الأخبار
أخبار إقليمية
بعد ان تداول ناشطون خبر تورطه في الفساد.. وزير الداخلية : مدير الجمارك ليس فاسدا وإحالته للتقاعد امر عادي
بعد ان تداول ناشطون خبر تورطه في الفساد.. وزير الداخلية : مدير الجمارك ليس فاسدا وإحالته للتقاعد امر عادي
 بعد ان تداول ناشطون خبر تورطه في الفساد.. وزير الداخلية : مدير الجمارك ليس فاسدا وإحالته للتقاعد امر عادي


10-28-2015 02:55 AM
الراكوبة – ام درمان نفت وزارة الداخلية ضلوع مدير الجمارك ومدير مكتبه في أي شبه فساد مالي واعتبرت إحالتهما للمعاش مؤخرًا قرارًا عادياً جاء لترتيبات إدارية فقط، وقطعت بعدم التحقيق مع أي من منسوبيها في شبهات فساد أو ثراء حرام، متهمة بعض الجهات دون أن تسميها بالسعي لتشويه صورة الشرطة.

وزير الداخلية الفريق عصمت عبد الرحمن امام البرمان إن "الإحالات للمعاش التي تمت مؤخرًا في الجمارك عادية وليس وراءها أي مشكلات فنية أو مالية وإحالة اللواء سيف الدين عادية جداً".

وكان رئيس لجنة الزراعة بالبرلمان عبد الله مسار قد طالب خلال جلسة الأمس التي قدم فيها وزير الداخلية بياناً عن الأوضاع الأمنية طالب بضرورة إصدار وزارة الداخلية بياناً تفصيلياً للشعب عن اللغط الدائر في وسائل التواصل عن إحالة مدير الجمارك للمعاش مشيرًا إلى أن الجمارك جهاز حساس يرفد الخزينة العامة بأكثر من 50% من موارد الميزانية ويحتاج الى أن تظل ثقة المواطن فيه كاملة.

وقال مدير إدارة الإعلام والعلاقات العامة بوزارة الداخلية اللواء د. هاشم علي عبد الرحيم في تصريح للصحفيين إن إحالة مدير الجمارك اللواء شرطة د. سيف الدين عمر ومدير مكتبه المقدم طارق محجوب للمعاش تعتبر إحالة عادية لافتاً إلى أن اللواء سيف مكث في رتبة اللواء فترة طويلة موضحاً أنه حتى لو وجدت مخالفات تستوجب التحقيق فإن كل ضباط الشرطة أو الضباط بالمعاش يتم التحري معهم وفق قانون الشرطة، وأضاف: "لا يوجد أي فساد في الجمارك وكل ما يدور الآن محض افتراء".


تعليقات 80 | إهداء 0 | زيارات 18948

صفحة 1 من 212>
التعليقات
#1530963 [الفهد]
0.00/5 (0 صوت)

10-11-2016 09:26 AM
الله يسهل الامور

[الفهد]

#1362646 [ابو محمد]
4.00/5 (3 صوت)

10-30-2015 01:07 AM
تبرئة وزير الداخلية لمدير الجمارك ومدير مكتبه بدزن تشكيل لجنة تحقيق يدل على أن الوزير نفسة غرقا فى الفساد الحاصل فى منظومة الجمارك

[ابو محمد]

#1362518 [ياسر عبدالله]
4.50/5 (2 صوت)

10-29-2015 05:20 PM
السيد اللواء سيف ترفع وتدرج وتسلق علي حساب واكتاف زملائه بتعاونه مع جهاز الامن سابقا في التسعينات والكتابه عنهم واحالتهم الي الصالح العام

[ياسر عبدالله]

#1362502 [كسير تلج]
4.00/5 (2 صوت)

10-29-2015 04:41 PM
القتل عمدا ...
اللواء سيف الدين عمر المدير السابق للجمارك .. أعرفه جيدا تقى نقى خلوق صدوق قليل الكلام كثير الفعال حيي للطيش (وإن كنت لا أعرف شيئا عن مدير مكتبه .. سلبا او إيجابا) ..
تناولته حملة مسعورة تستهدف الصادقين والمخلصين والرموز والقيادات من اخواننا بالاغتيال الادبى والنفسى حتى ينفض الناس من حولهم لاسقاطهم واسقاط مشروعنا (مشروعنا الذى عانى كثيرا من اخفاقات بعض أبنائه وكيد اعدائه) خاصة بعدما عجزوا عن ازاحتنا عبر البندقية والضغوط الاجنبية والمنظمات الاستخبارية والحملات الاعلامية والحصار الاقتصادى والسقوط الانتخابى عام 2010 والهروب من الاستحقاق الديمقراطى عام 2015 ..
المعركة الآن هى حملات القذف والبهتان واشانة السمعة والشائعات والاغتيال المعنوى والتدمير الأسرى لكل الرموز والقيادات عبر الاسافير ووسائط الاعلام ..
الشىء الذى يساعد على انتشار هذه الدعاوى المصنوعة والمضروبة هو صمت اجهزتنا الأمنية وعجزها عن تتبع هذه الافتراءات والاشاعات حتى الوصول لمصدرها وهو امر يسير ومتاح لمن اراد ودونكم السعودية وامساكها بصاحب الراكوبة (راكوبة المشاطات) حين قام باختلاق و تزوير و نشر معلومات مكذوبة و مضروبة عن السعودية على بعض وسائط التواصل الاجتماعى .. فكان أن تمت متابعتها حتى الوصول لمصدرها والذى لا يزال رهين الحبس والتحقيق .. فأين اجهزتنا الأمنية والمعنية من ذلك وقد صرنا نصحو على إشاعة قاتلة ونبيت على بهتان مميت ..
أين هى السلطة .. وأين هى الهيبة .. وأين هى الغيرة على القسم المغلظ بحماية أرواحنا واعراضنا ومقدساتنا المستباحة ليل نهار من عديمى الأخلاق وتجار الرزيلة الذين يسعون لاشاعة الفاحشة بين المؤمنين .. ومع ذلك لا يصدر بيان بالنفى من جهات الاختصاص ولا حتى مجرد تصحيح لتلك المعلومات المتداولة فى سوق النخاسة والاسترقاق .. ولا المضى للمحاكم لاحقاق الحق وإبطال الباطل .. الباطل الذى لا يتمدد إلا حين نسكت او نندم .
ما يحزنني ويحبطنى حقا أن دولتنا المصونة تكافئ هؤلاء الصعاليك بتعيينهم وزراء ومسؤولين وكأن شيئا لم يكن حتى صدق فينا قول الشاعر (من يهن يسهل الهوان عليه .. ما لجرح بميت إيلام) .. إن مات الدين فينا فلتكن رجالة ساكت بدلا من هذا الخنوع والخضوع .. و نحن الأعلون إن كنا مسلمين حقا ..
هذه الحالة من الضعف والسيولة واللامبالاة ما وصلناها حتى ايام حكومات ديمقراطية العدم والتشاكس والهوان ..
أخى وزير الداخلية .. لماذا لم ينطق الناطق بأسم الوزارة حول ما جرى بالجمارك .. لماذا لم يصدر بيانا او توضيحا او تصويبا او نفيا او اثباتا لما تطفح به وسائط التواصل منذ أسبوع .. لماذا الصمت حتى يستنطقك احد اخواننا بالمجلس الوطنى .. وحتى ردك عليه كان مربوكا بقولك إن إحالة مدير الجمارك عادية وتأتى وفق ترتيبات ادارية عادية .. إن كان الامر كذلك فلماذا لم تتم احالته للمعاش ضمن الكشف السنوى والذى صدر قبل شهر تقريبا .. ارى ان ردك هذا لم يكن موفقا فللناس ألباب وعقول .. وهو رد يتأذى منه اخونا اللواء سيف الدين عمر بأكثر مما يفيده بل يضعه فى دائرة اتهام هو برىء منه براءة الذئب من دم ابن يعقوب ..
كنت اتمنى عليك أن توجه اجهزتك بمتابعة مصدر الإشاعة والقبض عليه وتقديمه للمحاكمة فبراءة اخواننا او إدانتهم تأتى من المحاكم وليس من أى جهة أخرى .. فإن عجزت وزارة الداخلية عن هذا وهو من أوجب واجباتها فمن يستطيع .. وإن عجزت عن إلقاء القبض على من ينتحل صفة ناطقها الرسمى فيخرج بيانا شائها ومبتورا فمن يستطيع .. وإن عجزت عن حماية ظهر احد كوادرها المشهود له بالطهر والكفاءة والاستقامة فمن يستطيع .. وإن عجزت عن حماية سمعتها ومنسوبيها فمن يحمى سمعة شعبها وحرائره وكرائم عروضهم وأسرهم ..
إن عجزت عن فعل هذا وهو واجبها الاوجب فعليك أن ترحل أخى الوزير قبل أن يرحل كرام اخواننا بالغبن والبهتان .. وقبل ان تدهمنا فتنة تأخذ المجرم والبرىء معا .. فإن اهتزاز ثقة المواطن فى اجهزتنا الأمنية والعدلية كفيل بذهاب دولة الشهداء والمجاهدين ..
ولقد ساءنى تداول بعض كرام اخوتنا لهذه الافتراءات مما زاد المشهد غتامة وارباكا .. فلنتق الله فى اخواننا الذين نظن بأنفسنا ولا نظن بهم حتى لا تكون فتنة لا تصيبن الذين ظلموا منا خاصة .. او نكون بوقا لأعدائنا نتبنى او ننشر سمومهم وقيحهم وصديدهم عبر ميديا التواصل الاجتماعى وانتشارها الواسع وتأثيرها الخطير بتشكيلها للرأى العام والغالب ..
أخى الزبير أحمد الحسن هؤلاء اخواننا يفجعوننا فيهم صباح مساء دون أن يطرف لهم جفن .. حتى متى هذا الصمت والاستكانة ونحن الذين آلينا على أنفسنا حماية عروض الآخرين ودماؤهم وأموالهم .. ما بالنا نغتال فى عرض دارنا .. دعوا المحاكم بيننا وبين اعدائنا حماية لمشروعنا وبراءة لاخواننا .. او ........ غضبة لله ولرسوله والمؤمنين .
جعفر بانقا

أسوأ مقال انقاذي قراتة

[كسير تلج]

#1362334 [الناهه]
5.00/5 (2 صوت)

10-29-2015 11:09 AM
لو اخذنا تصريحات المقدم على محملها نجد اطفاء موضوع الفساد بهكذا اسلوب هو امر له بقدر ماهو خطير جدا الا انه يفضح حقيقة امكانية محاربة الفساد بالتالي فان الفساد منظومة ومنهج او المساس باي مفسد لانه سيجر وراءه الاخرين
اجد ان تبرير سعادة السيد وزير الداخليه غير منتج لو سلمنا جدلا بحيثياته حول اعفاء مدير الجمارك لعدم وجود شواغر لرتبة فريق وانه مكث طويلا بالمنصب فما بال المقدم الذي ما زال ينتظره ترقيات كثيره ليحال الى المعاش
للاسف الامر هكذا غير مقنع ابدا ويستوجب التعامل بشفافيه مع الامر لانى الشعب السوداني يتابع بشقف هذا الملف

[الناهه]

#1362292 [قرمبع]
2.88/5 (5 صوت)

10-29-2015 10:15 AM
استراحة محارب علي قول بشه في اللمبي ههههههههه

[قرمبع]

#1362275 [ودالبلد]
3.94/5 (5 صوت)

10-29-2015 09:31 AM
مخلصين وموردين بميناء عثمان دقنة بين مطرقة مدير التعريفة العقيد الفاتح التوم ..وسندان مدير مكافحة التهريب العقيد خالد محمد عثمان (تفتيحة) .........المذكورين يعتبرو من اكبر الموردين للبضائع بميناء دقنة بمساعدة أخوان العقيدين المذكورين... الذين يعملون مع اكبر مقاول للموردين بسوق ليبيا لا وهو محمدعلي الذي كان يوما ما متسول داخل الميناء الان من يشار عليه بالبنان في البحر الاحمر بسند وتقديم التسهيلات والاجراءات الجمركية من كشف للبضائع وتخفيض الرسوم الجمركية بتلاعب في التبنيد والتصنيف لشهادات المشبوه محمدعلي الذي وصلة به القوة بنقل كل من يقف في طريقة والامثال كتيرة ..بما ان الحثالة خالد محمد عثمان هو بطل مقالنا اليوم. المذكور منذ ان كان بشعبة التامين والانضباط .( الاستخبارات ) معروف بنشاطة القذر بتمكين توزيع كل الحرامية والمجرمين في المكاتب الحساسة بتاوات اسبوعية وشهريا مقابل تمكينهم وعدم مسألتهم في التلاعب بكشف وتقيم البضائع.. والمذكور علي علاقة مع بعض المخلصين المشهورين بتلاعبهم في كشف البضائع واعلان فواتير غير مطابقة وتقديمها لسلطات الجمارك مقابل توظيف أخوان واقارب المذكور بمبالغ مغرية حتي بلغو مابلغو من الثراء مالفت انتباه مجتمع البحر الاحمر هل يعقل خريج جديد يمتلك بيت في أرقي أحياء بورتسودان ( حي المطار) ويمتلك عربة فارهة يتجول بها مساءا ووظيفتة متابع مع المخلص المشهور بطل مسلسل القرفة الغير صالحة للاستعمال الادمي كيف تم ايقاف ضباط بسبب هذه الحادثة واحالتهم للمعاش وبراءة البطل بتدخل صافر من المقدم حينها خالد ( تفتيحة ) كيف لا يتدخل وهو رب نعمتة والممول لمشروعاتة القذرة ببناء اكبر صرحين أحدهم بالخرطوم والاخر ببورتسودان بعد تنازله رغم عن انفة عن منزله القديم لطليقتة في صفقة لانهاء عقد زواجهم الذي تنكرا له وتنصل عن التزاماتة لدخوله في حياة زوجية جديد أكثر متعة واشباع رغباتة ليواكب مرحلة الثراءة الفاحش التي طرأة عليه من المخلص احمدعلي ..وعبدالرحمن شنيبو بقعد صفقة معهم بعدم التعرض لهم من قبل مكافحة التهريب وقبض الموردين الاخرين حتي يخلو لهم السوق وهو مدير للمكافحة..لينقل الصراع والفساد داخل هذه الصرح العملاق الذي تعاقبو عليه من خيرا رجالة الجمارك..ولكن يظهر ضعف هذا الكائن القريب بعدم قدرتة بتسير العمل داخل الادارة..ليقوم بها المدير الحقيقي هو المقدم/ عوض كنة الذي انفرد بالساحة بعد نقل. المقدم/ المعز البعبع الكبير للعقيد خالد تفتيحة ..هنا عكسنا الجانب الاخلاقي المادي.. ولكن لنا لقاء بتتطرق للجانب الاخلاقي السلوكي الداعر..

[ودالبلد]

ردود على ودالبلد
[طارق حسن] 10-29-2015 04:23 PM
ود البلد رغم عدم وجود ادلة علي كلامك لكن الجو العام يجعلنا نصدق كل ما يقال نسبة لضخامة وكثرة قضايا الفساد في عهد الانقاذ والتوجه الحضاري .


#1362086 [غصمتووف]
5.00/5 (2 صوت)

10-28-2015 09:23 PM
مشكلتهم حين يتكلمون من البشير الي اتفة واحد فيهم يعتقدون ب اننا بنصدقهم ف النفي ف عرقنا هو الاثبات و س نمد اصابعنا ال20 اضافة لضيبنا ورقبتنا واي عضو داخلي اتهام صادق وباشر بدون لولوة ي سفلة يفترض تنتحر ي وزير الداخلية وليس تقديم استقالتك عندك وش الشارع هو المحكمة والقاضي والجلاد

[غصمتووف]

ردود على غصمتووف
[ودالبلد] 10-29-2015 09:34 AM
مخلصين وموردين بميناء عثمان دقنة بين مطرقة مدير التعريفة العقيد الفاتح التوم ..وسندان مدير مكافحة التهريب العقيد خالد محمد عثمان (تفتيحة) .........المذكورين يعتبرو من اكبر الموردين للبضائع بميناء دقنة بمساعدة أخوان العقيدين المذكورين... الذين يعملون مع اكبر مقاول للموردين بسوق ليبيا لا وهو محمدعلي الذي كان يوما ما متسول داخل الميناء الان من يشار عليه بالبنان في البحر الاحمر بسند وتقديم التسهيلات والاجراءات الجمركية من كشف للبضائع وتخفيض الرسوم الجمركية بتلاعب في التبنيد والتصنيف لشهادات المشبوه محمدعلي الذي وصلة به القوة بنقل كل من يقف في طريقة والامثال كتيرة ..بما ان الحثالة خالد محمد عثمان هو بطل مقالنا اليوم. المذكور منذ ان كان بشعبة التامين والانضباط .( الاستخبارات ) معروف بنشاطة القذر بتمكين توزيع كل الحرامية والمجرمين في المكاتب الحساسة بتاوات اسبوعية وشهريا مقابل تمكينهم وعدم مسألتهم في التلاعب بكشف وتقيم البضائع.. والمذكور علي علاقة مع بعض المخلصين المشهورين بتلاعبهم في كشف البضائع واعلان فواتير غير مطابقة وتقديمها لسلطات الجمارك مقابل توظيف أخوان واقارب المذكور بمبالغ مغرية حتي بلغو مابلغو من الثراء مالفت انتباه مجتمع البحر الاحمر هل يعقل خريج جديد يمتلك بيت في أرقي أحياء بورتسودان ( حي المطار) ويمتلك عربة فارهة يتجول بها مساءا ووظيفتة متابع مع المخلص المشهور بطل مسلسل القرفة الغير صالحة للاستعمال الادمي كيف تم ايقاف ضباط بسبب هذه الحادثة واحالتهم للمعاش وبراءة البطل بتدخل صافر من المقدم حينها خالد ( تفتيحة ) كيف لا يتدخل وهو رب نعمتة والممول لمشروعاتة القذرة ببناء اكبر صرحين أحدهم بالخرطوم والاخر ببورتسودان بعد تنازله رغم عن انفة عن منزله القديم لطليقتة في صفقة لانهاء عقد زواجهم الذي تنكرا له وتنصل عن التزاماتة لدخوله في حياة زوجية جديد أكثر متعة واشباع رغباتة ليواكب مرحلة الثراءة الفاحش التي طرأة عليه من المخلص احمدعلي ..وعبدالرحمن شنيبو بقعد صفقة معهم بعدم التعرض لهم من قبل مكافحة التهريب وقبض الموردين الاخرين حتي يخلو لهم السوق وهو مدير للمكافحة..لينقل الصراع والفساد داخل هذه الصرح العملاق الذي تعاقبو عليه من خيرا رجالة الجمارك..ولكن يظهر ضعف هذا الكائن القريب بعدم قدرتة بتسير العمل داخل الادارة..ليقوم بها المدير الحقيقي هو المقدم/ عوض كنة الذي انفرد بالساحة بعد نقل. المقدم/ المعز البعبع الكبير للعقيد خالد تفتيحة ..هنا عكسنا الجانب الاخلاقي المادي.. ولكن لنا لقاء بتتطرق للجانب الاخلاقي السلوكي الداعر..


#1362079 [الأزهري]
5.00/5 (3 صوت)

10-28-2015 09:04 PM
هو مدير الجمارك تابع لمنو؟ وزير المالية وللا الداخلية؟ ووزير الداخلية دا رفدوا من الجمارك وللا من الشرطة؟

[الأزهري]

#1362061 [ود العمدة]
2.91/5 (6 صوت)

10-28-2015 07:35 PM
ليس هناك محاربة فساد او محاسبة ولكن رجال مافيا حيكومة الانفاد اصبحوا مثل السمك ياكل كباره صغاره ......
قال لص منهم :
السمكة اللتي "تغلق" فمها لن يصطادها احد !
فقال له رجل :
وأذا صادوها "بشبكة" بشبش !


فانزعج اللص وقال :
((يا زول فال الله ولا فالك )) وأصبح يردد هذه العبارة مجنتراووصلنا الان انه مربوط بالجنازير في خلاوي الشيخ ....يسقي عكارة مسيخه مقري عليها ...
تبا للصوص ونهايتهم المحزنة

[ود العمدة]

#1362052 [الداندورمي.]
4.25/5 (3 صوت)

10-28-2015 07:22 PM
والله إنته يالداندورمي أبلد بليد وحيوان
مشيت هاجرته وخليت المولد ده،،،كان ما رطبته
في السودان الهامل بلد الحراميه والفساد تاني تشوف الترطيبه ويييييييين.

[الداندورمي.]

ردود على الداندورمي.
[نادر التاج أبوحموش] 10-29-2015 11:29 AM
ههههههههههههههههههههههههههههها...أيي والله صدقت..دا مولد وصاحبه غايب..لك الود آآآآآآآآآآآآآآ الداندورمي..


#1362050 [شبتاكا]
3.75/5 (4 صوت)

10-28-2015 07:04 PM
زمااااان راجت طرفه عن ناس الجمرك لما سالو حاجه بسيطه وعلى قدر حالها عن ولدها فقالت شغال عسكرى مع ناس الجمرك علا مستفيد..........والمقدم واللواء عداهم العيب هم شغالين مع ناس كبار علا مستفيدين ومدير الشرطه امد الله فى ايام خدمته فاهم قوانين اللعبه وعارف الباب اليجيب الريح احسن تسدو وتستريح وامام نواب الشعب المنتخبين وفقا لمفوضية الاصم عداها العيب اقر باحالة الضباط الى التقاعد وفقا للاجراءات الروتينيه التى يتبعها الساهرون وبالتالى ما تناقلته الاسافير ابتداءا من قزازة الكركار الدستوريه واللغط الحام حولها وادى الى التفتيش والتحقيق والطرد من الخدمة وانتهاءا يالاحالة والاعاده ثم الاحالةالماثله الان كله شغل كتامى وحزازات جوه البيت الاخوانى والشعوب اللاهثة وراء رزقها ما ماعندها دخل به والبلد مالا ما ما شيه كويس وفقا للشريعه الما مدغمسه واى زول يلهط له حاجه من الكبار الاجاويد بتشتغل معاه وفى النهايه بيتحلل.....
النائب المخضرم من جماعة دعونى الغف واعيش اظن النهره فى اجتماع وثبة الخوار دخلت عليه شويه عشان كده شات الكوره ضفارى لكن الوزير افحمه.....النائب بلع ريقه وايقن بطهارة الايادى الجمركيه وروتينية الاحالات......

[شبتاكا]

#1362035 [مندهش]
5.00/5 (2 صوت)

10-28-2015 06:13 PM
يا جماعة كلكم علقتم انو احالة اللواء ممكن نقول عادى طيب المقدم ليه و لكن يجب ان تعرفو عند الاحالة العادية تترفع و تحال للرتبة الاعلى و ذلك للتكريم يعنى مفروض اذا مافى اى شوشرة ينزل فريق لانو خدم طيب حرموهو ليه

[مندهش]

#1362034 [عمار]
4.19/5 (5 صوت)

10-28-2015 06:06 PM
لا تنسي ايها الوزير ان تدافع ايضا عن المدير السابق للجمارك امام الله سبحانه وتعالي وان تقول خذا الكلام.......الحمدلله على كل شئ الله اللهم أسالك الصبر..

[عمار]

#1362011 [ابو جلمبو]
4.75/5 (9 صوت)

10-28-2015 05:10 PM
البشير غير الاكل والهرار ما بيعمل شي
اتفه واهبل واغبى مخلوق الله اوجده

[ابو جلمبو]

ردود على ابو جلمبو
[نادر التاج أبوحموش] 10-29-2015 11:25 AM
ههههههههههههههههههههههههههههههها...ما قلت إلا الحق يا أبو جلمبو...تحياتي..


#1361994 [ابوعلي]
4.00/5 (6 صوت)

10-28-2015 04:33 PM
يااخوووانا الموضوع واضح الراجل دا ح يجر معاهو تماسيح كبااااااااااار عشان كدا قالو احسن سكتم بكتم وقفل علي كدا بلا فساااااااااد بلاوجع دمااااااااااغ لكن نحن شعب نستاهل الضرب بالجزمه طالما ساكتين علي الصيع والصعاليك دييل

[ابوعلي]

ردود على ابوعلي
[النوبي] 10-28-2015 09:44 PM
تسلم يا ابو علي،، قلت الكلام الفي محله،، نحن شعب نستاهل!!!!!


#1361979 [aakarory]
5.00/5 (5 صوت)

10-28-2015 04:04 PM
والله العظيم غالبية منسوبى الشرطة بفروعها المختلفة فى السودان هم افسد واوسخ من يمشى على وجه الارض لا يمكنك انجاز اى شئ اذا لم تدفع حتى لو سرق منك شئ لازم تدفع لكى تسترد مسروقاتك ..لو عاوز جواز لازم تدفع لو عاوز رخصة لازم تدفع ولو ولو ولو ........والله المافيا ارحم من هولاء اللصوص الذين يتسترون خلف الاسلام ومن خلفهم ائمة المساجد

[aakarory]

#1361974 [زهجان من الكيزان]
5.00/5 (4 صوت)

10-28-2015 03:47 PM
الزول مش قال انا لحمي مر ما زي الملازم غشان الله يرحمه ؟؟؟؟


اكيد ماسك ليهم في شئ ..

مليتو البلد الله لا كسبكم

[زهجان من الكيزان]

ردود على زهجان من الكيزان
[nagatabuzaid] 10-28-2015 07:24 PM
فى خبر حايم من العصر قالوا انتحر ومتكتمين على الموضوع والشرطة محاصرة المكان والله أعلم أن صحيح يكونوا أخوان البشير نحروه


#1361960 [ابراهيم]
4.50/5 (4 صوت)

10-28-2015 03:14 PM
معقولة البلد دي انتهت للدرجة دي؟
مافيها وجيع خالص. بس سرقة ونهب وكذب . ديل شنو الماسكين الحكومة دي؟ والله الحيوانات احسن منهم على الاقل بتحس. اتربوا وين وعاشو وين؟ ديل فصيلتهم شنو؟ امسك اي واحد فيهم تلقاهو حرامي وكداب ومنافق. الله يلعنكم حرقتو البلد وضيعتوها. فعلا ديل لا سودانين ولا مسلمين والله

[ابراهيم]

#1361921 [عبدالمنعم موسي]
5.00/5 (2 صوت)

10-28-2015 01:45 PM
غايتو بقينا بتاعين كلام ساكت الناس ديل ليهم 26 سنة شغالين نهب وسرقة في البلد الحصل شنو.العيب مافي الحكومة دي العيب فينا نحن لمن الشعب يصلح حاله ويغير من نفسه ربنا بيصلح الحال لكن طالما نحن قاعدين نتفرج الوضع حيظل كما هو ده كمان ماشي للاسواء.

[عبدالمنعم موسي]

#1361918 [mohamed]
4.00/5 (5 صوت)

10-28-2015 01:42 PM
قالوا ليكم شالوهو لانو مكث في رتبة لواء مدة طويله..كلام وااضح ومافيه أي دغمسة..خلونا نصدق الحكاية دي إنو الموضوع ماهو فساد..يعني هل عقدت الحكومه العزم من هنا ولي قدام بإحالة أي واحد مكث مدة طويله في موقعو ؟وهل دا حيطبق علي الكل من الذين مكثوا ربع قرن وكده ولا الحكايه مجرد مراقه بلغة الوست؟

[mohamed]

ردود على mohamed
[بنت الناظر] 10-29-2015 10:44 AM
طيب ما يحيلوا بشبش ويريحونا...

[kamal] 10-28-2015 05:53 PM
طيب لماذا احالوا المقدم للمعاش؟ لسة بدري و ما حصل رتبة عقيد، فى الامر ان واضحة


#1361917 [مغبونه]
5.00/5 (1 صوت)

10-28-2015 01:38 PM
يكونوا عاوزين يدوه منصب اعلى ولا شنو يا ربى

[مغبونه]

#1361915 [أبو أمجد]
5.00/5 (1 صوت)

10-28-2015 01:36 PM
ليس هناك دخان بلا نار !!

[أبو أمجد]

#1361902 [النبق]
4.50/5 (3 صوت)

10-28-2015 01:25 PM
مخير الله .....

[النبق]

#1361887 [حسن علي]
4.50/5 (4 صوت)

10-28-2015 12:51 PM
ها ها هااااي ، ضحكتنا يا جنابو !!!

[حسن علي]

#1361883 [Rebel]
5.00/5 (4 صوت)

10-28-2015 12:46 PM
* لا خلاص, صدقناك يا وزير "الإنخاس"..
* هذا التنبل, لا يدرى انه قد ارتكب, بهطرقته هذه, ثلاث موبقات و جرائم, إضافه لجريمته الاساسبه ك"فاسدإنخاسى": الكذب - التدليس - التستر على الجريمه!! كل ذلك مقابل "منصب زائل" لا محاله, لا يكسبه إلآ غضب الله و الناس اجمعين!!
* إشهد الله الذى لا إله غيره, ان هذا الفاسق سيلاقى ربه و فى عنقه ثلاث جرائم على اقل تقدير, مما نعرف!!..
* إنها حكمة الله..ان يمد لهم "فى طغيانهم يعمهون"!

[Rebel]

#1361878 [المظلوم]
3.75/5 (5 صوت)

10-28-2015 12:42 PM
كل البصل أصبح عفن ويجب التخلص منه كليا وزراعة بصل جديدغيرو(بتاع بصل بتكلم في السياسةعايز التغيير وخائف )

[المظلوم]

#1361858 [سوداني اصيل]
2.38/5 (8 صوت)

10-28-2015 12:17 PM
طيب عرفنا انو مدير الجمارك ده احيل للمعاش بطريقة روتينية وطبيعية لانو مكا زعم وزير الداخلية قضى فترة طويلة في الخدمة واحالتة للمعاش شئ طبيعي وروتيني دي بالرغم انها مااتهضمت لكن بلعناها، طيب المقدم مدير مكتبه ده احالوهو للمعاش ليه ،دي الماقدرنا نبلعة.....

[سوداني اصيل]

ردود على سوداني اصيل
[حسام تومابى] 10-28-2015 01:27 PM
اديك كم مليار كدة تبلعه بيها
اصلوا الراجل قال مومن نفسو تمام و الموضوع ممكن يجر وما معروف يصل وين
كل الناس بتدخل حاجتها بالمطار و محتاجة تخفيض ..........


#1361847 [منتصر]
4.50/5 (5 صوت)

10-28-2015 12:02 PM
البشير اكبر سمسار وحرامي ومن يحرسك حرامي وجهاز الشرطة عصابات منظمة ومعظمهم حبش اريتريين وجميع ضباط البحر الأحمر حبش بلد انتهت اصبحت للغريب والبشير والحرامية هم عاوزنها كده ليسهل نهبها
بالله عليكم انتم من ينصر الإسلام سؤال
سياتي يوما يقف فيه البشير واتباعه بقمصان النوم أمام المحاكم واعدامهم في الساحات العامة هم واولادهم سارقي قوت الشعب اولادهم في لندن وباريس ونيويورك شنط مليانة دولارات لشراء أدوات التجميل والشعب جائع حرامية باحترافية

[منتصر]

ردود على منتصر
[الاصلي] 10-28-2015 09:49 PM
انت ضباط البحر الاحمر ديل واجعنك وين مدخلهم في اي حاجه بي موضوع وبدون موضوع الموضوع عنصرية ساكت ولاهم حراميه ذي قرايبك ..... الشافع في البلد دي عارف الحراميه من وين .عشان كده علق في الموضوع وماتبدا موضوع ماتقدر تتموا .


#1361843 [قرمبع]
3.88/5 (8 صوت)

10-28-2015 12:00 PM
ارجو من الراكوبه تفعيل (تعابير الوجه او الاسمايليز) زي بتاعة الواتساب لأنو نحنا خلاص فترنا من الكتابه و زي الخبر المفاجيء الصادم ده مفروض الواحد يعلق بوش زول خاتي ايدينو في راسو.

[قرمبع]

#1361834 [مستغرب]
4.75/5 (4 صوت)

10-28-2015 11:53 AM
ارجوا ان تكتبوا كلام دون حق اولا عبدالخفيظ نائب سيف نعم ابن خالته لكن في العمل مختلفين. ما تظلموا الرجل الشئ الاخر بموجب الائحة بيعين مدير ولان هو مكلف ويستحق ان يعين مديرا عام هو ادري بالجمارك من الشرطة.وادخل بهذة الطريقه سوف تضيع الجمارك.هم بنفسهم بيدمروا المؤسسات بتعيين مدراء ليس خبرة ولاعلاقه بالمؤسسه.

[مستغرب]

#1361831 [اكشفوهم]
3.88/5 (12 صوت)

10-28-2015 11:49 AM
عشان الناس تجيب من الآخر
الفساد ال فى السودان ال هسى ده .. هو فساد (منظومه كامله) .. ويخص كل المنظومة .. ولا يمكن الخلاص منه الا بالخلاص من (كل المنظومة) ..
اى شخص بيفتكر غير كده يبقى بيحلم ..

[اكشفوهم]

#1361828 [خالد]
4.75/5 (7 صوت)

10-28-2015 11:49 AM
فساد والسرقة والنهب اسلوب دولة اسلوب حكم حكومة الكيزان باسم الدين

الفساد اصبح تحمية الدولة لان الدولة فاسدة اصحواااا
من من النافذين قدم للمحاكمة ابتداء من وزير العدل ووزير الدفاع وزير الزارعة المتعافي والتقاوى الفاسدة وافشال الموسم الزراعي واخيرا والي الخرطوم ومدير مكتبة ووووووو الم اقل انه اصبح اسلوب حكم للدولة

[خالد]

#1361825 [جرافي]
4.50/5 (5 صوت)

10-28-2015 11:44 AM
والله ياوزير الداخليه اقنعت نفسك بانك غشيت علي الشعب المسكين .. ياخ حاولو ارتقوا بكذبكم اكتر وحاولوا طورو اكاذيبكم شويه خلوها تتماشي مع العصر لو طفل صغير قالو ليه الكلام ده ما بصدق قول اللواء اخد معاش ومظلوم المقدم مالو لسه بقدر يعطي مدنو معاش لشنو… الفضائح جايه بالمستندات وما بتقدرو تغطوها بي كلام ساي ششوفوا حاجه تانيه ..الله ياخد لينا حقنا منكم بس وهو القادر علي ذلك

[جرافي]

#1361824 [husseinmusa]
3.75/5 (8 صوت)

10-28-2015 11:44 AM
إنتوا ياناس فهمكم بقي تقيل كدا مالوا...طيب عشان نوقع ليكم الكلام تاني..الناس ديل بقولوا ليكم البلد دي نحن ورثناها وبقت حقتنا ..الأمواال الفيها دي الليلتنا ..وكل شئ فيها حقنا ..أمشوا ياحساد يامقطعين ياجعانيين شوفوا ليكم شغلة ...ولو إنتو أرجل ممننا كدي قربوا...والزارعنا غير الله اللجي يقلعنا...فهمتوا ياأغبيا وله لسع.. تاني ماحا نعيد ونكرر...نوموا نومكم...

[husseinmusa]

#1361823 [الحق ابلج]
3.63/5 (5 صوت)

10-28-2015 11:44 AM
رجعوا هذا الرجل النزيه الى عمله فورا وماتنسو تقطعو ايد الحرامى الخطير السرق اثاثات البيت !!!

[الحق ابلج]

#1361820 [مدحت عروة]
4.25/5 (5 صوت)

10-28-2015 11:40 AM
يا جماعة الكلام الكتير فى شنو؟؟؟
ناس استلموا السلطة بالبندقية فى 30/6/1989 !!!!
وتمكنوا من كل شىء ادارى او مالى!!!!
ومافى زول يقدر يحاسبهم بس هم بيحاسبوا انفسهم براهم وبطريقتهم !!!
واصبحت هناك شبكة من الفساد منظمة جدا!!!!
الحكاية ما دايرة ليها درس عصر!!!!
اى مسؤول جاء بعد الانقاذ كان عنده شنو وهل هو وارث وكم ماهيته او دخله والناس تشوف ممتلكاته بعد التمكين وقبل التمكين الخ الخ الخ!!!!
سيدنا عمر بن الخطاب قال لاحد الولاة ابت الدنانير الا ان تطل براسها لما راى فيه من جاه ونغنغة وهو كان يعرف حاله قبل تولى الولاية فمعطه معيط وارجع الاموال لبيت مال المسلمين وكذلك تعرفون قصته مع جمال ولده عبد الله التقى النقى!
لكن منو القال ليكم انه ناس الانقاذ ديل او الحركة الاسلاموية الواطية القذرة ان الرسول او الصحابة قدوتهم ديل لا لامين فى اخلاق الرسول والصحابة ولا اخلاق الانظمة الديمقراطية الغربية انظمة المؤسسات والحريات وسيادة القانون والدستور والرقابة والمحاسبة !!!
عشان كده ما تستغربوا لاى حاجة يعملوها باسم الدين والدين منهم براء!!!

[مدحت عروة]

#1361819 [الناهه]
3.50/5 (4 صوت)

10-28-2015 11:39 AM
الموضوع طلع ما فساد ولا حاجه
مجرد تجاوزات شخصيه بسيطه واحاله للتقاعد
هؤلاء لايمكن محاكمه اي منهم على فسادفي الوقت الحالي وعلى الشعب السوداني ادخار محاكمتهم حتى اليوم الموعود وشاهد ومشهود هذا ان لم تسبق كلمة الله ويحكم عليهم لانه يمهل ولا يهمل
لا شئ يقال غير حسبنا الله ونعم الوكيل
موضوع عادي وطبيعي طلع
يعني كنا متوقعين غير ذلك
هل تممحاكمة فاسد واحد من قبل؟

[الناهه]

#1361815 [مستغرب]
3.75/5 (4 صوت)

10-28-2015 11:36 AM
ياوزير استحي علي كلامك ما تخليني اسئ ليك انتم وزارة الداخلية وراء كل الفوضي معاك مديرعام الشرطة فجاءه نقل مدير المكافحة وجاب لواء من الشرطة هذة بداية ونسي ان الجمارك ذيها زي جهاز الامن والمخابرات تذكروا لما الصادق المهدي تحدث عن جهاز الامن ارغموا بالاعتذار بل الجمارك بها مصالح الدوله كلها حماية المخدرات والاسلحه وامن المعلومات لما تقوم الدوله بنفسها بحرق ومسح كل عمل الجمارك في الفترات السابقة؟ انما يدل علي هاشم يريد ان يدمر اقتصاد البلد ووزير الماليه كان الامر لابعنيه.صراع كراسي لماذا الداخلية لم تحقق ولاتعطي فرصة للجمارك لتحيق مع منسوبيها لكن الداخليه تجرح وتداوي.لاوزير الماليه ولا الرئيس يريد ان يتدخل بيفتكران الامر بسيط ممكن هذا يدمر الاقتصاد والبلد.حقيقة الضرب في الميت لايقيد.

[مستغرب]

#1361796 [بابكر]
4.50/5 (3 صوت)

10-28-2015 11:08 AM
الكثير من الناس لايعرفون الكيفية التى تفكر بها الجاعة الحاكمة للبلد . انهم يستندون على راى فقهى بان المال العام فيه شبهة الملك . اى ان المواطن مالك فيه و بالتالى يمكنه التصرف فيه و لايتعرض للمحاسبة . هل تذكرون قضية محاسب مدرسة وادى سيدنا الثانوية ايام النميرى حينما احتج بعض علماء اخر الزمان على قطع يده ؟ و و هذا هو .سبب صمت المسئولين فى مايتعلق بالفساد المالى و عدم جديتهم فى محاسبة سارقى المال العام . و اذا كانت المسالة مسالة اراء فقهية ، فالمالكية و الظاهرية يرون محاسبة سارق المال العام و قطع يده . هكذا يا سادة تحكم بلادكم ، و لاحول و لاقوة الا بالله

[بابكر]

#1361775 [الـــســـــيــــف الـــبـــتـــار]
5.00/5 (4 صوت)

10-28-2015 10:34 AM
الاحالة الى النعاش بموجب النظام و قانون العمل يجب أن يكون هنا كمتسع من الوقت من أجل انهاء اجراءات التسليم و التسلم و باشعار من جهات الاختصاص قبل ثلاثة أشهر من تنفيذ القرار الصادر و ممهورا بتوقيع رأس النظام و وزير الداخليه ؟
تم اصدار قرار الاعفاء او الاقالة و نشره على الصحف و التلفاز فى خلال ساعات من توقيعه ؟
هذا يقودنا الى الشك و الظنون حول الاسباب التى أدت الى هذه الاقالة و التنفيذ الفورى و تبع ذلك مدير مكتبه الخاص ؟
مهما ذكرت من تبريرات لاتخاذ مثل هذا القرار و ما صاحبه من لغط و حديق ملىء سماء السودان و الاتهامات التى تصب فى أن مدير الجمارك سارق للمال العام حقيقه لا تخفى على أحد و نراهل فى الكثير من اصحاب المراكز العليا فى الدولة و من هم أقل درجة فى الترتيب الوظيفى و لكن لصلة القربى و العلائق الاسريه للمتنفذين ضؤ أخضر للصعود الى القمه و الثراء الحرام و الاغتناء بين يوم و ليلة و يكون من الرأس المالية الطفيلية ؟
لم يقدم الى مجلس محاسبى و بعد أجراء التحقيق يحال الى القضاء و محكمة الثراء الحرام ليتحلل او يتبلل او يتدمر ؟
ولكن للرجل أيادى فى الحزب و القصر و هناك شركاء له فى الجرم الذى كان سببا فى اقالته بعد أن فاحت رائحته و للتستر عليه و على الاخرين تمت الاقاله على عجل و لديه من المستندات ما يورط الكثير من الاطراف المخفيه و تتقلد مناصب عليا فى وزارة التجارة و الداخليه و الماليه ؟
و من المرجح أن يكون لال البيت نصيب مما اغترفوا من مال سائب و دخول عربات و شحنات بدون رسوم جمركية و غسيل أموال او تهريب اموال الى الداخل او الى خارج الوطن ؟
من يقال يجب أن يحاسب و الا نكون دولة بدون قانون و لا راعى و لا دستور ؟
و فة هذا النظام سنسمع الكثير و نرى العجب العجيب و الله يعينننا على بلوانا و يصبرنا على أخوان الشواطين و مكرهم .

[الـــســـــيــــف الـــبـــتـــار]

#1361773 [عماد الغبشاوي]
4.00/5 (6 صوت)

10-28-2015 10:31 AM
الراجل كلامه واضح انا ح اورط معاي رؤوس كبيرة لذلك كان لابد من وجود مخرج له .... طيب سلمنا برد الوزير السوداني للداخلية ... مدير المكتب مسكين الو احالوهو للتقاعد

[عماد الغبشاوي]

#1361771 [fatmon]
5.00/5 (4 صوت)

10-28-2015 10:30 AM
الزول ده كلموه من فوق لو ما قال كده يا جماعة معناه هو ذاته سيحال بكرة ده أمر قالوا ليه طلع بيان برئ الجماعة ديل وإلا ست الحسن والجمال دي لو واحد جاب سيرة سند الخيرية وما أدراك ما تبع سند الخيرية هي تطلع الخبايا كلها المرأة دي العارفه كتير عشان كده بسرعة بيان طلع فيه البراءة للجماعة ديل عشان المره دي ما تفضحنا لسانها خفيف وساذجة ما بتعرف حتنزل المواضيع كلها زي الماسورة حقت الزمان الكان فيها موية ما مواسير حسه حريصات وبطلعوا الموية بطلوع الروح

[fatmon]

#1361761 [هيثم كوة]
5.00/5 (4 صوت)

10-28-2015 10:18 AM
ضابط الشرطة في السودان او ناس الشرطة كلهم من جنود وضابط كلهم حرامية ولصوص وتجار بشر في جميع حدود السودان وبتاعن قلع في داخل المدن ..الحرامي يتم القبض عليه ولا يتم محاكمته لان معاه الضابط الفلاني او زاتو في الشرطة وعندو طبنجة مرخصة يستخدمه في القلع وتهديد الناس والمشكلة الاكبر ان الحرامي يقول ان المسروق يتم تقسيمه بينهم مع الضباط..في هزا البلد كل الضباط الكبار من شرطة وجيش حرامية ونصابين وفاسدين وتجار بشر ويكسبون اموال طائلة خاصة من الاتجار في البشر

[هيثم كوة]

#1361753 [البروف]
5.00/5 (3 صوت)

10-28-2015 10:08 AM
ياناس
شوفو شقلة غير السرقة
لان السودان اصبح الان اكثر الدول فسادا فى كل المجالات
واى فساد يخطر ببالك موجود بالسودان
هذا مازرعتة ( المؤتمر الوطنى )
اللواء سيف اوحيل للتقاعد
ما زنب مدير مكتبة
وشكرا

[البروف]

ردود على البروف
[pronil] 10-28-2015 04:49 PM
ماشاء الله عليك يابروف


#1361748 [مبارك]
3.00/5 (3 صوت)

10-28-2015 10:04 AM
وهل يصلح بيان وزير الداخلية ما اثبتته البراهين واﻷدلة الدامغة وهل يصدق اى مواطن اى تبرير يصدر من جهة رسمية بعد التراكمات التى طفحت على السطح سنين عدجا عن الفساد واﻻختلاسات والتعدى على المال العام دون وازع او ضمير وبشهادة المراجع العام التابع للدولة وثالثة اﻻسافى ما عرف بالتحلل ..اقول لوزير الداخلية دخول الحمام ليس كالخروج منه بلا مؤاخذة وانا اقول بلا مراخذة تأدبا رغم ان اﻻدب اصبح ﻻ محل له مع الناس الما تختشيش دى وواقعة لهط ولغف وخم فى المال العام ناسين ان امير المؤمتين كان لما ينتهى الشأن العام يطفئ مصباح الدولة ويوقد مصباحه الخاص لشأنه الخاص اللهم احصهم عددا واقتلهم بددا

[مبارك]

#1361747 [عشا البايتات]
3.75/5 (5 صوت)

10-28-2015 09:59 AM
ماهو راي الشعب في الكلام دا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عشا البايتات]

#1361742 [ABU ALI ALI]
4.00/5 (6 صوت)

10-28-2015 09:56 AM
الراجل ماسك عليهم شوية عفن كلهم استوردوا سيارات ومعدات بدون جمارك والمستندات عندة لذلك هو معهم في مركب واحد والبادي اظلم

[ABU ALI ALI]

ردود على ABU ALI ALI
[ابومحمد] 10-28-2015 08:00 PM
الملاحظ انحرامية المال العام في السودان .بقوا يجاهروا بفسادهم بدون خوف من العقاب.تلقاه يبني في العمارت والشركات والمليارات في حسابه. وهو راتبه ما يبنى ليه اوضه.لانهم اذكياء يورط معاه عدد من المسئوليين الكبار او من ناس آل البش... وديل سعرانين سهل توريطهم.وبيكده ضمن ضهره والراجل يحاكمنى..عرفتو اللعبة ...!!!


#1361741 [هيثم عيون]
5.00/5 (2 صوت)

10-28-2015 09:51 AM
السودان اكبر بلد من ناحية فساد المسؤولين خاصة ضابط الشرطة .وكل ضابط شرطة له جيش من الفاسدين والمجرمين يعملون معه .والمشكلة الاكبر لديه اسحلة مرخصة يستعملونه في تحديد وترهيب المواطنين في السرقة والقلع ولا يتم محاكمتهم .ازا تم قبض الحرامي في السودان متلبساً لا يتم محاكمته لانه يعمل مع ضابط شرطة وبتم تقسيم المسروق معه. ..في السودان لا شىطة ولا جيش كلهم حرامية يستقلون نفوزهم في تجارة البشر في كل حدود السودان والسرقة والقلع في كل مدن السودان الله لا بارك فيهم .

[هيثم عيون]

#1361728 [Lila Farah]
4.50/5 (3 صوت)

10-28-2015 09:38 AM
نقر ونعترف انو انحنا الفاسدين واتو ابدا مافاسدين !!!!!!
ابجاعوره قال العندو دليل او بينه او مستند يجيبوا ونحن نتصرف !!!!
نفس الكلام قالوا اللنبي ابرياله قبل حوالي اسبوعين في مؤتمر صحفي لما
جابوا ليو سيرة فضيحه الوالي الخضر الحرامي الباع كل الحتات .!!!!!!!
وقبل فتره فضحوا وكيل وزارة العدل عصام الحرامي في عدد مقدر من قطع الاراضي
في اماكن مميزه ودافع عن نفسو بانو اشتراها من حر ماله علما بأنها كام وتلاتين
قطعه ... كل ده من حر ماله ....تخيلوا !!!! والا ماتتخيلو أحسن ليكم .!!!!!

لاحظو ان كل الحراميه كبار ومافي زول هبشهم لااتحاكموا لا دخلوا سجن
لكن تعالوا شوفوا لو زولا مسكين سرق ليو ملاية بتاعة سرير من قسوة الجوع
تعالوا شوفوا بعملو فوقو شنو ..!!!!!
ِ
طيب ايه رأيك ياوزير الداخليه انو فساد مدير عام الجمارك بالاشتراك مع
مدير مكتبه موثق وبالمستندات وسيتم نشره لفضحكم بس عشان الشعب يعرف أكتر
رغم انو الفضايح مابتهمكم كتير .!!!!!!

اللهم أرني فيهم عجائب قدرتك ياحق ياحكم ياعدل .!!!!

[Lila Farah]

#1361720 [Jackssa]
4.00/5 (3 صوت)

10-28-2015 09:28 AM
... عادي وذى الذبادي ... ويش جرى يعني شوية مليارات تعمل الجوطه دي كلها كلام والله الراجل عمره كله يورد ليكم في الدولارات واليورو والريالات والدراهم ونصف الميزانية 50% من توريداته عايزين تشوه سمعته في شوية مليارات محوشها لي عمره وولداته عايزين تمسخوها ليهوه والله كلام .. عالم حاســــده !!!!

[Jackssa]

#1361719 [جرية]
5.00/5 (1 صوت)

10-28-2015 09:27 AM
الشرطة معروف في تاريخها هي بتاع رشاوي ولكن الجديد أنو الكيزان أضافوا ليها باب أكل المال العام ويغلفوا ذلك بالنفي القاطع أنو ما حاصل.

[جرية]

#1361697 [ممغوص]
5.00/5 (1 صوت)

10-28-2015 08:59 AM
الجماعة لاوزوا دايرين يقتلوا الموضوع

[ممغوص]

#1361696 [ashshafokhallo]
3.75/5 (3 صوت)

10-28-2015 08:58 AM
يا جماعه ماهيه مدير الجمارك الرسميه كم؟ دارا ضروري

[ashshafokhallo]

#1361692 [الفطقي]
5.00/5 (3 صوت)

10-28-2015 08:56 AM
والله قنبورنا من شدة ما بتجرووووه كتير لمان قرب ينقلع ويريحنا ويريحكم .. تفوووووووووووووووووو تفوووووووووووووو

[الفطقي]

#1361680 [بابكر]
3.75/5 (4 صوت)

10-28-2015 08:46 AM
لو سلمنا جدلا بان احالة اللواء اجراء عادى ، فماذنب مدير مكتبهالمقدم .؟ قطعا وراء الاكمة ما وراها. لسنا بمثل هذه السذاجة

[بابكر]

#1361673 [ابوكدوك]
4.50/5 (3 صوت)

10-28-2015 08:44 AM
غريبه !!!

احتمال تكون دى الكاميرا الخفيه ونحن صدقنا ياربى !!؟ .

[ابوكدوك]

#1361657 [سامي]
4.50/5 (4 صوت)

10-28-2015 08:32 AM
وتذكر : أن الله شاهد على ما تقول.
فالي الله مرجعكم وإليه تردون.
وإن تلك الشهادة معلقة في رقبتك إلى يوم القيامة.

[سامي]

ردود على سامي
[المغبون] 10-28-2015 10:52 AM
من كتر اللى اتعلق فى رقابهم صاروا لايحسون به دى عالم منتهيه بايعه دينها بدنياها ما فيهم امل ينصلحوا ابدا يعوضنا ربنا فى كل ما ينهب مننا .


#1361650 [Kudu]
3.50/5 (5 صوت)

10-28-2015 08:29 AM
لو مافيه شق ما قال طق..

[Kudu]

#1361646 [Moftery]
3.00/5 (2 صوت)

10-28-2015 08:23 AM
وكل ما يدور الآن محض افتراء...........????????????

[Moftery]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة