الأخبار
أخبار إقليمية
مسار :حان الوقت للاتفاق علي أسس حكم السودان
مسار :حان الوقت للاتفاق علي أسس حكم السودان
مسار :حان الوقت للاتفاق علي أسس حكم السودان


11-12-2015 10:21 PM
(سونا) -- إعتبر عبدالله مسار رئيس حزب الامة الوطني, الحوار الوطني السوداني الجاري الان بمثابة الاستقلال الثاني.
وقال في تصريح صحفي محدود بالمركز الاعلامي لأمانة الحوار أن مخرجات هذا الحوار يجب أن يؤدي الي استقرار البلاد بعد 60 عاماً من الصراع.
وأضاف ان القوى السياسية التي شاركت في الحوار تهدف الي التوصل الي مخرجات تقود الي الاتفاق على أسس و اليات حكم السودان في المرحلة القادمة ووضع أسس تتعلق بكيفية حكم السودان. وقال في هذا الخصوص حان الوقت للاتفاق علي كيفية حكم السودان من أجل الاستقرار وايقاف الوصول الي السلطة عبر الانقلابات وجعل الوصول الي السلطة عن طريق بوابة الشعب.
وأبان مسار نريد وضع أسس لأستقرار ورفاه الشعب السوداني حتي توظف الموارد لصالح المواطنين. ووصف الحوار بأنه شامل و ليس حوار أشخاص أو مجموعات، مبينًا أن مخرجاته ستكون شاملة وانه يطرح قضايا وطنية كلية.
وأكد رفض حزبه لان يكون الحوار وسيلة لتفكيك النظام او ازالة مؤسسات الدولة القائمة . وأكد مسار علي ضرورة التوصل الي وثيقة تؤسس لحكم مستقر ومتراضي عليه ومحل اجماع من كل السودانيين منوهاً إلى أهمية أن تطرح هذه الوثيقة للاستفتاء من كل السودانيين للموافقة عليها . واعتبر لجنة الحكم ومخرجات الحوار احدي لجان الحوار الوطني الستة من أهم اللجان لدورها في تحديد شكل القانون المؤسس لحكم مستقر.
وحول الممانعين أوضح مسار أن القضية ليست أشخاص وانما القضايا وهي قضايا أساسية لكنه عاد وقال يجب ان تظل الدعوة للمشاركة مفتوحة وأن مواعين الحوار يجب أن تسع الجميع.
ورأي مسار ان أي حزب سياسي تغيب عن الحوار اضاع علي نفسه فرصة الاسهام في ايصال رسالته للآخرين والمشاركة في حوار نهائي لتأسيس حق الحكم للشعب.
وحول المعارضة المتحفظة قال نستفيد من برامجها ورؤاها المشتركة حتي تكون أفكارها وأدبياتها مطروحة داخل الحوار.
أشار الي أهمية تفاعل الشعب مع الحوار والاقتناع بأن الحوار سيتوصل الي أسس لحكم السودان وقال في حال عدم التوصل لاتفاق يعني اتساع دائرة الصراع بين السودانيين.


تعليقات 10 | إهداء 0 | زيارات 2128

التعليقات
#1369296 [الوجيع]
0.00/5 (0 صوت)

11-13-2015 07:53 PM
بالحيل عفنت وطير الرخم فوق الشدر راجيها واحد يكمل لينا عجز البيت مشكورا

[الوجيع]

#1369289 [الوجيع]
0.00/5 (0 صوت)

11-13-2015 07:12 PM
اذا كان الحوار يمثل الاستقلال الثانى بالنسبة للبعض فقطعا سيمثل استعمار ثانى للبعض الاخر وبالتالى كانك يا ابوزيد ما غزيت ما حلينا المشكلة والله يديهم الصبر الى حين اجلاء الاستعمار الثانى اوكما قال الغناى براى سويتو فى نفسى قلبى الحب ما واعى .

[الوجيع]

#1369263 [سرجاق]
0.00/5 (0 صوت)

11-13-2015 05:37 PM
عبدالله مسار، حسبو عبدالرحمن، الصادق الرزيقى، حميدتى .. ألخ

الرزيقات ديل ناس مشاكل ومرتزقة سياسة ولو خلوهم براهم يقوموا للدواس والكتل بالكوم.

قال مجمجة والذخيرة تورى وشها أها دى البعروفها،، عالم وهم

[سرجاق]

#1369177 [نبيل يوسف]
0.00/5 (0 صوت)

11-13-2015 11:07 AM
شعب السودان اصبح شعب من غير مواقف شعب منهزم فى كل النواحى الماديه الاجتماعيه الثقافيه الرياضيه كل النواحى وفاقد الشئ لا يعطيه شعب سليب الاراده لن تجد منه اجابه على اى شئ هو شعب بصحيح العباره شعب صمت لن يحرك سكونه اى شئ من الحكومه والمعارضه والنفعيين امثالك يا مسار اسرحوا وامرحوا وخذوا نثريات من مال الشعبب لكنى اعلم بان لهذا الشعب هبه تطيح بالاخضر واليابس ونحن معه فى انتضار على احر من الجمر نبيل يوسف مسمار

[نبيل يوسف]

#1369162 [علي مسكين]
0.00/5 (0 صوت)

11-13-2015 10:14 AM
ياراجل مابتخاف الله. بس يظهر انك منافق وكزاب وارزقي وين السودان زاتو .الان مافي دولة حتي يتم حكمها وانت بدل ماتقول كدا كان تقول علي الاقل يجب محاكمة النظام الحاكم أولاً حتي يتم بنعدل السودان ولكن كلمة الحق مابقدر يقولا اي زول .انت خليك في النفاق بتاعك دا وغدا لناظره قريب

[علي مسكين]

#1369146 [علي سليمان البرجو]
0.00/5 (0 صوت)

11-13-2015 09:07 AM
آل ------------------------------------الآن يا ارزقي

[علي سليمان البرجو]

#1369115 [عشم باكر]
0.00/5 (0 صوت)

11-13-2015 06:42 AM
انا عندي قايمة شغال بيها .. الكلام ده واضح ؟ اسكت ما تقاطعني ولا حا أجي اوريك الطفىً النور منو
بالله بعد إهانتك على المُلا عندك نفس للكلام بعد ده بقولوا ليك يلا عرض أكتافك

[عشم باكر]

#1369066 [الراجل]
5.00/5 (1 صوت)

11-12-2015 11:09 PM
منافق ومرتزق ولن نقبل باقل من ذهاب النظام الفاسد ومحاسبة رموزة وانت اولهم

[الراجل]

#1369059 [باكاش]
4.75/5 (3 صوت)

11-12-2015 10:55 PM
واعتبر مسار الحوار الجاري بمثابة استقلال..
واكد رفض حزبه لان يكون الحوار وسيلة لتفكيك النظام وازالة
مؤسساته.
انت لو كان عندك كرامة شخصية البشير خاطبك زي
التلميذ وقدم ليك اهانة مشهودة وموثقة واكد ليك انو
الامر دا كلو في يدو والبحصل دا لشراء الوقت.. انت
لا طالبتو باعتذار ولا انتصرت ل كرامتك انت انسان قابل للاهانة
ومرتزق وكلامك دا موجه ل حزبك ال بتاكل بي هو مال الشعب
ب جنس الاباطيل والمسرحيات دي لكن انت حسابك حيكون مضاعف
دا لو السودان زاتو لو ما اتقسم.

[باكاش]

#1369050 [عصمتووف]
5.00/5 (1 صوت)

11-12-2015 10:30 PM
م دام عينة مسار الدعائية اصبحت تتحدث ف الساسة وتقرر ف مصيرنا مع حفنة من المرتزقة ضعيفي النفوس اصصحاب الشخصيات المهزوزة هل تنفع البلد
مسخرة دي

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة