الأخبار
أخبار إقليمية
برلماني : إثيوبيا تحتل (794) ألف كيلومتراً من أراضي السودان
برلماني : إثيوبيا تحتل (794) ألف كيلومتراً من أراضي السودان
برلماني : إثيوبيا تحتل (794) ألف كيلومتراً من أراضي السودان


ألمح إلى فشل الموسم الزراعي وطالب الحكومة بالتحوط
10-22-2015 12:21 PM
البرلمان: سارة تاج السر
كشف عضو البرلمان عن دوائر القضارف إسماعيل أحمد موسى، عن احتلال دولة إثيوبيا نحو (794) ألف كيلومتراً من أراضي السودان، وأعلن تسجيل (32) حالة تعدي واغتصاب مناطق زراعية من عدد من دول الجوار.
واستعجل موسى خلال مداولات البرلمان على خطاب رئيس الجمهورية المشير عمر البشير أمس، الحكومة بالتدخل وإعادة المساحات المحتلة من محلية الفشقة بولاية القضارف، وأشار الى أن عجز السلطات الولائية عن حسم الأمر بسبب لوائح الحكم الاتحادي.
وأقرّ موسى بأن الشعب السوداني يعيش تحت خط فقر مدقع وخطير حسب وصفه، وشدد على ضرورة تحسين الأوضاع المعيشية التي وصفها بالسيئة، ودعا لتفعيل صندوق ديوان الزكاة.
وألمح ذات النائب الى فشل الموسم الزراعي الحالي، ولفت الى أن تقارير رسمية تشير الى أن نسبة الإنتاج لن تتجاوز (35%)، وطالب الحكومة بالتحوط لهذا الأمر وأخذه مأخذ الجد.

الحريدة


تعليقات 13 | إهداء 0 | زيارات 3188

التعليقات
#1359481 [الوجيع]
0.00/5 (0 صوت)

10-24-2015 10:52 AM
دا خبر عادى لا يستحق التعليق ويبقى الخبر البيستحق يسموه خبر لو كان فى مشروع واحد نجح او قرار صحيح ومفيد للناس صدر او لو ان نتائج المراجع العام اثبتت صحة حسابات جهة حكومية او ان ديوانا من دواوين الدولة التتزمت بالميزانية المرصودة او ان جهة ما اوقفت التجنيب او لو ان وزيرا او مسئولا استقال من مناصبه الكثيرة لانه شبع او لانه اخطاء ثم ثانيا ياتو مسئول عنده ارقام صحيحية فى مجال عمله بس قمتوا على الراجل علشان خرج عن النص السلطانى وحاول يمشيها بارقام هو لا يعرف انها مضروبة وكان مفروض يستخدم كلمات مثل: مساحة مقدرة من الارض او كمية لاباس بها من المحاصيل كعادة المسعولين حتى لا يقع فى حرج استخدام الارقام المشكوك في دقتها.

[الوجيع]

#1359209 [Rebel]
0.00/5 (0 صوت)

10-23-2015 06:15 PM
* علم..مع الشكر يا اخى!. طيب..حلايب كم؟!..
* و السنه الجايه كمان كان الله مد فى العمر, تكلمنا عن دارفور و ج. كردفان و ج.النيل الأزرق, كم؟؟!
* السنوات البعدها ما مشكله ياخى, الله إخليك!..يا نحن مشينا "جنوب السودان" يا مشينا "الآخره"!
* بعدين ياخى ما تشيل "الجماعه" ديل هم الفقر الشديد بتاعنا ده ساكت!..نحن أصله "إحتسبناه" و "ماشين"!!
* حقيقه نحنا الشايلين همهم بعدين "بقعدوا وين و بحكموا منو"!!!

[Rebel]

#1359147 [هيثم علي]
0.00/5 (0 صوت)

10-23-2015 01:28 PM
الجيش مافاضي من القلع والنهب وارهاب المواطنين عينك ياتاجر وسط الخرطوم والاتجار بالبشر عند الحدود...والنتيجة كل الاراضي السودانية مقتصبةومباحة من البسوة والمابسوة.افشل حكزمة وافشل نظام في العالم

[هيثم علي]

#1358846 [حاج علي]
4.50/5 (3 صوت)

10-22-2015 05:36 PM
وين الحارس مالنا ودمنا جيشنا يا جيش الهنا ؟؟
هم فاضين من الانقلابات والسرقة والواظف والرتب الكذابه

[حاج علي]

#1358815 [ابو سكسك]
4.00/5 (4 صوت)

10-22-2015 04:36 PM
لو المعني بالرقم الفوق ده (794 ألف كيلومتر) مساحة، فمساحة السودان الحالي مليون و881 ألف كيلو متر مربع بعد انفصال الجنوب. والرقم الفوق المذكور اعلاه (794 ألف كيلومتر) بيمثل 42% من مساحة السودان.

لو المعني بالرقم الطول، فطول الشريط الحدودي بين السودان وإثيوبيا بعد انفصال الجنوب يساوي 725 كيلومترا فقط.

الرقم المذكور أعلاه خطأ %.
ربما المقصود 794 كيلومتر مربع (28 كيلو x 28 كيلو تقريبا)

[ابو سكسك]

#1358808 [صادميم]
4.50/5 (3 صوت)

10-22-2015 04:22 PM
لن يقول البشير شيئاً حتى و لو استولت اثيوبيا على كل السودان فهي من البلدان العديدة التي تسمح له بالدخول في اراضيها ضد حكم المحكمة الجنائية الدولية فهو تخلى عن حلايب للدخول الي مصر وارسل قواته الي اليمن حتى يستطيع الدخول الى السعودية وفتح السودان للايرانيين و الصينيين حتى يضمن دخوله اليهما وبذلك يقدم سلامته على السودان

[صادميم]

#1358801 [كاســـرو عـبدالحـمـيـد]
4.50/5 (2 صوت)

10-22-2015 04:08 PM
يجب محاكمة البشير بتهمة الخيانة العظمى وهى تجريده من كل رتبه العسكرية واعدامه رميا بالرصاس لأنه خنث بالقسم الذى اقسمه مرة فى الكلية الحربية عندما تخرج كضابط وهو ان يحمى حدود السودان من كل معتدى و خنث مرات عديدة عندما كان ينصب رئيس للجمهورية . يجب الا تسقط عنه هذه التهمة حتى ولو ترك الحكم . وايضا ضباط القوات المسلحة لحقهم العار ايضا بعدم دفاعهم عن ارض الوطن . ثم نسأل : ايهم احق بالدفاع ؟ اليمن ام السودان ؟ ثالثا : ماذا يعمل قائد القيادة الشرقية ؟ اليس من أولى مهامه الدفاع عن حدود الوطن ؟ لماذا لا يتحرك بقواته ليرد هؤلاء المعتدين ؟

[كاســـرو عـبدالحـمـيـد]

#1358784 [ابوشالايا]
5.00/5 (2 صوت)

10-22-2015 03:26 PM
الناس فى بلدي وفى مقدمتهم الكيزان يتكلمون ساي .. لانهم سودانيين ويعرفون ان السودانيين لا يفرفون من المقاييس والمكاييل والارتفاعات والأحجام الا كبير وصغير ...معقوله جدا من هذا الصحفي ان يكتب ويطبعها وينشرها 794 الف كيلو كما سمعهما من النائب المحترم دون مراجعة او انتقاد او توقف ..يعني لو قال ليهو 795 بدل 794 كان جري بيها للجريدة كما هي ..نحن الله العظيم فى امية ثقافية لا نهار لها ولا صباح ..الزول الروسي الجا قال ليهم حنطلع ليكم كم الف طن من الدهب بعد ستة شهور فرحوا بيهو فى الجرايد وجا ومضا قدام الرئيس وما معروف الله وداهو وين بعد داك ..الوزير القال صدرنا صمغ ب 6.0000.0000.000 دولار زول سالوا مافي بعد داك ..الصحفي الفالح الذي جري الى صحيفتة المحترمه بالسبق الصحفي ان والله الوزير قال 500 طفل مصابيين باليدز فى المايقوما وعيييك وعيييك
قتا لي 794 الف كيلو ....................................... عادي جدا البلد بلدكم وانتوا اسيادا

[ابوشالايا]

ردود على ابوشالايا
[قاسم] 10-23-2015 08:28 AM
اتفق معك ابو شاليا بوصفك للشعب والبر لمان نفسها من نفس الجنس .رحم الله الجدود واهلنا فيالماضي كانوا مصدر فخر لافريفيا والعالم العربي . ففي هذه الايام دائما تاتي تصنيف السودان في ستى المجالات في المؤخرة (تخلف) اما على الصعيد المحلي فحدث ولا حرج مشكلة دارفور لا يهم مواطنين ولاية الخرطوم ومشكلة الشرق لايهممواطني دارفور وكردفان ،مشكلة جبال النوبة والنيل الازرق دي مشكلة ما بهم السودان ربما يهمجنوب السودان ،مشكلة الشمال لا يهم دارفور ولا جبال النوبة والنيل الازرق .هكذا اصبح الوضع بعدان كان السودان قوي ومتماسك وكان للدولة هيبة ...الخ من الاشياء الجميلة التي لا تسع المكان لعرضها اصبحنا اشلاء تهاجمنا الاحباش من الشرق والمصريين من الغرب وقريبا ستهاجمنا التشاد اوليبيا من الغرب وربما تهتجمنا بعض الدول الافريقية من الجنوب " نعملوا بمقولة الحكاية بعيدة مني " ولاننالا نملك ادنى مهارات التنبؤ نرى هذه الامور سهلة .الله يهون ويكون في عون شعبي التعيس الذي مات لكنه مع ذلك في قيد الحياة.


#1358757 [ود المهدي]
3.50/5 (3 صوت)

10-22-2015 02:45 PM
ناس البشير ديل كان السودان اقطع حبة حبة لن يتحركوا ما مصر احتلت حلايب ماذا فعلت الحكومة وبكرة نسمع دول أخرى في الطريق لان السودان اصبح وطنا بلا وجيع اصبح زي بلاد محمدين الغاشي والماضي اشيل منها حبة قصب .

لان مسئولينا ما فاضين من جمع الأموال من المساكين والمغتربين وبلعها همهم كله الاكل والشراب وكم اصبح عندهم من أموال ؟

واليوم نسمع اثيوبيا تقطع جزء من أراض السودان والحكومة ساكتة لمتى يا بلهاء زماننا الغابر لمتى الصمت على اخذ حلايب لمتى أيها الاغبياء الجبناء ؟

[ود المهدي]

#1358730 [صلاح حسن]
3.25/5 (5 صوت)

10-22-2015 02:21 PM
((دولة إثيوبيا نحو (794) ألف كيلومتراً من أراضي السودان، )) .

(794) ألف كيلومتراً بس ؟؟
اثيوبيا تحصلت على أرض فى شرق السودان أضعاف هذا الذى قلته لكى تبنى لها ميناء دائم لها على البحر الاحمر يكون تحت إمرتها و إدارتها ..
و طبعاً حكومة الخنوع الكريمة المعطايا تشيل و توزع فى أراضى السودان شرق و غرب و شمال من دون وازع وطنى أو أخلاقى ..
قومو لثورتكم يا شباب و إقتلعو هذا النظام الخائن عديم الكرامة .

[صلاح حسن]

#1358704 [babo]
4.50/5 (3 صوت)

10-22-2015 01:40 PM
بغض النظر عن المساحة لماذا تطأطي حكومة الرخطوم الرؤوس أما حكومة أثيوبيا احترام سيادة الوطن خطوط حمراء لا يسكت عليها الاعتداء على الأرض أخطر من الاعتداء على العرض لماذا لا تدافع الحكومة عن الأراضي السودانية مهما كانت العلاقات التي يجب أن تكون علاقات احترام واعتراف بالآخر .. الحكومة لا تريد أن تفتح هذا الموضوع عند الحكومة الأثيوبية حتى لا تفتح جبهة ضدها وهذا ينطبق على تشاد ومصر الى متى سيضيع السودان ويتآكل من أطرافه في سبيل الحفاظ على الكرسي ...

[babo]

#1358701 [مواطن]
3.25/5 (3 صوت)

10-22-2015 01:38 PM
طيب يا برلماني يا محترم عاوز من حكومة المؤتمر الوطني تعمل شنو ؟
لو سمعنا انو حكومتا قاتلت يوما وردت عدوانا خارجيا على ترابها لقلنا انك لا تطلب المستحيل. ،،،

لكنك تعلم ونحن نعلم والدنيا باجمعها تعلم ،، ان حكومتنا لا تحسن الا قتل ابنائها ،،،،،

ولا تحزن ان قتلنا على ايدي الاحباش او غيرهم ،،،

[مواطن]

#1358664 [حافظ النقي]
0.00/5 (0 صوت)

10-22-2015 12:36 PM
معقول لكن ؟؟هي مساحة السودان كلها كم اذا كان كدا معناها الخرطوم الان ارض اثيوبيه ، ياناس الراكوبه احترموا عقول القراء اذا كان الخبر زي دا مفروض لاتنشروه اما ادا كان صحيح فهذ النائب اما مسطول او سكران اومحشش او مختل القل لان مساحة السودان كلها مليون وثمانمئه وخمسين الف كيلومتر

[حافظ النقي]

ردود على حافظ النقي
[جلباق] 10-22-2015 04:52 PM
أمس في قناة النيل الأزرق في برنامج نسرين سوركتي قال كرم الله العوض أن المساحة الاحتلوها الاثيوبيون 2 مليون فدان . الفدان يساوي 4200 متر مربع , أها يلا 2000000 نضربها في 4200 = 8400 كيلومتر مربع . النائب غلطان

[الجوكي] 10-22-2015 01:19 PM
ومالو لو كانت حقيقة يمكن الـ 794 هذه في شريط طولي على فكرة المسافة بين بورتسودان والخرطوم كم كيلو
لا تستعجل في الحكم على الناس

[المارد] 10-22-2015 01:04 PM
الراجل ربما قصد بالفدان و نطق خطأ كيلو متر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة