الأخبار
أخبار إقليمية
الداخلية : انتهاء العمل بالجواز القديم في 24 نوفمبر
الداخلية : انتهاء العمل بالجواز القديم في 24 نوفمبر
الداخلية : انتهاء العمل بالجواز القديم في 24 نوفمبر
السودان : الجواز الإلكتروني الجديد


11-05-2015 11:55 PM
أعلنت الإدارة العامة للجوازات والهجرة بوزارة الداخلية السودانية، انتهاء العمل بالجواز القديم والعمل بالجواز الإلكتروني اعتباراً من الـ24 من نوفمبر الجاري، وأكدت افتتاح عدد من مراكز الجواز الإلكتروني بالخرطوم والولايات الأخرى بجانب مراكز خارج السودان.

وأكد مدير الإدارة، أبوبكر سليمان فضل الله، خلال مؤتمر صحفي بدار الشرطة ببري يوم الخميس، مضي إدارته في تذليل العقبات التي تواجه استخراج الجواز الإلكتروني عبر توفير كل المعينات الفنية اللازمة.

وكشف عن افتتاح إدارته لعدد من المراكز الخاصة بالجواز الإلكتروني في ولاية الخرطوم والولايات الأخرى، بجانب مراكز أخرى خارج البلاد.

وفي السياق أعلنت مديرة إدارة الجواز الإلكتروني، كوثر حسن علي، عن استلام إدارتها لشهادة المطابقة العالمية للجواز الإلكتروني في شهر يونيو الماضي، من المنظمة العالمية للطيران المدني وأن الجواز الإلكتروني يتمتع بخصائص تأمينية ومقروء آلياً في كل المطارات.

إلى ذلك قال مدير إدارة النقل بسلطة الطيران المدني، أزهري عبدالمجيد، إن الجواز السوداني القديم أصبح غير مقروء آلياً في المطارات العالمية، داعياً الجميع إلى أهمية العمل بالجواز الإلكتروني، مبيناً أن الجواز الإلكتروني معتمد من منظمة الطيران العالمية.


شبكة الشروق


تعليقات 14 | إهداء 0 | زيارات 8403

التعليقات
#1366211 [Mohamed]
0.00/5 (0 صوت)

11-07-2015 05:16 PM
السلام عليكم ورحمة الله
بسأل عن السودانيين الموجودين في ليبيا للان الجواز المعمول به هو القديم وما اظن بعد دا يجي وفد من السودان للسفارة بطرابلس لاستخراج الجواز الجديد وهذا مهناه يتعين على السودانيين الموجودين بليبيا النزول للسودان لاستخراج الجواز الالكتروني ----- ولا في حل -- افيدونا جزاكم الله خير

[Mohamed]

#1366046 [ابو الشهيييق]
0.00/5 (0 صوت)

11-07-2015 09:43 AM
انا ما من سكان الخرطوم ،،، مشيت استبدل الجواز القديم بالكتروني قالو لي طلع الرقم الوطني ،،، أها مشيت لناس الرقم الوطني في المقرن الساعة 12ظ قالو لي التقديم لطلب رقم وطني جديد خلاص إلا تجي بكرة ،،، قلت ليهم يا جماعة الخير انا ما من الخرطوم ولو رجعت وجيت بكرة برضو ح أجي متأخر ،،، قالو لي ما مشكلتنا ،،، المهم قعدتا في الكراسي واتصلت على واحد معرفة كان شغال في جوازات المقرن ذاتا ،،، سمعني واحد وقال لي انا بحل ليك مشكلتك ،،، وفعلا كلم واحد من الشغالين والاخير ما قصر كلم لي نفس الزول القال لي ما مشكلنا ،،، سألني اذا كان عندي جنسية ،،، قلت ليهو آآآي عندي ،،، دخل جاب لي استمارة ،،، مليتا وبديت أعمل في الاجراءات ،،، طلعت جنستي من النوع القديم البرضو محتاج استبدال ،،، وتعالو شوفو المطمطة والمرمطة ،،، من مكتب لي مكتب ومن جنابو لي جنابو ،،، المهم لقيت لي بت حلاااال اتعاطفت مع وضعي وقعدت تفتش لي في الأصول (الاخوان والاخوات والاعمام وأولادم) ،،، بقيت كلما اجيب ليها اسم اطلع مافي في الجهاز علما بانو كلهم معاهم جنسيات ورقم وطني ،،، في الاخير انقذتني بت أخوي (لقينا اسمها) ،،، وبعد استجواب وتحقيق مشت المعاملة ،،، كملت باقي الاجراءات وبقيت في (الفينال) (التحقيق الالكتروني) عشان بعدها استلم الورقة و(أتفكفك) ،،، مشيت قعدتا في الكراسي مع الناس لغاية ما بقينا نحنا 3 ،،، قام جانو قال ماشي يصلي وراجع ،،، الموضوع جر لاكتر من نص ساعة وبعدها جانا واحد (نفر) قال لينا انتو قاعدين عندكم شنو؟
قلنا ليهو منتظرين الضابط عشان نعمل التحقيق الالكتروني ،،، قال لينا جنابو دا تاني ما راجع أمشو وتعالو بكرة ،،، قلت ليهو يازول جنابو شايفو قاعد في المكتب داك ،،، قال لي قاعد لكن تاني مابجي اشتغل اسمع الكلام واكسب زمنك ،،، قامت البت قالت لي خلاص ما عندك حاجة أديني رقم تذكرتك وشيل رقم تلفوني وأنا بتابعو ليك ،،، شكرتها ومشيت ،،، أها بقيت اتواصل معاها وفي كل مرة بتقول لي لسه ما طلع ،،، قمتا بعد 12يوم جيت اشوف الحاصل شنو ،،، قالو أمشي لمدير الصالة عشان يفك المعاملة ،،، مشيت للمديرة قالت لي دي الا عن طريق المدير في الطابق التاني لاني كنت غايبة في التاريخ دا ،،، مشيت للمدير ،،، قال لي أمشي ليها وقول ليها المدير بقول ليك دا شغلك ما عندي بيهو علاقة !!!!!!!!!!!!!!! ،،، رجعت ليها مرة تانية حولتني على مكتب واحدة تانية ،،، الواحدة التانية حولتني للزول البطبع الورق ،،، الزول رجعني تااااااني لمديرة الصالة ،،، أختنا لما شافتني مبهدل كدا قالت لي تعال ومشت معاي لي مكتب مديرة الصالة ،،، قالت ليها الزول دا قالو ليهو كيت وكيت وكيت ،،، قامت قالت ليها ما قالو ليهو يا (....) لكن أمشي قولي لي (...) فك المعاملة وأنت تعال لي ،،، مشينا فكينا (أسر مواطنتنا) ورجعت ليها ،،، وابتدا المشوار ...استجواب وتحقيق من أول وجديد ومااااا انفكيت منها الا لأنو الجماعة كانو منتظرها بالفطور ... كلفتتني سريع سريع وكتبت لي للزول البطبع وبعد ربع ساعة كنتا (وطني)... دي كانت قصة الرقم الوطني والفيلم (الجواز الالكتروني) حاجة تانية .... هذا المسلسل المختصر جدا جدا في سردو كان يمكن إنهاؤه في خطوتين أو ثلاثة خطوات وإلغا عدد من المحطات البتلهط في عرقنا وبتضيع في زمنا الاصلو ضاع ومعاهو عمرنا في الروتينيات الزي دي ..

[ابو الشهيييق]

#1365897 [أحمد الشريف محمود]
0.00/5 (0 صوت)

11-06-2015 10:02 PM
عند بداية استخراج هذا الجواز كان البرنامج لايقبل ادخال المهنة وهذه طبعا مشكلة كبيرة لا أدري هل تم تدارك ومعالجة هذه المشكلة أم لا ؟

[أحمد الشريف محمود]

#1365821 [وحيد]
0.00/5 (0 صوت)

11-06-2015 04:08 PM
كنت في إجازة في السودان و قررت تغيير الجواز بالجديد و كانت مشكلة ضيعت علي اياك كثيرة اذ الازدحام في كل مكان و في أي موعد تصل يخبروك ان الارانيك كملت ... في النهاية اكتشفت ان الناس شغالين " تحت تحت " و بعد دفع رشوة معتبرة اكتملت إجراءات الجواز في اقل من ساعة ..
المراكز قليلة جدا و الازدحام شديد لذلك كان الأفضل ان تتم إجراءات تغيير الجواز مع تجديده و هكذا تتم المسالة دون عناء و ازدحام

[وحيد]

#1365802 [محمد نور]
5.00/5 (1 صوت)

11-06-2015 01:57 PM
هل يعلم جنابه ان لجنة الجوازات الالكترونية لم تعد الى سفارة القاهرة منذ منتصف رمضان الماضى فكيف لنا اصدار الجوازات الالكترونية وقد تعرقل السفر لعشرات الالاف من المقيمين بالقاهرة افتونا

[محمد نور]

#1365779 [عبدالرحمن الحسن]
5.00/5 (1 صوت)

11-06-2015 12:26 PM
اغرب مافى الموضوع الاستهتار الحاصل من مدخلى البيانات والمدققين ذهبت انا والاسرة لاستخراجه فى القنصلية بدبى وطال انتظارنا وبعد طول انتظار استلمنا جوازين بهما اخطأشنيعة لاتغتفر اذا حدثت فى دولة اخرى تضع مكانة لاهمية الجواز ومدلولاته وهيبته لتم فصل مدخلى البيانات اشكالية السودان فى انعدام المحاسبة والاستهتار حتى بهيبة الدولة

[عبدالرحمن الحسن]

#1365735 [hhh]
3.50/5 (4 صوت)

11-06-2015 08:58 AM
المشكلة في المواليد الجدد خارج السودان حيث سيترتب علي ذويهم ان يسافروا بهم للسودان لإستخراج جواز السفر ، والمشكلة لا تكمن هنا مع مصاعب سفر الام واطفالها للسودان لهذا الغرض ، انما المشكلة في كيفية اصدار اقامة للمولود الجديد وهو لا يملك جواز سفر وسفارته المحترمه جدا جدا جدا ..... عديمة الجدوى ولا حول ولا قوة إلا بالله العلي العظيم .

طبعا الحل العبقري على الاب والام وبقية الاطفال اصطحاب المولود الجديد بعد ان تتكرم السفارة المحترمه بإصدار وثيقة سفر اضطرارية ( مولود يستهل حياته بوثيقة اضطرارية ) .


[hhh]

ردود على hhh
[عماد] 11-07-2015 10:07 AM
كيف هذا الكلام


#1365724 [ashshafokhallo]
5.00/5 (4 صوت)

11-06-2015 07:52 AM
ديل اصلهم عندهم تار معانا لاننا ماقاعدين نحول قروشنا ليهم والدولار قرب يصل 11. دا معناهو انو الفي بلدوا مافي مركز للحصول علي الالكتروني يا نسافر لاقرب بلد فيهو مركز ونخسر الاف الدولارات يا نجي السودان وبرضو نفس الخساره.
الله لا غز فيكم بركه

[ashshafokhallo]

#1365716 [Mutasim]
5.00/5 (2 صوت)

11-06-2015 07:09 AM
ماسورة و جاتكم جاهزة اشفط طوالي

[Mutasim]

#1365701 [عمر حسن قسم السيد فضل الله]
5.00/5 (1 صوت)

11-06-2015 04:28 AM
اولا السلام عليكم ثانيا لدي بعض استفسار انا مقيم بولة استراليا واحمل الجواز القديم والذي انتهت صلاحيته علما بأنه لا توجد سفاره هنا وارغب في العوده الي السودان وقد قمت بعدة محاولات لتجديده عبر محاولة التواصل مع سفارتنا بدولة إندونيسيا إلا أنهم لا يردون علي المكالمات فما هو الحل علما بأن آخر تجديد تم بواسطة جهاز المغتربين العام الماضي 2014 ارجو شاكرا بتوجيه هذا الاستفسار علي الجهات المسؤؤله أو تزويدي بوسيله تمكنني من التواصل معها

[عمر حسن قسم السيد فضل الله]

ردود على عمر حسن قسم السيد فضل الله
[الختاف] 11-07-2015 06:48 AM
حنكك بيش ياولدنا دى فرصة حنك فى النضيف وجهبز الورق ده انت فى بلد الزيت انجز وماتتردد

United States [sas] 11-06-2015 08:57 PM
بسالو من صلاحية الجواز

[nnnn] 11-06-2015 06:19 PM
ما عليك إلا ان تطالب بالجواز الاسترالي ودي فرصة محامي قوي والسبب موجود وأصلا ماحتقدر تطلع ولازم يدوك الجنسية ، وسيبك 24 ساعة طيران عشان ترجع السودان الاحسن ياخي ان تحضر اهلك لاستراليا وترتاح من الفلم الهندي ده المعروض Flash back

European Union [أنصاري] 11-06-2015 04:41 PM
إذا أردت العودة إلي السودان.. يُمكنك ذلك حتى إذا جوازك منتهي الصلاحية فهو وطنك والأصلي كمان.. حيث لا تحتاج أصلاً لتأشيرة لدخول بلدك أو لصلاحية الجواز أو السفارة.. للتجديد ما دمت عائد للسودان.

أقطع تذكرتك وأركب طيارتك وعِدل على السودان "مافي حد يكلمك أو يقول بِغِم" هناك يمكنك إستخراج جواز جديد إن أردت وغيره..أنت في السليم إن شاء الله ..لا تقلق.. والله معك.. إطمئن.


#1365696 [ود الأزهري]
5.00/5 (2 صوت)

11-06-2015 03:25 AM
نحمد الله على انتهاء العمل بالجواز السوداني تحت إدارتكم الفاسدة أيها الكيزان الكلاب. تفووووو عليكم أيها المخانيث .

[ود الأزهري]

#1365684 [عصام حمزة]
5.00/5 (4 صوت)

11-06-2015 01:05 AM
لماذا سكت جهاز شئون المغتربين عن التكلفة الباهظة للجواز عند إصداره بالخارج ....المبلغ خرافي وهو ثلاثة أضعاف تكلفتة بالداخل من المستفيد وماذا قدم الجهاز للمغتربين غير النهب المصلح ...حسبي الله ونعم الوكيل في الظلمة ...
ربنا يستجيب دعواتنا ويورينا فيكم يوم أسود أيها الحرامية آكلي مال السحت ألا تخافون من دعوات المظلومين ألا تخشون علي أنفسكم وأولادكم من الأمراض ...

[عصام حمزة]

#1365682 [ahmed abdelrahman]
0.00/5 (0 صوت)

11-06-2015 12:57 AM
غالي جدااااااااا

[ahmed abdelrahman]

ردود على ahmed abdelrahman
[Ahmed] 11-07-2015 01:20 PM
يخوانا ياناس الجوازات سهلو علي الناس ادو الناس مهلة كافية والله الناس ظروف ولسه في ناس كتيرة ما طلعت الجواز الالكتروني لاسباب كثيرة ولهم عذر في ذلك ما تصرحو وتقولو الجواز القديم حينتهي عشان تاني تتعبوا الناس البرة ديل والله الناس في الرياض وجدة هنا بتعاني شديد في استخراج الجواز الالكتروني خليك من المغتربين الفي بلاد ما فيها سفارة سودانية ولسه معاهم الجواز القديم


#1365680 [fatmon]
5.00/5 (3 صوت)

11-06-2015 12:56 AM
الناس دي مغفله تغفيل لا أول له ولا آخر ممكن القرار يكون كل جواز يتحول للإكتروني بإنتهاء صلاحيته لكن عشان الموضوع حرمنه في حرمنه الجماعة ديل لو في طريقة يسرقوا عين ويعوروا التانية

[fatmon]

ردود على fatmon
[أبو علي] 11-06-2015 07:39 AM
ديل لو في طريقة يسرقوا عين ويعوروا التانية

تعبير في الصميم ورائع يارائع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة