفارة لقيت عمنا كبير في العمر بيقول انو جاي من تبوك وناس السفارة بيوزعو 200 ورق فقط من الصباح واعتقد نصها بيكون بالواسطة والرشوة ....

بالاضافة للمعاملة الما كريمة من قبل الناس لبمسمين نفسهم موظفين سفارة ..
الامنجية القاعدين في الكراسي ..

اندهشت جدا عندما وقع عيني في الموظف التي تنادي لاستلام الجوازات بينادي وبيسلم الجواز بصورة عشوائية يعني لو سماحة الشعب السوداني كان عادي استلم عشرة جوازات مرة واحدة ..

بالاضافة الي ارتفاع اسعار الجواز والجرجرة في الاستخراج ...


عشاااااااااان دة كلللللللللللللللللللو ما يحصل المفترض الناس تتطلع الشارع وتسقط حكومة الموتمر الوطني ..

[زهجان من الكيزان]

ردود على زهجان من الكيزان
[المهندس سلمان إسماعيل بخيت على] 10-21-2015 06:33 PM
زهجان من الكيزان دى شىء لا يعطيك الحق تتجنى على موظفى جوازات السفارة السودانية بالرياض فنحن شهود على حسن معاملتهم وادبهم ودماثة خلقهم لكن لو انت شخص عليك ضريبة او اى رسوم من الهنبته والقلع الذى يمارسه النظام فموظف السفارة لايملك الحق فى ان يعفيك منه ولا توجه سهام غضبك على موظف مسكين لا حول ولا قوة له
جئت انا ومعى ابنى الذى كان يعمل طبيبا بمدينة الملك سعود الطبية وقفنا فى الصف حتى انجزنا اجراءات الرقم الوطنى وطلب منا احضار تذكرة الكراجعة والحضور بعد 21 يوم حضرنا وقيل لنا الرقم الوطنى حقنا لم يصدر الشخص الذى يسلمك الرقم الوطنى لا اعرفه ولا يعرفنى ولكنه شاب مؤدب عندما شاهد انى من كبار السن اعطانى جواله الخاص وقال لى لا تحضر اتصل بنا اولا وفعلا حضرت واستلمت الرقم حقى والرقم الوطنى الخاص بأبنى وشرعنا فى اجراءات استخراج الجواز الالكترونى وكان كل شىء يسير كبقية الأشياء السودانية
الموظف الذى يأخذ لك البصمة والصورة الفوتغرافية غاية فى الأدب ودماثة الخلق عدت مرة ثالثة مع ابنتى وزوجها وكريمتيها وتم كل شىء بنفس الطريقة
فى ناس تجى السفارة ورافعه العيار حبتين زياده بيفتكروا مادام فلان دا وصل كل شىء يتوقف وتسهل اموره ودا غلط
صغار الموظفين بالسفارة وحتى طبقة ضباط الشرطة من العقيد ومادونه جميعهم فى غاية الادب ولو تجاوزوا الأدب هم عارفين ممكن يجدوا من ينزل لهذا المستوى وقد يتعرضوا للضرب ويفقدوا وظيفتهم لذلك نرجو الا نشن حرب على بعضنا البعض كسودانين
من يستحق ان تشن عليه الحرب هى فئة التمكين التى تصدر القرارات وتلهف الدولارات
لا تؤذوا صغار الموظفين فظروف عائلية قاهرة هى من دفعتهم لقبول مثل هذه الوظائف ولو رفضوها لما استخرجنا رقم وطنى ولا جواز ولا سافرنا ولا اغتربنا
اعتذر لجميع منسوبى السفارة السودانية بالرياض وغير الرياض لاى شرر اصابهم من معلقى الراكوبة وهذا الاعتذار لايشمل اصحاب المراكز السياسية العليا الاخوانية التمكينية

[ابو احمد] 10-21-2015 03:24 PM
كلامك غريب (زهجان من الكيزان) زرت السفارة بالرياض بتاريخ 1 اكتوبر الساعة 8 صباحا لاستخراج جوازات للاسرة 6 افراد والله خلصت الاجراءات الساعة 10 ص واليوم دخلت الموقع اليوم 21/10 لقيت الجوازات جاهزة

يعني توزيع الاستمارات دا ماشفتها نهائي


#1358100 [المهندس سلمان إسماعيل بخيت على]
0.00/5 (0 صوت)

10-21-2015 12:35 PM
يخيل لى عندما أستخرجت جواز سفر الكترونى ورقم وطنى من قبله شعرت بالجهد الكبير الذى قدمه موظفوا الجوازات بسفارة السودان بالرياض مقابل مبلغ لم يتجاوز ال 650 ريال على ما أذكر كان ذلك فى نوفمبر 2104م والمبلغ لو كان بيذهب للوطن والمواطن هو مبلغ متواضع ولكن لو بيذهب ليكون مكيفات أسبلت ومكاتب فاخرة بمكتب حاج ماجد والجماعة بتاعين التمكين هنا يمكن ان نقول قيمة استخراج جواز السفر مرتفعة
لا نريد ان نكون مثل مشجعي بايرن ميونخ أحجموا عن دخول الملعب فى مباراة الأمس ضد الأرسنال بحجة ارتفاع قيمة التذاكر فأثر عدم وجودهم فى المصاطب عند دخول البايرن لارض الميدان تأثيرا بلغيا فتحول سونامى الكره الاوربية لحمل وديع تلقى هزيمة قاسية بهدفين لا شىء من الارسنال ليحتفظ ارسن فينغر بموقعه
تعود كل سودانى حتى لو اخذت منه الدولة 15 جنيه نفايات على الأعتراض بحجة انها كثيرة والسبب انه ما ان يخرج من عتبة داره واكوام اكياس النفايات تنتشر امام عينيه لو نظر امامه او خلفه و نظر يمنة او يسار حتى تكاد تتخيل ان اكوام النفايات فى شوارع الخرطوم سيأتى يوم وتكون من فوقك ومن اسفلك
نحن ندفع ضريبة بسيطة مقابل مايدفعه الالمانى او الهولندى
اتدرون ان دافع الضريبة الاوربى حين يصل لسن التقاعد ويعجز عن خدمة نفسه ترسل له الدولة شابة صغيرة ثلاثة الى اربعة مرات فى الاسبوع تنظف له الشقة وتطبخ وتكنس وتغسل ملابسه وتغير له فرش سريره وتشترى له احتياجاته من السوق وترتبها فى خزانات المطبخ والثلاجة
فى مقابل ماذا ندفع نحن ضريبة ؟
لأنى سودانى وبس
هذه اجابة ليست كافية
عاوزين حاج ماجد سوار هذا يبين لنا ماهى الخدمات التى تقدمها لنا حكومة السودان مقابل ما ندفعه من اموال كضريبة او مساهمة وطنية سمها ما شئت
فى مقابل استخراج جواز السفر
هذا دفعت قيمته مقدما
فى مقابل استخراج تأشيرة الخروج
هل انا مواطن ام مسجون
لماذا تأشيرة الخروج اصلا وفى اى بلد غير السودان يطالب الشخص حين يريد مغادرة وطنه الحصول على تأشيرة الخروج - اكتبوا عليها اذن خروج من سجن السودان تكون اكرم وافضل
انا من المفترض الا يسمح لى بالخروج من وطنى الا فى حالة حصولى على تأشيرة دخول لبلد اخر وما دام هذه التأشيرة صادرة من بلد له تمثيل دبلوماسي مع بلدى وليس بينهما عدائيات بل اخوة كوضعى كمقيم فى السعودية ضاع منى يوم بكامله لأحصل على تأشيرة خروج - والله امر السودان له تفسير واحد - هنبته دولة وقلع فلوس عديل بدون خدمة مقابلة
المغترب يشرب ماء حكومة السودان لم تصرف عليه فلس وكفاها شر بناء شبكات توزيع مياه ومحطات تنقية وحفر ابار
يأكل طعام حكومة السودان لم تؤمنه ولم تدعمه زكفاها شر استيراد قمح ومواد غذائية
يتبرز ويتبول فى بلاد الله الواسعة دون ان تتحمل دولته تجميع ونقل ومعالجة مخلفات الصرف الصحى الخام الذى يخرجه من جوفه من مياه شربها وطعام اكله وطنه السودان لم يسهم فيه
المغترب يعلم اولاده فى مدارس خارج السودان وحين يرسلهم للسودان يعلمهم فى مدارس خاصة ويعالجهم فى مستشفيات خاصة
حين يعقد مؤتمر المغتربين صيفا بالخرطوم يأتون بمغتربين كيزان من جماعتهم يتحدثون باسمنا
بالله عليكم فى وجع اكتر من كده

[المهندس سلمان إسماعيل بخيت على]

ردود على المهندس سلمان إسماعيل بخيت على
[المهندس سلمان إسماعيل بخيت على] 10-24-2015 03:48 PM
يا [القريش] انا ماكوركت انا كلامى كله اطلب من الناس مايصبوا جام غضبهم على موظفى سفارة صغار وكلامى التانى كلام علمى المغترب الدولة لا تطعمه ولا تسقيه ولا تحرسه أمنيا الضريبة فى مقابل شنو
انا قلت اكرم لو الغيت كلمة ضريبة أو عبارة مساهمة وطنية وسميناها دعم القوات المسلحة والأجهزة الأمنية ودى مقبوله بحجة أن الدولة تأخذ هذه الأموال وتجهز بها الجيش والأجهزة الأمنية الأخرى حتى لا يعود المغترب ويجد ان الأرض التى أشتراها دخل أحباش أو تشاديين او مصريين او ناس من جنوب السودان احتلوها زى حلايب
كده تكون ضريبة حلال لكنه أنت المهندس الذى يعمل فى الداخل تأكل من قمح الحكومة قالت انا بدعمه وسكر يتقول هى مش انا مدعوم وتشرب موية تقول مدعومة ومعليش ( بتخرا وبتبول ) والحكومة ادام الله ظلها تشيل خراك وبولك وموية حمامك ووضوك وترسلها للمعالجة بمحطة معالجة مياه الصرف الصحى
وبعدين انت يا [القريش] مقيم بالسودان زبالتك ملت الشارع السودانى وانا زيالتى خارج الحدود الفصاحة لى شنو تقارن نفسك بى
دحين هسي البيكورك فينا منو
معقول تكون انت مهندس وما عارف الفرق فى الحقوق والواجبات بين المقيم والمغترب
تعليم شنو اللى اتعلمتوه انتم
نحن لمان نجى داخلين جهاز المغتربين عشان نعمل تاشيرة خروج بندفع
الخدمات
دمغة دمغة بس طبعا شهيد شالوها لأنهم تأكدوا مافى شهيد وجريح برضو شالوها
عودة تطوعية دى براها 10 ألف جنيه
دعم الجامعة جامعة شنو المغتربين أم جامعة الدول العربية يخيل لى الجماعة ديل ناس حاج ماجد بيدعموا جامعة هارفارد للبحوث
دعم صالة
الصالة دى ماله عاوز تلد برضو ندعمها
كانت فى ضريبة حرب ايام الجنوب
لمان عملوا سلام على عثمان المنخوس داك سموها سلام وبرضو دفعناها
مساهمة مرة ضريبة مرة خدمات مره
ونحن البصاق دا ما بنصقه فى السودان من ندخل لامن نمرق ريقنا ناشف ومابنذكر مشين قضينا حاجة متين من الشلهته والجرى وراء البكيات من السامراب للدخينات
وبرضو عاوز تضع نفسك معانا وتحمد سيدك ماكل وشارب وبايل وهارى فى السودان كما قريش وبس أنت القرش زاتو

[القريش] 10-21-2015 03:41 PM
باشمهندس ماتكورك ساى نحن فايتنك باكثر بمراحل بدفع الضرائب فقط ناهيك هىالزكاه دا شى تانى وشهرى لو تسمح لى بالشرح المبسط مثلا انا ضريبتى البدفعها شهريا تساوى ( 1700) جنيه بالشهر اضربها فى 12 شهر تساوى 20400 جنيه فى السنه كم تدفع انت كمهندس وانا مثلك مهندس برضو بشركه نفط اجنبيه؟قول مثلا 600 دولار فى السنه كلها ولحد تدخل السنه الجايه حتى ياخدو منك ضريبه السنه الفاتت اى مايعادل 6000 جنيه كم الفرق بين ماادفعه وانا بالداخل وماتدفعه وانت بالخارج مغترب تقريبا 14500 جنيه فمافى داعى للصراخ فقط دى الضريبه!او مايسمونها المساهمه الوطنيه فى جهاز المغتربين.


#1358095 [ALMAHI]
5.00/5 (2 صوت)

10-21-2015 12:31 PM
السعر غالى لانه شوف الموظفين واكثرهم معينين هنا لنا كم سنه هنا نفس الوجوه الواحد يبدأ بتعبئة البيانات للناس بريال وبخمسه بعد شوية تلقلاه موظف والمبنى المؤجر دا مين بيدفع لك ايجاره . رغم ان القنصليه القديمه صارت كبيت الاشباح لانها ملك للسودلن ما عارف لماذا هجرت هذه المبانى هكذا حتى مبنى البعثه حاجه تحير لماذا لا يستفييد منها السودان من المسؤل عن هذا . هذه هى اموال المغتربين وعرقهم نسال الله ان يهدى المسؤليين ويهتموا بهذا المغترب المسكين البسيط .

[ALMAHI]

#1358086 [الرفاعي]
4.00/5 (1 صوت)

10-21-2015 12:16 PM
نحن المغتربين في دول المغرب العربي ولا هببوا لينا
قاعدين منتظرين ناس الجوازات والرقم الوطني لحد الآن ما شفناهم
جوزاتنا وجوازت اولادنا انتهت منذ فترة طويلة ما عارفين نعمل شنو
السفر للسودان مع الاسرة مكلفة جدا ثمن التذكرة للشخص الواحد اكثر من 1000 دولار
وفي بعض الناس جوازاتهم الالكترونية انتهت لكن للاسف برضو مضطرين يمشوا السودان عشان يجددوها علمان بأن الجهوزات الالكترونية القديمة تتضمن الرقم الوطني والبصة يعني مافي داعي امشي السودان عشان اجدد الجواز طالما الرقم الوطني والبصمة موجودة اصلا في جهاز المعلومات الخاص بالسجل المدني

[الرفاعي]

#1358062 [سحاب]
0.00/5 (0 صوت)

10-21-2015 11:46 AM
اللعنة علي كل من ضايق الناس في معاشهم ومتطلباتهم اللعنة علي كل من اكل اموال السودان واهل السودان بالباطل اللعنة علي كل من كلف بوظيفة ولم يقم بواجباته تجاه المواطنين اللعنة علي من استغل وظيفته في تحقيق ثروة دون وجه حق اللعنة علي من يعامل المواطنين بعنصرية وعنجهية اللعنة علي من حجب الوظائف علي من يستحقها ومنحها لاقاربه ومعارفه اللعنة اللعنة اللعنة علي كل الكيزان لا بارك الله فيهم

[سحاب]

#1358032 [مدحت عروة]
4.00/5 (2 صوت)

10-21-2015 11:11 AM
عليكم الله الناس الفى الشبابيك ديل اشكالهم كده مش اولاد كلب واولاد حرام ويستاهلوا الضرب بالجزمة على وجوههم ودقونهم القذرة الواطية اخ تفووووووووووووووووووووووووووووووووووووووووووووووووووووووووووووو عليهم!!!!

[مدحت عروة]

#1358003 [عبدالله احمد محمد]
0.00/5 (0 صوت)

10-21-2015 10:31 AM
الفئة العمالية كانت معفية الان سمعت بانهم رجعوها يعنى الناس فرحت لمن حاج ماجد استلم الجهاز ولكنه جيىء به فزعا فصار وجعا يا بنتى يا هدى ما لى ومالهم ربنا لا وحدانى ليهم فى الراكوبة شفت كراكتير مغترب دخل عليهم بفل ست ( بدلة كرفتة شنطة ) فجردوه من كل شيىء حتى ملابسه فخرج عريان كما ولدته امه

[عبدالله احمد محمد]

ردود على عبدالله احمد محمد
[هدى] 10-21-2015 11:28 AM
نعم يا استاذ عبد الله خرج عريان ميطي وتركوا له الكارفتةلشيئ في نفس يعقوب---ما قصروا.


#1357973 [ابو سحر]
2.00/5 (1 صوت)

10-21-2015 10:01 AM
الليلة كدي نقبل علي ناس الخارجية
اولا السودان بلد فقير حاليا من جراء عمايل ناس الانقاذ
وعليه مفروض يخفضوا الوظايف
زي ما بتعمل الشركات الكبري والبنوك بتخفيض العمالة
ليه نحن يكون عندنا سفارات في كل اصقاع الدنيا
الدول العربية
1 سفارة في مصر
2 سفارة في السعودية
كفاية لكل الدول العربية
سفير متجول فقط مقيم واحد في القاهرة والتاني في الرياض
سفارة في اثيوبيا
وسفارة في جنوب افريقيا
كفاية سفارتين في افريقيا
سفارة في لندن
وسفارة في جنيف
لكل دول اوربا
سفارة في موسكو
سفارة في بكين
سفارة في اليابان
سفارة واحدة في واشنطن لكل الامريكيتين شمال وجنوب


ليه كل يوم فاتحين سفارة ومعيين سفير من ناس الموتمر الوطني او من ضباط متقاعدين

[ابو سحر]

#1357967 [عشم باكر]
0.00/5 (0 صوت)

10-21-2015 09:54 AM
مجادعات
من الشاعر محمد الامين محمد الحسن لود المامور:
قالو الحاله كيف ؟ قال ليهو نص فى الميه
والمره والعيال؟راقدين ملاريا ستيه
وت خبرك شنو؟خبر العليهو جنيه

على عجل الحديد وانسرقت الماهيه


من ودالمامور للشاعر محمد الامين محمد الحسن

قَالُّو الحَالَه كيف؟قَالْ ليهُو قَاسْيَه عَلَيَّا
الْمَرَه والعِيَالْ؟ نَفْسَ المُصِيِبَه البَيَّا
وِتْ خَبَرَكْ شِنُو؟ مِنْ مُدَّه فِى الْظَبْطِيَّه
( لىْ حِيِنْ السَدَادْ ) مَاسْكِنِّىْ بَسْ فِى مِيَّه
ودالمامور


من الشاعر محمد الامين محمد الحسن لودالمامور

البصل اللمس هامل رخيس شايفنو

رجع الليله لى حالو وغباهو وجنو

ديل اللشتروا بالهمله كترو منو

دسو وخزنو ومرقوهو قالب فنو


من ودالمامور للشاعر محمد الامين محمد الحسن

شِنْ طَعَمْ البَصَلْ الزيِتُو مَالاَقِنُّو

مَلُو بيهُو المَخَازِنْ وقَالُو حَبَّه يِصِنُّو

اِتْرَفَعْ السِعِرْ.. والدَوْلَه تَسْكُتْ عَنُّو

لاَ تْحَارْبَ الجَشَعْ؟؟ لاَ تْشِيِلْ جَمَارِكْ مِنُّو

ودالمامور



من الشاعر محمد الامين محمد الحسن لود المامور
البندوره والباميه البقت تدلع
الزيت واللحم النارو قامت ولع
الصبر العلى الصابرين كمل واتشلع
والكرم البلاقى الضيف غتس ماقلع
من ودالمامور للشاعر محمد الامين محمد الحسن
مِنْ لُوكْ الصَبُرْ جَاهِلْنَا شَيَّبْ وْصَلَّعْ
النَارْ والْغَلاء حَرَقْ المَواهِى وْبَلَّعْ
والتَاجْرَ الْبِخَزِّنْ مَصَّ زيتْنَا وْطَلَّعْ
مَعْزُورْ الْمَرَقْ عَرْيَانْ وُطَقَّعْ وُفَلَّعْ
ودالمامور


*من الشاعر محمد الامين محمد الحسن لودالمامور
البى جنيه صبح بى عشره فى يومين
والبى عشره فات الميه حاضره ودين
يااهل الحكم نحنا بنجيب من وين؟

ومن سيد البقاله بقينا خجلانين


من ودالمامور للشاعر محمد الامين محمد الحسن
عَشَرَه جنيه أَمِسْ جَابُوهَا ليمونْتينْ
خَمْسَه جنيه رَغِيِفْ مَايِمْلُو حَتَّى العينْ
بالجُوعْ والغَلاء قَرَّبْنَا نَاكْلَ الطِيِنْ
تَخَيَّلْ نَاسْنَا ديلْ لَوْ سَاعَه حَكَمُو الصين؟
ودالمامور


من الشاعر محمد الامين محمد الحسن لودالمامور
ترى حالنا انكشف وبقينا للناس آيه
خلى التنكشف اجسامنا نمشى عرايا
نمرق فى تظاهره كل زول فى ملايه
نبكى وننعرط عووووك ياجماعه كفايه


من ودالمامور للشاعر محمد الامين محمد الحسن

الْحَالْ اِنْكَشَفْ والْهِجْرَه صِبْحَتْ غَايَه
الْحَالْ الْبِقَى مَقْدُورْ... وُكَعَبَه الْجَايَه
لاَ ووووبْ حَنَنَتْ حُكَّامْ ..وُرَفْعَ الرَايَّه
شَبَابْنَا الجَاىِّ بِقْدَرْ .. غَايْتُو نِحنَا كِفَايَه

[عشم باكر]

#1357961 [al arbab]
0.00/5 (0 صوت)

10-21-2015 09:49 AM
The sad thing and hurts, it easier for a Sudanese to enter and leave Sudan with a foreign passport than with Sudanese passport very sad
Dv lottey is open ...five years and u r citizen of Allah most powerful country on planet earth (like or not its a fact)
and the cost of American passport is less than 100 dollars and with it you don't need a visa entry for almost every where
see u soon
note
I am writing in English because I don't have Arabic key
so my apology

[al arbab]

#1357949 [يا خبر بفلوس]
0.00/5 (0 صوت)

10-21-2015 09:37 AM
يعني اختصرت معاناة المغتربين في الجواز ونسيت باقي الهموم من ارجاع الضريبة (يضربهم الجن الكلكي اللابس ملكي) والبهدلة في شبابيك ديوان حاج ماجد سوار والله زي ما قال واحد من المعلقين كانك داخل بيت واحد منهم . ويقول ليك بحث هموم المغترب البقرة الحلوب الضحك على الدقون مستمر والمعاناة مستمرة والناس بقت تموت بالالتهابات والملاريات لسوء التغذية والحركة الماسونية مشغولة ببرنامج الهجرة الى الله وقال ايه السيد السفير الجديد مصطفى عثمان رئيس القطاع السياسي للمؤتمر الفاسد ان سبب مشاكل السودان غياب الحكم الراشد اي والله الحكم الراشد والسنوات ال 26 المضت دي كان حاكمنا منو ؟ ما انتوا كيف الكلام ده (يا ولد ناولني حبوب الكبد) والله ضحكني سلفاكير اليوم ضحك كالبكاء بالمناسبة الواحد لما يكون قهران وتجيه حتة مضحكة يضحك ويختم نوبة الضحك ببكية سبحان الله فال ايه سلفاكير لمن جاءه خبر اعدام داعش لمواطن جنوبي في ليبيا .. انه دولة الجنوب يعيش فيها كل الناس مسلمين ومسيحيين وتعودت الحكومة تقيم حفل افطار سنوي في رمضان تكريما للمسلمين .. هههه والله يا عم سلفا انت فاكر داعش مسلمين ؟ راجل طيب على نياتك .. خلي يقع في قبضتهم رئيس الحركة المسماة اسلامية التي اوردت شعبنا الطيب المسالم موارد التهلكة والفناء وشردت الناش شذر مذر .. كان ما تشوف راسه بعمامته مجدوع في مخلاية قديمة عشان يسلموه للجماعة
ايها السودانييون والسودانيات ما عندكم حل من الورطة دي الا الثورة هبوا وانتزعوا ما تبقى من السودان حفظا للاجيال القادمة من التشريد .. ولا حظوا الشيخ الترابي عراب النسخة الاولى من الانقاذ توصل لصيغة انفصال جديد لدارفور والطرطور البشير وافق والنخبة المطبلاتية وافقت وجاري دراسة نفس الصيغة على الشرق وجنوب كردفان

[يا خبر بفلوس]

#1357923 [ابوملاذ]
0.00/5 (0 صوت)

10-21-2015 09:09 AM
بقيمة جواز واحد في السعودية انا طلعت خمسة جوازات في السودان للاسرة

[ابوملاذ]

#1357921 [Osama]
0.00/5 (0 صوت)

10-21-2015 09:08 AM
والله الكركتير دا براه يوري الحال كلهاوصحيح ١٠٠ ال ١٠٠ . انا م عارف شالو حتي لباسه وما شالو الكرفته ليه؟؟ لان كان بقش بيها دموعه عندما طالع.

ياجماعة لا تنسوا البطل الاستاذ وليد الحسين ادعوا له ولاسرته لكي يطلق باسرع وقت..

[Osama]

#1357890 [الوجيع]
5.00/5 (2 صوت)

10-21-2015 08:40 AM
من ابجديات العدالة مساواة الجميع فى الرسوم المقررة لنفس الخدمة المقدمةطالما كانوا جميعا مواطنى دولة واحدة لكن زى ما قالوا( الفقرا ما بيخلوا فرزهم) وهذا غير متوفر بالضرورة .والرسم نفسه لا يفرض الا بقانون ولا يكون الا مقابل خدمة مباشرة المستفيد منها الممول نفسه( دافع الرسم او الضريبة) والا يتجاوز تكلفة الخدمة المقدمةباى حال من الاحوال... اما الضريبة فتفرض ايضا بقانون وليس بمرسوم والفرق واضح ولكن ليس مقابل خدمة معينة وتفرض على الشخص المقيم داخل البلد لمدة 6 اشهر من العام وتمنع اتفاقيات الامم المتحدة بهذا الخصوص الازدواج الضريبى (كأن يدفع الشخص فى بلده الاصلية وكذلك فى بلد الاقامة)وبما ان المغترب يتغيب عن بلده مدة اطول من 6 اشهر على اقل تقدير من نفس العام فلا يحق لدولته فرض ضريبة على دخله المكتسب خارج بلاده ويعود الحق فى ذلك للدولة المضيفةفقط .وللخروج من هذا المأزق أسموها (بالمساهمة الوطنية) وطالما انها لم تسمى ضريبة تحديدا فهى اذن رسم وكما ذكرنا فالرسم لا يفرض الامقابل خدمةفاين هى هذه الخدمة ؟وكم عدد ونوع ومقدار الرسوم التى يدفعها المهاجر طيلة سنوات غربته وما هى الخدمات المقابلة وهل تلقاها فعلا وهل يحق له الرجوع الى القضاء ( المحكمة الدستورية’مثلا او حتى حقوق الانسان للمطالبة باسترجاع ما دفعه سابقا؟ الله اعلم يبدو ان الحكاية جبانة هايصه لاقانون ولا نظام ولا الدولة ولا المواطن كلاهمالا يعرف حدود حقوقه او التزاماته اوصلاحياته فقط يفاجأ بالمطلوب منه عند مثوله امام الكاونتر وهذا مخالف للقانون فاى قانون لم ينشر فى الغازيتة الرسمية لمدة 15 يوما لايأخذ الطابع الرسمى والقانونى وبالتالى فما يترتب عليه فهو باطل ايضاكذلك .

[الوجيع]

#1357871 [babo]
5.00/5 (1 صوت)

10-21-2015 08:16 AM
غايتو أنا استخرجت الجواز الالكتروني من السجل المدني بالحلة الجديدة اتحاد المعلمين ودفعت 395 جنيه بس أخد اسبوعين كلما امش يقولوا لي الكهرباء قاطعة وتاني يوم يقولوا لي الشبكة طاشة

[babo]

ردود على babo
[تفتيحة لمن فضيحة] 10-21-2015 09:28 AM
تصدق انا دخلت نفس الفلم وفي نفس السينما !!!


#1357830 [جبل اللقمة]
0.00/5 (0 صوت)

10-21-2015 07:04 AM
من عام 1989 قالوا ليناشدوا الاحزمة على البطون .. ولي يوم الليلة احزمتنا مربوطة على البطون لو فضل فيها بطون .. حكومة دخلها من عرق شعبها .. ارحمونا يرحمكم الله .

[جبل اللقمة]

#1357807 [الحقيقة المرة]
4.00/5 (2 صوت)

10-21-2015 03:42 AM
تستاهلوا لأنكم أنتم المغتربين تقومون بدهم هؤلاء الكيزان السفلة ماليا، وذلك بشرائكم الأراضي منهم وبنائها بواسطة شركاتهم وتحويل ملايين الدولارات لتعـليم أبنائكم في مدارسهم الفاشلة التي تخرج الدواعش .

[الحقيقة المرة]

ردود على الحقيقة المرة
[مغترب محتار] 10-21-2015 12:29 PM
أنا غايتو لحدي الآن ما قادر أشتري لي قطعة أرض في السودان رغم طول الغربة،لأنو الفرق بين سعر الأرض التي تباع للمغترب و سعر الأرض بالمواصفات نفسها التي التي تمنح لمقيم داخل السودان هو نفسه الفرق بين تكلفة إستخراج الجواز الإلكتروني خارج السودان وإستخراجه داخل السودان.


#1357717 [رشيد خالد]
5.00/5 (1 صوت)

10-20-2015 09:42 PM
و أهم من هذا مراجعة البيانات التي أدلي بها المواطن قبل تسليمه الجوواز.كثير من الجوازات فيها أخطاء.و علي سبيل المثال يوجد خطأ في مكان الميلاد بالنسبة لي و يوجد خطأ في المقابل الإنجليزيى لإسم جدي رغم أني كتبته بما يوافق إسمي في شهادتي الجامعية و العليا. و أسوأ من هذا الخطأ في إسم مواطن من الخرطوم بحري.إسمه بالعربي يختلف عن إسمه بالإنجليزي.تناولت شبكات التواصل الإجتماعي هذه الفضيحة.
دة يسموه شنو؟

[رشيد خالد]

#1357705 [damar]
0.00/5 (0 صوت)

10-20-2015 09:08 PM
وفي مصر نكلفة الجواز المسمي الكتروني 415 جنية مصري رعم البؤس والفاقة التي يخيشها السودانيين بمصر 0 القنصل الكوز المتنعم نخن تصرفة 3 سيارات غاحرة وهاكاة بوغية استجلبت من ة السودان و دادة مصرية اي مربية تذهب ب الطفل وتاتي بة من الحضانة بواسة سارة فخمة نابعة للقنصلية الا لعتة اللة علي الكيزان ومن والاهم

[damar]

#1357654 [عبدالله احمد محمد]
0.00/5 (0 صوت)

10-20-2015 06:59 PM
صورة معبرة انتو فى دا ولا قالوا الضريبة للمغتربين رجعوها تانى

[عبدالله احمد محمد]

ردود على عبدالله احمد محمد
[هدى] 10-21-2015 07:21 AM
ليها سنتين مم رجعوها

[هدى] 10-21-2015 07:19 AM
ايه يا عبد الله كنت وين ---اول مرة تعرف ---رجعوها ليها سنتين.


#1357649 [mohammed bastoony]
0.00/5 (0 صوت)

10-20-2015 06:49 PM
حسبي الله ونعم الوكيل

[mohammed bastoony]

#1357643 [مجنون]
3.00/5 (3 صوت)

10-20-2015 06:36 PM
كرهتونا السودان جوة وبرا يازبالة انشاء الله تخش عليكم بالساحق والماحق كلها ماشة لجيوب العفنين ديل لو بتمشي لاللبد كان بقت جنة الله فى الارض وما اغتربنا

[مجنون]

#1357637 [محمد ابراهيم السنوسي]
0.00/5 (0 صوت)

10-20-2015 06:29 PM
التكلفة ليست 515 ريال بل هي:

630 ريال للرجل
530 ريال لربة المنزل
305 للطفلة في عمر 6 سنوات
202 ريال للاطفال دون الاربع سنوا

ولا حياة لمن تنادي ، وكأنك داخل (منزل خاص) ولا يوجد احترام حتى من اول باب في السفارة (الاستقبال ) حيث تجد وجهه كأنك داخل علىه بالغلط في منزله ولا يريد رؤية أي زول
يتعاملون من بطريقة (فظة جدا جدا)

نأمل من الله أن تتغير الأحول بقدوم السفير الجديد (مصطفى عثمان اسماعيل)

ونحن على ثقة من ذلك لان الرجل فاهم وله نظرة فاحصة وسوف تجدون تغيير في السفارة للاحسن في اقرب وقت

وما التوفيق الا من عند الله

[محمد ابراهيم السنوسي]

ردود على محمد ابراهيم السنوسي
[ودالجزيرة] 10-21-2015 08:07 AM
اعوذ بالله من الشيطان الرجيم بسم الله الرحمن الرحيم (مصطفى العنصري الله لابارك فيه) اترك الناس في بولاويهم دي بدل مصطفي شحدة ... هذا الرجل وصف السودانيين بالشحاديين... مصطفى شيعة هذا الرجل رافضي وكل المسئوليين السعوديين عارفنوا

United States [عودة ديجانقو] 10-21-2015 07:00 AM
الحبوب محمد ابراهيم السنوسي
أنا جد مصدق تصنيفك لأسعار هذا الجواز الغير محترم ولكن عندى سؤال لو اجد ليهو إجابه مقنعه عندك:
هل جواز الاطفال دون 4 سنوات يحتوى على 3 صفحات وجواز البالغ يحتوى على 300 صفحه؟؟...لأنه على حسب معرفتى الجوازات مصممه على نمط واحد من حيث عدد الصفحات والمعلومات والشكل.
دى المحن السودانيه بعينها


#1357631 [المغبون]
5.00/5 (4 صوت)

10-20-2015 06:18 PM
ياخي ديل مامريحننا برة وجوة.
يالله ماتريحم برة وحوة القبر
قاااااادر ياااااارب

[المغبون]

#1357585 [قساس فادي]
0.00/5 (0 صوت)

10-20-2015 05:12 PM
صديقي البنقالي صاحب البقالة في الحي ذات يوم ودجدت البقالة مغلقة فسالت انشاء خير وقال كنت في السفارة لاسخراج الجواز الالكتروني سالت وكم دفعت قال 175 ريال فقط

[قساس فادي]

#1357570 [الامير]
1.00/5 (1 صوت)

10-20-2015 04:42 PM
يناشدوا شنو تاني بعد الطير أكل العيش .. اكتر من 90 % من المغتربين إستخرجوا جوازاتهم بهذة التكلفه الباهظه أما تكلفة الوقت والجهد والزحمة والسخف و ... حدث ولا حرج

[الامير]

#1357559 [المغبون]
4.75/5 (5 صوت)

10-20-2015 04:25 PM
ما حد حا يهتم بكم ومتى اهتموا بكم شيلوا شيلتكم وادعوا الله ان يخلصكم من هذا العذاب والله انحنا فى عذاب مع هذه الحكومة نسال الله ان يرفعه عننا آمين .

[المغبون]

#1357550 [alnewairy]
5.00/5 (1 صوت)

10-20-2015 04:16 PM
لله يكون في عون المغتربيين العاملين في القنصلية من صغيرهم الي كبيرهم يتعاملون مع بقلت حيا ولا يحترمون المواطن ولا يقدمون بالصورة الافضل مع العلم بانهم تم توظيفهم من اجل خدمة المواطن المغترب ولولاه لكانوا بدون عمل في السودان

[alnewairy]

#1357549 [الحقيقة]
4.74/5 (8 صوت)

10-20-2015 04:15 PM
إذا كنت مغترب فتجنب ثلاثة أشياء حتى لا تصاب بالضغط والسكرى وفقع المرارة:

1- السفارة السودانية

2- الفضائية السودانية

3- الخطوط الجوية السودانية

اللهم هل بلغت؟،، اللهم أشهد.

[الحقيقة]

ردود على الحقيقة
[هدى] 10-21-2015 07:26 AM
لقد بلغت وابرات ذمتك ونصحت-- والحمدلله لم تنصح بتجنب السودان نفسه


#1357543 [sami]
0.00/5 (0 صوت)

10-20-2015 04:03 PM
وليه مايكون نفس سعر السودان
ودفع اكتروني كمان

[sami]

ردود على sami
[شمس الدين قرنجيل] 10-21-2015 09:20 AM
حسبي الله ونعم الوكيل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة