الأخبار
أخبار إقليمية
لعنة مقابلة صبي الساعة "أحمد"، للبشير تحرمه من ترحيب وإستقبال أوباما منفردا - شاهد الصور
لعنة مقابلة صبي الساعة "أحمد"، للبشير تحرمه من ترحيب وإستقبال أوباما منفردا - شاهد الصور
لعنة مقابلة صبي الساعة


10-20-2015 04:52 PM
واشنطن -خاص بالراكوبة دفع المهاجر السوداني محمد الحسن ، والد "صبي الساعة " السوداني الأمريكي أحمد مساء الاثنين ثمنا باهظا لبهلوانياته ومحاولته اللعب علي كل الحبال والسفر " خصيصا" للسودان صحبة إبنه وأسرته للقاء الرئيس البشير في تخطيط متعمد لتسويق الصيت والتعاطف العالمي مع إبنه . هذه الزيارة ، ومارافقها من صور وتغريدات أحمد في توتير ، إعتبرت هنا تجاوزا غير مقبول لخطوط المسموح به في السياسة والعلاقات السودانية الامريكية وكادت أن تحظر احمد وأسرته من زيارة البيت الابيض . وبرغم حميمية الدعوة التي وجهها أوباما لأحمد الشهر الماضي ، ودعوته لاحضار الساعة معه ، فإن البيت الأبيض دخل مبكرا في مسعي تخفيض بل وتهميش أهمية الساعة ( ولم يحضرها أحمد معه ) وحتي وجود الفتي ضمن المدعوين !!! فقد كان ملفتا للنظر خلو خطاب أوباما تماما من الاشارة لأحمد ، بالاسم ، أو للساعة التي أوضحت عشرات التقارير أن أحمد لم يفعل سوي تفكيكها من صندوقها وتفريغ كل محتوياتها في صندوق لأقلام التلوين وأنه لم يقم بإضافة أي جزء يستحق عليه لقب الاختراع أو حتي التطوير أو التجميع . بعد مقابلته للبشير يوم الأربعاء الماضي ، وظهور الأسرة في ضيافة "الرئيس الوحيد في العالم الهارب من العدالة " كما أوردت الواشنطن بوست ، تبخر كل التعاطف الأمريكي والدولي مع قضية أحمد بل وظهرت حملة أمريكية شرسة لمحمد الحسن ولإبنه الذي بدا كمن يتنكر لجنسيته الأمريكية والولاء للولايات المتحدة متحدثا عن رجوعه "لوطنه" كما وصف السودان في تغريدة له في توتير . يوم أمس وبعد أن خاطب أوباما أكثر من 300تلميذ وأستاذ وأستاذه وجمع كبير من علماء وكالة الفضاء الامريكية ناسا ، قفز أحمد من كرسيه في الصف الثالث وذهب ليزاحم الاخرين لمصافحة أوباما الذي صافحه لثواني لكن الصبي لم يظفر بلقاء خاص كضيف للرئيس ، أو وقوفهما لصورة مشتركة مبتسمين للكاميرا أو ماكان سيحدث لو لم يتم الكشف عن حقيقة مافعله أحمد في الساعة ، أو زيارته للرئيس المحبوس في بلاده . بدا واضحا تحاشي أوباما لأحمد ، تحاشي السليم للأجرب ، بسبب تلك الصورة "اللعينة" مع عمر البشير . خلال الفترة الماضية أظهر النهش الاعلامي لسيرة الاب بعض الجوانب الانتهازية في شخصيته ذات التوجهات الاخوانية والصوفية وتساءل كثيرون عن الثمن الذي يستعد محمد الحسن (ولقبه محمد تكعيب لأن أسمه هذا يتكرر3 مرات ) دفعه مقابل الشهرة من منظور حب الرجل للظهور والاضواء لتحقيق أغراض ومنافع ذاتية محضة .فقد كشفوا عن زواجه من إمرأة أمريكية وتطليقها بمجرد حصوله علي أوراق الإقامة الدائمة ومن ثم الزواج بسودانية ، وافادت تقارير أخري أنه يفاوض الان أحدي شركات العلاقات العامة لتسويق قصة إبنه . وتتفق كثيرا من التحليلات علي خطورة سماحه بتغيب إبنه وهجره لمقاعد الدراسة وهو في عامه الأول في المرحلة الثانوية ، والتجول به بين المؤسسات والملوك والرؤساء ( زيارة فيسبوك وتوتير ومن ثم نيويورك للقاء الملكة الاردنية رانيا والرئيس التركي أوغلو وغندور وكل دبلوماسي سأل عن فرصة للتصوير مع الاسرة ، ومن هناك طار الي قطر طالبا مقابلة الشيخة موزة المسند في مؤسسة قطر ، أو طلبه من الديوان الملكي بالسعودية تبني إستضافتهم للعمرة ..ثم الذهاب للسودان ليومين فقط والرجوع للقاء أوباما
وسيظل السؤال ملحا : كيف سيصبح الصبي محمد مخترعا وعالما فذا وهو لا يداوم في فصول الدراسة ، والاب يشجعه ويفرغه لأخذ الصور مع المشاهير من ملوك ورؤساء والي رواد فضاء وآخرهم رائد الفضاء السابق ، ومساعد مدير البحوث في ناسا ، جون قرشنفيلد ، كما حدث ليلة أمس ؟..سيظل السؤال معلقا الي أن يعود احمد محمد الحسن الصوفي من عالم الاضواء والاحلام الي العالم الحقيقي وفصول الدراسة

image
image
image


تعليقات 48 | إهداء 0 | زيارات 19157

التعليقات
#1358827 [ممغوص]
5.00/5 (1 صوت)

10-22-2015 05:02 PM
هسي لو ما الامريكان والموقف الحصل ده كان في زول سمع بأحمد ولا التفت ليهو؟
زي ما قالوا الاخوان هو ما أخترع او اكتشف حاجه لكن الموقف الحصل من المدرسة هو الاداهو الشهرة دي.(مع العلم انو في اطفال فعلا اخترعوا حاجات مفيدة جدا وما زول
عارف عنهم او سمع باساميهم). يعني لو كان في اي دولة تانية ومنهم السودان
ما في زول كان حيعبرو.
ونقول للاب مافي داعي تضيع مستقبل ولدك وتخسر الامريكان عشان مصلحتك الشخصية .

[ممغوص]

#1358692 [ابو جلمبو]
0.00/5 (0 صوت)

10-22-2015 01:19 PM
شعب الحسد ماشي في عروقة مشي الدم

[ابو جلمبو]

#1358370 [ود الغمدة]
5.00/5 (1 صوت)

10-21-2015 10:32 PM
والله انتو فارغين

[ود الغمدة]

#1358337 [الاصيل]
3.00/5 (3 صوت)

10-21-2015 08:59 PM
احمد وما ادراك ما احمدو لم يخترع ساعة و تعاطف الامريكان مع احمد ليس بانه مخترع بل معاملته كمسلم وتعامل المدرسة معه كمسلم وليس الا. والسلطات تعلم كل شي عن الساعه من البدايه وانها ليست اختراع وانما منظر الولد الصغير مقيد باﻻغلال كان إدانه لامريكا الذي يفترض انه بلد متحضر وحساسية انه مسلم علي الجاليات اﻻسلاميه والعالم اﻻسلامي واوباما وقع في مصيده تدبير وابتزاز والد الطفل حيث درجت بعض الجاليات الاخري بابتزاز المجتمع الامريكي و مؤسساته المدنيه الخيريه بتدبير بعض الحوادث للابتزاز المادي مثل حوادث التامينات وهلم جرا, والد الطفل هو الذي دبر هذه الشنطه والذي كان يعلم تصرف الاساتذه حيالهاعندما يروها.والمجتمع المريكي جاد في كل شي . واذكر لكم قصه حصلت لجاره صديق بامريكا حيث ذهبت احدي الامهات السودانيات بامريكا لاخذ ابنها من المدرسه ووجدت طفلين يضايقون الطفل في فناء المدرسه وما كانت ان قالت لهم بكل عفويه، اذا ضايقتم طفلي مره اخري سوف اذبحكم واخذت طفلها ورجعت منزلهم و ما كانت الا ساعات حتي جاءت قوه من البوليس مدججه بالسلاح وحاصرت المنزل والقوالقبض علي الام المسكينه وذلك بمجرد قالت كلمه لا تعنيها اطلاقا. فوالد الطفل يعلم كل العلم برد فعل المدرسين والمدرسه عندما يحضر ابنه هذه الساعه.للاسف والد الطفل اساء لمصداقيه الجاليه السودانيه علي اعلي المستويات وهذا هو حب الزات والانانيه والابتزاز اللا اخلاقي والكذب والتلفيق الذي اضر بالجاليات العربيه كما اضر بديننا الاسلامي الحنيف والذي يؤكد بان المسلم لا يكذب وهذا هو السبب الريسي الذي حعل المسؤلين الامريكان بتجاهل اوباما للطفل

[الاصيل]

#1358220 [صلاح دودو]
5.00/5 (2 صوت)

10-21-2015 03:57 PM
Bashir has destroyed Jazira project, Sudan airways, and otheer vital projects in Sudan. he killed and displaced thousands of the sudanese people, therefore it is for the best of any who would like to go ahead to keep on
distance from this man. Now consider Ahmed as burned on the day his hand touched Al Bashir hands.
Dodo, Nevada

[صلاح دودو]

#1358206 [زول]
5.00/5 (1 صوت)

10-21-2015 03:32 PM
يعني شنو لو مازار البيت الابيض هو اصل مكة يعني شنو لو ما قابل اوباما وتصور معه اصلو اوباما من اقاربة او من دينه اوملته ياخ خلونا من السطحية بتاعتكم دي

[زول]

ردود على زول
[حماد] 10-22-2015 08:07 AM
انت صاااااااح


#1358182 [سعد بركات]
5.00/5 (1 صوت)

10-21-2015 02:37 PM
ا جماعة تهميش أوباما لأحمد وجميع محاولات تبخيس ما قام به احمد هي أمور مفهومة من يفهم السياسة الأمريكية وكيف تسير الأمور في هذا البلد يستطيع ان يفهم لماذا حدث ما حدث وصحيح لو لم يزور احمد السودان ويلتقي مع البشير لكان أحمد اليوم نجم من نجوم المستقبل في امريكا والسبب في ذلك هو تلك الجهات التي تقف وراء الإعلام الأمريكي والتي تستطيع ان تجعل منك نجم ساطع كما تستطيع ان تجعل منك شخص منبوز ولا أحد يعيرك اهتمام وللاسف هذه هي الجهات التي تتحكم في أمريكا وتتحكم في العالم وهي جماعات الضغط وجماعات المسأسونية وهي جماعات تسيطر عليها الصهيونية من حق احمد ان يزور بلد أباءه ومن حقة أن يشارك اهله في السودان فرحة نجاحه وتفوقه ومن حق والده ان يعتز به ويفخر به وسط اهله وعشيرته ليس في الأوساط الأمريكية والتي اجبرته ظروف الحياة للعيش فيها ولكن هذا لا يعني ان يتخلى عن سودانيته ويبدل جلده بالجلد الأمريكي كما ان ما قام به احمد من زيادة السودان ومقابلة البشير هذا لا علاقة له بكونه طفل نابغة ومخترع يجب ان يقيم احمد بما قدمه من إقتراع وليس بكونه قابل البشير او خلافه ارجو ان لا تنطلي علينا تلك الدعاية المأسونية الصهيونية المقرضة والتي ترفع من ترفع وتزل ومن تزل ويجب ان لا نؤمن بها لاننا نعرف مقاصدها وأخيراً احب ان اذكركم بما فعله اوباما في بداية تولية السلطة في امريكا فقد خاطب الأمة العربية من جامعة القاهرة وحاول بداية صفحة جديدة في التعامل مع العالم العربي وماذا حصل بعد ذلك تصدت له نفس الجهات التي تتصدى الأن لأحد وارسلت له رسالة شديدة اللهجة بأن يبتعد عن هذه المواضيع وان لا يغير في هذا الأمر أي شي إذا كان يريد البقاء كحاكم لأمريكا وهي نفس الجهات التي اغتالت جون كندي ولنفس الأسباب السياسة الأمريكية محددة وواضحة ولا يحق لأي رئيس همها كانت توجهاته ان يحدث فيها أي تغيير وإلا عليه ان يدفع الثمن غالياً وهذا هو نفس الشي الذي فعلة اوباما ففي البداية اشاد اوباما باحمد ودعاه للبيت الأبيض ولكن عندما حدث ما حدث تدخلت تلك الجهات وفرضت على أوباما الأبتعاد عن هذا الصبي الذي حاول الدخول في امور لا تتفق مع أهداف تلك الجهات وبالتالي فهو غير جدير بأن تهتم فيه وتحتفل بمنجزاته امريكا هذا الأمريكا التي يسيطرون عليها ويحددون هم قرارتها ورغباتها ومواقفها سواء كانت سياسية أو خلافه

[سعد بركات]

ردود على سعد بركات
European Union [جريس] 10-21-2015 07:31 PM
يا زول انت باين غرقان لى اضنيك في نظرية المؤامرة, الولد استنكر لقاءه لمجرم حرب مطلوب للعدالة الدولية والاستنكار أتى من كل الجهات التي تدافع عن حقوق الانسان في العالم, وهذا كل ما في الامر, فلا داعى أنك تسرح وتمنتج الموضوع رغم بساطته.

[amir] 10-21-2015 03:24 PM
أن يحتفل احمد مع اهله في ارض اجداده تختلف من الاحتفال مع مطلوب الجنائية المنبوذ دوليا


#1358158 [أبو الصديق]
3.00/5 (2 صوت)

10-21-2015 02:06 PM
دعونا نقول هنا أن هذا أذكى إبن لأغبى أب.
بدأت أخاف على مستقبل الفتى وكأن أباه ما زال يبحث عن أمجاد شخصية

[أبو الصديق]

#1358107 [أبو ياسر]
3.00/5 (5 صوت)

10-21-2015 12:48 PM
معظم السودانيين أو ربما جميعهم يحبون أن يبرز سوداني في أي مجال ويخطف الأضواء ويكون مصدر فخر لهم. وهذا شعور جيد إذا اقترن باستيعاب الأمور بشكل جيد ووضع تقييم منطقي وغير متحيز وفي النهاية لا يصح إلا الصحيح. الخلاصة أن موضوع الصبي أحمد هو زوبعة في فنجان وأنه ليس مخترعاً ولا يحزنون.

[أبو ياسر]

#1358088 [ميمان]
5.00/5 (3 صوت)

10-21-2015 12:17 PM
كيفما كنتم يولى عليكم، اعتقد أن كثيرين من السودانيين يستحقون أن يحكمهم البشير. جيتنا وفيك ملامحنا

[ميمان]

#1358083 [كول]
3.00/5 (8 صوت)

10-21-2015 12:12 PM
يا حليللك يا الصوفي ضيعته الولد بتهورك وغباءك المركب ده . وكمان قبل كده اترشحته لي رئاسة السودان في الانتخابات المخجوجه . الحمدلله ما فزته كان عملته فينا عمايل اكعب من البشير .هسع في اختبار بسيط في ولدك اليهو من لحمك ودمك ضيعته عليهو مستقبله بتهورك وطمعك وحبك للكاميرا. ابقى رزين انت راجل بلغته من الكبر عتيه خلي الطرطشه والدروشه البتعمل فيها دي واركز في الواطه دي شويه.

[كول]

ردود على كول
[الامين محمد نور] 10-21-2015 10:21 PM
يا اخ كول تصرف ابوه غير مقبول البتة ولا يليق به كسوداني بس الراجل بحب الاضواء كنا نسكن قرية واحدة و درسنا في حنتوب معا وهو راجل ذكي و قد ادعى انه المهدي المنتظر وكان وقتها في الثانوي العام(المتوسطة في ما بعد) . كان تالت المركز لكن في دي دقس . فقط وددت اوضح انو بحب الاضواء من كان طفل .لما ادعى انو المهدي كان عمره حوالي 14 سنة .


#1358018 [العنقالي]
4.86/5 (9 صوت)

10-21-2015 10:51 AM
الموضوع ياجماعة ما مسألة اختراع
القضية بتاعة احمد هي انه تعرض لمعاملة بها تمييز وعنصرية بسبب الدين والعرق
امريكا شعرت بالذنب والخجل من هذا الموضوع
ولذلك يحاول المجتمع ان يخفف علي هذا الطفل سؤ المعاملة التي تعرض لها ,عن طريق الاعتذار
ومثل هذا التصرف طبيعي وله علاقة بتاريخ امريكا وطبيعة المجتمع الامريكي, وهذه المشاهد تكررت كثيرا في حوادث شهيرة ومعروفة حدثت فيها انتهاكات لحقوق السود او المسلمين فهي ليست خاصة بأبننا احمد
اما موضوع الساعة وتفكيك الحاجات فهي مسألة تانية , كل العيال يحبو يفككو الاشياء , لكن في امريكا عموما اي محاولة لتعديل شىء, او اي طريقة جديدة في مجال متعلق بالعلوم او التكنولوجيا يجد التشجيع , ويعتبر دراسة , والسبب ان كل شىء له خطوات محددة عندهم, عملية القلب العادية لها طريقة معينة لو غيرت فيها على مسؤوليتك , نجحت تنشر الطريقة في مجلة علمية ويعتبر بحث جديد , الساعة معروفة تم اختراعها , لكن لو غيرت طريقة تركيبها تعتبر مبدع
مايفعله الاب هنا من طواف علي الرؤساء والمشاهير لتحقيق مكاسب شخصية عيب وبه انتهازية واستغلال لطفولة ابنه, ولايتفق مع خلقنا كسودانيين
غضب احمد مبرر وتغريداته في تويتر مفهومة , لكن يجب ان يحترم مواطنته وجنسيته الامريكية بمثل مستوى احترامه لجنسيته السودانية , وهذا شىء يجب ان يعرفه عن طريق هذا الاب العجيب!
بكل تقدير

[العنقالي]

ردود على العنقالي
[sabir alsabir] 10-21-2015 02:50 PM
العنقالي
لقد أوفيت وكفيت تحليل جيد مختصراً ومفيدا


#1358014 [faisal]
3.00/5 (3 صوت)

10-21-2015 10:42 AM
يالصوفي ده شنو يازول ؟ حد عااااقل في الدنيا يضيع علي ولده فرصة العمر بأخذ صورة مع الرئيس أوباما ويسافر ويخسر قروش عشان يجي ياخد صورة مع عمر البشير ؟ ياخ كان عاوز تتصور مع البشير أمشي أي جامع عقد في الحرطوم بتلقاهو قاعد وكمان ممكن يديك موبايله عشان تتصور بيهو ويرسل ليك الصورة ......زولنا ده قاعد فااااضي شغل

[faisal]

ردود على faisal
[احمد] 10-21-2015 04:49 PM
لو البشير بمشي العقد دي حاجه تحسب ليه وما حاجه تعيب والعقد ما ضمن الحاجات الفاضيه بل هو من بعض اسباب وجودك ووﻻدتك في هذه اﻻرض.نرجو التزام الحياء في بعض اﻻمور.وما كوز مع احترامي وتقديري.


#1358007 [wed Alsroor]
5.00/5 (3 صوت)

10-21-2015 10:34 AM
ياسودانييين بطلو الحقد والحسد عليكم الله عشان الله يرفع عنكم البلاوى الانتو فيها دي غيرو ما بانفسكم في ناس دايرين يموتو عديييل كده من الحسد والحقد على الولد وابوهو ياناس الفرصة بتجى مرة فى الحياة والناس فرصتم جاتم واستقلوها بعدين لا يضيركم شى انو ابو احمد جبة اوصوفى ساق ولدو ولافي بيهو كل دول العالم وقابل الروسا والملوك والملكات والشركات وحرم ولدو من الدراسه اظن دى شى يخص الولد وابوهو واسرتة وهم عارفين مصلحة ولدم كويس حتى لو منعهو من الدرسة نهى انتو دخلكم شنو بتاكلو ف لحمهم حرام عليكم بطلو الحسد بعدين كونه ما صنع ساعة وجاب ساعة جديده وفكها وحولة لصندوق اخربرضة شى كويس هسا انتو الكبار ودارسين ومتعلمين فيكم واحد بيقدر يعمل العملو الود دا بطلو تنظير وتحطيم وتكسير مجاديف خلو الخلق للخالق والواحد فيكم يا يقول خير او يصمت والحسد ديما بياكل سيدو واسرت الود احمد ناس كبااار وعارفين مصلحتم وين لوجاهم خير لهم وحدهم والوجاهم شر لهم وحدهم عشان كده اطلعو منها يا حساد يا حقاد على قول الخال السودانيين يحسدو القرد على حمار صلبة الله يهدينا

[wed Alsroor]

ردود على wed Alsroor
[خالد] 10-21-2015 06:55 PM
كفيت واوفيت ويديك العافية.


#1357983 [كردفاني]
5.00/5 (4 صوت)

10-21-2015 10:12 AM
الله يستر مايكون هذا الغلام هو المهدي المنتظر ..........!

[كردفاني]

#1357962 [ابومنذر]
3.00/5 (3 صوت)

10-21-2015 09:50 AM
اوباما لا يقابل قاتلي شعوبهم ولا يصافح الايادي التي تصافحهم ...طظ في البشير الكضاب ، اللص والقاتل .
[email protected]

[ابومنذر]

#1357938 [سندباد في بلد السجم والرماد]
2.97/5 (6 صوت)

10-21-2015 09:23 AM
ياجماعة الخير عندي اسئلة ليكم :
احمد دا مالو ما ظهر قبال ابوه يجي يترشح للانتخابات الرئاسية المهزلة في السودان!!؟
اليس غريبا ان يكون الطفل احمد (العبقري الخطير النحرير الشبنحرير) هو ابن هذا الرجل دون سائر كل السودانيين المقيمين في امريكا!!
ولو صح ان احمد فقط قام بنقل ماكينة الساعة لصندوق جديد فوالله العظيم انا فعلتها في عمر يقل عن احمد بسنوات!!
تعاطف الامريكان مع احمد اذن ليس لكونه مخترعا انما تعاطف معه لأن الاستاذة ظلمته بشكوكها فيه ليس الا..
هل تعرفون ما يخترعه التلاميذ الامريكان وهم في عمر احمد ، انكم لاتعرفون شيئا لانكم تفكرون بعقلية متخلفة ترى ما امامها فقط.
احمد يعتبر طفل عادي امام طلاب مدارس قاموا بعمل مشروعات واختراعات تفوق مافعله احمد بالف مرة
فعلى سبيل المثال اخترع طلاب عربات تعمل بالريموت كنترول (تصنيع وليس تجميع)
وصنعوا مسدسات ، وبرامج للحاسب الالي ..الخ
واحمد هذا حتى لو كان عبقريا كما تظنون وتتوهمون فهو تربية الامريكان ولو عاش به ابوه هنا لكان مثله مثل اطفالنا الببغاوات الذين يرددون مصطلحات التربية الكيزانية ويعجزون عن كتابة اسمائهم ، ولايعرفون التعامل مع الكيبورد حتى تخرجهم من الجامعة

[سندباد في بلد السجم والرماد]

ردود على سندباد في بلد السجم والرماد
[خالد] 10-21-2015 06:51 PM
حسدك مبالغة.


#1357916 [الحالم]
5.00/5 (3 صوت)

10-21-2015 09:06 AM
اذا هبت رياح السعد فغتنمها هذا ما فعله ابو احمد ليتك لم تفعل حتى لا يصاب ابنك بالغرور وحب العظمة وهو ما زال في سن يافعة وينتظر منه الكثير وجنت على نفسها براقش

[الحالم]

#1357894 [سوووووداني]
4.75/5 (5 صوت)

10-21-2015 08:44 AM
في أمريكا المدارس بنفتح شهر سبتمبر وقصة أحمد دي حصلت يوم 22 سبتمبر يعني يادوب ليهو 3 أسابيع في سنة أولي ثانوي اللي إنتقل ليها من مرحلة المتوسطة ( Grade 9 ) وهسه هو حايم ومسافر بأسابيع أكثر من القضاها في المدرسة وبرضو أبوهو بيتكلم انو ولده ح يدرس في MIT ....فاهمين شنو يعني دا ؟ ده معهد Massachusetts Institute of Technology وهو رقم واحد في العالم قبل هارفارد .....برضه يقول ليك الحساد !!!

[سوووووداني]

#1357828 [جبل اللقمة]
3.00/5 (2 صوت)

10-21-2015 06:59 AM
ياخسارة ما قابل اوباما .....يامليون خسارة

[جبل اللقمة]

ردود على جبل اللقمة
[ابو جلمبو] 10-22-2015 01:18 PM
واوباما ده شنو هو، ما اراجوز معلق في يد رجال عصابات الكونغرس


#1357817 [دودالشق]
3.00/5 (2 صوت)

10-21-2015 05:23 AM
الشغلانية كلها مابتستحق انا موافق ان الابن برىء والاب فرحان وان الله لا يحب الفرحين

[دودالشق]

#1357774 [عبدالحفيظ ابراهيم]
4.50/5 (4 صوت)

10-21-2015 12:35 AM
دا جذء حاد من كوبليهات نشاط وبرامج التنظيمات اليهوديه ودليل صارخ على علاقتها بالمذاهب الفكريه والاحزاب العربيه الاسلاميه

[عبدالحفيظ ابراهيم]

#1357763 [Miedo]
4.91/5 (8 صوت)

10-20-2015 11:59 PM
ليس عدم مقابلة اوباما هي ما يزعج , بل رعونة الأب كما سميتها في الانتهازية و الفرحة الزيادة عن اللزوم بالجد بعض الناس لديهم اساليب غريبة في التعامل مع الاشياء.....

[Miedo]

#1357749 [أبراهيم عثمان]
4.94/5 (9 صوت)

10-20-2015 11:25 PM
نكتة سريعة:
قال ليك كان في إخوان أسمهم إسماعيل وأبراهيم وكان أسماعيل دائماً يحقر أبراهيم ويصحي الصباح بدري ويناديهو: يا أبراهيم يا أبراهيم،، فأبراهيم يقول ليهو: أيوة، فإسماعيل يقول ليهو: طز فيك... أبراهيم زعل وزهج وإشتكي لأبوهو فالأب قال ليهو خلاص أعمل في أخوك إسماعيل زي ما بيعمل فيك يعني أصحي بدري وناديهو ولما يرد عليك قول ليهو طز فيك.. قام أبراهيم فعلاً صحي الصباح بدري وقعد ينادي أخوهو: يا إسماعيل يا إسماعيل، فإسماعيل رد عليهو: أنت منو؟ قال ليهو: أنا أبراهيم، فإسماعيل طوالي قال ليهو: طزززز فيك.

هسع النكتة دي تنطبق علي قصة الولد والبشير وأوباما دي.. أوباما هو أول واحد دعي الولد لزيارته لكن البشير خطف منه الأضواء وقال لأوباما: طز فيك.. وطبعاً الرسالة وصلت تماماً والمغيوظين يموتوا بغيظهم ويمشو يشوفو ليهم علاج لمرض الحسد ده.. وبالمناسبة: الولد والأب أدري بمصالحهم وما محتاجين نصائح من الشعب السوداني ولا الأمريكي.. أب وإبنه ومن حقهم يعملو الدايرين يعملوهو ويقابلو الدايرين يقابلوه.. كدي واحد فيكم يمشي يقابل ليهو رئيس أي دولة عشان يسألوك بسخرية: ومن أنت؟؟.. وحكاية الساعة البيسخرو منها ويبخسوها دي حقو الناس تتذكر لما كانت في سن أحمد كنتو بتلعبو بعلب الصلصة والطين ذي سكان العصر الحجري.. أتركو الحسد فإنه منتن وقذر.. قال المدارس فاتحة قال!! يعني أبوهو ما عارف المعلومة دي وأنتو بتذكروهو مثلاً؟ ياخي مدير المدرسة أصلاً طرد أحمد لكن في مليون مدرسة غيرها وأحمد زااااااتو قال لن يرجع للمدرسة ديك تاني.. يعني الولد طلع راجل حر وكرامته ما بيلعب فيها.. ذي البشير كده يا مساكين.

[أبراهيم عثمان]

ردود على أبراهيم عثمان
[قادي الوطن بروحه] 10-21-2015 07:04 PM
بيقولوا في المثل السوداني ( السترة و الفضيحة متباريات ) فأنت منذ بداية تعليقك و حتى نهايته قبل أربع كلمات فقط ( كا ذي البشير كده يا مساكين). كان الله قد سترك لكنك أبيت الآ أن تفضح و تعلن عن نفسك غير السوية التي تمجد البشير - عافك الله.

[البشــــير ذاتــــــــو!!] 10-21-2015 10:18 AM
بصـــراحة كدة الكلام التحـت النكـتة ده عجــبني بالحـيل، لكن يا أخـوي ابراهيم نكتـتك باااااخـــة ولا رايك شــنو؟ بعــدين النسـألك سـؤال صـغير - أنـت بتكســر لي في التـلج فوق شــنو؟؟ أنـت يا أخـوي مؤتمـر زفــتي؟؟

[محمد الامين] 10-21-2015 10:17 AM
يا إبراهيم يا إبراهيم

ياخ طظ فيك فيك وفى قشيرك سارق الاضواء

[قصي] 10-21-2015 08:29 AM
وانت ابراهيم الكان بقولوا ليك طز فيك

[الريس] 10-21-2015 08:18 AM
والله كلام في محلو يابراهيم

[د. هشام] 10-21-2015 08:05 AM
يا إبراهيم عثمان الولد دا ما عمل حاجة غير إنو قلع جلابية ساعة و لبَّسا عراقي بدل الجلابية!! (الظاهر عليك كنت بتلعب بي علب الصلصة لما كنت صغير!!)

[aboha] 10-21-2015 07:52 AM
انت منو؟ ابراهيم. طز فيك

[ودالجزيرة] 10-21-2015 07:31 AM
ههههه انت حتي الان مصدق ان احمد اخترع ساعة ... ياشيخ تعاطف الامريكان مع احمد ليس بانه مخترع بل معاملته كمسلم وتعامل المدرسة معه كمسلم وليس الا ... يبدو انك قريب هذا الرجل (والده هذا طوالي بشوف فيه صورة الابله بتاع مصر داك الاسمو مرسي طبعا المصريين قالوا نحن رفضنا مرسي مش هو اخواني بل ابله وبلغة السودانيين عوير ... الناس تحدثت ليس حسدا بل متاجرة ابوه ومقابلته للسفاح البشير وكمان عاوز ابقي رئيس للسودان ههههههه عجب --- وبعدين فرصة احمد دي لو لقاها اي واحد في السودان سواء كان قنتي ولا ولا كسلا ولا الفاشر ولا القراصة ولا بابنوسة متاكد وبلا شك سوف يكون افضل من احمد

[حنظلة] 10-21-2015 06:56 AM
يا ابراهيم عثمان ...
أيوه
طز فيك

United States [sas] 10-21-2015 03:05 AM
كلامك صاح كل واحد ادرى بالبعمل فيهو -زمان الدكتور المرحوم عبدالله الطيب قال السودانين اتزاوجو مع احسد القبائل العربية


#1357745 [الهلباوي]
5.00/5 (3 صوت)

10-20-2015 11:01 PM
فرغ ساعة شغالة من محتوياتها في صندوق ،، دا كل الاختراع ،،

[الهلباوي]

ردود على الهلباوي
United States [sas] 10-21-2015 03:06 AM
ولدك عملو


#1357743 [مستغرب]
2.94/5 (7 صوت)

10-20-2015 10:47 PM
الوليد ده كان بدرس في مدرسة مش كده!!! طيب ناس المدرسة ما يورونا كيف كان آداءه في المدرسة, هل هو فعلا عبقرى ومتفرد الذكاء, أم الموضوع مبالغة فقط, ماهو لازم يكون في سجل الناس ترجع ليهو.

[مستغرب]

ردود على مستغرب
United States [sas] 10-21-2015 03:16 AM
العبقرية ما ليها دخل بآداءه في المدرسة,


#1357741 [الضكر]
4.50/5 (6 صوت)

10-20-2015 10:44 PM
يا اخي حسادة مبالغة
وصدق الإمام الصادق المهدي حين وصف مرة السودانيين بالكسل والحسد.
كاتب المقال أفرغ أطنان من الحسد المزمن على الصغير العبقري.
وكاتب المقال نفسه لن يستطيع مقابلة رئيس الصومال مثلما فعل أحمد العبقري وقابل أوباما رئيس العالم.
يستحق الصغير أحمد ان نحتفي به بعيداً عن طبيعتنا الموسومة بالحسد.
الولد عبقري ياخ ويستاهل.

[الضكر]

ردود على الضكر
[احمد] 10-21-2015 10:03 AM
واذيدك علم يا الدنقلاوي اﻻعلام اﻻمريكي عارف كل حاجه عن الساعه من البدايه وانها ليست اختراع وﻻ يح نون وانما منظر الولد الصغير مقيد باﻻغلال كان إدانه للعالم الذي يفترض انه متحضر وحساسية انه مسلم علي الجاليات اﻻسلاميه والعالم اﻻسلامي واﻻ ما دعاهم رقول ان الساعه ليست باخنراع ؟ هل قد فوجئوا بهذه الحقيقه اﻵن فقط ؟ ﻻنهم ارادوا جبر الضرر الذي اصاب سمعة مجتمع الديمقراطية والحريات من اعتقال تلميذ وتفييده بالسلاسل.

[ودالجزيرة] 10-21-2015 07:38 AM
الود ده ابوه اصبح كالدرويش ومامصدق... هذا الرجل مصاب بداع الشهرة ... عبقري دي كبيرة شوية ياااخي وبعدين احمد ده الصدفة والحظ فقط ... هناك الاف العباقرة حتي داخل السودان لكن لم يجدوا فرصة مثل فرصة احمد

[المشروع] 10-21-2015 07:20 AM
يا الضكر والله ما في حسادة ولا هم يحزنون بل ان الراكوبة ومعلقي الراكوبة وكل السودانين في انحاء العالم اول من احتفوا بهذا الخبر السار لهذا الصبي الموهوب وما صاحب الخبر من تطورات وأن السودانيين في كل العالم سرهم هذا الخبر وتفاعلوا مع الصبي وأن مما يثلج صدورنا مثل هذه الاخبار التي تشير الى بعض المنجزات التي يحققها السودانيين هنا وهناك في زمن الجفاف واليباب الذي ضرب اطناب السودان بسبب سياسة الكيزان وهجومهم على الدنيا والاراضي والسفر والسياحة وتعميرهم لدبي وماليزيا.

والمقال الحالي لا يركز على الصبي في حد ذاته وانما يشير الى نقطتين هامتين هما:

1- يستنكر ويستهجن ويستغرب من سلوك الوالد ورعونته والتكسب الإعلامي للوالد لأشياء لا نعلمها نحن في الوقت الراهن ولكن على اي حال ستأتي بنتيجة عسكية مع العلم ان هنالك الكثير جدا من الاطففال النابغين المخترعين في العالم ولم نسمع أن اولياء امورهم قاموا بما قام به الصوفي.

2- يشير المقال الى ان نحس الرئيس وشؤمه على الأخري حيث ادي ذلك على سبيل المثال القريب الى تعكير صفو العلاقة بين حكومة جنوب مع معارضتها واتهام المعارضة للحزب الحاكم بخرق الدستور في تهريب الرئيس عبر القاعدة العسكرية في جنوب افريقيا وعدم خروجه من المطار (طبعا في السودان لا احد يسأل عن مدى التزام الحكومة بالدستور)كما يشير المقال الى شؤم مقابلة الرئيس على صاحبها.

3-هذه حقيقة كونية ثابتة فكما ان هناك ناس يجلبوا الشؤم والنحس على الآخرين فإن هنالك ناس مباركين وقد قال تعالى في سورةمريم عن عيسى بن مريم (وجعلني مباركا اينما كنت واوصاني بالصلاة والزكاة ما دمت حياً) فسيدنا عيسى وكل الانبياء عليهم السلام مباركين وان مشاهدتهم فقط تجلب السعادة للإنسان والخير والبركة كما قال الامام ابي حنيفة ان مصاحبة رسول الله صلى الله عليه وسلم ومشاهدته ودراسة سيرته وسير الصالحين خير من فقهنا..

[الدنقلاوي] 10-21-2015 12:58 AM
لا توجد حسادة ولا يحزنون هنا فالمعلقين الذين احتفوا باحمد ودافعوا عنه هم أضعاف الذين يعلقون الآن وبعضهم احتفى به بداية لكن غير رأيه لاحقاً للأسباب التالية:
1. محاولة والده -المرشح الرئاسي السابق -التكسب من وراء إبنه. ومعظم السودانيين يثقون أن كل من يقبل أن يكون ديكوراً في انتخابات البشير هو باحث عن الشهرة أو "المعلوم"
2. سعي والده خلف رموز النظام - البشير وعندور - أكد ظن الناس فيه.
3. موضوع اختراع الساعة نفسه غامض، ماذا يعني اختراع ساعة؟، فالساعة مخترعة منذ مئات السنين، بداية بالساعة الرملية ونهاية بالساعة الإلكترونية مروراً بالساعة يدوية الملء والساعة الديجتال، وقد أوضح الإعلام الأمريكي -بالصورة والصوت - أن أحمد لم يفعل سوى نزع أحشاء ساعة ووضعها في حافظة أقلام
4. الإعلام الأمريكي تحول من الدفاع عن أحمد إلى الإعتقاد أنهم وقعوا ضحية لحيلة من حيل والد أحمد للتكسب الرخيص.
5. الصادق المهدي الذي استشهدت ليس مرجعية لأبناءه دعك من أن يكون مرجعية للشعب السوداني.
وأخيراً لا يمكننا لوم أحمد ويبدو أنه نفسه ضحية لحب والده للظهور والتكسب الرخيص


#1357731 [الاصيل]
5.00/5 (5 صوت)

10-20-2015 10:09 PM
الموضوع كله يتلخص في والد احمد وليس مقابله البشير حيث الوالد دبر هذه الحادثه باتقان للابتزاز والشهره الكاذبه. والسلطات الامريكيه كشفت اتقان هذا التزوير وربما يتم محاكمته قريبا بدعوة التزوير في امريكا ،والد احمد يلهث وراء الاضواءوالشهره وحتي البرنامج الفكاهي لمحمد موسي في زيارته لامريكا سعي وراءه للظهور من عبره ولا تنسو انه رشح نفسه لرياسه الجمهوريه،والد احمد اساء للدين الاسلامي عامه وللسودانيين خاصه
ارجو مراجعه الروابط الاتيه https://youtu.be/_kZ93-Sszgs كما ارجو مشاههالرابط
https://www.youtube.com/watch?v=3RtCJnYKriw

[الاصيل]

#1357725 [مسافر]
4.88/5 (6 صوت)

10-20-2015 09:57 PM
قال (.. شخصيته ذات التوجهات الصوفية والأخوانية) في رأي لا علاقة للتوجه الصوفي بالإخوان .. الصوفية في أصلها زهد وصدق وانصراف عن متاع الدنيا إلى ما هو خير وابقى .. هذه هي الصوفية الحقيقية .. (أهل الله أبان مسوحا مي) فهل هذه الصفات أو بعضها ينطبق على الأخوان؟ الصوفية قديمة والأخوان نبت شيطاني ماسوني فكيف تجمع شخصية واحدة بين المتناقضين .. اللهم إلا إذا كانت صوفية مدعاة وليست حقيقية.. سلامي

[مسافر]

#1357718 [عبدالله]
5.00/5 (2 صوت)

10-20-2015 09:43 PM
حاسيدين ليس الا وما فيش وطنية ولا ترحموا و لا تخلوا رحمة ربنا

ربنا يحفظك يا احمد رغم كيد الكايدين و رغم حسد الحاسدين

وموتوا بغيظكم يا كارهي الابداع و العلم و التفوق و النبوغ

[عبدالله]

ردود على عبدالله
[المشروع] 10-21-2015 07:28 AM
اول حاجة لا احد يحجب رحمة الله عن احد وهذه الجملة خطا فالله سبحانه وتعالى فعال لما يريد ..

اما التعليقات لا علاقة لها بالحسد ولا علاقة لها بالصبي الذي نسأله الله ان يحفظه اولا واخير من رعونة والده وتكسبه بشهرته التي سببها ليس اختراع الساعة ولكن ما صاحبها من تطورات..

كل المعلقين الذين يربطون الامر بالحسادة هم الذين يحسدون الناس على ما اتاهم الله من فضله وهم الذين يعشش الحسد في مخيلتهم فقط لأن الموضوع يتعلق فقط بشؤم وسوء طالع الرئيس على الآخرين وثانياً تصرفات الوالد .

اما اعداء العلم والتفوق والنبوغ والابداع هم الذين اسسسوا كتائب القتل والدعم السريع والجنجويد وهم الذين شردوا الناس من السودان بسيف الصالح العام وشقيقه التمكين وهم الذين يمارسون الظلم ليبنوا البيوت ويركبوا العربات.

European Union [الجقود ود بري] 10-20-2015 10:38 PM
الحسد يا عبدالله لو قالوا الحمد لله اللي اوباما ما قابل احمد لوحدو لكن التعليقات كلها تتكلم عن خطاء الوالد في محاوله لقضاء منفعه شخصيه
احمد ما زال صغير والمستقبل امامه كبير والله اعلم بما يخفيه من نجاحات وابتلاءات نسال الله له التوفيق
ومع ذلك ابو غلطان في حقو


#1357707 [احمد البقاري]
5.00/5 (6 صوت)

10-20-2015 09:13 PM
أظهر الآب محمد الحسن الصوفي عدم مسئوليةوانتهازية مغذذة لجني ثمار شهرة أبنه، فطفق يطوف على بلاط الامراء والملوك ويستجدي العطايا والهدايا المالية، مما سيقد أبنه تعاطف ودعم مؤسسات التكنلوجيا الامريكية الاكثر شهرة، ويفقد يذلك طفله فرص كانت ستغير منحياته ومستقبله

[احمد البقاري]

#1357686 [ود الغرب]
5.00/5 (1 صوت)

10-20-2015 08:28 PM
يا أهل دارفور دعوها فإنها منتنة !

[ود الغرب]

ردود على ود الغرب
[هولاكو] 10-21-2015 08:42 AM
ما علاقة هذا بهذا يا ود الغرب واقوليك انا من كسلا وجيراني واولاد حلتي يمكن خمسة منهم من الغرب واتربينا مع بعض اخر انبساط بناكل في بيتهم وياكلو في بيتنا مالك عايز تجيب تفرقة بين ابناء الوطن الله يهديك

[Hafiz] 10-21-2015 07:51 AM
دا جداد الالكتروني

[الهادئ خضر] 10-20-2015 10:39 PM
اهل دارفور علاقتهم شنو بموضوع احمد وساعته !!! يجب ان تتصالح مع نفسك


#1357680 [الكلس]
3.00/5 (4 صوت)

10-20-2015 08:15 PM
يالصوفي باااالغت ياخ ! راعي الضأن الفي الخلا كان قلت ليهو تمشي تصافح البشير ولا تنتظر الزبائن ح يقول ليك يازول انت مجنون ؟ شن جاب بهائمي للبشير .... كان جاهم زبون اللي ح يبيع لي منو طظ في بشيرك
[email protected]]

[الكلس]

ردود على الكلس
[المشروع] 10-21-2015 07:32 AM
لقاء اوباما معناه انتصار للدستور الامريكي وهذه هي القضية التي طلب فيها مقابلة الابن احمد (حفظه الله) القضية كلها قادها مجلس العلاقات الاسلامية الامريكية الذى رأى في اعتقال الصبي واتهامه بصنع قنبلة..

والموضوع شأن داخلي يهم امريكا والمجتمع الامريكي باعتبار الاسرة اسرة امريكية قلماذا يتدخل الرئيس..؟؟


#1357681 [عبدالواحد المستغرب اشد الإستغراب!!]
5.00/5 (3 صوت)

10-20-2015 08:15 PM
المشكله يا جماعه ان البشير حسب الغباء الذى جائه منحه من الخالق فهم الموضوع غلط كما هو متوقع فأوباما لم يدعو الصبى لانه صنع او إخترع ما عجز عنه الاف الطلاب من أبناء السودانين الذين يدرسون في الكليات العلميه قسم الفيزياء فهؤلاء الطلبه لا يتخرجون من الجامعات التي تلقى بهم الى الشوارع غير مآسوف عليهم دون أن يلتفت اليهم حتى عمداء الجامعات فكل طالب يتعين عليه أن يبتكر او يصنع مشروعا يفضى لنتيجه وقطعا من بينه ساعات واوباما عندما دعى الصبى احمد ذلك لان مدرسته إشتبت فيه وظنت أنه صنع قنبله وحتى لا يشيع الخبر ويصل أجهزة الاعلام ومن ثم يعتبر المواطن الامريكى أن المدرسه أهانته هرع البيت الأبيض ودعته كى تعنزر له ولم تكن الدعوه لكون أن صبيا حقق إنجازا علميا غير مسبوق!! وبصراحه أجزم بأن البشير هو من يجب الاحتفاء به لبلادته وغبائه المتفرد الغير مسبوق !!.

[عبدالواحد المستغرب اشد الإستغراب!!]

#1357659 [Badr]
4.50/5 (7 صوت)

10-20-2015 07:15 PM
الولد ده كان يرقد صوف اول ما شاف بشه لانه وجه بشه يقطع الخميرة من البيت و هذا ما حصل للولد المسكين الما كان عارف انه بشه قطع الخميرة من السودان كله

[Badr]

#1357658 [مغبون]
4.50/5 (5 صوت)

10-20-2015 07:10 PM
انتهازية والد الطفل وحبه للشهره ظهرت منذ موافقته الترشح مع البشير فهو جشع انتهازي يحب الاضواء حتي ابنه وكل اسرته كذلك ...
لا شي جديد قاموا به ومخترع الساعه الاصلي لم يجد ذلك الاهتمام
القصه في تقديري تعاطف وشفقه لتسليم الابن للشرطه بواسطة مدرسته غير ذلك لا اجد شي في الامر ولنكن وآقعيين

[مغبون]

#1357656 [بت البلد]
4.00/5 (2 صوت)

10-20-2015 07:04 PM
للأسف قضية الطفل أصبحت سياسية وأدت الى الصراع بين المتطرفين في الأديان اللهم انا نعوذ بك من شرورهم وندرأ بك في نحورهم

[بت البلد]

#1357638 [مندهش]
4.50/5 (3 صوت)

10-20-2015 06:30 PM
علقت فى خبر لنفس الطفل و الاب و هو ليس تعليق انما شى من الاحتمال ان يكون حجم الضرر من جانب الاب اوصل الابن الى حد ان يكون هدفا للفوضى الامريكية من الجماعات العنصرية ضد الاسلام و قد اعتبر معلق اننى افضل ان اقول خيرا او اصمت و انا لم اقلل من شان الطفل و ارفعه بل تعلمون مدى قوة الاعلام الامريكى فى شحن الراى العام المضاد للاسلام و من كل قلبى اقول ليحفظه الله و يرعاه و يفتح بصيرة ابوه

[مندهش]

#1357627 [Hamdi yagoub]
4.44/5 (5 صوت)

10-20-2015 06:03 PM
غايتو الله يكون في عونك يا باش أبوك راجل طلع زول انتهازي وبتاع فرص، ما كان يصبر شويه بالله شايل الولد وحايم بيه الواطه بعدين شنو ماشي بيه للبشير وعامل فيها بهلواني؛ ضيعت الولد الله يجيبك.

[Hamdi yagoub]

#1357625 [الحقيقة]
4.50/5 (10 صوت)

10-20-2015 06:00 PM
الواد ما يستاهل لكن يستاهل أبوه الكوز المقدود،، لا تأكل زرعك أخضرا يا هذا وما هكذا تكون التربية.

[الحقيقة]

#1357613 [abushihab]
4.47/5 (8 صوت)

10-20-2015 05:44 PM
هذا الاب انتهازي واناني اضر بابنه اكثر مما يفيده ويوجهه التوجيه السليم.

[abushihab]

#1357612 [سودانى متحيييييييييييير]
3.75/5 (17 صوت)

10-20-2015 05:42 PM
روى أن عمر بن الخطاب رضى الله عنه عندما أنشأ الديوان كان االمسلمون يأتون إليه لقضاء حوائجهم ولصرف عطائهم (رواتبهم) من الدولة. وفى يوم حضر عمر للديوان وكان يوم صرف للقواعد والأيتام ، ووجد رجلاً معه إبنه ضمن المجموعة فقال له " يا رجل أصلحك الله هذا الصف للقواعد" فسأله الرجل "ومالقواعد يا أمير المؤمنين؟" فقال له " القواعد هن من خرج رجالهن فى سبيل الله، وأنت لست منهم، ومن يكون فى سنك لا يكون يتيماً" فقال لعمر " إذن فأكتب إبنى مع الأيتام وأصرف له عطائه" فنظر أمين المال متحيراً إلى الرجل ثم إلى أمير المؤمنين ليعرف رده، فقال له عمر " أكتب إبنه مع الأيتام، فمن كان مثله فإن إبنه يتيم"

[سودانى متحيييييييييييير]

ردود على سودانى متحيييييييييييير
[محمد همت] 10-21-2015 05:19 PM
يا سلام عليك يا سودانى متحييييييير .. شخصت مرض والد الطفل أحمد بطريقة عميقة وذكية جداً.
وأقول لبعض المعلقين الموضوع ما حسد .. لكن الناس زعلانين لانو الطفل أحمد وقع ضحية لوالدو المريض .. والطفل أحمد هو الحيدفع التمن .

[man] 10-20-2015 06:52 PM
Amazing !


#1357610 [الداندورمي .]
4.50/5 (3 صوت)

10-20-2015 05:40 PM
الكج كجا ،،،وطن بحاله إنت ما،،،بكجك
والله لو،،، أنا في محل الكج ده،،، بعد كل الذل والمهانه
التي طالت الولد ده،،،وطالت السودان أمشي أقع في بركه فيها ١٠٠ تمساح جائع.

[الداندورمي .]

#1357607 [عمر الحاج حلفاوي]
5.00/5 (2 صوت)

10-20-2015 05:37 PM
الولد ليس له ذنب وهم بريئ كما الاطفال وكما ظهر في الصورة ومناويئ البشير ليس الطفل شخص يخاصم به البشير-والقوانين امريكا لن تحرم الطفل ووالده من اي حق -حرية الافراد والجماعات من اول اسس قوانين الولايات المتحدة كما صاغه اباء امريكا المؤسسين-المعارضة السودانية -لم يخسر البشير شيئا من عدم مقابلة اوباما للطفل-نرجوا ان لا يعطي الموضوع اكثر مما يستحق.

[عمر الحاج حلفاوي]

ردود على عمر الحاج حلفاوي
[AL-KIRUN] 10-20-2015 07:40 PM
Hey : sorry.. nobody will listen to you.. till you're washing your gore hand.. at least 70 times for a day per


#1357598 [توفيق عمر]
5.00/5 (2 صوت)

10-20-2015 05:25 PM
تصوروا ان السودانيين ومن ينتمي منهم الي هذا التيار الشيطاني الذي لا علاقة له بالدين الاسلامي السمح الحنيف تصورو بالله ان يبلغ بهم الاستهبال هذا الحد
وبعدين الحل للرجوع او ارجاع السودان والسودانيين الي اصلهم وفصلهم حا يكون كيف ؟

[توفيق عمر]

#1357590 [ابو محمد]
4.50/5 (3 صوت)

10-20-2015 05:15 PM
قلت في تعليق سابق على نفس الموضوع متوقعا ان يصيب رشاش قذارة الجماعة الارهابية المستعمرة صبي الساعة !!
(وهو استغلال يفوق قامة الجماعة الارهابية المستعمرة لأنه يضعها في معادلة فورية بين الحق الذي هو الواقع !! وبين الباطل في (مجاهدات) الجماعة الارهابية المستعمرة بمحاولات التفلت و (التملص) العاجزة من بين اصابع قبضة الحق !! وهو ما يبصره الكون بأسره ما عدا عيونهم التي أرمدها الفساد !! فلم تعد تبصر إلا ما تركض اليه مدفوعة بغريزة البقاء !! ولم يبق لهم غير هذا !! مع علمهم انهم اصبحوا كالجمل الاجرب يعدي كل من حوله !!!)
وفعلا اعدى الجمل الاجرب الصبي واصابه في مقتل !! واصبح يبحت عن التقدير بعد ان كان يسعى اليه !!

[ابو محمد]

ردود على ابو محمد
[احمد] 10-21-2015 10:18 AM
اجمل واظرف تعليق.احيك غلي اللغه الجميله.مع تقديري يا ابومحمد.


#1357582 [QUICKLY]
4.50/5 (8 صوت)

10-20-2015 05:07 PM
كلام في الصميم نحييك يا كاتب المقال
ماخليت ليه جنبه يرقد عليها
اها .... خد ياود الصوفي!!

[QUICKLY]

ردود على QUICKLY
United States [زول] 10-21-2015 03:34 PM
تحية شنو كاتب المقال يظهر اوباماذي الطفل الصغير تفكيره ان حمودي دا ليه يصور مع البشير اول وما يصور معايا ان اذا كدي ما راضي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة