الأخبار
أخبار إقليمية
الرئاسة تعتزم تحويل فريقي الهلال والمريخ لشركتين خاصتين
الرئاسة تعتزم تحويل فريقي الهلال والمريخ لشركتين خاصتين
الرئاسة تعتزم تحويل فريقي الهلال والمريخ لشركتين خاصتين


11-11-2015 03:14 PM
الأبيض - آدم محمد
أعلن حسبو عبدالرحمن، نائب رئيس الجمهورية، عن اعتزام تحويل فريقي الهلال والمريخ إلى شركتين خاصتين يتحول فيهما المريدون إلى مساهمين في إطار تطوير الرياضة، وتعهد خلال مخاطبته ختام مؤتمر وزراء الشباب بالولايات بالأبيض أمس بدعم الرياضة والشباب وتوفير المشاريع والتمويل، وأشار حسبو إلى أن الاقتصاد تعافى وأن الحصار المفروض على البلاد لم يؤثر

اليوم التالي


تعليقات 22 | إهداء 0 | زيارات 6528

التعليقات
#1368934 [عباس محمد علي]
0.00/5 (0 صوت)

11-12-2015 04:30 PM
يعني تحويلها لشراكة و ملكية خاصة بين رأسمالية الكيزان الطفيلية المتأسلمة من (جمال الوالي) و (ودإدريس) و (الكاردينال)!!!

[عباس محمد علي]

#1368860 [أبو أمجد]
0.00/5 (0 صوت)

11-12-2015 01:57 PM
شوفوا دا كمان الفرحان بالمنصب الما كان بيحلم بيه في حياته .. يا سيدي كلها أيام وحتلحق ود عمك الكان قبلك .. مالك ومال الكورة والاندية .. هي دي قضية البلد الآن .. بالله سيبونا من الامور الانصرافية دي وشوفوا ليكم حل للبلد الدمرتوها دي ..وسيبو المريخ والهلال في حالهم .. تباً لكم يا ايها الكيزان.

[أبو أمجد]

#1368698 [طارق حسن]
0.00/5 (0 صوت)

11-12-2015 09:22 AM
خلاص قبلو علي الاندية هلال مريخ خلينا الكرة والتشجيع اذا حا يدخلوا فيها الكيزان ... انها قد فسدت .

[طارق حسن]

#1368670 [ابراهيم مصطفى عثمان]
0.00/5 (0 صوت)

11-12-2015 08:54 AM
سياسة الخصخصة فشلت تماما في السودان بدليل ان حكومة الاخوان المسلمين هي (التاجرة ) الوحيدة للسلع الاساسية (السكر والدقيق والبترول) التي تدر لها ب (ارباح) في حدود 12 مليار جنيه سنويا .خصخصة (المريخ والهلال)وسيلة لزيادة السيطرة علي المجتمع ليس الا لتصبح رياضة كرة القدم حكومية بدلا ان تكون اهلية .

[ابراهيم مصطفى عثمان]

#1368639 [ابو الهادي]
4.00/5 (1 صوت)

11-12-2015 08:22 AM
يا جماعة فكروا في الموضوع بعقلانية الكلام ده من مصلحة الكورة والله شوف كل الفرق الإنجيليزية والأسبانبة والأوربية في الأساس هي شركات مساهمة عامة وشيوخ الإمارات مستثمرين في الأندية الأوربية باقي ليكم لو شغلة مربحة بدخلوا فيها وهم معروف عنهم شطارة الإستثمار والمشجع عندو اسهم وفهيا ارباح نهاية السنة زيها و زي بنك فيصل يعني تشجع وعينك قوية وبى ضمير كمان والحكومية ترفع يدها والإتحاد يرفع يده من الرياضة في احلى من كده وبى كده تكون دي اندية محررة وباقي القصر الجمهوري بس

[ابو الهادي]

#1368614 [ناصح]
3.00/5 (3 صوت)

11-12-2015 07:38 AM
أيها الشعب السوداني أحببت أن املككم هذه المعلومة الخطيرة جدا،، يمكنكم التأكد منها ،، وهي واردة لي من دهاليز جهاز الأمن الكيزاني الشيطاني اخبرني بها قريب لي مقرب منهم وهي : ان المدعو / محمد حمدان دلقو الشهير بحميدتي قائد مليشيا ما يسمى بقوات الدعم السريع ، ينتمي لبطن من بطون أحدالقبائل المعروفة، بطن من بطون يعني فرع قبيلة بعينها وينتمي لذات الفرع كل من نائب الرئيس حسبو وكذلك الوالي كاشا وعدد من نواب المؤتمر الوطني دخلوا الي سدة الحكم ومعهم السلاح ولا أحد يستطيع ردعهم لا شرطة ولا جيش ولا حتى البشير نفسه يستطيع ردعهم، ولعلكم تذكرون تصريح حميدتي الشهير عندما قال الحكومة لمن تعمل ليها جيش تجي تكلمناوقال ايضا ان امر السودان بيدهم هم فقط يسجنوا من من يشاؤون ويفرجوا عن من يشاؤون ومن يخالفهم فإن النار سوف تأكل رأسه ، وكذلك مهاجمهتم للمواطنين العزل في الجيلي مرتين وسلبهم اموالهم بالقوة تحت تهديد السلاح بسبب تأخر رواتبهم لمدة يوم واحد فقط ، فما كان من الحكومة الإ الإستجابة السريعة لمطالبهم مع العلم ان من يسلب الناس اموالهم تحت تهديد السلاح يجب قتله فورا وفق الشريعة الإسلامية . ثم بعد ذلك دخول هذه المليشيات الى العاصمة وضح النهار بحي الرياض وإستعراض قوتهم وإستقبال الوزيرة إشراقة محمود لهم بزغرودتها الشهير ويعتبر هذا الإستعراض داخل العاصمة كرسالة تهديد مبطنة لقوات الشرطة والجيش . مما سبق نستنتج ان الحاكم الفعلي للسودان هو جهاز الأمن المتمثل في قوات الدعم السريع فرع حميدتي ،، لذلك سعى جهاز الأمن لإضعاف الجيش السوداني ووطنيته حتى يتمكنوا من بسط نفوذهم على البلد... انتهى .. اللهم اجعل بأسهم بينهم شديد وخلصنا منهم يارب

[ناصح]

ردود على ناصح
[الراجل] 11-12-2015 03:35 PM
الكلام ده نحن عارفنو طيب الهلال والمريخ دخلهم شنو بالموضوع ده


#1368599 [fatmon]
5.00/5 (1 صوت)

11-12-2015 06:01 AM
التخصص في أي مجال من أهم عوامل النجاح فيه
رئيسنا رغم إنه لا مؤهل ولا متعلم وجاهل وما دبلوماسي وبليد وقاتل وظالم ومنافق وكذاب ورقاص وهارب من العدالة وما عنده لا شخصية ولا منطق ولفظه شين ما بعرف لغة الخطابة وبعيد كل البعد عن الدين والتواضع والخلق الحسن لكن ماشاء الله يدخل ويفتي في كل شيء سبحان الله وطبعا الكل عارف إنه كله إملاء من العصابة مشت عصابة وجاءت عصابة لكن كلهم ماشين بالرموت وأولهم هو ذاته العمبلوق
ليكم يوم يمهل ولا يهمل

[fatmon]

#1368570 [الخوار الوطنى]
0.00/5 (0 صوت)

11-12-2015 12:53 AM
والسيد حسبو ما عارف انو كان موجود وفد من الكونغرس الامريكى زائر السودان .. وان الجماعة انبطحو عديييييل عشان يرفعو الحصار لان المواطن تاثر فى كل شئ

[الخوار الوطنى]

#1368522 [واجد مافاهم حاجة]
5.00/5 (2 صوت)

11-11-2015 10:09 PM
الاقتصاد تعافي ؟ الكلام دا وين ؟ قي السودان ؟ معقولة يا جماعة انحنا عبطة لهذهالدرجة ؟ كل مسؤل من 89 يقولينا كلام بجه و الحال بجه؟ لمتين كده يا امة؟؟؟؟؟

[واجد مافاهم حاجة]

#1368504 [ابو ايوب.]
5.00/5 (2 صوت)

11-11-2015 09:11 PM
دخل الرياسة شنو بالهلال والمريخ.هذه مؤسسات شعبية ورياضية حرة؟؟
خلاص دا الباقي..بعدما سلطة جماعتكم.هلي المريخ ودجنتوه.واصبح جزا من المؤتمر الوطني والآن قبل علي الهلال. ستظل الهلال عصية على الحكومتكم.الفاسدة وضد اي تيارحر.

[ابو ايوب.]

#1368497 [ظلال النخيل]
5.00/5 (3 صوت)

11-11-2015 08:44 PM
يا ناس والله طفح الكيل ... ديل شنو ديل يا كيزان والله ما خليتوا حاجة والا حشرتوا انوفكم المتسخة فيها وعفتوه بمخاطكم...


يا جماهير المريخ والهلال تعالوا نتحرك من الاستاد بعد مبارة واحدة صوب القصر الجمهوري الساكن فيه كبير الابالسة ومنه للقيادة العامة لقوات الشغب الكانت مسلحة ومجموعة تتحرك للاذاعة والتلفزيون واخرى للمطار ... والله ما ياخدوا مننا غلوة ...في ساعة ممكن نسقط حكومة الكيزان الابالسة ونحرر الشعب ا لسوداني من هذه الشرذمة...

[ظلال النخيل]

#1368492 [انقاذي سادر في فساده]
0.00/5 (0 صوت)

11-11-2015 08:30 PM
خليناها الكورة ومقطعة في روسينكن خلاص جيبو عبدالله الأخ الرئاسي وحولو النادي لحوش بانقا وكفاية علينا برشلونة وريال مدريد ياملاطيش ياماحاتنفعو أصلا

[انقاذي سادر في فساده]

#1368468 [الحازمي]
5.00/5 (1 صوت)

11-11-2015 07:27 PM
تقرير دولي عن التعليم قال اربع دول ما فيها تعليم هي : الصومال "معذور" سوريا و السودان و ليبيا
أها قبلتوا على الكرة يا كيزان و غطسوا حجرها زي ما غطستوا حجر التعليم
ربنا ينتقم منكم يا ملاعين

[الحازمي]

#1368464 [عصمتووف]
0.00/5 (0 صوت)

11-11-2015 07:24 PM
كل م ادخلتم اصابعكم ف كل شئ فسد ف الكره فسددت كالفن والسياسة والدين الحالي المعروض ف بيوت الطائفية والمنشية ف ادخلوا اياديكم وليس الاصابع لدفن الهلال والمريخ والكورة والفن ف مقبره جماعية تضم هذه الهياكل النخرة وف النهاية من يشتريهم غير لصوصكم تلك الاندية ملك لمن ومن المشتري والمساهمين الحمدلله تركنا الكور والفن مع رعيل المبدعين يعطون ولا ياخذون وتركناها للدهماء والرجرجة والغوغاء

[عصمتووف]

#1368463 [ahamazole]
0.00/5 (0 صوت)

11-11-2015 07:22 PM
دا عشان تعرفو هيافة و تفاهة الناس ديل منتهى التفاهة و الوضاعة
و في الحقيقة حا يجيب من وين لو كان رئيسه اتفة من التافه

[ahamazole]

#1368453 [adrob2]
0.00/5 (0 صوت)

11-11-2015 07:07 PM
موضوع الإقتصاد ياأخي إتقي الله ، الدولار اليوم وصل ١١،٢

[adrob2]

#1368444 [ابواسامه]
5.00/5 (1 صوت)

11-11-2015 06:28 PM
خلاص دمرتو كل حاجة ما فضل شئ يدمر سواء الهلال والمريخ الشئ الوحيد الباقي نامل الا يصله كيكم كما وصل لكل شئ جميل في البلد(مشروع الجزيرة سودانير البحريه السودانيه جميع المصانع خطوط السكه حديد الخ الخ )

[ابواسامه]

#1368433 [almur]
5.00/5 (1 صوت)

11-11-2015 06:02 PM
لم يؤثر على من ؟؟؟؟؟؟؟؟؟؟؟؟؟؟؟؟

[almur]

#1368413 [سودانى استرالى]
0.00/5 (0 صوت)

11-11-2015 05:19 PM
وهو مالو ومال الهلال والمريخ؟ هوى ياوليد المي حار ولا لعب قعوي

[سودانى استرالى]

#1368405 [اابو الخير]
5.00/5 (1 صوت)

11-11-2015 05:04 PM
شركات رابحة الكيزان عايزين سيتولوا عليها

[اابو الخير]

#1368395 [وليد]
5.00/5 (1 صوت)

11-11-2015 04:27 PM
والله فكرة كويسة ومنتظريين راى خبراء الكرة 00خلاص بيعوا نادى المريخ لجمال الوالى بدل تحويل النادى لشركة مساهمة

[وليد]

#1368387 [تأشيرة خروج]
3.00/5 (2 صوت)

11-11-2015 04:18 PM
تاني كان مابقيت جبهجي مابتلعب في هلال مريخ

[تأشيرة خروج]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة