الأخبار
أخبار إقليمية
استقالة معتمد "الحصاحيصا" بعد "3" أشهر من تعيينه
استقالة معتمد "الحصاحيصا" بعد "3" أشهر من تعيينه



بعد أن وصله عقد عمل من السعودية
10-27-2015 11:30 PM
الراكوبة - الحصاحصيا دفع معتمد الحصاحيصا بولاية الجزيرة بابكر عبد الرازق دفع الله الخضر باستقالته لوالي الولاية محمد طاهر إيلا، بعد ثلاثة أشهر من تعيينه. في وقت كلف فيه والي ولاية الجزيرة المدير التنفيذي للمحلية محجوب سر الختم بتسيير أعباء المحلية.

وعلمت (الراكوبة) من مصادر نافذة بولاية الجزيرة أن استقالة المعتمد الذي تولى من قبل منصب عميد كلية المجتمع بجامعة الجزيرة، تعود لتعاقده مع إحدى الجامعات السعودية".


تعليقات 27 | إهداء 0 | زيارات 9196

التعليقات
#1362482 [ابو البراء]
0.00/5 (0 صوت)

10-29-2015 03:28 PM
سبحان الله شعب غريب وعجيب

الزول دا كان من منصبه دا يبني عمائر وفلل ولكنه اختار طريق الحلال و عرق الجبين

و معظم التعليقات تعارض لأجل المعارضة فقط و مجرد جعجعة فقط

لأنو لو كان الخبر وصله عرض ورفضه كان سمعنا علشان حرامي وشبعان ووووووو


شعب يستاهل يحكمو الكيزان ليوم الدين

" ان الله لا يغير ما بقوم حتى يغيرو ما بأنفسهم "

[ابو البراء]

#1362421 [المسلمي]
0.00/5 (0 صوت)

10-29-2015 01:42 PM
والله يا اخوان ربنا رحمه حتي لا يغرق في فساد يؤديه الي الهلاك هذا الرجل محظوظ هنا في السعودية لا اكل لا سرق دي بي طينة ودي بي عجينة ممكن هنا برضو يتعلم الانضباط

[المسلمي]

#1362277 [محمد نعمة]
0.00/5 (0 صوت)

10-29-2015 09:35 AM
سؤال بسيط (لكم القراءالاعزاء ): كيف خرج سعادة المعتمد اصلا الى السعوديةليتعاقد دون علم حكومة الولاية...ونفس السؤال للحيكومةالموقرة( بس مابسيط )

[محمد نعمة]

#1362114 [abodoud]
0.00/5 (0 صوت)

10-28-2015 11:13 PM
حكمةوالله
وحكايةعقبال بشة

[abodoud]

#1362053 [said ahmed]
5.00/5 (1 صوت)

10-28-2015 07:25 PM
موظف عام استقال الضجة في شنو يجي غيره يواصل علي الطلاق نحن شعب اذا ضرب الحذاء به صاح الحذاء بأئ ذنب اضرب خموم

[said ahmed]

#1362017 [ابو جلمبو]
4.00/5 (1 صوت)

10-28-2015 05:18 PM
واحد متخلف ساكي الريالات
اولاً كونك تكون شاغل وظيفة تخدم من خلالها الشعب ده براهو شي جميل, لكن الخلى عادته قلت سعادته، السوداني بطبعة اناني وبيحب نفسه

[ابو جلمبو]

#1361932 [Rebel]
5.00/5 (4 صوت)

10-28-2015 02:08 PM
* زمن "التمكين و التأصيل" كانوا بجيبوا "ناسهم" من السعوديه و الخليج, بعضهم لشغل مناصب "الصالح العام", و بعض هذه المناصب لا يرقى لمنصب "معتمد"!
* الظاهر بدأت "الرحله" العكسيه!!..حدى "احلل" الموضوع ده, استغفر الله!..حدى افسر الموضوع ده!

[Rebel]

#1361879 [محمدالمكيتبراهيم]
5.00/5 (1 صوت)

10-28-2015 12:42 PM
الاكاديميا من اشرف المهن من ناحية تعليم الاجيال او من ناحية البحث الذي قد يصل لتائج تسعد البشريةوعلى العكس السياسة في السودان (وفي غيره)اقذر مهنة وكلها فساد اوتستر على الفساد او مساهمة في الفساد وفي عهد الكيزان هذا لا يرضى بها الا واحد عينو فارغة وفوق ذلك لاتنسوا تلك الاغنية الكردفانيةالخالدة التي تقول:
ما دوامة وفي هذا العهد يمكن ان تفقد المنصب اذا اكلت اكثر من اللازم او اقل منه او اكلت وحدك ومن يأكل وحده يخنق وحده.والشيء الوحيد الداعي الى الحزن هو ان الحصاحيصا تستحق احسن من كده

[محمدالمكيتبراهيم]

#1361869 [الناهه]
4.50/5 (4 صوت)

10-28-2015 12:34 PM
اغتراب هذا المعتمد دليل جديد ان الوالي ايلا رجل نزيه وشريف وما عنده خرمجه تب
في الولايات الاخرى الاخرى لامن واحد يتعين معتمد تقام الافراح والليالي الملاح والصيوانات والزغاريد والذبائح فقد فارق هذا المعتمد الفقر الى الابد وانفتحت له كنوز الارض وخزائن الدوله ليغرف منها كيفما اراد واشتهى
لكن يبدو ان المعتمد عند الوالي ايلا مختلف عن بقية الولايات
اعتقد ان ايلا هو اصلح رجل لقيادة السودان وليس ولايه
من المؤكد ان اي فاسد مفسد عندما تذكر اسم ايلا كانه جاهو ملك الموت

[الناهه]

ردود على الناهه
[ود الشبارقة] 10-28-2015 04:49 PM
اشاطرك الراي ولكن اخي الفاضل مثل ايلا موجود ولكن تم حجبه عنا ولم يمنح الفرصة ليقدم لبلده ولاهله .. فقد حرمت الجهوية والحزبية والفئوية كثير من المواهب والامناء من تبؤء مراكز قيادية على حساب افراد مفسدين في الارض ليست لديهم خبرات ولمؤهلات كل همهم يكمل عمارته ويركب افضل المراكب ويتزوج النساء ...فكيف تريد من هذا همه ان يكافح لك الملاريا او ان ينقذ طفلا او ان يطعم جائعا ... الهم ان كان البشير يريد ان يكمل فترته وفي نيته يريد استقرار السودان وتحقيق اساسيات اهله اللهم اجري الخير على يديه وان كان يريد ان يستمر على ما هو عليه اللهم ابدلنا خيرا منه .


#1361855 [ود الشبارقة]
0.00/5 (0 صوت)

10-28-2015 12:13 PM
شكرا معتمد الحصاحيصا فهذه بادرة لم تحدث من زمن بعيد وشكرا ايلا فقد عرفت كيف تختار كادرك الامين

[ود الشبارقة]

ردود على ود الشبارقة
[Rebel] 10-28-2015 10:10 PM
* انت متأكد؟!..مش برضو جائز اكون "لهط" و شتت!!..و لا انت شايف ال3 شهور ما كفايه و كدا!..بالناسبه,ديل تكفيهم "رمشة العين"!, او اقل قليلا يا اخى!
* و يا اخى, اساتذة "جامعات هذا الزمن الهم" على قفا من يشيل! بعضهم يتجول من جامعه و كليه لأخرى طول اليوم! و لا احد منهم يحلم بمنصب "معتمد" ابدا!, ما لم يكن "كوز"!..
*و المنصب "تعاقد خاص" بمرتب لا يقل عن 10000ج. شهريا, مع السكن المجانى و الماء و الكهرباء و العلاج الكامل و العربه اللاندكروزر و الوقود و الصيانه, و فوائد بعد الخدمه و "الاكراميات" و الوجاهه و السفريات!!, لعلمك.
* و منصب "المعتمد" هذا, يا اخى, هو بدعه من بدع الزمان!.."صنع خصيصا" لفساد و نغنغة الكيزان!..لكنه فى حقيقة امره يعادل وظيفة "ضابط مجلس"-ريفى فى سابق الازمان, و يعمل تحت امرة "المحافظ", الذى صار "واليا" فى هذا الزمان!
* و من يأمن الكيزان, كالذى يأمن الشيطان!!


#1361800 [المهاجر]
0.00/5 (0 صوت)

10-28-2015 11:15 AM
وهناك معتمد اخر الان موجود بالرياض معنا

[المهاجر]

#1361787 [صوت كردفان]
0.00/5 (0 صوت)

10-28-2015 10:53 AM
با أخوان دا معتمد بخاف الله ومفروض نقول ليهو شكرا لنزاهتك والشغل ما عيب ، وهو حصل ليهو فرصة عمل بالجامعة ... ربنا يوقفه

[صوت كردفان]

#1361740 [مدحت عروة]
5.00/5 (1 صوت)

10-28-2015 09:49 AM
حاجة غريبة جدا مع انه المرتبات فى السودان احسن من دول الخليج والمعيشة ساهلة ورخاء ونغنغة فى السودان هسع فى السودان الفاق العالم اجمع وقطع فواتير القمح والبترول وعمل التصنيع الحربى والاقمار الصناعية وطيارات بدون طيار وطيارين بدون طيارات موظف الحكومة يغير سيارته كل تلاتة اربعة سنين ويقدر يبنى فيلا ويقضى اجازته خارج السودان انتو معتمد الحصاحيصا ده مالو ومال البشتنة والبهدلة فى الغربة!!!!!!!!!
كسرة:والناس قطعت هدومها وشعرها مما رأوا وسمعوا من الاانقاذ او الاسلامويين!!

[مدحت عروة]

#1361710 [أبراهيم عثمان]
0.00/5 (0 صوت)

10-28-2015 09:15 AM
هههههههههه والله ده أغرب خبر سمعتو طوال السنة دي.

معقولة زول معتمد يسيب المنصب الكبير ده ويمشي يشتغل تحت كفالة واحد سعودي؟؟ يسيب منصب دستوري في ولاية الجزيرة ويمشي يشتغل أستاذ في جامعة الدمام مثلاً؟؟

طيب كان تطلب من الطاهر إيلا يزيد ليك مرتبك شوية.

لا حول ولا قوة الا بالله.

[أبراهيم عثمان]

ردود على أبراهيم عثمان
[المنجس] 10-28-2015 11:24 AM
يا اخى ابراهيم كم يساوى راتب المعتمد لا تقول لى بلقط من هنا وهناك يعنى نفهم ان ايلا ايه يعمل ليه راتب عشرة مليون مثلآ
لاحظ انه من قبل كان عميد فى كليه فى جامعة الجزيرة يعنى سيكون اقل شى استاذافى لجامعة ثلاثة ايام عمل دوام منظر ومعروف براتب يل اخى ابراهيم ما أقل من خمسة عشر الف ريال واذا كان تخصصه فى قسم الهندسة ما اقل من عشرون الف ريال يعنى بحساب العربى حوالى (52.000) حوالى اثنين وخمسون مليون شهرى كمان لو عاوز شغاله وسائق خاص متوقر هذا العرض بالنسبة الى استاذ الجامعة ومع أجازة مدفوعة القيمه سنوى شهر مع تزاكر طيران من والى الخرطوم
هذه هى التفاصيل لماذا تضحك على الراجل وتتريق كفيل وغير كفيل


#1361709 [Lila Farah]
3.50/5 (4 صوت)

10-28-2015 09:15 AM
الانسان حيث يضع نفسه!!!!!!!!
والزول دا مااختاروهوا لوظيفة معتمد الحصاحيصا الا لأنه كادر
من كوادرهم وربما تكون استقالته لكي يلتحق بعمل في السعوديه
تمثيليه من جهاز أمن عطا تغطيه للمهمة التي كلف بها في السعوديه
أقلها اختراق السودانيين المعارضين هناك والمعرقلين عمليات اقناع
المغتربين هناك لتحويل مدخراتهم للبلد عن طريق الاختلاط بهم وربما يكون
مكلفا بمهمه استخباراتيه في السعوديه متعلقه بالتنظيم الدولي لاخوان الشواطين.

استقالته بعد 3 شهور من تعيينه معتمدا للحصاحيصا لكي يلتحق بأحد
الجامعات في السعوديه تثير تساؤلات عديده اذا علمنا ان كثير من
كوادر الارهابيين عادوا او تم استدعائهم للسودان لوظائف أقل بكثير
من وظيفة معتمد ورجعوا فورا بالفعل رغم أنهم كانوا يشغلون وظائف رفيعه
أكبر من الوظيفه الماشي ليها معتمد الحصاحيصا.

نداء وتحذير لكل ابناء وبنات بلادى من التعامل مع هذا الشخص ببساطه
أهلنا وطيبتهم .... تعاملوا معه بعد فحصه وتمحيصه ووضعه تحت الاختبار
وقت كاف قبل أن تقرروا الانفتاح عليه.... ماتبلعوا الطعم ساى ..!!!!

[Lila Farah]

ردود على Lila Farah
[MOHAMED G] 10-28-2015 12:32 PM
ههههههههههههههههههه خيالك واسع جدا


#1361656 [ٍSalah AL Deen P]
1.00/5 (1 صوت)

10-28-2015 08:32 AM
احسن ليك من دغمسة الكيزان... بس شوف ليك كفيل كويس

[ٍSalah AL Deen P]

#1361647 [keemo]
4.00/5 (3 صوت)

10-28-2015 08:24 AM
اراح واستراح.

[keemo]

#1361644 [ود المهدي]
4.00/5 (3 صوت)

10-28-2015 08:23 AM
بالله شوف معاك عقد للبشير لو امكن ذلك عاجل جدا ،


وطبعا شيء عادي ممكن بالنسبة لحكام السودان ان يخرج الواحد بإقامة مثل أي انسان ، مع العلم انه تقلد ارفع المناصب في السودان أمثال(عمر محمد الطيب ) بعد خروج بعد نميري تعاقد مثله كمثل أي سوداني والمفروض ان أصحاب المراكز الرفيعة في أي دولة يجب ان لا ينزلوا للاسفل مهما كانت الظروف وذلك عيب يا بلد.
وفيها زلة للوطن كله نائب رئيس جمهورية يشتغل بإقامة لم نر ذلك في كل العالم إلا في السودان ترى العجب العجاب .لماذا؟

وهل يتكرر ذلك في وقتنا الغابر اليوم؟

[ود المهدي]

ردود على ود المهدي
[Jimmy Cliff] 10-28-2015 12:39 PM
سبقتنى


#1361630 [عنيد..]
4.88/5 (6 صوت)

10-28-2015 08:12 AM
استاذ فى جامعه الملك سعود والراتب 30000 ريال 30000×2700=8100000
اسي المبلغ دا المحليه من الجبايه تجيبو
احسن ليهو يتفكفك بدل يقعد وياكل من قروش ستات الشاي والدرداقات
ياكل حلال 00

[عنيد..]

#1361623 [صحراوي]
3.00/5 (2 صوت)

10-28-2015 08:06 AM
الخوف إيلا زاتو يجيهو عقد عمل يفك البيرك

[صحراوي]

#1361619 [المتجهجه بسبب الانفصال]
0.00/5 (0 صوت)

10-28-2015 08:03 AM
يبدوا انك راجل فاضل فمعتمدية الحصاحيصا من اكثر المعتمديات فسادا ماليا ،،، راجعوا مقالات حسن وراق ،،،، لك التحية بابكر عبدالرازق أحسنت أن تركت المنصب ده بدري بدري قبلا طلوع الفجر لأنو ناس المؤتمر الوطني بتاعين الجزيرة ديل بالذات أسوأ ناس ما عندهم شغلة بالجزيرة حتى لو باعوها واديهم الدسائس ضد الناس الكويسين خاصة الرجرجة والكورس الذي لا يزال متابع الشريف عمر بدر وشلة المؤتمر الوطني بالمناقل،،، ربنا يوفقك في عملك الجديد ومرحبا بك دافعا للضرائب والزكوات الى ((جهاز العاملين بالخارج المتلتلين بالداخل))

[المتجهجه بسبب الانفصال]

#1361615 [هدى]
5.00/5 (1 صوت)

10-28-2015 08:00 AM
امكن يكون كوز لكن نضيف

[هدى]

ردود على هدى
[المظلوم] 10-28-2015 01:00 PM
عمر الكوز مابكون نضيف لكن ممكن تقول كوز تائب وربنا هداه


#1361613 [أبو مهند]
0.00/5 (0 صوت)

10-28-2015 07:59 AM
و الله أحسن بكتير الجماعة دول لو قعدت معاهم بقول ليك لازم تأكل و تإكل

[أبو مهند]

#1361575 [احمد]
1.00/5 (1 صوت)

10-28-2015 06:44 AM
كويس انه ما اضطر ومشي بفيزة راعي.

[احمد]

#1361574 [بسكويت]
4.25/5 (3 صوت)

10-28-2015 06:40 AM
والله اخير ليك تاكل لقمة حلال و تعمل اكاديمي و تنعم بالاستقرار و التعليم لابنائك و العلاج التمام برضو احسن ليك من الناس ديل

[بسكويت]

#1361567 [Azan Malta]
5.00/5 (1 صوت)

10-28-2015 06:29 AM
صاحب بالين كضاب هذا يدل ان هولاء البشر همهم الاول جمع المال

[Azan Malta]

#1361535 [ابو الخير]
1.50/5 (2 صوت)

10-28-2015 02:27 AM
الرجل واعي حايعمل ايه
يا امام يصبح حرامي زيهم واما يقعد مفلس
المرتبات في السودان لاتكفي لقوت يوم واحد

[ابو الخير]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة