الأخبار
أخبار إقليمية
برلماني: دستوريون يهدرون المال العام بتشغيل عرباتهم لمدة ثلاث ساعات
برلماني: دستوريون يهدرون المال العام بتشغيل عرباتهم لمدة ثلاث ساعات
برلماني: دستوريون يهدرون المال العام بتشغيل عرباتهم لمدة ثلاث ساعات


"دا هو البجيب لينا النبز"،، لو القروش من جيبو ما بعمل كدا
11-07-2015 11:19 AM
البرلمان: سارة تاج السر
يعتزم نائب برلماني رفع شكوي لرئيس البرلمان إبراهيم أحمد عمر، ضد بعض الدستوريين الذين يتركون محركات سياراتهم في وضعية التشغيل طوال فترة الجلسات، مما يترتب عليه إهدار للوقود وتبديد للمال العام.
وقال النائب الذي فضل حجب هويته إنه سيثير القضية تحت قبة البرلمان وسيسلم إبراهيم أحمد عمر مذكرة تحوي عدد السيارات وأرقامها، لكشف القضية أمام الرأي
العام السوداني.
وقال إنه رصد سيارات تتبع لدستوريين تترك محركاتها في حالة دروان طوال زمن الجلسات والتي تمتد الى 3 ساعات.
واعتبر المسلك إهداراً وتبديداً للمال العام، وأضاف "السيارات تستهلك وقود في التشغيل والتكييف وبداخلها السائق الشخصي".
وأعرب النائب عن استيائه من الظاهرة التي وصفها بالمستفزة وأردف: "دا هو البجيب لينا النبز"، وأضاف "الدستوري لو القروش من جيبو ما بعمل كدا ما بخلي العربية مدورة طيلة زمن الجلسة في المجلس".

الجريدة


تعليقات 14 | إهداء 0 | زيارات 5142

التعليقات
#1366410 [sami]
0.00/5 (0 صوت)

11-08-2015 07:59 AM
مواليد القطبية
؟؟؟؟؟؟؟؟؟؟؟؟؟؟؟؟؟؟
بعدين دا
برلمان
ولا محل خمور
ليه لم يكشف عن هويته
معناه
مشاكله طافحة وخايف علي كيسسسسسو

[sami]

#1366365 [abu mohammed]
0.00/5 (0 صوت)

11-08-2015 05:59 AM
انا بس استغرب في الصورة بتاعة الجريدة الموجودة في العنوان الفساد صفر% يا حرام والله والجريدة اسمهم المشهد الان - اتقواالله يا اصحاب الصحافة يوم لا مال ولابنون الا من اتى الله بقلب سليم

[abu mohammed]

#1366304 [ود العمدة]
0.00/5 (0 صوت)

11-08-2015 12:16 AM
مسطول زار القصر الجمهوري وقعد يدعي :
اللهم ارزقنا زيارة بيتك الحرام ..
كما رزقتنا زيارة بيت ابن الحرام ..
اللهم اعوذ بك من الفساد الحاصل ..
والبنطلون الناصل ..
ومن الزمن الممسوخ ..
والوش المفسوخ ..
ومن ظلم الميزان ..
ومكر الكيزان ..
وشر البلية..
وحرامية المحلية ..
ومن جقور الكباري ..
وحرامية الوالي..
ومن برلمان بدرية ..
والبكسي اب ذندية..
والنومه الهنية ..
في قبة البرلمانية..

[ود العمدة]

#1366266 [فيصل محمد خير]
0.00/5 (0 صوت)

11-07-2015 09:38 PM
في المناسبات السواق قاعد منتظر سعادتة لمن يعزي او يبارك ويتغدا

او يتعشا والعربة تعمل كافة الدستوريين يهدرون المال العام بلا وازع
الحل هو الغاء كافة الوظائف الدستورية وعرض المؤسسات للقطاع الخاص وكافة الوزارات ورئاسة الجمهورية .... في عطاءات

[فيصل محمد خير]

#1366173 [محمد أحمد]
0.00/5 (0 صوت)

11-07-2015 03:40 PM
لماذا فضل حجب هويته إذا كان محق في كلامه.

[محمد أحمد]

#1366158 [luai]
3.00/5 (1 صوت)

11-07-2015 02:35 PM
ياخوانا هي كان بقت علي الوقود هينة المشكلة في المليارات البلهفوها والعمالة للدول الاجنبية هسي اثيوبيا دي كل يوم بتكتل في المزارعين في القضارف ولا في زول منهم جايب خبر

[luai]

#1366133 [Zooooooooool]
4.00/5 (1 صوت)

11-07-2015 02:03 PM
سواق خاص !!!!! هو اذا ما بعرف يسوق العربية ليهو شنو
ما يجي بأمجاد

[Zooooooooool]

#1366132 [الجـــــــــزيرة ابــا]
5.00/5 (2 صوت)

11-07-2015 02:03 PM
ايواااا برضو لو كلمت بتاع البرلمان انه زوجاتكم بستعملن الطلح اكتر من بقية نساء السودان ودة بجيب اخلال واضرار بالبيئة - وكلمو انه بناتكم بياكلو ساندوتشات بيرغر قدام الطلاب المساكين .. وكلمو انه اوﻻدكم بلبسو سيستم ومسستمين من ورا زى ابهاتهم .. كلمو قول ليهو الشعب السودانى دة افقه اضيق من خرم اﻻبرة ﻻنه بتكلم ساى وبنبز من طرف وما عنده موضوع .. كويس ؟!!

تشوفوا فى الفساد وتطعنوا فى ضلوا يطعنوكم بحقن الكلاب الضالة يا مجرمين يا فاسدين يا واﻻد الكلب .

[الجـــــــــزيرة ابــا]

#1366127 [Atif]
4.00/5 (1 صوت)

11-07-2015 01:33 PM
كدا الفاسد هو السائق للطرطيبة(شعب).

[Atif]

#1366119 [سودانى أعقل]
3.00/5 (1 صوت)

11-07-2015 01:02 PM
أيها النائب إنت ذاتك بتكون خارج الجلسه والا ماكانت عرفت العربات فى وضع التشغيل وبداخلها السائق الشخصى

[سودانى أعقل]

#1366105 [الناهه]
4.00/5 (1 صوت)

11-07-2015 12:23 PM
تشغيل محرك السيارة والتكييف اثناء جلسات البرلمان هو اخطر انواع الفساد والامبالاة وعدم الوطنيه وفي الاصل من منحهم هذه السيارات هو من علمهم الفساد وقبل ذلك من اتى بهم للبرلمان بالطريقه تلك التى يعرفها الصغير والكبير في السودان
بالتالي فانهم اصلا برلمانيون غير شرعيون فلذلك يصعب تطبيق المعايير الوطنيه عليهم وهم يعلمون بانهم تنطبق عليهم من اين اتى هؤلاء وفاقد الشئ لا يعطيه
هل يذكر احدكم يوما ان البرلما هذا اعترض على جزء من قرار لحزب المؤتمر الوطني الحاكم وهم يعلمون بان طاعتهم واغفالهم للحق والحقيقة هو ثمن وجودهم بقبة البرلمان كاعضاء مجلس الشعب او برلمانيون
افيقوا ايها البرلمانيون فقد عرف الشعب حقيقتكم

[الناهه]

#1366103 [المستعرب الخلوى]
4.00/5 (1 صوت)

11-07-2015 12:15 PM
طبعن لازم يخليها شغاله عشان لامن يصحوهو بعد إنتهاء الجلسة يجى يلقا العربية بااااااردة ويكمّل باقى النوم فى العربية لحد ما يوصل البيت ..

[المستعرب الخلوى]

#1366097 [عبر الاسير]
5.00/5 (2 صوت)

11-07-2015 11:53 AM
صحوة ضميرك .. يعني خلاص و صلت بك الأمانة للتبليغ عن أموال البترول السيارات ... وين أموال البترول والذهب بمليارات الدولار ذهبت ..
يبدو ان عداد الفسادة و صَل ذروته وبداء دورة جديدة من الصفر مرة اخرى.

[عبر الاسير]

#1366095 [Lila Farah]
5.00/5 (2 صوت)

11-07-2015 11:50 AM
بالله عليكم الله ديل ناس عندهم ضمير ؟ والا ديل سودانيين
بمثلوا الشعب السوداني ؟!!!!!!!!!!!!!!!!!!!!!!!!!!

[Lila Farah]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة