الأخبار
أخبار إقليمية
ضبط حاوية مخدرات ثانية بميناء بورتسودان خلال أسبوعين، والخامسة خلال عام.
ضبط حاوية مخدرات ثانية بميناء بورتسودان خلال أسبوعين، والخامسة خلال عام.
ضبط حاوية مخدرات ثانية بميناء بورتسودان خلال أسبوعين، والخامسة خلال عام.


محاولة تهريب شحنة مخدرات جديدة
11-15-2015 10:05 AM
الخرطوم:
قالت سلطات الجمارك، إنها تمكنت من إحباط محاولة تهريب شحنة مخدرات جديدة عبر ميناء بورتسودان، وهي العملية الثانية التي تضع فيها السلطات يدها على حاوية مخدرات بالميناء خلال أسبوعين، والخامسة خلال عام.
وقال مدير فرع الإعلام بدائرة جمارك البحر الأحمر، حنفي حامد إسماعيل، حسب شبكة الشروق، أمس، أن هذه المحاولة كانت تحت ستار المستلزمات الطبية كنوع من التمويه لإدخال حاوية حبوب مخدرة خطرة تؤدي إلى الهلوسة والإدمان، وأضاف إن هيئة الجمارك ظلت خلال الفترة الماضية تتابع وترصد أي تحركات لإدخال المواد الممنوعة إلى داخل البلاد، وإنها ستظل عيناً ساهرة من أجل الحفاظ على مكتسبات البلاد الاقتصادية.
وكانت السلطات ضبطت بميناء بورتسودان الأسبوع الماضي شحنة مخدرات تتألف من "حشيش" وحبوب مخدرة قدرت بنحو 650 كيلوجراماً، مخبأة داخل ثلاجات قدرت قيمتها بحوالي 21 مليار جنيه.

الجريدة


تعليقات 21 | إهداء 0 | زيارات 6098

التعليقات
#1370770 [Rebel]
5.00/5 (2 صوت)

11-16-2015 05:33 PM
* الراجل الفى صوره ده "بسف تمباك" كمان, و لا حكايتو شنو!

[Rebel]

#1370605 [Abujabir Ahmed]
5.00/5 (1 صوت)

11-16-2015 12:19 PM
العالم ديل ما بشبعوا من الفلوس من أكبر كوز لأصغر كوز صاروا مليارديرات وكانوا أتفه ناس وأفقر ناس ركبوا الفارهات وبنوا العمارات وتزوجوا مثنى وثلاث ورباع دا كلو ما كفاهم ماشين للمخدرات والله حكمة غايتو السودان ربنا يجرجوا من هذه الهوة السحيقة .

[Abujabir Ahmed]

#1370603 [ALMAHI]
5.00/5 (1 صوت)

11-16-2015 12:16 PM
حسبنا الله ونعم الوكيل ربو اولادكم بالحلال وعلى الاخلاق الطيبه والفضيله ( بالحلال القليل ) وخلوهم يدخلوا المخدرات لابنائهم ابناء الفاسدين الضاليين ليضللوا ويفسدوا بها ابنائهم لانهم وضعوا الحرام فى بطونهم واكلوهم من اموال الفساد .

[ALMAHI]

#1370451 [ابو كوكو]
5.00/5 (2 صوت)

11-16-2015 09:13 AM
لي انتو كلو ماتجيبو المنخدرات بتجيبو صورة بكري ده
هو بتاع المكافحة ولاشنو ؟؟؟؟

[ابو كوكو]

#1370416 [ابو جلمبو]
5.00/5 (1 صوت)

11-16-2015 08:41 AM
القصة انه تجار المخدرات من لبنانين وسوريين واترك نقلو الشغلة للسودان بعد ما حصلت الحرب السورية، وكلهم عاملين فيها مستثمرين، الواحد يجي يفتح ليهو مطعم واجهة ويستورد مخدرات وبيدفعو رشاوي لناس البوليس وناس الجمارك وللوزراء، يعني كل تجار المخدرات العالميين اتجهو للسودان لانه فيها فساد ورشاوي عينك عينك، واي شي بيدخل عن طريف الميناء الرسمي للبلد، كمية المخدرات الوصلت للسودان كميات كبيرة جدا جدا، لكن هم بيقبضو مجرد فتافيت عشان يحللو شغلهم

[ابو جلمبو]

#1370410 [سوداني 1]
5.00/5 (1 صوت)

11-16-2015 08:31 AM
العملية كلها اعلام للموزعين بوصولها سليمة وحاتوزع سليمة . لا بنسمع قبض مجكمة ادانة ومجرم يعدم او في الزنزانة

[سوداني 1]

#1370381 [ابومرام]
5.00/5 (1 صوت)

11-16-2015 07:41 AM
ناس المخدرات في ليهم طريقة تحلل؟؟؟؟؟؟؟؟؟؟ بعدين زمان كان ناس الجمارك عندما تتم عملية ضبط مخدرات يعملوا احتفال بمناسبة حرق المخدرات ويصوروا الموضوع ويجي واحد يتكلم؟ لمن الخمسة حاويات والحاوية البعدهم وهذه الاخيرة ماشفنا عملية ابادة المعروضات؟؟؟؟؟؟؟؟؟؟؟؟؟ ممكن نعرف راحت وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بعدين كل الحاويات التي تم القبض عليها ماعرفنا مين اصحاب هذه المخدرات كلهم اجانب؟؟؟؟؟؟؟؟ وكلهم خارج السودان؟؟؟؟؟؟؟؟؟؟؟؟؟؟ طيب شحنوها لي منو هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الموضوع صراحة فيه حلقات مفقودة مايمكن ينطلي على الشعب السوداني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابومرام]

#1370333 [Rebel]
5.00/5 (5 صوت)

11-16-2015 12:58 AM
* دى شحنات " عائلات ملكيه و رئاسيه" يا بتوع الجمارك!!
* و البروتوكل يقول: "العوائل المالكه و الرؤساء لا يسألوا عن تصرفاتهم و لا يردوا على العوام!", يا بجم!..
*إنتو ما بتفهموا!..شنو كل مره شابكننا قبضنا شحنات قبضنا شحنات!
* على الطلاق لو محلهم, ارسلكم انتو ذاتكم تمشوا تشحنوها و تركبوا معاها لحدى "كيلو 8"..كيلو 8 شنو؟ استغفر الله, لحدى البوابه الجنوبيه!!

[Rebel]

#1370293 [علي مسكين]
5.00/5 (1 صوت)

11-15-2015 10:00 PM
بطلو حركات وقسمو الشغلانة سريع سريع الحاوية الفي السكة اتخرت شوية...الشقلانة وراها ضباط كبار وزراء واشقاء رئيس

[علي مسكين]

#1370225 [عصمتووف]
5.00/5 (1 صوت)

11-15-2015 06:56 PM
بارون المخدرات الرسمي المجهول لما سوف يرسل امواج تحاياة المعطرة عبر بورسودان ليجعل تكريز السلطات هناك و يدخلها عبر المعابر الرسمية شمالا او غربا عبر دارفور او جنوبا او حتي حلايب او تسقط عبر الحمولات المنقولة جوا ف حدائق الخرطوم ي كافي البلاء غير المواد المشعة والنفايات العضوية والايكنرونية والمخدرات ل والادوية الفاسده المنتهي الصلاحية و المصرين تدخل علينا شئ مفيد

[عصمتووف]

#1370177 [الفاتح]
0.00/5 (0 صوت)

11-15-2015 04:43 PM
اقتباس (( وهي العملية الثانية التي تضع فيها السلطات يدها على حاوية مخدرات بالميناء خلال أسبوعين، والخامسة خلال عام.))
إذاا كانت هذه هي الكمية التي تم ضبطها خلال عام .. أليس من حقنا أن نتساءل عن الكمية التي لم يتم ضبطها وتسللت إلى الداخل ؟؟؟؟ الإجابة على هذا التساءل نجدها في ما يحدث في البلاد من أنهيار أخلاقي وسط الشباب ومن جريان الفلوس في أيدي البعض

[الفاتح]

#1370167 [Abdo]
5.00/5 (1 صوت)

11-15-2015 04:07 PM
نسمع خبر القبض و لا ندري ما حصل بعد القبض على هذه الحاويات ،سم يسمم أبدانكم من كبيركم لصغيركم يا آل الإنقاذ التي أصبحت دمار شامل .

[Abdo]

#1370163 [مسطول]
0.00/5 (0 صوت)

11-15-2015 03:48 PM
الحاويات دي بتجي براها , لا يعني طيب البشحنها منو . يكون يا ربي ده مخطط صهيوني , ولا ديل اعداء الاسلام و الدول الامبريالية ,لو اساسا ما قادرين تقبضوهم خلاص ياخ خلوها تدخل , يدخل فيكم شنو اقول ليكم , كل يوم قبضنا حاويات مخدرات و مافي متهم

[مسطول]

#1370155 [جقر المنشية]
0.00/5 (0 صوت)

11-15-2015 03:29 PM
الشحنة دي ما عندها سيد.. وبوليصة شحن؟؟
إيه الكلام الني ده..
دا زاتو تخدير..
شنو يعني كل أسبوع.. أحبطنا وأفشلنا؟؟
الأمر ده خطير وبيمس أمن وصحة شعب كامل.. نجضو الموضوع وللا سيبوهو.. خربانة خربانة.

[جقر المنشية]

#1370131 [عطاء]
0.00/5 (0 صوت)

11-15-2015 02:33 PM
دا اسبيرات ناس بكري حسن صالح الواحد لزم يركب الفيل و بعد داك يدور بدونو طبعا ما بيقدر بشتغل

[عطاء]

#1370059 [ابوكدوك]
0.00/5 (0 صوت)

11-15-2015 12:46 PM
وبعدين معاكم بقا !!

الشغلانيه بقت على عينك ياتاجر ، لكن سبحان الله لحكمة يعلمها الله ، اكثر المتعاطين تجدهم ابناءهم وابناء الحاشيه التى حولهم وابناء رجال الاعمال الذين يسبحون بحمدهم وابناء المطبلين والمزمرين لهم ، قلة من ابناء الهامش هم الذين يتعاطون تلك الانواع من المخدرات

قبل عدة سنوات واثناء دراستى الجامعيه اعرف فتاه كاملة الاوصاف !!
واثناء احدى المحاضرات ، اصبحت تصيح لا اراديا وكان بها صرعة ، شيئ لايوصف ابسط مايقال عن حالتها حاله تكسر الخاطر ، استعنا بالحرس وبذميلاتها ونقلت الى خارج الجامعه لان الوقت كان متاخرا بعض الشيئ ،،،

لم ينتبه احدنا ولم نخمن فى دواخلنا الا خيرا ،،

لنفاجا بعدها بيومين انها تتعاطى نوعا ما من المخدرات ،،،

الله يعلم ان اباها احد كبار تجار السجانه ،،

سترنا الله واياها ،،،

[ابوكدوك]

ردود على ابوكدوك
United States [الحقيقة] 11-15-2015 06:35 PM
صاح يا أبوكدوك بنعرف واحد عرس موظفة في الأسواق الحرة وذهب بها إلى المغرب في شهر عسل وبينما هما في الفندق طارت البت ودقت الدلجة فإستغرب الرجل وحسبها من آثار العرس لكن الحكاية تكررت فرجع بها للسودان فهدأت ولم تتكرر منها تلك الصرعات وحاول كشف الحقيقة فأخبره واحد في الأمن أن تلك البنت ظلت تحت المراقبة لفترة إذ أنها كانت تستغل إمكانية دخولها وخروجها من مطار الخرطوم بدون تفتيش فعملت كوسيط لإستلام المخدرات من بعض العملاء داخل المطار والخروج بها بجانب أنها أيضا صارت مدمنة فطلقها الرجل فورا.


#1370055 [:::بيـكو :::]
1.00/5 (1 صوت)

11-15-2015 12:38 PM
البنقو ما كعب كعب البنقو الكعب!

[:::بيـكو :::]

ردود على :::بيـكو :::
[Rebel] 11-18-2015 02:29 PM
* يا راجل انت قاعد وين اصلك!, لسه فى البنقو الكعب و البنقو السمح!!
* يعنى الملوك و الرؤساء ديل مرقوا فى لبنان و المكسيك, عشان إجيبوا ليهم بنقو!..ما تراه راقد فى مزارع الدعم السريع! فركة رجل, إسلموك 50 طن!

[العيسابي] 11-16-2015 11:19 AM
هههههههههههه
أشرح لينا براحة دي شنو ؟


#1370049 [فدائى]
0.00/5 (0 صوت)

11-15-2015 12:31 PM
هسع عليكم الله دى حاله دى احوشوا فيكم حوش الظاهر الشغله قروشه كتار خلاص وعصام البشير قال ليهم ما تشيلوا الهديه تعال شوف الهديه دى وبعد داك افتى لينا فيها (امسكوا عليكم الدجالين ديل والله نحنا زهجانين لو طلع لينا اى وحد منهم اقول اى كلام بنديهو والله من التقيل ياوسخ

[فدائى]

#1369983 [كاسـترو عـبدالحـمـيـد]
0.00/5 (0 صوت)

11-15-2015 10:49 AM
لم نسمع الى الآن بالقبض على اصحاب الحاويات ومحاكماتهم .

[كاسـترو عـبدالحـمـيـد]

ردود على كاسـترو عـبدالحـمـيـد
European Union [salahuddin] 11-15-2015 05:08 PM
والله يا كاسترو هذه حقيقة سمعنا بإحباط محاولة ادخال حاويات مخدرات خلال الفترة الماضية وليست حاوية واحدة ولو قدمنا اشادة برجال الجمارك والحادبين على أمن الوطن والمواطن طيب السؤال الذي يطرح نفسه هل تم القبض على أصحاب الحاويات سمعنا أنها دخلت الميناء بشحنة أدوية أو أغراض شخصية ومن باب أولى أنها ملك لشخص أو أشخاص وبوليصة الشحن مدون بها اسم الشخص والجهة والمرسل والمستلم والكمية .. يارجال الجمارك اين وصلت التحقيقات بالنسبة للحاويات السابقة وهل تم محاكمة اصحاب الشحنات .. ماذا عن الشحنة نتمنى أن لا تكون دخلت الى البلاد بطرق ما أو تم توزيعها طالما لم نسمع عنها وعن أصحابها.. سمعنا محاكمة الفتاة التي سرقت دجاجة من محل تجاري .. سمعنا محاكمة الشاب الذي ضرب جاره حينما أعتدى على والده العجوز دفاعاً عن النفس ومن واجب الأبوة .. سمعنا وسمعنا.. ولكن لم نسمع عن محاكمة من ادخل حاويات المخدرات في المرات السابقة كما جاء في المقال ومن باب أولى سوف لم نسمع عن محاكمة أصحاب الشحنة الحالية .. الله المستعان..


#1369970 [احمد سكاك قطيه]
5.00/5 (1 صوت)

11-15-2015 10:40 AM
الحكومه تريد تخدير وتدمير الشعب والشباب السودانى , كما فعلت الصين من قبل ,, السودان صار كله دعاره ومخدرات وخمور,,, هذا هو المشروع الحضارى ,, كل قنوات التلفزيون أغانى ولاشىء غير الاغانى ,, والشارع غير منضبط والحال صار لايعجب حتى العدو ,, وإنا لله وإنا إليه راجعون

[احمد سكاك قطيه]

#1369966 [nasereddin]
5.00/5 (1 صوت)

11-15-2015 10:28 AM
كالعادة ، تضبط سلطات الجمارك الكمية ما بين كل يومين ،تلاتة وما في متهم.... ومن أمن العقوبة ساء الأدب.... الحكاية تحميها سلطات كبيرة .... خربانة البلد!! شباب يافعين طالت لالايدي الاَثمة عقولهم وخسرهم وطن!!!! أعملوا ماشئتم ..فلا حسيب ولا رقيب!!!!!!!!!!!!!!!

[nasereddin]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة