الأخبار
أخبار إقليمية
البشير يطالب علي الحاج بالإسراع في العودة للبلاد
البشير يطالب علي الحاج بالإسراع في العودة للبلاد
 البشير يطالب علي الحاج بالإسراع في العودة للبلاد


11-02-2015 11:17 PM
الخرطوم-عبد الباقي الظافر :
كشفت مصادر مقربة من القيادي بالمؤتمر الشعبي د. علي الحاج، عن مكالمة هاتفية أجراها رئيس الجمهورية المشير البشير مع الدكتور علي الحاج المقيم حالياً بالمانيا خلال الأيام الماضية، طالبه من خلالها بالإسراع في العودة للبلاد للإسهام في حلحلة كثير من القضايا.
وقال المصدر إن د. علي الحاج أكد للبشير خلال المحادثة التي استمرت لنحو ساعة، أنه أصبح رجل حوار وليس حرب، ولم يستبعد المصدر عودة علي الحاج للبلاد قريباً.

اخر لحظة


تعليقات 22 | إهداء 0 | زيارات 5531

التعليقات
#1364847 [ابو جلمبو]
5.00/5 (1 صوت)

11-03-2015 03:11 PM
حرامي بينادي حرامي

[ابو جلمبو]

#1364829 [هميم]
5.00/5 (2 صوت)

11-03-2015 02:47 PM
البشير يقول لعلي الحاج: أسرع تعال .... قبل ما المولد ينفضَّ، وعلي الحاج يرد عليه: براحة يا بشه، وطي صوتك ... خليها مستورة!

[هميم]

#1364781 [sudaniiy]
0.00/5 (0 صوت)

11-03-2015 01:26 PM
اي زول ما سودانى ولا امه سودانية ولا له اب سودانى
هو بدون ويذهب من حيث اتى
7 ملاين ليه ؟؟؟؟؟؟ مافى بلد فى العالم يقبل بهكذا عدد اجانب
و تعداد سكانه 33 مليون منهم قربة الخمسة ملاين مهاجرين
وكمان جابت ليها مرتزقة وحمل سلاح

[sudaniiy]

#1364761 [ٍSalah AL Deen P]
5.00/5 (1 صوت)

11-03-2015 12:51 PM
عايزين نعرف قصة قروش الانقاذ الغربي ،، مافي حاجة اسمها "خلوها مستورة" في المال العام

[ٍSalah AL Deen P]

#1364750 [التلب]
0.00/5 (0 صوت)

11-03-2015 12:30 PM
هو أصلا قاعد بره لى شنو ؟؟.. المشكله شنو يعنى ؟؟ هل عليه قضيه جنائيه مثلا ؟؟ .. فما هى ومفتوحه فى اى قسم .. ؟؟ وإذا كان بحجة أنه معارض .. ماحزبه كلهم موجودن بالداخل .. واشمعنى هو .. !! اما إذا كان قاعد بإرادته .. لماذا يتصل عليه رئيس الجمهوريه وفى هذا التوقيت ؟؟ وهو خارج البلد منذ مسرحية اﻻنفصال ؟؟ ولماذا ﻻيتصل عليه حزبه .. ؟؟ ثم اﻷهم ماهى قيمة على الحاج سواء كان معارضا او غير معارض.. ؟؟
والله أنا على يقين بأن كل هذا اللف والدوران واﻻلعاب البهلوانيه ما هى اﻻ أﻻعيب ذهنيه يمارسها الحاوى الكبير ( الترابى ) لمحاولة تشتيت اذهان الناس عن القضيه الكبرى ( بقاء النظام نفسه !!)
وفى إعتقادى - وبكل أسف - قد حالفه النجاح بنسبه كبيره جدا قد تتوفق على كل الحواة على مدى التاريخ بل ربما سحرة موسى نفسه .

[التلب]

#1364749 [الناهه]
0.00/5 (0 صوت)

11-03-2015 12:26 PM
ارجع ياعلي بسرعه نحن في انتظارك ما تتاخر علينا
متفقين تمام التمام والملعب جاهز تب
ستعود الانقاذ سيرتها الاولى
خلينا الجماعه طلعوا الفي بطنهم كلو وما خلة حاجه مدكنه
كده عرفنا العايز ادب والعايز منصب
عد ياعي عد
ما تتاخر

[الناهه]

#1364664 [صلاح حسن]
5.00/5 (1 صوت)

11-03-2015 10:50 AM
((علي الحاج أكد للبشير خلال المحادثة التي استمرت لنحو ساعة، )) .

و هو رئيس شنو دة ال بتونس بالساعات فى التلفون ؟؟
هل وقته هامل إلى هذا الحد ؟ أم أنه أكمل حلحلة كل قضايا البلد و أصبح لديه الكثير من الوقت لكى يقضى الساعات هضربة و قطيعة و القيل و القال فى المحادثات التلفونية ؟؟

حينما نجد ان رؤساء الدول المحترمة اوقاتهم مبرمجة و مشغولة لسنة كاملة و محسوبة بالدقائق من سيقابل ومن سيتحدث مع ومن سيجتمع ب , لكن فى زريبة رئاسة الجمهورية السودانية ف على مايبدو عاملين الحكاية سبهللية ..
و حسبنا الله و نعم الوكيل .

[صلاح حسن]

#1364579 [ود البلد]
4.94/5 (5 صوت)

11-03-2015 08:48 AM
بس تعال يا (ودالحاج) ، مجهزين ليك شطة من نوع GHOST PEPPER ومعاها (خرطوش)

[ود البلد]

#1364560 [زول الخلا]
4.94/5 (5 صوت)

11-03-2015 08:26 AM
وبعدين قروشنا بتاعة الإنقاذ الغربي تضيع ساي؟

[زول الخلا]

#1364538 [المشروع]
4.97/5 (6 صوت)

11-03-2015 07:47 AM
على الحاج كادر تمكيني من حزب الظالمين الترابيين معذبي الناس في العشرية الأولى حكومة الإنقاذ..

لم يفتح الله عليه حتى الآن بأدانة احداث سبتمبر وقتل الشباب وسط الخرطوم بالخطة (ب) مع العلم ان الحركة الاسلامية اكثر الأحزاب التي قامت بالمظاهرات والاعتصامات ايام الديمقراطية وفي كل الحكومات وكانت شوكة حلق في الحكومات السابقة ومع ذلك لم تقتل الحكومات السابقة او تضرب المتظاهرين بالرصاص الحي وفي ذات الوقت تدين الحركة الاسلامية حكومة السيسي لضربها المعتصمين والمتظاهرين في ميدان رابعة العدوية ومع ذلك لا يقومون بإدانة ما حصل في السودان مالكم كيف تحكمون.

وبالتالي فإن كل الكوادر الإسلامية لا خير في كثير من نجواهم وممانعتهم ومعارضتهم هي لدنيا يريدونها ولا يهمهم ان مات الناس جوعا او حرقا او غرقاً طالما ان الحكومة تعهدهم وتمنيهم

المعروف ان الحكومة تعامل الكوادر الإسلامية (اسماً) معاملة غير وتنسى لهم ماضيهم وشتائهم فيما تعاملين الآخرين يعين التخوين والتأمر..

[المشروع]

#1364526 [sami]
4.75/5 (3 صوت)

11-03-2015 07:30 AM
ياعالم
زووول ماكل
لي
شارع كامل
ومفحط كمان
يمكن كتل ليهو كم واحد
عايزين عندو شنو
وبعدين ماسك عليكم شنو عشان تتمسكوا بيهو
والله شكلولو
رجع حايبيع المنطقة القايم فيها الشارع كمان.
بعدين
نجي
ندرس
اجيالنا
تاريخ
علي بابا
والاربعين حرامي
كيف يستقيم
فيما اذكر
بيوم من ايام هروب علي الحاج
كنا انا والعم احمد محمد البشير شبارقة
بحاضرة ودمدني وكان طالب احد التجار مبلغا محترما بالنسبة لقدراته المالية بتلك الحقبة
والراجل الطالبه
تغيب من السوق والشيك ارتدةومن ثم قام احمد بعمل بلاغ ارتداد
وصدرامرالقبض الي الراجل
وتعرف علي
بيت الرجل وذهب اليه ووجد ان زوجته كانت بالمستشفي وقد ذهب كل ماله منصرفات عليها بالمستشفي
فما
كان من احمدالا وقال لرجل الشرطة
وبطريقة
سااااخرة
(ياخ سيبو علي الحاج اكل لي طريق كامل مافي زول ساله)
نتمني عودته
والتحقيق لم يغلق قانونيا
حتي يبث برائته وقد لا يكون سرقها ولكن شبه لهم
وفي كلتا الحالتين
يجب التحقيق معه
ولا علي ما
اعلم حسب مراجعاتي البسيطة بالقانون يسقط الحكم اوالبلاغ بعد مرور عشرة سنونات من تاريخ البلاغ
ولكن عدالة رب العزة لاتسقط
اامل الافادة القانونية

[sami]

#1364490 [هدهد]
4.94/5 (5 صوت)

11-03-2015 06:22 AM
عندما قامت الانقاذ بدأت محادثات مع جون قرنق برئاسة علي الحاج ولكن دكتور قرنق رفض مقابلة علي الحاج وطالب الا يكون موجودا في المحادثات لأن المشكة تخص السودانيين وعلي الحاج تشادي فهل فعلا هذا الرجل تشادي متسودن؟؟

[هدهد]

ردود على هدهد
[كراكه] 11-03-2015 08:38 AM
يا اخوي اذا جيت تصفي البلد دي نص ناسك البنظورا ليك ديل أمثال عبد الرحيم حمدي وأمنه ضرار كلهم حضارمه يعني يمنيين وعندك المرحوم علي سحلول وجلال على لطفي وحسن برقو والقائمه تطول.
بس شوفوا لينا المخرج ده كله مامهم.


#1364482 [Hamdon]
0.00/5 (0 صوت)

11-03-2015 05:33 AM
اللذي يغضبني هو ان أرباب السياسة السودانية يخرج للجوء و يعيشوا خارج السودان لسنين عددا ما عدا الترابي مكنكش في السودان و ما عاود يخليها لأهله. هيا معا أيها الوطنيون في حملة اخراج الترابي

[Hamdon]

#1364469 [صديق حسين]
5.00/5 (6 صوت)

11-03-2015 02:43 AM
اهو البشير وفر فلوس للدوله - اتصل من الهند ب أبو علوا في المانيا و ب 1 يرو و بتعادل 50 روبيه و اكيد زكر ليهو فقه التحلل و لازم ترجع البلد و ترجع تلت المبلغ بتاع طريق الانغاذ الغربي و بعض الاختلاسات الأخرى و بعد داك تمشي عمره و بكدا بكون الموضوع انتهى اها لمن أبو علوا سألو فال ليهو التلت دا عرفناه - اها اخوانك نصيبهم كم ؟ رد بشا - يا ابوعلوه ما تخليها مستووووووووووووووووره -

[صديق حسين]

#1364462 [كرازي]
4.97/5 (6 صوت)

11-03-2015 01:41 AM
البشير عاوز يلمهم علشان الموته في وسطهم عرس....على الحاج تعال ماتلاوزي او كما قال

[كرازي]

#1364461 [كاســترو عـبدالحـمـيـد]
5.00/5 (6 صوت)

11-03-2015 01:36 AM
اذا ما عاجبك تجى وتعيش فى السودان وطنك الثانى , احسن ترجع وتعيش فى الكاميرون وطنك الأول ووطن اجدادك .

[كاســترو عـبدالحـمـيـد]

#1364459 [Bdrtaha]
5.00/5 (3 صوت)

11-03-2015 01:21 AM
أني لا أخاف علي السودان من ابتسامك تبسم كما يحلو أكثم وأحلم كما تريد ولكني أخاف علي السودان اذا يوما اعتليت
فيه السلطة او احد اتباعك فيومها سيفقد السودان كلمته ويفقد المواطن لقمه العيش الشريفه وىبقض من اقرب الأقربين اليه

محمد احمد المحجوب مخاطبا حسن عبدالله الترابي عام1967
رحم الله المحجوب فقد كان ثاقب الرؤيا

عاد الترابي يملي شروطه والبشير ينفذ. طرد تلاميذ الترابي الذين خانوه والإتيان بحواريه علي الحاج وكمال عمر ودقي ىا مزيكه

والشعب الغلبان يتفرج صحي النوم ىا والأيام حبلي

[Bdrtaha]

#1364452 [Truth]
5.00/5 (2 صوت)

11-03-2015 12:37 AM
ايها الشعب الفضل نعلن لكم بأن مرتبة الانقاذ قد اصابها البلل من تبول الجالسين عليها من شفع السياسة و سوف يتم قلب المرتبة على الناحية الاخرى عسى ان تتحمل ما تبقى من تبول الشفع الذين ارسلوا لمحاولة علاج البول الارادى و لم يتحقق ذلك و خلاص اصلو المرتبة من وجهين لن تتحمل اكثر

[Truth]

#1364444 [بدر نورالدائم]
5.00/5 (3 صوت)

11-03-2015 12:17 AM
ماذا تريد من على الحاج انت ناسى يالمشير فى احد خطاباتك قلت شال قروش طريق الانقاذ الغربى وهرب الى المانيا يكفى الموجودين بالداخل

[بدر نورالدائم]

#1364443 [جلال الدين محمد الفاتح]
4.94/5 (6 صوت)

11-03-2015 12:07 AM
هو أنت متين كنت رجل حرب أصلاً عشان تقول بقيت رجل حوار ؟؟
إلأ لو كان قصدك حرب في ألمانيا مع بقايا هتلر والنازية.
قوم لف.. لفاك قطر كريمة في أيام عزو.

أول حاجة مطلوب منك ترجع لينا قروش طريق الإنقاذ الغربي الإشتريت بيها للعمال (شطة) ذي ما قلت بعضمة لسانك زمان.

وبمناسبة الشطة: اليومين دي الشعب محتاج شطة كتيرة للحرامية الكبار.
وأسأل ناس الجزيرة عملو شنو في الحرامي الصغير (الله يرحمو).

الزيكم ديل أصلو ما حبابهم في السودان لا في حوار ولا في حرب.
لأنكم تجار حوار.. وتجار حروب.. وتجار سلام.. وتجار كلام.
ومحل ما يكون في أكل وسفسفة أنتو بتكونو قاعدين..
ولو البشير قال ليك (أسرع تعال) فأنت حتكون في حماية البشير مش حماية الشعب.
الشعب رمي طوبتكم خلاص وما بيهمنا البشير والترابي وأعضاء أسرة 89 ديل.

ورسالتي ليك يا علي الحاج هي:
ذاكرتنا حديد..
وما ناسين حاجة..
وما بنخليها مستورة..
وبينا وبينكم الشطة..

خارج النص: لو عورتك مكشوفة شوف ليها غطاء يسترها أو أقعد في الضلمة براك.

[جلال الدين محمد الفاتح]

#1364440 [ابوكدوك]
5.00/5 (3 صوت)

11-02-2015 11:47 PM
حبيبى تعال تعال نتلم .. دام الريد اختلط بالدم

وعلى ياناس بريدو ، على ده .. وعلى جننى ريدو ، على ده

على تعال تعال ياعلى .. قال على تعال سرعه قال !!

[ابوكدوك]

ردود على ابوكدوك
[الراجل] 11-03-2015 02:10 AM
ههههههههههههه ملعوبة


#1364439 [عصمتووف]
5.00/5 (8 صوت)

11-02-2015 11:39 PM
نرحب بقدومكم الميمون جميعا لكن نتمني ان لا تهربوا من جديد بلد امثال علي الحاج حرامي الكهرباء من بيت الله يحل ازاماتنا المصنوعة ب اياديهم بلد تنجب حاج ادم و حسبو ونافع وغندور اولاد الميرغني والمهدي مساعدين بلد نجوم شباكها اولاد الصادق وطة ابو ضرس فرفور والفحيل وندي وجواهلر وستونة بلد سيداتها وداد وتابيتا وعفاف وبدرية وامنة ضرار تاني فيها فائده

[عصمتووف]

ردود على عصمتووف
[AL-KIRUN] 11-03-2015 03:31 PM
Yaa : no interest will raising hopes to advantage no.. where we gonna go

[sam] 11-03-2015 06:01 AM
لا تنسى القصر العشوائي الشهير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة