الأخبار
أخبار إقليمية
خبير : (حدودنا تؤخذ مننا حمرة عين)
خبير : (حدودنا تؤخذ مننا حمرة عين)
 خبير  : (حدودنا تؤخذ مننا حمرة عين)


10-29-2015 03:43 PM
الخرطوم: عبد الرحمن
وجه خبراء سياسيون انتقادات لاذعة للدولة، وحملوها مسؤولية تعدي بعض دول الجوار على الحدود، وقالوا «حدودنا بتؤخذ مننا حمرة عين وما قادرين نعمل حاجة»، وشددوا على ضرورة حسم المشاكل الحدودية والاهتمام بها.
وطالب المحلل السياسي بروفيسور حسن الساعوري في منتدى عن مشكلات الحدود أمس الرأي العام بالدفع بالحكومة لتتحرك لأخذ حقوقها، وقال «عندنا حق شايلنو مننا حمرة عين وما قادرين نعمل حاجة»، وقطع بامتلاك الحكومة وثائق تثبت سودانية حلايب، وأبدى استغرابه من صمتها على التعدي المصري عليها، وقال على الحكومة عند لقاء السيسي أول محور تتحدث عنه حلايب. وأضاف الحكومة قدمت شكوى في مجلس الأمن والجامعة العربية في قضية حلايب ولكنها «نائمة» ولا تتابعها.

الانتباهة


تعليقات 6 | إهداء 0 | زيارات 2068

التعليقات
#1362654 [عدو الكيزان وتنابلة السلطان]
0.00/5 (0 صوت)

10-30-2015 02:44 AM
بسبب صمت حكومة البشير، وتقاعسها عن واجب حماية الحدود، أثيوبيا أيضا تجرأت وإحتلت أراضي سودانية، خلاص السودان في زمن الكيزان بقى ملطشة، وبكرة نسمع تشاد أيضا إحتلت أراضي سودانية، ألحقوا بلدكم .

[عدو الكيزان وتنابلة السلطان]

#1362593 [أبراهيم عثمان]
4.00/5 (3 صوت)

10-29-2015 09:53 PM
ياخوانا أمشو شوفو حلايب دي سودانية ولا مصرية؟؟ شوفو دايرة ليها تأشيرة من مصر ولا لأ؟؟

حلايب ما محتلة ولا حاجة يا ناس.
هي فيها نزاااااع سياسي.. بس.
وفيها سودانيين ومصريين عايشين تمام التمام.
وفيها مسؤول معتمد تابع لولاية البحر الاحمر.
وفيها ميزانية بتطلع من الخرطوم وميزانية بتطلع من القاهرة.
يعني خلافات سياسية بين البلدين وحتتحل في يوم من الايام بدون حرب وجوطة.

أنا عندي صديقي في بورتسودان مشي حلايب دي قبل كده وقال لي دخلت عادي وقعدت فيها يوم وليلة عادي وسلمت علي سودانيين ومصريين عادي وشفت عساكر سودانيين ومصريين لكن الدنيا هادئة ومافي أي مشاكل والناس متعايشين مع بعض.

سبحان الله.
أنتو دايرين المصريين يحتلوها بالعافية يعني؟

ملحوظة:
أقرأو في الوكيبيديا الموسوعة الحرة عن حلايب حتعرفوا انها مشكلة قائمة من الاربعينيات بسبب الاحتلال البريطاني ومافي حكومة سودانية أو مصرية قدرت تحسم الجدل حول حلايب دي.. هسع البشير والسيسي إتفقوا أنو حلايب تكون منطقة تكامل بين البلدين يعني تكون ذي المنطقة الحرة للشعبيين بدل الجدل العقيم الليهو 100 سنة ده.

سيبوا حلايب في حالها يا ناس وشوفوا أهلنا السودانيين الفي الصورة ديل مبسوطين كيف هسع وكأنهم بيقولو لناس العواصم في الخرطوم والقاهرة ما دايرنكم تتاجروا في قضيتنا وتولعوها لينا ساي.

[أبراهيم عثمان]

ردود على أبراهيم عثمان
[Amaar] 10-30-2015 05:09 PM
الحمدلله هم فرحانين بس المحير هم شايلين اعلام مصرية وصورة السوسي ليه!!!!!!؟؟؟؟؟

[تأشيرة خروج] 10-30-2015 11:31 AM
الله يخيبك


#1362582 [غصمتووف]
0.00/5 (0 صوت)

10-29-2015 09:24 PM
قبل استرداد حلايب حربا او سلما يجب النظر ف امر هؤلاء الذين يحملون السيسي صور ق ملابسة القذرة وف قلوبهم يجب طردهم شمالا وراء الحدود ف مهم كانت الضفوط والحوجة لن ابيع اهلي وجزوري وهويتي ف المغفلين لا يساونهم مع بقايا الشعوب انهم سيعاملون ك البدون ف الخليج الفلاشا ف اسرائيل افضل حالا منهم انهم ترلات ف شاحنة دبل بط
انا لا اريد ان اتطرق لراس القطيع غير اقول علية دين يجب سداده تسليم نفسة لهم او اترك لنا حلايب فقضية اغتيال مبارك ابتزاز سياسي رخيص من جيران سوء يمارسة النظامان مرسي والسيسي و علي مر القرون ماضيا وحاضرا ومستقبلا والقادم المجهول

[غصمتووف]

ردود على غصمتووف
[باكاش] 10-30-2015 05:34 PM
ملابسو انضف منك وعرقو انضف منك ..
اكتر من 200سنة المصريين مستاثرين ب
حصة البلدين والشرق والغرب مضحين وانتو
عاملين فيها رايحين.. صحي انتو بتقدرو
تقولوا للعرب لا ؟منعول ابوكي بلد بكلامك
دا مش حنحرر حلايب حنحرر السودان من الزيك دا.


#1362539 [غصمتووف]
0.00/5 (0 صوت)

10-29-2015 06:53 PM
قبل استرداد حلايب حربا او سلما يجب النظر ف امر هؤلاء الذين يحملون السيسي صور ق ملابسة القذرة وف قلوبهم يجب طردهم شمالا وراء الحدود ف مهم كانت الضفوط والحوجة لن ابيع اهلي وجزوري وهويتي ف المغفلين لا يساونهم مع بقايا الشعوب انهم سيعاملون ك البدون ف الخليج الفلاشا ف اسرائيل افضل حالا منهم انهم ترلات ف شاحنة دبل بط

[غصمتووف]

#1362507 [SESE]
0.00/5 (0 صوت)

10-29-2015 04:54 PM
البشير ذهب الى مصر وقام يلعلع في مسألة حلايب وانها سودانية وعلى اثر ذلك قام رسام الكاركتير المصري عمل ليه كاريكاتير جاب فيه يد امريكية قامت بسلب سرواله المكتوب عليه جنوب السودان والى الآن لم نسمع برد على ذلك الكاركاتير المهين المشين, على الاقل, من اعلام الحكومة فكيف لمن عجز عن الرد بالكلام ان يرد بفعل الرجال.....

قالوا (المحرش ما بكاتل) فاذا قامت هذه الحكومة بدافع التحريش وحاولت القتال ضد اي دولة لاسترداد الاراضي المقتطعة فالمؤكد انها ستفقد المزيد من الاراضي واحسن تخلوها كدا.....

[SESE]

#1362506 [قرمبع]
0.00/5 (0 صوت)

10-29-2015 04:53 PM
و الله شوفو المسأله في الأساس ما رجاله و لا شي و لو علي الرجاله الجيش السوداني (و بقصد جيش ما قبل الانقاذ) ما اتعرف لا بجبن لا هروب لا جاب لينا بليه زي ما قالو.
المسأله بتاعة الحدود و ما فيها انو واحد غبي اسمو عمر البشير لاقي واحد استغلالي اسمو حسني مبارك. نظام البشير نفذ بقيادة نافع الما نافع اتفه و ازرط و افشل عملية اغتيال في التاريخ و كأنهم ماشين ينيشو ود ابرق.
المهم العمليه فشلت و مبارك كشفها. و هو طبعا مصري شفت مفتح و ود سوق فقام عمل تسويه بنت ستين جزمه كان تمنها حلايب مقابل صمتو و عدم فتح قضيه دوليه ضد النظام.
المضحك في الموضوع انو الحكومه الليله لحدي رئيسها غرقت في اتهامات المحكمه الدوليه بعد ما بطلو استهداف الرؤساء و قبلو علي مواطنيهم يعني ما مفروض يكون فارق معاهم تحريك المصريين للقضيه. لكن اذا عرف السبب بطل العجب... الجيش السوداني خلااااااااص دخلو السوس و ضرب عليهو العدو... بقي كلو كروش و استثمارات و عمارات و صيدليات و كلام فاضي... سابو شغلهم و دقشو السوق مع خلق الله عشان كده ما قادرين يرجعو حلايب... و ده السبب الرئيسي لتجرؤ الاحباش علي الفشقه يعني ما عندهم اي تسويات زي المصريين انما لقو البلد ما فيها ديش و الطمنهم اكتر و قوي عينهم ضربات اسرائيل اللي بدت من البحر مرورا ببورتسودان ليـــــــــــــــــــــــــــــــــــــــــــلــخرطوم محل الديش بنوم و ما سمعو بغم... اللهم شافو الرياله طايره في السما و عرفو القبه ما فيها فكي!!

[قرمبع]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة