الأخبار
أخبار إقليمية
أحمد بلال عثمان : "ما تلمو ناس في موقف مواصلات بدون إذن زي مسرح على الهوا "
أحمد بلال عثمان : "ما تلمو ناس في موقف مواصلات بدون إذن زي مسرح على الهوا "
 أحمد بلال عثمان  :


10-30-2015 11:23 PM


الخرطوم - آدم محمد أحمد

حذرت الحكومة والمؤتمر الوطني، الأحزاب المعارضة من عقد مخاطبات في الأسواق ومواقف المواصلات دون أخذ الإذن من السلطات.
وأشار أحمد بلال عثمان، وزير الإعلام الناطق الرسمي باسم الحكومة، في مؤتمر صحفي إلى حرية العمل السياسي للأحزاب بالداخل، لكنه حذر من ممارسة الأحزاب للعمل بدون إذن السلطات، وقال: "مافي زول يلم ليه مجموعة ناس في موقف مواصلات بدون إذن زي مسرح على الهوا".
وفي السياق أطلق المؤتمر الوطني، التحذير ذاته لأحزاب المعارضة، من عقد مخاطبات في الأسواق ومواقف المواصلات دون أخذ الإذن من السلطات، واعتبر ذلك خروجا سيواجه بالقانون، وقال مصطفى عثمان إسماعيل، رئيس القطاع السياسي بالوطني، في تصريح صحفي عقب اجتماع القطاع بالمركز أمس "لابد أن تكون العين الأمنية ساهرة في الحفاظ على أمن المواطن

اليوم التالي


تعليقات 21 | إهداء 0 | زيارات 4370

التعليقات
#1363188 [تلميح]
1.00/5 (1 صوت)

10-31-2015 06:28 PM
صناعة مسار التهدئة في الداخل الوطني يترافق مع جاذبية لمعان المحاور المحترقة

[تلميح]

#1363183 [زرديه]
1.00/5 (1 صوت)

10-31-2015 06:13 PM
فعلا احمد ضلال

[زرديه]

#1363158 [ود نفاش]
0.00/5 (0 صوت)

10-31-2015 04:03 PM
عجبى كما كانوا يفعلون مع الجنوبيين. من الذين جاؤا لمؤتمر الحوار وهم يعلمون ان اللصوص لن يفرطوا فى شبر الا وزارة الثروة الحيوانية والرى

[ود نفاش]

#1363151 [Nader]
0.00/5 (0 صوت)

10-31-2015 03:23 PM
الفاسق ده مش بتاع قناة قلبك ده فاضى من النسوان

[Nader]

#1363086 [شوشرة]
0.00/5 (0 صوت)

10-31-2015 11:44 AM
خلاص أعملوا لينا ( هايد بارك ) باشراف وكيل نيابة بميادين عقرب _ الضهداء _ أبوجنزير و جاكسون ....

[شوشرة]

#1363048 [جركان فاضى]
0.00/5 (0 صوت)

10-31-2015 10:10 AM
ليس هناك ذنب على المتورك احمد بلال عثمان...فيروس فاسد دخل فى جسم امة مريضة... اين تعيش هذه الفيروسات الضارة؟...الا تبحث عن مكان لها فى الاجسام المريضة... فى الامم المريضة

[جركان فاضى]

#1363042 [كبسور]
3.50/5 (2 صوت)

10-31-2015 10:01 AM
مكرر للمداحين البلموا الناس فى الميادين ويفرشوا ليهم توب لجمع القروش ؟؟
ولاّ ديل بشبهوكم ؟؟

[كبسور]

#1363040 [ود المهدي]
0.00/5 (0 صوت)

10-31-2015 09:59 AM
انتو يا حكومة السجم المواطن خليتوه ياكل تراب يا كلاب انتم راسالتكم كانت عذاب للشعب دا لما جيتو يا كلاب قلتم ستاتوا بالتطور الحضاري وينو التطور المنشود يا كلاب غير الخراب والجوع والفقر والمرض لم نر منكم شيء يا بلال اكل أموال الشعب انت وحكومتك السابقين منهم والحاضرين انتو فاكرين الدنيا دي بوشها كدا والله اجيء يوم تكونوا فيه تحت الأرض التي تمشون عليها الآن وحينها الحساب سيكون عسير عليكم الهطوا أموال الشعب وصرحوا زي ما عاوزين .

لكن الدائرة حتما ستدور بكم وحساب الدنيا الله يوريكم ليه ان شاء الله عما قريب أيها العجوز المن عروقه الدم شرد .

الله اصرفك ومن معك في الحكومة شوفوا حال الشعب اصبح كيف الغلاء طحن المواطن يا كلاب .

[ود المهدي]

#1363035 [مواطن]
5.00/5 (1 صوت)

10-31-2015 09:42 AM
ابتداء ليس هناك وصف يمكن ان يوصف به هذا الرجل غير انه ( عبيط ومنافق ) مثله مثل ربيع عبد العاطي وعبد الله حسن البشير وكمال عمر ،،،،

رغم بدائية اسلوب ( المخاطبات ) وضعفه الا انه يرعب النظام ،،،،،

فكيف يكون الحال لو اجمعت المعارضة واتفقت وعملت على انشاء منبر مباشر ومؤثر لمخاطبة الناس عبر اذاعة او قناة فضائية ، ولكم في راديو دبنقا المثال الحي ،،،

[مواطن]

ردود على مواطن
[Lila Farah] 10-31-2015 11:54 AM
وااله اتا مواطن صالح حقيقي
عفيت منك ...القمت فم هذا المنافق بحذاء قديم فيهو فردة شراب عفنه عله يرعوى
ولكنه لايستطيع اذ ماينفك أن يعود لأدمانه الاحذيه القديمه والشرابات العفنه.!!!


#1363013 [damar]
5.00/5 (1 صوت)

10-31-2015 09:08 AM
لانكم يا قتلة هارفين ان التحمعات تبدو ضعيرة ف الاول وتذداد رويدا رويدا وتكبر ويكسر الشعب حاجز الخوف وتخرج الحموع هادرة مطالبة لسقوط النظام ويترنح المظام ويسقط وينهار الي الابد وتبدا الماكمات الثورية لكم وكل من اهان وذل الشعب ونهب وسرق ثرواتة واموالة 0 لكم يوم اين المفر

[damar]

#1363006 [ود العمدة]
0.00/5 (0 صوت)

10-31-2015 09:00 AM
يا دابنا حسينا الفرق ..؟؟
بعد الشجر ما مات خلاص
والسوسه ما خلت عرق..
شرطي المرور رشوة..
حق العبور رشوة..
جوة القبور رشوة..
الحج بدون رشوة..؟؟؟
وضروس فسادنا خلاص
محتاجه ذرديه
بس كل يوم حشوة..
والساسة في نشوة..
ضحكات في شارع النيل
سهرات مع نسوة
وصاحب القميص مظلوم
سجنوه في كوبر
في شئ لا يسوا اضغاث حلم لي زول
(في صحو شاف الغول يكتل في اولادنا)
وقالوا "التظاهر عيب"
وهسي البلد بغلي
من شدة القسوة
وبرضو التظاهر عيب
بنصدا بالرصاص ..
لمن سألناهم ؟؟
قلولنا باستهتار لي
امننا الوطني ..
(احييييي علي وطني)
احييييي علي وطني
بي صدرك المفتوح
لكل عابر جو..
صروخ ورا صاروخ
دانات تسوي الكو..
بي عرضك المشروخ ..
وكلاب تسوي العو..
لي امننا الوطني..!!
مصنع زخيرتنا ضربوه بي "صاروخ"
لي امننا الوطني ..!!
وخليل دخل في البيت
لي امننا الوطني..!!
هجليج قلع قلعوها
لي امنناالوطني..!!
وأموالنا سرقوهالي حسنا الوطني
أنعل ابو العسكر
((لمن يشيلو سلاح ..لي زول مسالم وحي))
ولمن يكتلو صلاح ..وفي حلقه كلمة لا
أنا جني جن الزول
شراب قعد يسكر
يخطبنا في الجامع ..
وأنا جني جن الحزب
لمن يكون جامح ..
أنعل لبو العسكر
ساعة يخونوا الكاكي
وشرف القسم بالحق..
وهسي المرق مكسور
والوجعه قالت طق..
بيناتنا مافي جسور
ليه الصفوف تنشق..
ليه البقول الصاح
بيناتنا هو البندق ..!!
يا عسكري ومامور..
لو اخوك مارق !!
بتشيل عليهو سلاح..؟؟
لو كان اخوك سارق..!!
بتطالبو بي صلاح..؟؟
لو مرة واحده ارجوك
حكم ضميرك صاح..؟؟
لو شبعنا شديد ما بطلع الشارع
واستنشق البنبان..!!
خريج وعاطل ساي
ما لاقي حق العيش من مافي مافيش
مكتوب اعيش غلبان
او عشان اعيش مرتاح
يا اما اخش الامن والجيش
او ابقي كوز وسخان ..!!
والجيش زمان احسن كان يحمي للسودان!!
هسع خلاص اصبح
قوات حمي "الكيزان"
والشعب رايح ساي
مابين غلا الاسعار..
ومليون مربع ميل نقص كتير بالحيل
وسكنا بالايجار
دولار يذيد وينقص..
ورئيسنا قاعد يرقص..
في الفارغة والمليان
طوالي قاعد يرقص..
واخر الكلام بيكون
(حي علي الجهاد)
والله اكبر
والعز لينا وللولاد
والفقر والجوع للعباد
ويا عزة عبنك زاد..
ويا دوب حسينا الفرق
لما الوطن في دمو ساح
والناجي من حرب البسوس
الليلة في حربك غرق..
وناس غازي قالوا نحنا صاح..
نحن الصلاح ..نحنا الصباح..
يا غازي نحنا دمنا مستباح يا غيرو دمنا مستباح
الليلة انبلج الفجر
ويا امة ديك الثورة صاح
الشاعر يوسف عوض الكريم

[ود العمدة]

ردود على ود العمدة
[الراجل] 10-31-2015 12:52 PM
ياسلام عليك يا رائع


#1362980 [المشروع]
4.00/5 (3 صوت)

10-31-2015 07:46 AM
دئما يسمون الاسماء بغير مسمايتها ومصطفى اسماعيل يطالب بان تكون العين الامنية ساهرة على امن الموطن ومتى كان همكم هو المواطن؟ بل المواطن هو عدوكم اللدود وان همكم فقط هو امن النظام وامن الكيزان وامن الحكومة من المواطن لذلك لا تريدون ان يخرج المواطن من سباته ليواجهكم بالحقيقة.. من اجل تسوير المواطن وعدم خروج المارد من قمقمه وضعتم الاف الاجهزة الامنية في خدمة الحكومة لكبت المواطن..الا لعنة الله على الظالمين

[المشروع]

#1362978 [fars]
5.00/5 (1 صوت)

10-31-2015 07:44 AM
احمد بلال دا ملكي اكثر من الملك. ذكرني المشى لكاتب العرضحالات يكتب ليه شكوى و لمن شافها قعد يبكي قال ليه اتاريني انا ممكون كدي و ما عارف

[fars]

#1362976 [كاحة امريكا]
2.00/5 (1 صوت)

10-31-2015 07:42 AM
ي سبحان الله وبرضو تقولوا حوار ي اشرار

[كاحة امريكا]

#1362969 [محتار فى خلق الله]
3.00/5 (2 صوت)

10-31-2015 07:27 AM
كا ان لهذا الخرتييت ان يصمت
ما ان لهذا الزيل ان يكف عن الهز ويتوقف عن النفاق// فاتصمت وما انت الا بوق للكذب والتدليس// ومصيرك مصير غيرك// الذين اترموا فى جردل زباله الانقاذ الذين بكوا اما الكاميرات وهم متوهمون ابعد ما يكونوا عن ان تتخلى الانقاذ عنهم// وعندما تؤدى ا عليك والمقرر ليك ستذهب والناس داعية عليك..
ما تاريخك. ومن انت ومن اين اتيت.
لكن.. امبراطوريات ذهبت فى مهب الريح وكل ظلمة راحوا غير مأسوف عليهم
اخترم سنك ده انت على حافة القبر ماذا تريد من هذه الدنيا /قل قولا كريما او اصمت

[محتار فى خلق الله]

#1362961 [كراكه]
4.25/5 (3 صوت)

10-31-2015 06:57 AM
النظام ده لما استولى على السلطه هل أخذ إذن من حد

[كراكه]

#1362957 [men]
3.50/5 (2 صوت)

10-31-2015 06:43 AM
ماتعملوا تجمع توعوا الناس ويعملوا ثوره يطير الحكم

[men]

#1362941 [Ahmed.Sudani]
3.50/5 (2 صوت)

10-31-2015 04:25 AM
الحرامي احمد عثمان بلال
تتذكر لمن انا لاقيتك في سويسرا وفي ارقى المحلات السياحية
ومتفسح بقروش الشعب يالص؟
اقسم بالله العظيم انه هذا اللص سارق اموال الغلابة وخاتيها في بنكوك سويسرا
اقسم بالله عندما كنت لاجئ سياسي اني رايتك هذا اللص قبل حوالي تسعة سنوات وهو متفسح بعربات يصرف عليها من اموال الغلابة الما لاقين مواصلات واقفين في المواقف

قال ايه مواقف مواصلات قال حرامي لص ربنا ينتقم منك

[Ahmed.Sudani]

#1362935 [بت البلد]
1.00/5 (1 صوت)

10-31-2015 04:07 AM
انتو لو كلام الناس دا ما بصيبكم في مقتل ما تخلوا الناس تتكلم... هم شايلين ليكم سلاح وللا في عهد الكيزان ممنوع الكلام المباح من أجل قفة الملاح ؟؟؟!!! اختشو بالله الحقيقة مرررررررررة

[بت البلد]

#1362933 [الجقود ود بري]
3.00/5 (2 صوت)

10-31-2015 03:22 AM
الله يقطع لسانك يا أحمد بلال عشان نرتاح من تصريحاتك البتمرضنا دي

[الجقود ود بري]

#1362905 [الراجل]
3.50/5 (2 صوت)

10-30-2015 11:59 PM
واشمعنا ناس مسرح على الهواء وكثير من الملتحين المتطرفين انصار سنة وانصار ك..... هل عندهم تصريح كل الاسواق ملييييييانة خبوب زى ده وبعدين عرفنا الكيزان دى حكومتهم وبنفذوا فى برنامجم المهبب ومشروعم المخستك انت الدخلك شنو معناها انت زول وصولى منافق لا اكثر(لماذا تصرون على الكذب)يا حليلك يا بهرام

[الراجل]

ردود على الراجل
[أبو علي] 10-31-2015 07:01 AM
سامحوه! الزويل يحاول يتستّر بالسلطة ويطيل عمرهاأطول مدّة ممكنة
لو الكيزان انقشعوا سيظهر امامكم عريان ملط وعمايله مكوّمة قدّامه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة