الأخبار
منوعات سودانية
الشوق في الأغنية السودانية.. حنين وتجاهل ودموع "لو مشتاق حقيقة ما بتغيب دقيقة"
الشوق في الأغنية السودانية.. حنين وتجاهل ودموع "لو مشتاق حقيقة ما بتغيب دقيقة"



10-23-2015 06:40 PM
الخرطوم - أماني شريف

من الأحاسيس القلبية الصادقة التي ينادى بها صوت القلب والعاطفة النبيلة، الشوق حليف اللوعة والآهات والحنين الدفاق، خاصة بين المحبين، وخلافات التجاهل وعدم السؤال دليل على الحب بين الطرفين، فقد يكون الشوق للأم أو الأهل أو الولد أو الوطن في ليل البعد والغربة وشوق الأهل والصحبة.
وقد اهتم شعراء الأغنية السودانية بمفردة الشوق ومشتقاتها، ووهبوها مداد حروفهم، لأجل التغني بها من قبل المطربين، وصاغ لها الملحنون ألحاناً تثير الشجون، وتحرك كوامن كل قلب يعاني ويلات الشوق.
أشواق الملامة
كثيرا ما يشتكي المحبون أشوقهم ولوعتهم أملاً في أن يداوي محبوهم ما يعتريهم من آلام الشوق والاشتياق، فيلقون باللائمة عليهم من أجل العطف والتواصل الذي يطفئ لهيب الشوق على شاكلة "كنت فاكر الشوق يجيبك والحنين" و"من لهيب الشوق ببكى ليل ونهار" و"بتقول مشتاق مشتاق مسكين الشوق لو زي شوقك أسبوع بي حالو ولا تسال يا سيدنا ولا تفكر توصل وبتقول مشتاق" و"يعني ما مشتاقه ليا ولا ماعارفة العليا ؟" و"لو تعرف اللهفة والشوق والعذاب ما كنت رحت وكنت طولت الغياب" و"أنا والأشواق في بعدك بقينا أكتر من قرايب" و"ما الشوق غلبنا وفاتنا وراك احترنا معاك واحشنا وديمة عليك سائلين سائلين" و"لو مشتاق حقيقة ما بتغيب دقيقة وما بتبخل علينا بالكلمة الرقيقة" و"لو مشتاق يا غالي تسهر في الليالي" و"لو تعرف الشوق انت يا المريود كنت مابتروح وتنساني" و"زاد طريق الشوق ليلو تنهيده" و"لو تعرف الشوق زاد لوعة للأحباب" و"يوم وراء يوم أشواقي بتزيد وانت بعيد وماسائل عني" و"سيب نيران الشوق تحرقني وأملا ليلي عليا دموع" و"الشوق شاقاي شقانا للماشقنا شاقانا" و"شلنا شوقنا رجعنا بيهو ماندمنا على السلامه" و"يا دمعة الشوق صبي حكم حبي ارعى نجم الليل" و"يا قصر الشوق لو هداك حبيبك ومره ليك صدا ببنيك بي حلاوة الريد محال أنا قصري يتهدا".
مقاييس مختلفة
قد تصل شدة الشوق بين المحبين إلى آخر درجاتها وتزداد حدتها لتبلغ درجة اللوعة والآهات وأقصى الحاجة إلى التمني بأن تتحقق اللقيا مثل: "متين تتحقق اللقيا ومتين يتكاملوا الأحباب؟" "أشواقى ليك ماليها حد" و"أبكي وأنوح من شدة الشوق العلي" و"ببكي وبنوح وبصيح للشوفتن بتريح" و"شوقي أبلغ من غنايا" و"شوقي الليكا طال" و"كنت معاهو هسا ومشتاق ليهو لسه" و"ما قدرت أو ادعك هسا ليك مشتاق بعدك الأيام قاسية مابتنطاق فاقدة أي مذاق" و"لو حسب أشواقنا ليك ماعددا" و"الشوق فاض بيا وجنني" و"شوقي قال لي مستحيل مره يتحقق مرادي ولازمني زي خلي الوفي".
وصف دقيق
أغنية (اشتياق) لمحمد الأمين تدور كلها فى هذا المنحى: "من شوفتو طولنا نهواه مازلنا نهواه رغم الجور رغم الصدود عنا" وغيرها من أغنيات الأشواق والريد والحنين "الشوق والريد والحب البان في لمسة ايد" و"وأنا المشتاق بشيلكم جوه في عيوني وبطراكم عليكم الله اطروني" و"شوق يا نغم ياعيون طربانة" و"يتاورو شوقو يلعب بيهو تنحر في حشا السكين" و"في عينيك تظهر لي دنيا دنيا شوقك فيها ظاهر" و"جينا ليك والشوق دفرنا" و"عن أشواقي أسالو" و"هدي بي يا شوقي هدي.. هدي بي قبال تعدي" و"بريدك يا حبيبي بريدك بريدك والله مشتاق ليك" و"تشتاق لي كلاما وأدبا واحتشاما" و"الشوق فى عينيا ظاهر" و"في عينيك تظهر لي دنيا دنيا شوقك فيها ظاهر

اليوم التالي


تعليقات 1 | إهداء 0 | زيارات 1259

التعليقات
#1359291 [الداندورمي .]
0.00/5 (0 صوت)

10-23-2015 11:17 PM
بكايين بكاء شديد
حنينين محنه شديده
عاطفتنا الودرت عمرنا
آآآآآآآآآآآآآآآآخ أنا من الضرس .

[الداندورمي .]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة