الأخبار
أخبار إقليمية
رئيس تشريعي القضارف : الجيش الاثيوبي يحتل (3) مناطق بالشرق
رئيس تشريعي القضارف : الجيش الاثيوبي يحتل (3) مناطق بالشرق
رئيس تشريعي القضارف : الجيش الاثيوبي يحتل (3) مناطق بالشرق
حميدتي : أي واحد يعمل مجمجه ياهدي النقعه والذخيرة توري وشها


كشف عن اطلاق مليشيات اثيوبية (20) مواطناً مختطفاً بفدية (360) مليون جنيه
11-13-2015 10:59 AM

البرلمان: سارة تاج السر
كشف رئيس المجلس التشريعي لولاية القضارف محمد عبد الله المرضي، عن احتلال الجيش الاثيوبي لثلاث مناطق بشرق السودان لم يسمها، واعلن اختطاف المليشيات الاثيوبية 20 مواطناً سودانياً من منطقة باسنودة قبل ان يخلوا سبيلهم مقابل فدية مالية قدرها 360 مليون جنيه.
ونبه المرضي في تصريحات صحفية عقب لقائه رئيس البرلمان ابراهيم احمد عمر امس، الى تغول المليشيات الاثيوبية على مليون فدان بمحليات الفشقة وباسنودة وقريشة والقلابات الشرقية، المتاخمة لاثيوبيا، واشار الى انها اراضٍ خصبة ومنبسطة وذات مناخ متوازن وانتاجية عالية.
وكشف رئيس المجلس التشريعي عن تأجير مزارعين سودانيين اراضيهم بمبالغ مغرية مضاعفة عن الايجار العادي، وشدد على ضرورة التفاهم مع الجانب الاثيوبي لمعالجة تلك المسألة، وذكر ان السودان لا يمانع في الدخول في استثمارات مع اثيوبيا ولكن وفقاً لقانون الاستثمار.
وحذر المرضي من خطورة التعديات والتفلتات الاثيوبية، خاصة على المزارعين، واكد ان الهجمات المتوالية دفعت بعض المواطنين الى هجر اراضيهم وقراهم، وبرر الاستهداف الاثيوبي للاراضي السودانية بسبب الكثافة السكانية لدولة اثيوبيا، التي وصفها بغير العادية، واشار الى انها في حالة تزايد ونمو كبير.
واستنجد رئيس المجلس التشريعي بالقضارف، بالبرلمان القومي لتوجيه الحكومة المركزية، بترسيم الحدود بين السودان واثيوبيا والتي بدأت بالفعل بوضع نقاط ودوائر محددة في العام 2004م، واعتبر ان القضية تمس الامن الوطني.
ونقل المرضي للصحفيين تعهد رئيس البرلمان ابراهيم احمد عمر بالتدخل فوراً واجراء اتصالات بوزارات الدفاع والداخلية والخارجية معتبراً ان الاعتداءات الاثيوبية انتهاكاً للسيادة الوطنية.

الجريدة


تعليقات 12 | إهداء 0 | زيارات 4326

التعليقات
#1369772 [Lila Farah]
0.00/5 (0 صوت)

11-14-2015 11:40 PM
هذا الجيش وهذه القوات ليس لهما علاقة بالسودان ولا بالشعب السوداني
ولايمكن أن يطلق عليهما قوات الشعب المسلحه والصحيح هو قوات وميليشيات
ومرتزقة المؤتمر الواطي يتم تمويلها وتسليحها ومنحها كل الامتيازات
والرتب والنياشين علي حساب الشعب الذى ليس له ادني علاقه بها ليس الا.

هذا الجيش الذى كان فخرا وعزه لكل السودانيين والسودانيات صغارا وكبارا
يتباهون به ويفتخرون حين ينتسب أحد من ابنائهم اليه ويتغنون باسمه وباسماء
جنوده وقادته ويرددون مارشاته العسكريه في كل مناسباتهم.

هذا الجيش وهذه القوات والمليشات الان قد جلبوا لكل السودانيين والسودانيات في
الداخل والخارج الخزى والعار والفضيحه يكفي خزيا وعارا وفضيحه ان يكون قائده
العام قاتلا ومجرما دوليا هاربا خائفا لايستطيع ان يسافر الي اى بلد الا بعد ان يحصل علي كل الضمانات التي تمنع القبض عليه ولا يمنح هذه الضمانات الا الانظمه الدكتاتوريه الفاشله او الانظمه التي يخدم مصالحها ومطلوب القبض عليه

اللي عندو كلام تاني يديني الاماريه .!!!!!!!!!!!!!!!!!!!!!!!!!!!!!!!!!!!

أؤمن ويؤمن معي الملايين من ابناء وبنات وطني العظيم أن حواء السودانيه العظيمه ليست عاقرا ابدا ولم تكن عاقرا في يوم من الايام وكم من عظيم ومبدع
وسوداني حر أصيل قد خرج من رحمها الطاهر ليشع نورا ورأفة ورحمه وحبا لهذا السودان العظيم وحتما وقطع شك بين ماتبقي من قادة وجنود قواتنا قوات الشعب
المسلحه هذا السوداني الحر الاصيل الذى سينتشل هذا الوطن الجريح قبل السقوط
البدون عوده ولكن كل شىء عند الله بميقات ...!!!!!!
سبحانك ربي يافعال لما تريد انما امرك اذا اردت شيئا ان تقول له كن فيكون.

[Lila Farah]

#1369600 [فدائى]
0.00/5 (0 صوت)

11-14-2015 01:53 PM
هل يرتبط احتلال اراضى فى السودان من الاحباش باحداث معينه؟ ومن يقف خلفها؟ مع التوقيت الزمنى هل لذلك علاقه بارسال جنود اضافيين لليمن؟

[فدائى]

#1369509 [فشقاوى حزين]
0.00/5 (0 صوت)

11-14-2015 11:22 AM
الحبش اهلنا
الحقوا حلايب

[فشقاوى حزين]

#1369499 [نور]
0.00/5 (0 صوت)

11-14-2015 11:07 AM
طيب الحكومة ما تطلب من حميدتي يشوف المجمجة دى !!!!!!!!!!!!!!!

[نور]

#1369475 [foza]
0.00/5 (0 صوت)

11-14-2015 10:26 AM
لمقابله الحشد اﻻثيوبي والمصري..
علي كل ام سودانيه ان تلتزم بوﻻده 10 اوﻻد ....
بهزا المعدل الزي نراه هناك احتلال قادم ﻻمحاله ...
نحن بين فكي كماشه ....
الحقوا نفسكم ياسودانيين ....
السد اﻻثيوبي قادم ...
والسد المصري قائم...
وﻻوجود لسد سوداني ....
كنا نتمني من حكومه السجم ...ان تقيم سد ضخم لمقابله اﻻحتياجات اﻻنيه واﻻتيه
مصيبتكم عظيمه يا شعب السودان ...
اي رئيس لديه هرم يقيمه اي اهراماتكم مع السد اﻻثيوبي والسد المصري ما الزي يمنعكم
اصح يا شعب السودان القادم اسوأ
اصح والحق العالم...
اصح وخليكم من نضال الكيبورد
ما بيحل ...نضال الكيبورد...
وحتي نفسي ...ﻻ اعفيها ...
تعالو السودان واتحرقوا بنار السودان عشان تاكلوا حلاوه..
الكمبيوتر والهجره دي حلول فرديه ...انت بتحلوا في مشاكلكم...
والواحد...اول ما يطلع بره السودان يعمل فيها بيل جيتس
زول ماضاق اﻻلام في السودان قعد ..مع المقهورين ...
ما بيشمها...زي ما قالت فاطمه احمد ابراهيم
تعالوا سوا كلنا ...
انت تقري اوﻻدك في لندن وامريكا واوربا وعامل فيها مناضل
والغلابه يعملو شنو..
وتجي تعمل فيها اسطي...
قوموا بلا فقر معاكم

[foza]

#1369422 [جلباق]
0.00/5 (0 صوت)

11-14-2015 08:42 AM
ابراهيم أحمد عمر قال الاعتداءات الأثيوبية انتهاك للسيادة الوطنية . أها حتعملوا شنو ؟ قال حيتدخل فورا و يجري اتصالات مع وزارات الدفاع و الداخلية و الخارجية !!!أقول لأهلنا في القضارف و للشعب السوداني المبتلى : موت يا حمار لحدي يجيك العليق , و أقول للمحتلين الأثيوبيين : زعم الفرزدق أن سيقتل مربعا-- فاهنأ بطول سلامة يا مربع !!!أين النخوة و أين الكرامة و أين وامعتصماه !! ما أخذ بالقوة لا يسترد الا بالقوة . دا الكلامو السلام .

[جلباق]

#1369312 [الحق ابلج]
5.00/5 (1 صوت)

11-13-2015 09:20 PM
Alkiran,
i have always thought of you as a stupid monkey with no regard of his country . now i am convinced that you are no more than a big bag of crap . shame on you .

[الحق ابلج]

ردود على الحق ابلج
[Al-kirun] 11-14-2015 04:52 AM
Country : ???!!! ehahaaaaahahaaaaaheeeeeemeeeeee


#1369240 [ود الفاضل]
4.75/5 (3 صوت)

11-13-2015 04:16 PM
اقرؤا التاريخ ياسودانيين لتعلموا الفرق بين القادة , وبعضهم للاسف ظلمناهم بالسلبيات ونسينا اجيابياتهم ...
فى حادثة قتل ثلاثة او اثنين من تجار السودان بالحبشة فى عهد حكومة خليفة المهدي . ارسل الخليفة جيش يقوده الزاكي طمل مكون من الرجال وانا اكرر كلمة الرجال (لانه فعلا الرجال الحقيقين ماتوا فى كرري ) كما يقول المثل السوداني . جيش الزاكي طمل استطاع ان يهزم الحبش وياتي براس ملكهم (عداس فى جراب الى خليفة المهدي فى امدرمان ).والحرب كانت بالسيف والحربة والكوكاب . يعني التحام الرجال مع الرجال . واليوم نحن نصنع الطائرات ونعرضها استعراضعا فى دبي . واراضينا يحتلوها الحبش . هل فى مهاذل اكثر من كدا ياقوم ..

[ود الفاضل]

#1369208 [آمال]
4.75/5 (3 صوت)

11-13-2015 01:29 PM
في الحالة دي يتوجب طرد السفير الاثيوبي و الاثيوبيين من السودان و اتخاذ كل الاجراءات اللازمة ضد الاثيوبيين اللي احتلوا الفشقة و المناطق الثلاث في الشرق

[آمال]

ردود على آمال
[Sebit] 11-13-2015 07:34 PM
How bout your government can't take the land back weak ass government can't do nothing but threaten people amen

[آمال] 11-13-2015 07:17 PM
نحن ما ضد وجودكم معانا في السودان ، لكننا ضد احتلالكم أراضينا

[آمال] 11-13-2015 06:53 PM
شكلك حبشي من كلامك يا الكيرون لان ما عجبك كلامي ، بس الحقيقة انكم انتو المفروض تطلعوا من السودان اذا انتو قاعدين فيه بالطريقة دي و كمان محتلين الفشقة و مستغلين ضعف حكومتنا

[AL-KIRUN] 11-13-2015 06:22 PM
Same : things.. and what's the difference.. since Arab had coming in Sudan > they were occupations all Sudan. even the Nile.. and Nile's Fish

[AL-KIRUN] 11-13-2015 05:21 PM
Rather : must outser all Arab from Sudan - amen

[AL-KIRUN] 11-13-2015 05:16 PM
No ,,no.. in this point Arab in Sudan must have throwing them out.. wherever back to Gazira Arabia.. or to > direct Ocean - amen


#1369195 [مزهول]
4.82/5 (5 صوت)

11-13-2015 12:19 PM
اتحدي اكبر اخو مسلم يعلن الجهاد لتحرير هذة الاراضي
او حلايب وشلاتين .. اتحدي الرقاص يامر حمدتي حرامي الحمير
بالتوجة شمالا او شرقا لمجابهة الجيش المصري والمليشيات الحبشية .. ديل مابحاربوا الا الشعب السوداني الاعزل واغتصاب بنات الغرب واللاتي قال فيهن االرقاص فاليفتخرن مادام الاغتصبهن حعلي!!!
يا حراير السودان انقذونا ...

[مزهول]

#1369190 [الجقود ود بري]
4.69/5 (5 صوت)

11-13-2015 12:02 PM
المليشات وما يسمي الجيش السوداني مشغوليين بقتل المواطنيين والحرب في اليمن
ما عندهم وقت لتحرير لحماية البلاد وتحرير الارض الاراضي السودانيه
الفاتحه علي روح المرحوم السودان

[الجقود ود بري]

#1369185 [الحق ابلج]
4.63/5 (5 صوت)

11-13-2015 11:49 AM
ليس المليشيات الاثيوبيه بل الحكومه والجيش الاثيوبى النظامى هو الذى يعيث فى الشرق فسادا .
انها خطة واضحه لاستغلال ضعف حكومة الكيزان والتوسع لاحتلال الفشقه برمتها والتى تضم اكثر من مليون فدان من اخصب الاراضى فى العالم وتصلح لزراعة اى شئ . كيف يمكن لمثل هذه الحكومة الفاشله ان تقف فى وجه هذا الزحف . اثيوبيا التى سيبلغ سكانها مائة مليون نسمه وتسعى لبناء سد النهضه الذى سيوفر لها الماء الصالح للرى ستحتاج لاكثر من الفشقه . وهذه الفديه التى بلغت مليار وثمانمائة مليون لكل مواطن ما هى الا بداية ....
وما هنت يا سوداننا ابدا علينا

[الحق ابلج]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة