الأخبار
أخبار إقليمية
مدير الأراضي : لاعلم لي بـ "قطع" عصام عبد القادر ومن حق أي شخص امتلاك 700 قطعة
مدير الأراضي : لاعلم لي بـ "قطع" عصام عبد القادر ومن حق أي شخص امتلاك 700 قطعة
مدير الأراضي : لاعلم لي بـ
عصام عبد القادر


11-10-2015 03:30 PM

نفى المدير العام للأراضي محمد الشيخ علمه بالأراضي التي امتلكها وكيل وزارة العدل السابق عصام عبد القادر، إبان توليه منصب مدير الأراضي، مؤكداً أنه لا ضير في أن يتملك أي شخص ولو 700 قطعة، ولو سبق ذلك تعيينه مديراً التخطيط العمراني أو مديراً للأراضي، مشدداً على أنه لا ضير في أن يخضع أي شخص للمحاسبة إذا ثبت أنه تملك أي شيء بصورة غير مشروعة.

ونقلت محققة (الصيحة) إبتسام حسن عن الشيخ قوله إن هناك خطورة تجابه ميزانية ولاية الخرطوم بسبب اعتمادها على الأرض كمورد في تمويل أنشطة ومشروعات الولاية.

وقال "الشيخ" نحن الجهة التي تحفظ أسرار (العالم دا كله) ونرفد أي جهة رسمية في حال طلبها لمعلومات سواء كان للتأكد من إقرار الذمة للدستورين أو غيره. ونفى استدعاءه بواسطة لجان الحوار الوطني بيد أنه عاد وقال إن لجنة الهوية دعته للمشاركة في اجتماعتها متوقعاً أن اللجنة ربما تكون تريد أن تطلع على كيفية نزع الأراضي، مثلاً من المواطن وتمليك الأجانب وغيره، وجزم بعدم منحه أراضي لقيادات من المؤتمر الوطني بغير وجه حق، وأقر بأن الحكومة عاجزة عن نزع الأراضي من الأجانب المجنسين لأسباب تتعلق بالعلاقات بين الدول، وأسباب دينية لكنه أكد أن القانون الجديد يمكن أن يمنح الأجنبي قطعة أرض إذا وجد موافقة من مجلس الوزراء.

الصيحة


تعليقات 23 | إهداء 0 | زيارات 7123

التعليقات
#1368989 [osama]
0.00/5 (0 صوت)

11-12-2015 07:49 PM
الناس دي واقعة في الزول دا شتيمة بغير وجه حق
المدير دا جاء من تحت متدرج في الوظيفة
مؤهلاتو هي الوصلتو الحتة دي بالمنطق كدة مامكن الحكومة تجيب زول فاسد في المحل دا بعد شبهة فساد مكتب الوالي.
بعدين في واحد شاتم أمو كمان، الدخل أم الزول دا في الموضوع دا شنو
الحرامية في البلد معروفين الناس الجاية من أقصى قرى الشمال التعبانة والآن يسكنون قصورا، المدير دا لعلمكم جاي من منطقة تعتبر من أغنى مناطق السودان وعينو مليانة، ودشيوخ، امشو شوفو ناس منظمة سند وماشابهها...

[osama]

#1368544 [ودالجزيرة]
0.00/5 (0 صوت)

11-11-2015 11:18 PM
الاراضي تمثل اكبر بقعه للفساد

[ودالجزيرة]

#1368319 [الحلفاوي]
5.00/5 (1 صوت)

11-11-2015 02:07 PM
يا حليلك يا وزيرنا محمد نور الدين عشت وزيرا وعندما تقاعدت كنت لا تملك قطعة ارض فى الخرطوم واخدت اولادك ومشيت قعدتا فى بلدك حلفا بالقرية 22 .. الله يرحمك ويرحم امثالك ..

[الحلفاوي]

#1368254 [bluenille]
0.00/5 (0 صوت)

11-11-2015 12:26 PM
عاوز تفسير لماذا تنزع اراضى من ملاكها مثل الجريفات والفتيجاب والرميله وسوبا وبترى والكلاكله وهى ملك حر لماذا تنزع ولصالح من تنزع وكيف تملك للاجانب بحجج الاستتثمار مع نخب الحكومه من الباطن مثل مجمع الرواد بالرميله ومجمعات المحوريه بسوبا وبترى وسوقره ودره المطار
كيف تنزع اراضى ملك حر ويعدل القانون وتحدد اسعارها دون مشاركه صاحب الملك
هل هذا عدل وهذا فساد
لكن طالما ان هنالك حقوق انسان وحقوق مواطنه وملك حر ومنظمات دوليه واقليميه تعتنى بحقوق الانسان وامم متحده ونشطاء للانسانيه فاذن العدل سوف ياخذ مجراه
ان رضيتم ام رفضتم
وتقولون المتجنسين الاجانب لا تسيعون نزع اراضيهم خوفا من العلاقات الدوليه لكن المواطن السودانى الاصلى يضرب راسه فى الحيط هذه فهمكم لكن لا تظنون ان الله غافلا فانه يمهل ولا يهمل ذهب حسنى مبارك وذهب القذافى وذهب بن على وذهب عبدالله صالح
لكنكم انتم ذاهبون بحوله الله تعالى الى جهنم مرتين مره فى الدنيا حينما تنحرق بكم طائراتكم وتبتلعكم الارض والاخرى يوم الحق يوم لا ينفع مال ولا بنون ولا اراض ولا عماره ولا وظيفه

اللهم عجل بعذابهم عاجلا ليست اجلا

[bluenille]

#1368236 [المشروع]
0.00/5 (0 صوت)

11-11-2015 12:03 PM
قال:(جزم بعدم منحه أراضي لقيادات من المؤتمر الوطني بغير وجه حق)
التعليق:
المشكلة في جملة(وجه حق) وبموجبها تصرف المؤتمر الوطني والحركة الاسلامية في البلاد والعباد وطلعت غالبية السودانيين البسطاء ملوص وكل ذلك بالوجه الحق الذين تقولونه.

[المشروع]

#1368192 [ود مدنى السنى]
5.00/5 (1 صوت)

11-11-2015 11:05 AM
قال نحن عندنا اسرار العالم دة كلو وجاء تانى قال لاعلم لى بقطع عصام عبد القادر
لية عصام دة مامن العالم دة ولاشنو ولا من كوكب بنى كوز يقلعكم القادر

[ود مدنى السنى]

#1368130 [Abujabir Ahmed]
5.00/5 (1 صوت)

11-11-2015 09:51 AM
دا تمساح كبير وعندو كل أسرار سرقة اراضى السودان ولكن سيأتى يوم الحساب وحينها سيعلم هو وغيره أى منقلب ينقلبون ولكل ظلم نهاية والتاريخ ملىء بالعبر والدروس وما حادثة القذافى وزمرته ببعيدة .

[Abujabir Ahmed]

#1368062 [Omar A.Aziz]
5.00/5 (1 صوت)

11-11-2015 08:30 AM
والعنده 700 قطعة ده بسجلهم وين بستخرج شهادة البحث من وين يا سيد مدير الاراضي ما هي واحدة من الاثنين يا إما انت قاعد هناك نايم او انك عامل رايح والاثنين مشكلة والله ..

[Omar A.Aziz]

#1367990 [مشاكس]
5.00/5 (1 صوت)

11-11-2015 05:52 AM
لو سبق ذاك تعينه مديرا للتخطيط العمرانى او مديرا للاراضى لكن اكيد ما سبق الله يكون فى عونا خير خلف

[مشاكس]

#1367899 [محمد حمزة]
5.00/5 (5 صوت)

11-10-2015 10:07 PM
((وأقر بأن الحكومة عاجزة عن نزع الأراضي من الأجانب المجنسين لأسباب تتعلق بالعلاقات بين الدول، وأسباب دينية)) .

و أين ذهبت قوانين البلاد و دستورها ؟؟
هل أنتم تبنون علاقاتكم مع دول العالم على أساس أفراد ؟؟ أين هى المؤسساتية و سيادة القانون يا سيادة المدير ؟؟
أم انكم لا تريدون ترك سياسة الأنبطاح و التخاذل و الركوع للدول الخارجية ؟؟
متعودة دايماً كما قال عادل إمام .

[محمد حمزة]

#1367895 [الناصح]
5.00/5 (2 صوت)

11-10-2015 10:01 PM
دا حديث المفلسين والله ناظر الشكرية ولا ناظر حمر العند وثيقة فى بريطانيا ماعندو 700 قطعة والا 2% منها دا يجب اقالتة فورا والتحرى معة لانو مافى عود بقول طق بدون شق

[الناصح]

#1367874 [مبارك]
5.00/5 (1 صوت)

11-10-2015 08:50 PM
وكان الله في عون أراضي السودان

باعوها أرضي قطع قطع للمواطنين باعوها أقاليم لدول اخرى مثل الفشقة وحلاليب وشلاتين وتنازلو عن النيل الأزرق وجبال النوبة ومنطقة كاودا

غضب يفقع المصران

[مبارك]

#1367863 [حاج احمد]
5.00/5 (2 صوت)

11-10-2015 08:21 PM
700 قطعة يا مفتري والناس ما لاقين متر مربع الظاهر دا حوت كبير جدا ومن العن انواع الجبهجية

[حاج احمد]

#1367848 [f]
5.00/5 (2 صوت)

11-10-2015 06:30 PM
عادي واحد ٧٠٠ وواحد ما عنده متر في مترين ونعم العدل وعاش السلطان الجائر والحمير

[f]

#1367846 [fatmon]
5.00/5 (2 صوت)

11-10-2015 06:27 PM
لا علم لك هذه تشبهكم تماما!!!! سبحان الله كيف يكون جواب أحد مراح الذئب الجائر بغير هذا كل القطيع له نفس اللغة كما قال وزير الداخلية عن عصابة الجمارك فهو من نفس القطيع

[fatmon]

#1367833 [دارس]
5.00/5 (2 صوت)

11-10-2015 05:55 PM
و الله انا من قدامى جامعة الخرطوم ملية الصيدلة و اللوائح فى عهدنا فى العمل العام كانت تمنع امتلاكك لصيدلية حتى لا يحدث تضارب مصالح و حتى العمل فى صيدلية خاصة الا بتقديم طلب لشرح الظروف لدى الادارة العليا و تحديد فترة العمل خارج اوقات العمل الرسمى و لانو الفى ايدو القلم ما بكتب نفسو شقى و كما يجب ان تعلم ان جهات الاختصاص بالاراضى هى اكثر موظفيها سماسرة اراضى فى مصلحة الاراضى او التسجيلات و هذا من احدى الاسرار التى يعلمها الكل

[دارس]

#1367829 [محمد]
4.50/5 (2 صوت)

11-10-2015 05:50 PM
سفارة السودانية في واشنطن باعت اراضي للحبش والصوماليين والغريب منع ابنا دارفور وجبال النوبة والله عنصرية واضحة...لو دارفوري سال؟ ناس السفارة يقولوا مافي اراضي، اما الحبش ينادوهم بالمزيكة.

[محمد]

ردود على محمد
[Hisho] 11-11-2015 12:29 AM
اين هو الحبشى الذى منحته قطعة ارض الحكومة ؟؟؟ انتم لا حديث لكم او تفكير الا وتجد فيه رائحة العنصرية والكراهية ..وهل السفارة السودانية فى واشنطن تحولت الى مكتب تقسيم الاراضى للاجئين السودانيين الكاذبين بانهم مضطهدون فى السودان ليحصلوا على الاقامة فى امريكا .
من هو من ابناء دارفور الذى منعته الحكومة من امتلاك قطعة ارض , حتى جبريل ابراهيم , ذلك العنصرى المتمرد ومعه على الحاج العنصرى الاخر , يملكون منازل وسط الخرطوم لعمك ايها العنصرى الارعن , ماعرف وسط السودان العشوائيات وتحويش الاراضى الا عندما هاجر ابناء دارفور فى 1984 الى الوسط فانتشرت العشوائيات فى كل وسط السودان ومعظم الاحياء الان فى الخرطوم التى قامت بعد العام 1984 كانت منازل عشوائية وملكتها الدولة لابناء دارفور .
اما العنصرية الواضحة التى تتحدث عنها الان والله ما مارسها اهل الوسط عليكم والله لو كان اهل الوسط عنصريين كما تتدعى ما كنت الان انت تكتب مثل هذا الحديث الفاقد المعنى والمضمون كان سيكون امركم مثل (الهوتو ) ابناء عمومتكم فى رواندا وما ترككم اهل الوسط تقيمون (قطية) لتسكنوا فيها وسطهم .
انت وغيرك من الذين يلوكون هذا الكلام الارعن وهذا الادعاء الكاذب الباطل الذى تستفيد منه انت وامثالك فى طلب اللجوء السياسى فى دول الغرب وامريكا, اقول لكم انكم تعانون من عقدة الدونية وتشعرون بانكم ادنى من اهل الوسط وهذا الشعور هو لديكم اصيل وراسخ ولكن ان امنت بنفسك وادركت وتعاملت مع الامور على حقيقتها وبصدق تجد ان اهل الوسط ليس لديهم اى شى فى انفسهم ضدك فانت شخص مثلك مثل غيرك وشاء الله ان تجمعك بهم حدود سياسية فقط هم يحترمونها ولكن انت لا تحترم هذه المشيئة وتريد ان تحصل على شى هم لم ياخذوه منك ولم يكن لاهل الوسط يد فى كونك من دارفور او من سيبيريا ..
انتم تريدون الاختلاط الاجتماعى والمزاوجة منهم رغم انفهم ... هذا هو مربط الفرس .. الذى انت تعرفه وهم يعرفونه .. ولكن لا تستطيع ان تقوله علانية .. فتختبى وراء ادعاءت كاذبة وتهم غير حقبقبة فى حقهم ... الرجاء ان يحترم كل منا خصوصية الاخر ويحترم ثقافته وعاداته وتقاليده وساعتها ستكون انسان طبيعى وتعيش حياتك كما تريد انت ...


#1367821 [الأزهري]
4.00/5 (3 صوت)

11-10-2015 05:17 PM
ما هو ذاتو تلقاهو عندو 500 قطعة فلازم يقول ليك من حق أي مواطن يمتلك ولو 700

[الأزهري]

ردود على الأزهري
[مكي احمد] 11-11-2015 09:49 AM
الاخ الازهري من اين لك بهذه التخاريف ومن قال لك ان اهل الوسط ليسوا من ابناء غرب السودان وماذا تقول عن الزواج يارجل انت قايل ناس الوسط وناس الغرب ديل بفتشوا على حلب او بقايا اتراك او هنود او اقباط عشان يغيروا الوانهم وهل تعلم انو السودان حكموه غير السودانيين منذ الاستقلال انظر اراضى الدرجة اولى فى كل مدينة وتجار العملة واصحاب المصانع البتسرق من خير البلد وشوف عيون اولاد الجلابة الوهم بتاعينك ديل بتعاين وين دايرين ليهم نسب مع الناس الحمر ديل وانت عارف الجعليين السود ذي الشلك الواحد منهم داير يبقي مصري طوالي من الهجين الاول اطلع من الموضوع بتاع الغبيتة دة برة يارجل اوع توسخ خشمك لانو بنعرفك بيهو بعدين وقتين يبينو اهل الحارة والناس البيجيهم وجيع مما يحصل على بلدهم واعمل نايم احسن ليك انا خايف الاشراف الذين تعرفت عليهم فى زمن الطشاش كلهم بعدين تلقاهم دايرين يسجلوا غرابة ويكون التسجيل شرف بدل هسة بتشوفو عيب


#1367813 [جمالوف]
5.00/5 (1 صوت)

11-10-2015 04:52 PM
وأقر بأن الحكومة عاجزة عن نزع الأراضي من الأجانب المجنسين لأسباب تتعلق بالعلاقات بين الدول، وأسباب دينية .... كيف الكلام ده يا السيد المدير انت عايز الحكومة تقلع ارض سوداني استحق الجنسية السودانية بالتجنس ده كلام ده انت عايز تشرع علي كيف امك انت لو عملت كدة وماليزيا ومصر والامارات وبريطانياعملت زيك تخيل كيف سيكون الوضع ... انت قبل ما تكون مدير كنت شغال شنو

[جمالوف]

#1367810 [صلاح حسن]
5.00/5 (2 صوت)

11-10-2015 04:48 PM
إقتباس:
(وجزم بعدم منحه أراضي لقيادات من المؤتمر الوطني بغير وجه حق، ) .

حسناً أنت لم تعطى اراضى من غير وجه حق لكن غيرك فعل (ومكتب الوالى السابق فى بيع الاراضى بالمليارات للمسئولين فى الحزب الحاكم) و سيادتك ساكت و صامت صمت القبور لم تقل أى شيئ فى بيع اراضى الدولة , و بما انك المدير العام للأراضي فإنك مسئول عن كل صغيرة و كبيرة فيما يخص أراضى البلاد .. فلا تتملص من مسئوليتك و لا تحابى الفسدة و الفاسدين .

[صلاح حسن]

#1367803 [الراجل]
5.00/5 (3 صوت)

11-10-2015 04:34 PM
اعوذ بالله منكم يمشى حرامى ويجى حرامى ما فى فايده

[الراجل]

#1367789 [ابو جلمبو]
0.00/5 (0 صوت)

11-10-2015 04:08 PM
اسباب تتعلق بالعلقات بالدول دي كيف يعني
لا قانون لا دستور كافي البلاء

[ابو جلمبو]

#1367785 [ابو جلمبو]
5.00/5 (2 صوت)

11-10-2015 04:05 PM
شكلك قليل ادب وحرامي غريبة ظاهرة في وشك

[ابو جلمبو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة