الأخبار
أخبار إقليمية
أوامر بالقبض على مديري قناتي «النيل الأزرق» و «قوون»
أوامر بالقبض على مديري قناتي «النيل الأزرق» و «قوون»
أوامر بالقبض على مديري قناتي «النيل الأزرق» و «قوون»


10-30-2015 08:27 PM
الخرطوم: ابتهاج العريفي :
أصدرت نيابة حماية المستهلك أمراً بالقبض على مديري قناتي قوون والنيل الأزرق ومدير شركة النيل للأعشاب، على خلفية بث القناتين المذكورتين لإعلانات وحلقات مباشرة تبث لصالح شركة النيل للأعشاب. علماً بأنه تم إغلاق الشركة بواسطة النيابة. وقال مدير إدارة المؤسسات العلاجية الخاصة بوزارة الصحة ولاية الخرطوم د.عباس فوراوي في تصريحات صحفية أمس، إن قناتي قوون والنيل الأزرق مازالتا تقدمان مواد أعلانية وحلقات مباشرة تفاعلية حول منتجات الشركة للجمهور، و مستمرة بشكل يومي، مع العلم أن النيابة وإدارة المؤسسات العلاجية الخاصة أصدرتا أمراً بإيقاف بث أي مواد إعلامية مضللة دون إذن و ترخيص من وزارة الصحة بالولاية. وحذر أي قنوات إعلامية من مغبة بث مواد إعلانية وترويجية للمنتجات العشبية دون تصريح من وزارة الصحة. ونوه فوراوي إلى أن إدارة المؤسسات العلاجية بصدد فتح بلاغ بنيابة حماية المستهلك ضد قناتي طيبة وأنغام لبثهما لإعلانات لشركات أعشاب أخرى غير مسجلة بالوزارة.

اخر لحظة


تعليقات 15 | إهداء 0 | زيارات 7786

التعليقات
#1363199 [قساس فادي]
0.00/5 (0 صوت)

10-31-2015 06:57 PM
حسنا فعلت حماية المستهلك فهاتين القناتين اكاد اجزم انهما لهما مصلحة مباشرة مع الشركة سيئة الذكر فما انت تضع الرموت في النيل الازرق او القون الا وتجد شي سودانين وشء اجانب يثرثرون بالحديث عن فوائد منتجات هذه الشركة الوهمية

[قساس فادي]

#1363187 [مندهش]
0.00/5 (0 صوت)

10-31-2015 06:28 PM
الان الساعة 6 و 25 دقيقة مساء يوم السبت الموافق 31 اكتوبر و انا اشاهد النيل الازرق فاذا بأعلان شركة النيل للاعشاب هل من شخص يعلم عن هذا الامر هل هو ضعف من اجهزة الدولة ام قوة اصحاب الشركة ام قوة قناة النيل الازرق ضد القانون حقيقة اصابنى نوع من الخوف من اجهار اناس بتحديهم القانون و المؤسسات العدلية ماذا يحدث لو يعلم احدكم فليفتينا فى ما يحدث

[مندهش]

#1363186 [salah salih]
0.00/5 (0 صوت)

10-31-2015 06:27 PM
عجبا هذه البلاد مرتع لكل ذئب لان الاسود ماتت

[salah salih]

#1363167 [Joda]
0.00/5 (0 صوت)

10-31-2015 04:46 PM
يعاينو للفيل و يطعنوا في ضلو ، عالم جبانات

[Joda]

#1363163 [احمد]
0.00/5 (0 صوت)

10-31-2015 04:43 PM
والله الناس الفوق ديل ماعندهم علاقة ب الموضوعية
اقرووووووووووووووووو ساي واطلعو

[احمد]

#1363107 [نور]
0.00/5 (0 صوت)

10-31-2015 12:30 PM
أولا هي أسمها( شركة النيل) طيب معني كلمة شركة أنه تم تسجيلها بموجب قانون تسجيل الشركات بنفس الغرض المحدد (شركة النيل للأعشاب ) وفتحوا فروعهم في الخرطوم وفي مدن خارج ولاية الخرطوم واعلاناتهم ملت الواطة وبقت شركة معروفة لكل الناس .....
ماهو الجديد في الأمر .......
واذا كانت البلد فوضى يتم فيها تسجيل شركة غير مطابقة للمواصفات فهل هذه مسئولية الشجرة أم مسئولية من قام بتسجيل الشركة ....
وأين كانت وزارة صحة ولاية الخرطوم والشركة مارست عملها داخل الولاية وفي وسط الخرطوم ؟؟؟
ثم ما ذنب مدراء القنوات الفضائية فهذه القنوات تقوم ببث اعلانات تجارية لكل الشركات وليست مسئولة من اجراءات تسجيل الشركات طالما الشركة معترف بها رسميا بموجب التسجيل ....

[نور]

ردود على نور
[مندهش] 10-31-2015 06:34 PM
تسجيل شركة يعنى خطوة اولى للحصول على رخص متخصصة فمثلا عندك شركة مسجلة ممكن بعدها تمشى الداخلية لحياذة رخصة فى تجارة السلاح عندك رخصة ممكن تمشى المجلس الاعلى للصيدلة و السموم تاخد تاخذ رخصة لتجارة و استيراد الادوية عندك شركة ممكن تمشى تاخد رخصة من وزارة السياحة لوكالة سفر و سياحة اذا الشركة و تسجيلها هى الخطوة الاولى للمارسة التجارة و التصنيع و التصدير و الخطوة الثانية استخراج الرخصة المتخصصة من الجهة صاحبة سلطة منح الرخصة حسب التخصص


#1363090 [عابد مختار المختار]
0.00/5 (0 صوت)

10-31-2015 11:51 AM
اقبضوا على اتحاد العشبيين اولا

بلد فوضى وجهل ودجل هم اسباب انتشار السرطان

[عابد مختار المختار]

#1363037 [جلباق]
0.00/5 (0 صوت)

10-31-2015 09:45 AM
يا ريت يكون اعلان الهير كنترول القادننا بيهو ايام الجمع في قناة النيل الأزرق برضو حيوقفوه . معقول لحدي هسي ما عرفوا انو مذيعة الاعلان بتنطق الهيير heer كنترول بدلا عن hair كنترول و ترددها كتير ؟ اذا هي ما بتعرف انجليزي معقول مافي واحد في القناة يصحح الحكاية دي ؟ شرطتوا عينا ياخ !

[جلباق]

#1362997 [Mohammed]
0.00/5 (0 صوت)

10-31-2015 08:39 AM
لا بتاع المؤسسات العلاجية الخاصة جديد
ولا بتاع حماية المستهلك جديد
ولا إعلانات النيل الازرق جديد
ولا إعلانات قناة قون جديد
وبالطبع ليس النيل ب جديد
النيل الاعشاب ياااا
ياربي الجد تحت المخدة شنووووو
قوموا لفو بلا وزارة صحة بلا مؤسسات شنو كدا ماعارف - اقتباس ياجبرة ماتشيل حالي بكرة - كلكم زي بعضكم
القصة ظااااهرة يا مصلحة انقضت يا مصلحة قادمة
ولا عزاء للمواطن السوداني

[Mohammed]

#1362914 [ماهر حسن]
0.00/5 (0 صوت)

10-31-2015 12:28 AM
يااااااااااااخي انا هسي افتكرتهم قبضو عليهم عشان البرامج الفاشله

[ماهر حسن]

#1362894 [تمساح]
4.50/5 (2 صوت)

10-30-2015 11:02 PM
عجبني لناس النيل الازرق .. يستاهلو غير الغنا والتبرج والترويج للباطل ما عندهم شغلة

[تمساح]

#1362893 [الهلباوي]
1.00/5 (1 صوت)

10-30-2015 10:58 PM
ياخوي دي فورة ساكت .. هي شركة النيل بتاعة الاعشاب دي حقت منو ،، انتو ما عارفين .. دي حقت الجماعة الحاكمين البلد والدكاترة رتب والله حترجع اقوي مما كانت عليه

[الهلباوي]

#1362883 [دقنة]
1.00/5 (1 صوت)

10-30-2015 09:59 PM
بلد مسخرة !

[دقنة]

#1362868 [osman]
0.00/5 (0 صوت)

10-30-2015 08:42 PM
ي ريت لو ينضفوا البلد اكتر واكتر

[osman]

#1362866 [أحمد سكاك قطيه]
0.00/5 (0 صوت)

10-30-2015 08:34 PM
وحيقبضوهم ؟؟ ده السؤال؟؟

[أحمد سكاك قطيه]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة