الأخبار
أخبار إقليمية
التفاصيل الكاملة لضبط حاوية مخدرات ببورتسودان
التفاصيل الكاملة لضبط حاوية مخدرات ببورتسودان
التفاصيل الكاملة لضبط حاوية مخدرات ببورتسودان


11-01-2015 03:29 PM
الخرطوم: ضبطت السلطات بمطار بورتسودان أمس شحنة مخدرات كانت في طريقها للبلاد. ونقل مصدر مطلع لـ «الإنتباهة» أن الشحنة المكونة من هيروين وحشيش وحبوب مخدرة كانت في حاوية «20» قدماً، محملة بثلاجات ديب فريزر. لافتاً إلى أنه تم وضع المخدرات بين مادة الفلين والفراغات الموجودة داخل الثلاجات، وأكد المصدر أن أوراق الحاوية الأولية جاءت باسم شركة «أ. ر»، وبمراجعة الشركة وجد أن سجلها مقفول، وتم تحويل الأوراق مجدداً باسم أعمال «م. ع». وسارعت السلطات بالقبض على المخلص «ع» الذي استلم أوراق تخليص الحاوية من أحد الأشخاص بالخرطوم، وأفادت المعلومات التي توفرت أن الشحنة وصلت إلى ميناء بورتسودان في أغسطس الماضي، وظلت طيلة الفترة الماضية بمنطقة الكشف الجمركي التابعة للميناء، وطُلبت للكشف يوم «27» أكتوبر الماضي، وتم تحويلها إلى الكشف الجمركي صباح أمس، ليتم ضبط شحنة المخدرات بداخلها، وطوقت الشرطة والمباحث الجنائية منطقة الحاوية وباشرت إجراءاتها للوصول للجناة.

الإنتباهة


تعليقات 31 | إهداء 0 | زيارات 12726

التعليقات
#1364240 [زول]
0.00/5 (0 صوت)

11-02-2015 03:08 PM
يطرشناما سمعنا ب الحاويات البتجي ب المطار دي
بعدين ديل بقبضو واحده وبدخلوا ميه
اصح ي بريش ...

[زول]

#1364164 [فدائى]
0.00/5 (0 صوت)

11-02-2015 12:42 PM
ده صنف جديد جربوهوا فينى يوم الندوه اول ما قلت انى جيت الندوه زى الجنازه على طول طلبوا الكميه لانو الصنف القديم ما جاب راسى الصنف ده بكون غالى لكين ورونا طريقة التوزيع كيف وكمان دايرين نعرف صاحب الشحنه دى منو ما ممكن نكون ما بنعرف زبونا يا اخوانا ما تخلونا على البنقو حقنا ده بالمناسبه دى اسعارو كيف عندكم اليومين ديل

[فدائى]

#1364093 [زهجان من الكيزان]
0.00/5 (0 صوت)

11-02-2015 10:54 AM
كلما يقولو ضبطو حاوية اتاكد انو الحاوية نزل في السوق

[زهجان من الكيزان]

#1364071 [sudaniiy]
0.00/5 (0 صوت)

11-02-2015 10:13 AM
لو كان الحاويات المقبوضة سابقا احرقت
ما كان تانى دخلت مخدرات

[sudaniiy]

ردود على sudaniiy
European Union [Man] 11-02-2015 02:09 PM
كيف يعنى ؟


#1364070 [ٍSalah AL Deen P]
5.00/5 (2 صوت)

11-02-2015 10:11 AM
((وسارعت السلطات بالقبض على المخلص «ع» الذي استلم أوراق تخليص الحاوية من أحد الأشخاص بالخرطوم))
المخلص الجمركي علاقتوا شنو في الموضوع دا عشان يمسكوهوا ؟ ما دام الحاوية تتبع لشركة معينة أو لتاجر محدد!! ما يمسكوا مدير الشركة أو الزول اللي استلم منو اوراق التخليص في الخرطوم شنو سياسة الافلات من العقاب دي (خلاص ما عارفين الحاوية دي صاحبها منو)
كرهتونا المشروع الحضاري والمشروع الوطني واي مشاريع زاتووو

[ٍSalah AL Deen P]

#1364038 [البروف]
0.00/5 (0 صوت)

11-02-2015 09:42 AM
سلام
طبعا دة موضوع منتهى ومحسوم
زى موضوع الثلاثة حاويات السابقة
للان لم يتضح اى شى والموضوع انتهى على كدة
كذلك هذا مصير هذة الحاوية ومصير اى حاوية تصل فى المستقبل
لان هذة تجارة رابحة لهم وطريقة سريعة لجنى الاموال
واللة المستعان

[البروف]

#1364030 [الـــســـــيــــف الـــبـــتـــار]
5.00/5 (1 صوت)

11-02-2015 09:35 AM
بحكم الخبرة و ممارسة العمل فى الجمارك أعتقد أن ما أتخذ من أجراءات ليس بعمل شرطى او بحثى او استخباراتى وتنقصهم الخبرة و كيف يتم التصرف ى مثل هذه المواقف و التى تستدعى السرية التامه و اكمال الاجراءات و الافراج عن الشحنه باعتبار أنها سليمه و يتم رصد هاتف المخلص و وضعه تحت المراقبه و تعيين تيم من المباحث و الاستخبارات و الشرطة بالذى المدنى و متابعة حركة سير الشاحنه من المطار الى موقع التنزيل و من خلال المحادثات الهاتفيه بين المخلص و المستفيد الاول يتم القبض عليه متلبسا عندما يستلم الشحنه و يشرف على تخزينها فى مستودعاته ؟
القبض على المخلص و الذى لا ذنب له و هو مجرد وسيط و رجل يبحث عن رزقه فى وسط ملىء بالضبابيه و الهوامير و المهربين و النافذين ؟
كيف للمستفيد الانتظار لكى يقبض عليه و الخبر أنتشر و علم به القاصى و الدانى ؟
أكيد العنوان الواردبالمنافستو وهمى و كل البيانات وهميه ما عدا التنسيق الذى تم بين المخلص و المستفيد او من فوضه المالك وهو مجهول للمخلص نفسه و كل التعامل بين الشخص الذى فوض المخلص و لا أحد غيره ؟
الحاويات الخمسة دخلت الى الميناء و لو لا البلاغ السمبق لما تم كشفها و تخرج من الميناء لا من شاف و لا من درى ؟
ارتقوا الى درجة اعلى و تعلموا من الايام و من دول الجوار كيف يتم القبض على الشبكات الدوليه و لو طال الزمن ؟

[الـــســـــيــــف الـــبـــتـــار]

#1364027 [Babiker Shakkak]
0.00/5 (0 صوت)

11-02-2015 09:31 AM
نصيحتى لكم أبها الصحافيين و العاملين بحقل الصحافة أن لا تتعبوا أنفسكم بإثارة بمثل هذه القضايا . فقد أثرتم الكثير من قبلها و كما تعلمون و يعلم الجميع إلى ماذا إنتهت اليه تلك القضايا. كلها و بدون إستثناء ذهبت إلى عالم النسيان كما تعرض بعض مثيريها إلى المضايقات بواسطة إجهزة أمن النظام. و هذه القضية ستذهب لعالم النسيان كما ذهب الكثير من قبلها و سوف لا نسمع عنها شيئا إنشاء الله. لا تتعبوا أنفسكم.

[Babiker Shakkak]

#1364018 [الكردفاني العدييييييييييييييييييييييييييييييييييييييل]
0.00/5 (0 صوت)

11-02-2015 09:18 AM
عصابات .... نيجيريا ... لما تداخلت المصالح والسلطة ..... في نيجريا .... اصبحت تاني دوبة منتجة للنفط ..... موزعة ..... مواطنيها .... لاجئين .....على دول العالم ..... وهذا ما تفعله ..... عصايات الرقاص الان ..... بالشعب السوداني .....

لم الجماعة شافوا الاستهلاك العالي ..... والمكاسب الامنة ... قالوا .... نظام الشنط ما بينفع ..... احسن ..... الحاويات ..... والطائرات ....

[الكردفاني العدييييييييييييييييييييييييييييييييييييييل]

#1363991 [النواهي]
0.00/5 (0 صوت)

11-02-2015 08:49 AM
بعدما تتم مصادرة الشحنة المحرمة ’,لا يتم ابادتها مؤكد ستذهب الى الاسواق ,
لا فرق بين المخدرات وسرقة المال العام , كلها جرائم ,فالذي يسرق لا اخلاق لديه بان يمرر الف حاوية مخدرات.

[النواهي]

#1363982 [ود المهدي]
0.00/5 (0 صوت)

11-02-2015 08:40 AM
الحقيقة التي كنتم تخشونها في الظلام سترونها غدا في ضوء النهار

البلد مشكلته بدون قانون قوي عشان كدا الصعاليق يسبحو ويمرحوا كما يحلو لهم ولا حسيب ولا رغيب بلد فوضى ليس إلا بلد فكة .



البلد يحكمه قانون الغاب يا وزير العدل ويا قضاة وعسكر السودان المرتشون اين تذهبوا من الله؟

الحاوية دي اتمسكت كم حاوية دخلت البلد من قبل؟ اتلقي دخلن عشرة حاويات واتمسكت دي اين تذهبوا من الله يا اهل الجمارك؟

[ود المهدي]

#1363970 [ابومروان]
0.00/5 (0 صوت)

11-02-2015 08:25 AM
ضبطت السلطات بمطار بورتسودان حاويات وميناء طيب الدخل سلطة مطار بورتسودان شنو

[ابومروان]

#1363956 [ابو قرجة]
3.00/5 (2 صوت)

11-02-2015 07:49 AM
أيها الشعب السوداني أحببت أن املككم هذه المعلومة الخطيرة جدا،،أرجوا التأكد منها ،، وهي واردة لي من دهاليز جهاز الأمن الكيزاني الشيطاني اخبرني بها قريب لي مقرب منهم وهي : ان المدعو / محمد حمدان دلقو الشهير بحميدتي قائد مليشيا ما يسمى بقوات الدعم السريع ، ينتمي لبطن من بطون أحدالقبائل المعروفة، بطن من بطون يعني فرع قبيلة بعينها وينتمي لذات الفرع كل من نائب الرئيس حسبو وكذلك الوالي كاشا وعدد من نواب المؤتمر الوطني دخلوا الي سدة الحكم ومعهم السلاح ولا أحد يستطيع ردعهم لا شرطة ولا جيش ولا حتى البشير نفسه يستطيع ردعهم، ولعلكم تذكرون تصريح حميدتي الشهير عندما قال الحكومة لمن تعمل ليها جيش تجي تكلمناوقال ايضا ان امر السودان بيدهم هم فقط يسجنوا من من يشاؤون ويفرجوا عن من يشاؤون ومن يخالفهم فإن النار سوف تأكل رأسه ، وكذلك مهاجمهتم للمواطنين العزل في الجيلي مرتين وسلبهم اموالهم بالقوة تحت تهديد السلاح بسبب تأخر رواتبهم لمدة يوم واحد فقط ، فماكان من الحكومة الإ الإستجابة السريعة لمطالبهم مع العلم ان من يسلب الناس اموالهم تحت تهديد السلاح يجب قتله فورا وفق الشريعة الإسلامية . ثم بعد ذلك دخول هذه المليشيات الى العاصمة وضح النهار بحي الرياض وإستعراض قوتهم وإستقبال الوزيرة إشراقة محمود لهم بزغرودتهاالشهير ويعتبر هذا الإستعراض داخل العاصمة كرسالة تهديد مبطنة لقوات الشرطة والجيش . مما سبق نستنتج ان الحاكم الفعلي للسودان هو جهاز الأمن المتمثل في قوات الدعم السريع فرع حميدتي ،، لذلك سعى جهاز الأمن لإضعاف الجيش السوداني ووطنيته حتى يتمكنوا من بسط نفوذهم على البلد... انتهى .. اللهم اجعل بأسهم بينهم شديد وخلصنا منهم يارب

[ابو قرجة]

ردود على ابو قرجة
[البرفكس] 11-02-2015 09:53 AM
خليك في الموضوع !!!

[ابو عمر] 11-02-2015 09:18 AM
الناس في شنو والحسانية في شنو؟


#1363954 [واحد داقس]
5.00/5 (2 صوت)

11-02-2015 07:48 AM
الزول الفي الصوره ده علاقته بالموضوع شنو

[واحد داقس]

ردود على واحد داقس
[ابو قرجة] 11-03-2015 10:27 AM
علاقتوا شاهد ما شافش حاجة ،،، خليك جداد مصحصح شوية


#1363916 [سامى عندور]
0.00/5 (0 صوت)

11-02-2015 06:40 AM
.

[سامى عندور]

#1363914 [سامى عندور]
0.00/5 (0 صوت)

11-02-2015 06:38 AM
.

[سامى عندور]

#1363879 [Man]
0.00/5 (0 صوت)

11-02-2015 01:41 AM
مبروك بكرى بنقو .

[Man]

#1363849 [ابن كوش]
0.00/5 (0 صوت)

11-01-2015 11:14 PM
دي حقت بكري فكوها الدخل قبل كده كتير

[ابن كوش]

#1363844 [Zooooooooool]
4.50/5 (3 صوت)

11-01-2015 10:57 PM
دي ي جماعة نفس الحاوية القديمة ولا واحدة جديدة

هاكم النكتة دي : واحد قاعد يتسطل بمزاج جاءت بتو الصغيرة داخله عليها ومن الدخاخين الشافعة سطلت
قامت شافت ليها بلية واقعة في الواطة .... شالتها وقالت لي ابوها دي شنو يا بابا
الأبو قال ليها : بليييية
الشافعة شالت البلية وغسلتها بالموية وجاءت لابوها
وقالت ليهو : اها بليتها ..دي شنو ي بابا

[Zooooooooool]

#1363843 [بدر نورالدائم]
5.00/5 (1 صوت)

11-01-2015 10:54 PM
لماذا هذا الغموض فرض س وص ليه ماتعلن الاسماء حتى يكون القارى ملم بالحدث

[بدر نورالدائم]

#1363838 [جلال الدين محمد الفاتح]
4.50/5 (4 صوت)

11-01-2015 10:39 PM
بالله شوف عمك جحا تيرانو كيف متناطحة.

شحنة المخدرات السابقة جات بالبحر.
والمرة دي جات بالجو وبالمطار.
وفي الحالتين قبضو المخلص المسكين الذي دلّ علي شركة س.ك.. ص.م.. ط.ق.. ت.ش
ودائماً الشركات أم حروف وشفرات دي يلقوها مقفولة بالطبلة والمفتاح.
والقضية تنتهي علي كده ويكتبوها (ضد مجهول) كأنها قضية سرقة غنماية.
وخلاص.

ياخي ناس الشرطة ديل طالما شطار وبيقبضو المخدرات كده جوة مادة الفلين والفراغات بتاعة التلاجات يعني غالبهم يحددو صاحبها منو؟

إستعينوا بالمحقق كونان عشان يساعدكم طيب.

وتستعينو بيهو لشنو؟؟ أنسو الموضوع خالص طالما وزير الداخلية الأسبق قال أنو الحشيش ليس مخدرات وأنو غالبية طلاب الجامعات بيحششو عادي.

وبصراحة كده ياخي كتر خيركم أنكم قبضتو حاويات مخدرات وحرقتوها لكن باقي القضية وناس المصلحة ديل أكبر منكم ساااااي وما بنلومكم عشان ما قبضتوهم.. كفاية عليكم تقبضونا نحن المواطنين المساكين وتتفننو فينا تمام.

بلد شغالة بالمقلوب.
وكويس أنها شغالة بالمقلوب زاتو.
لانو بعد شوية حتكون مقلوبة بس.
وما شغالة نهائي.

وبمناسبة الجمارك البتقبض المخدرات دي مديرها السابق اللواء سيف الدين ده حللووووووووه ولا لسع؟
أنا أتخيل قائد الشرطة حيتحصل عليهو بعد كم يوم ويدور بينهم الحوار أدناه بالتلفون:

قائد الشرطة: يا سيف دايرنك تجينا بكرة علي الساعة 11 كده.
اللواء سيف: خير سعادتك في حاجة؟؟!!
قائد الشرطة: دايرنك تتحلل من القروش اللهطتها دي. ريحتك طقت والناس زعلانة.
اللواء سيف: شنو؟ سعادتك أنا ما لهطت حاجة وممكن تتأكد بنفسك من لجنة الـ....
قائد الشرطة: الكلام ده علي بابا يا ماما؟؟ عيب عيب أزعل منك.
اللواء سيف: أممممم ما فهمت سعادتك. معليش قصدك شنو؟؟
قائد الشرطة: أنت فاهمني كويس. خلي اللف والدوران وتعال إتحلل يا سيف.
اللواء سيف: سعادتك أنتو فصلتوني قبل سن المعاش وهسع دايرين تأخدو قروشي كمان؟ ما ينفع كده. دي ميتة وخراب ديار يا سعادتك.
قائد الشرطة: قلنا ليك أكل علي قدرك ما سمعت الكلام. نعمل ليك شنو يعني؟
اللواء سيف: طيب هسع دايرين مني كم يعني سعادتك؟
قائد الشرطة: هي كلها 85 مليار مش كده؟ حنعملها ليك 70 وحلال عليك الـ 15.
اللواء سيف: يا سعادتك أنا خدمت الشرطة 34 سنة وووو طيب خلوها لي 20 بس.
قائد الشرطة: أقول ليك كلام؟ خلاص عشان خاطرك شيل 18 ورجع الباقي للحكومة لأنو البلد مفلسة ووزارة المالية بتشتكي من الضائقة المالية ونحن كلنا في الشرطة مفروض نكون أول المساهمين في الظروف دي. كلامي مفهوم يا سعادة اللواء؟
اللواء سيف: تمام سعادتك ربنا يوفقنا وإياكم لما فيه خير البلاد والعباد.
قائد الشرطة: خلاص منتظرك بكرة 11.. ونصيحة أخوية مني ليك بعد التحلل حقو تمشي الاراضي المقدسة تعمل ليك عمرة عشان تتطهر من أي شئ علق بالنفس وربنا يتوب علينا وعليك.
اللواء سيف: إنشاءالله إنشاءالله. الف شكر يا سعادتك.
تييت تييت تييت (قفل التلفون).

بعد قفل التلفون:

قائد الشرطة (في المكتب): أها يا سيادة الوزير سيف ده وافق ياخذ 18 ويرجع الباقي وأنا بقترح أنو الباقي ده نقسمو علي 4 أشخاص هم فلان وفلان وفلان وفلان ووووووو!!

اللواء سيف (في البيت): الله يلعنك يا قائد السجم. عامل لي فيها شريف وتديني نصائح للعمرة كمان؟ لو ما كنا دافنينو سواء كان عملت فيني شنو غير ده؟ تفوووو عليك وعلي كل الفاسدين والمفسدين والمتجبرين أعوذ بالله منكم.. يا بنت سيبي التلفزيون ده وقومي أعملي لي كباية شاي تقيلة رأسي حينفجر...!!!

هههههههههه أنفع مؤلف قصص خيال علمي يا جماعة؟؟

[جلال الدين محمد الفاتح]

ردود على جلال الدين محمد الفاتح
[مبارك] 11-02-2015 09:55 AM
هههههههههههههاااااى رووووووعة يا جلة وخيالك وااااااسع اووووووى ده القاعد يحصل بالزبط


#1363836 [ود احمد]
5.00/5 (1 صوت)

11-01-2015 10:32 PM
الخمسة حاويات السابقة اين ومتى وكيف تم التخلص منها ولماذا لا ابث على الهواء مباشرة لتكون الحكاية عيان بيان
والخوف يكون مصيرها زي الخمسة

[ود احمد]

ردود على ود احمد
[Nasehj] 11-02-2015 10:34 AM
يقال و الله أعلم إن الجماعة كانوا ناوين يحرقوها على الهواء مباشرة و تصدى لهم كوز فقال " لو حرقتوا هذه الكمية الكبيرة على الهواء الشعب السوداني كله سيكون مسطولا" رد عليه كوزا أخر فقال "هو الشعب أصلا مسطول و ألا لما صبر علينا 26 من السنين العجاف لكن خلوها إمكن نحتاج ليها يوم لو الشعب فاق من غفلته نخدروا بيها ثاني" السؤال هنا متى يفيق الشعب من غفلته الطويلة المملة؟؟؟؟؟؟؟

[ABOAHMED.....] 11-02-2015 09:08 AM
انت كنت نايم ولاشنو ؟؟؟
زماااااااااان وزعوها وشطبنا خلاص لو داير ليك حاجه من الشحنه الجايه ...


#1363828 [حزب الراكوبة]
0.00/5 (0 صوت)

11-01-2015 10:16 PM
تانب حـــاوية وكمان جديدة

[حزب الراكوبة]

#1363810 [الحازمي]
0.00/5 (0 صوت)

11-01-2015 09:13 PM
بالله !!!
دي التفاصيل الكاملة؟؟؟؟!!!!
و شنو حكاية "أ.ر" و "ع" و "م.ع"؟؟؟؟

[الحازمي]

#1363730 [alsaddig]
0.00/5 (0 صوت)

11-01-2015 05:18 PM
هذه هى الدوله السودانيه قمة ال........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[alsaddig]

#1363723 [seepo]
5.00/5 (1 صوت)

11-01-2015 05:10 PM
صدقوني لو تسمعوا بهذا الخبر مرة اخري ولن تسمعو بمن كان سبب كشفها

[seepo]

#1363703 [هيثم كوة]
5.00/5 (1 صوت)

11-01-2015 04:49 PM
مادايرها ليها تفتيش .. بس حصل شوية اختلاف بين الأعضاء ستتم حل المشكلة فيما بينهم(الشقلانة فيها شقيق رئيس وضباط شرطة ) وتمرر بدون اي كلام ودي مااول مرة ولا اخر مرة

[هيثم كوة]

#1363687 [مندهش]
0.00/5 (0 صوت)

11-01-2015 04:32 PM
شنو شابكننا شركة ا ع و المخلص ع و كلها طلاسم و مبهمات

[مندهش]

#1363686 [عين العرب كوباني]
4.25/5 (3 صوت)

11-01-2015 04:30 PM
الله اكبر الله اكبر والعزة للاسلام والمؤمنين لا حول ولا قوة الا بالله شوفو اعداء الاسلام والسودان كانوحيدمروا شبابنا كيف بالله عليكم هي ناقصة بطالة وحروبات وضنك في العيش وكمان مخدرات الحمدلله الموقف في ضبط هذه الكمية واخطرها الهيرويين انا عندي اقتراح اي حاوية كان ما كانت تمرر عليها الكلاب البوليسسيه المدربة علي كشف المخدرات بانواعها ولو كنت مسئولا كبيرا لاعطيت الطاقم الذي اكتشف تلك المخدرات نؤط الامانة من الدرجة الاولي ومكافٱة مالية كبيرة لانهم بفضل الله انقذوا ناس كتيرة كانت حترتكب جرائم بسبب هذه المخدرات اللعينة.

[عين العرب كوباني]

ردود على عين العرب كوباني
European Union [هدهد] 11-02-2015 06:04 AM
حاتطلع الحاوية بمخدراتها ويتم تسويقها فهي ليست الاولى ولن تكون لاخيرة لكن صراحة دا دمار شديد وانحطاط لا يمكن لسكوت عليه هؤلاء الكيزان دمروا كل شيىء اما المخدرات دي كلام خطير ووباء ودمار للوطن والمواطن والمجتمع بأسره !!!!! لاحول ولا قوى الا بالله . اللهم اهلك هذه الفئة الحاكمة الفاسدة قبل ان تدمر ابناءنا وبناتناىاللهم عجل بزوالهم ودمارهم يارب العالمين . لعنة الله عليهم دنيا واخرى .


#1363679 [النوبي]
5.00/5 (4 صوت)

11-01-2015 04:22 PM
ودي كمان دايرة ليها درس عصر،، المشحون اليه او المستلم والمخلص يدل علي من سلمه اوراق الشحنة،، سند تسليم الشحنة.. يعني معروف مين الجايبها،،،

[النوبي]

#1363678 [أحمد سكاك قطيه]
5.00/5 (5 صوت)

11-01-2015 04:21 PM
حتطلع في النهايه لاحد المتنفذين ,, وتروح القضيه شمار في مرقه ,, زى الحاويات الفاتت , ومن أمن العقوبة أساء الادب , وإن لم تستح فأفعل ماشئت

[أحمد سكاك قطيه]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة