الأخبار
أخبار إقليمية
إمام مسجد الخرطوم: الشوارع تشهد نوعاً من التبرج والتفسق واللبس المحزق
إمام مسجد الخرطوم: الشوارع تشهد نوعاً من التبرج والتفسق واللبس المحزق



10-31-2015 06:42 PM
الخرطوم: عبد الرحمن
دق إمام وخطيب مسجد الخرطوم د. عادل على الله ناقوس الخطر بشأن خطر الشائعات، ففيما حذر من خطرها قال إنها أصبحت ظاهرة في الآوانة الأخيرة، مشدداً على ضرورة قطعها بالرد الشافي بعد التثبت والتبين، وشنَّ على الله في خطبة الجمعة أمس هجوماً عنيفاً على بعض النساء والفتيات في عدم التزامهن بالحشمة والزي الإسلامي، وقال إن الطرقات تشهد الآن نوعاً من التبرج والتفسق واللبس المحزق والشفاف لدى بعض الفتيات الذي قال إنه يثير الشهوات والفتن عند الشباب ويفسد الأخلاق، مطالباً بضبط الحريات المطلقة، ولفت إلى أن الفساد أصبح يمارس عند الأغلبية بكافة أشكاله، وقال إن الشخص يصلي صلواته الخمس ويفسد.

الانتباهة


تعليقات 8 | إهداء 0 | زيارات 2301

التعليقات
#1363630 [مدروش]
0.00/5 (0 صوت)

11-01-2015 02:53 PM
ياشيخنا إن لم يعجبك الحال سيب الخرطوم ....... سيب الخرطوم ودٌع.
يا سلام على الخرطوم أيام الاعياد والإجازات الطويله.

[مدروش]

#1363403 [نوفمبر]
5.00/5 (1 صوت)

11-01-2015 09:09 AM
أيه رأيك يا شيخنا في بنطول السيستم أو البنطلون الناصل . الكثير من المراهقين والشباب يلبسون الملابس الضيقة والمحزقة التي تجسم عوراتهم . يبدو أن مشكلتكم فقط مع النساء مصابون بفوبيا الأنثى . يعني الولد لو مشى عريان ما عندكم مشكلة . طيب أيه رأيك في المثلية وعشق الغلمان في عاصمتك عاصمة المشروع الحضاري . هذه هي النظرة الذكورية العمياء والوقحة لديكم .

[نوفمبر]

#1363293 [Rebel]
5.00/5 (2 صوت)

11-01-2015 02:56 AM
* يا شيخنا, شوراع "الخرتوم" مليئه بكل انواع العربات الفارهات المظللات!..و تطل عليها العمارات الشاهقات, بداخلها الحسان الفاتنات المثنى و الثلاث و الرباع..و شوارع"الخرتوم" مليااانه دقون و كروش و مؤخرات!..و شركات و اعمال مملوكه للمافيا و العصابات..يعنى يا مولانا عينك ما وقعت إلآ على بنات "الجماعه ديل"!!..إنت مصق..ط يا مولانا و لا شنو حكايتك؟!! فتح عينك, بقدوها ليك و بجردوك و برفدوك!
* و لو كده, بحذرك يا مولانا اوعك تمشى "امبدات"!..و لا "الحارات" و لا "صابرين"..و لا الكلاكلات..و لا "القريه"..و لا الثورات, من العاشره لى الميات!..و لا "السلمه" الجنب ساريات..و لا الدخينات..و لا الصحافات!!.. اسكت ساكك ساااى, يا مولانا, بين المعموره و المنشيه و العمارات: محلات "الدين", محلات السحت و الغيبيات" !
* عارف ليه يا مولانا؟: "الجحور!" القلتها دى, مليااانه جعانات و شحادات و مرضانات!..عدمانات "التكتحه"..لا بعرفن "شفاف" لا شافن "عبايات!"..ماشات ساااكت "عريانات"!..و واحدات "فكت" منهن..لافات ساااى فى الحارات!!
* اها يا مولانا, إسألك الله يوم الليله ما باكر: "فى دينكم فى شريعتكم!", "الفقرانات و عدمانات" بقن "كافرات"!..و ألآ الكفار "شيوخ الدين"..اللصوص ..أبان "فقر"..البى "جعبا..و بى كليوات", فاتوا "البن,,ت"!

بلا اخمكم يا مولانا واحد واحد يا إلاهى يا من انت جاهى.

[Rebel]

#1363259 [كرازي]
0.00/5 (0 صوت)

10-31-2015 11:03 PM
الشيخ ضربتوا لفحة برد ونام بجره طويله والله اعلم واكيدا نسى الخطاب الديني الموجه راح قطع الموضوع من راسو ..تلقاه حمد الله الجمعه فاتت على خير...دا راي في الموضوع يعني...إتوقعوا مزيدا من العبط كلما اشتد البرد . مايسمى شيوخ ديل على وزن خليفه خلف الله خلاف المحامى بلا فى ىشكلهم فردا فردا

[كرازي]

#1363239 [الراجل]
0.00/5 (0 صوت)

10-31-2015 09:34 PM
كلو نتيجة مشروعكم الحضارى الوهمى فى زمنكم انهارت كل القيم والمثل والاخلاق النبيلة خلينا من انحلال وفساد الشارع رايك شنو فى فساد الجمارك والمليارت الاتهبرت وعفيناك من فساد الخضر ولا ده ما فساد

[الراجل]

#1363217 [هدهد]
5.00/5 (3 صوت)

10-31-2015 08:09 PM
انت ماشي مارأيت ياشيخنا غير البنات المتبرجات واللابسات ضيق !!! لماذ لم تنظر ال اولئك الفقراء والمشردين واصحاب الحاجة الذين يملأون الشوارع ولا يجدون ما يشبع جوعهم ؟؟؟؟ لماذا لم تتكلم عن هذه الشاهقات وهذا الفساد الذى طلعت رائحته ( وطلعت ريحتكم ) وعفنكم . انتم آخر من يدعو الي الفضيلة والبر ايها الفاسدين الفاسقين علماء السلطان والدولار .

[هدهد]

#1363205 [النوبي]
5.00/5 (1 صوت)

10-31-2015 07:23 PM
ان كان رب البيت للدف ضارب، فشيمة اهل الدار الرقص،، هي بقت علي لبس النساء،، البلد كلها فساد،، وتحلل،، يا شيخنا لا يغير الله ما بقوم حتي يقيروا ما بانفسهم،، والمؤسف يخرج الناس من الصلاة لينصبوا ويكذبوا ويفسدوا،، فاين الوازع الديني؟ واين الشريعة المزعومة؟ فاذا كان الفساد من اعلي البلد فلما تنظر لادناها،، انما الامم الاخلاق فان هم ذهبت اخلاقهم ذهبوا،، وهذا بالضبط الحاصل معنا،، ذهبت اخلاقنا وذهبنا.

[النوبي]

#1363204 [غصمتووف]
5.00/5 (1 صوت)

10-31-2015 07:14 PM
وانت بتعاين ي مولانا ليه كده عيب التانية عليك ولو مشيت الصالات بتاعت خيلاك الاخوان ح تعمل شنو فساد الجنس اللطيف والنص الحلو التحتاني من فساد نص الجنس الخشن الفوق خيلانك هم من يستوردون اللبس المحزق الملزق بناتي ولادي سيداتي وسادتي

[غصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة