الأخبار
أخبار إقليمية
بنك السودان " يحقق مع "17" موظفاً بتهمة اختلاس "36" مليون يورو
بنك السودان " يحقق مع "17" موظفاً بتهمة اختلاس "36" مليون يورو
بنك السودان


11-15-2015 04:41 PM

وجّه بنك السودان بالتحقيق مع "17" موظفاً بالبنك السوداني الفرنسي في تجاوزات مالية بلغت "36" مليون يورو حدثت في عامي 2013- 2014م.

ونقل مسؤول القضايا والحوادث حافظ الخير عن مصدر موثوق قوله أمس، إنه تمت إحالة "9" موظفين للتحقيق وفصل ثلاثة من فرع الجمهورية وإحالة "8" موظفين من رئاسة البنك للتحقيق".

وأكد المصدر إجراء تسوية اقترحها الشريك الأجنبي ووافق عليها بنك السودان بأن يدفع الموقوفون "6" ملايين يورو نقداً، وأن يتم تقسيط باقي المبلغ لمدة عام على أن يتم دفع "750" ألف يورو كقسط أول وباقي الأقساط "500" ألف يورو شهرياً لمدة عام بعد تدخل من الشريك الأجنبي

وتمسك بنك السودان بحقه بأن يدفع الموقوفون فرق سعر الصرف وقدره "80" جنيهاً عن اليورو الواحد.

الجدير بالذكر أن مبلغ التجاوزات هو حصيلة النقد الأجنبي للبنك والتي من المقرر أن تذهب نسبة "7%" منها إلى بنك السودان بالسعر المصرفي، "30%" للبنك.

الصيحة


تعليقات 29 | إهداء 0 | زيارات 9725

التعليقات
#1370952 [كاســترو عـبدالحـمـيـد]
1.00/5 (1 صوت)

11-17-2015 04:06 AM
نرجو من الخبير المالى السيد / الهـبانى أن يتناول هذا الموضوع ويفيدنا اكثر عنه لأننا ببساطة ما فاهـين حاجة ونحتاج لمتخصـصـين ليـدلوا بدلوهم فى هذا الموضوع . نرجو الا تتأخر علينا يا السيد / الهـبانى وشكرا .

[كاســترو عـبدالحـمـيـد]

#1370921 [المنجلك]
3.50/5 (2 صوت)

11-17-2015 12:49 AM
تحـــــــــــــــللوا يرحمكم الله
بسيطة دي

[المنجلك]

#1370771 [ود القبائل]
2.00/5 (1 صوت)

11-16-2015 05:36 PM
يا اخوانا موضوع الاختلاسات دا زهجنا منو .
شوفو لينا موضوع حبوب الهلوسه والفياجرا
خشت السوق ولا لسه .
عايزين حاجه تهلوس بينا بدل السرقات دي.

[ود القبائل]

#1370661 [ابو فاطمه]
3.50/5 (2 صوت)

11-16-2015 01:46 PM
عذرا الإخوة المعلقين واضح أن التعليقات المنشورة تمت دون تفكير أو تمحيص أوتحليل للخبر وقد تورط في ذلك حتي الصحفي بكري الصائغ ونعود ألي الخبر المنشور في صحيفة الصيحة ونسأل بكل براءة عن التناقض في صيغة الخبر في بدايته وهي الإختلاس ونهاية الخبر التي تتحدث عن أن هذه الملايين عبارة عن تحاويل ترد من خارج السودان تتم إضافتها إلي حسابات عملاء لدي المصرف وتخصم نسبة 70% منها لصالح البنك المركزي وبالتالي هي ليست أموال نقدية فإذا قام الموظفون بإختلاس هذه الأموال فهذا يعني عدم تقييدها في حسابات أصحابها الأصليين فكيف سكت أصحابها علي ذلك وكيف باشروا اعمالهم بدونها طيلة العامين السابقين؟نرجو من الإخوة المعلقين بذل مجهود كافي للتثبت من الأخبار المنشورة خصوصا التي لها علاقة بسمعة الؤسسات المالية والعاملين فيها.

[ابو فاطمه]

#1370654 [عمرابي]
2.00/5 (2 صوت)

11-16-2015 01:38 PM
اقتباس:
(أكد المصدر إجراء تسوية اقترحها الشريك الأجنبي ووافق عليها بنك السودان بأن يدفع الموقوفون "6" ملايين يورو نقداً، وأن يتم تقسيط باقي المبلغ لمدة عام على أن يتم دفع "750" ألف يورو كقسط أول وباقي الأقساط "500" ألف يورو شهرياً لمدة عام بعد تدخل من الشريك الأجنبي).

أنا بي صراحة من يومي بليد في الرياضيات والحساب (والإملاء) زاتو

لكن كدي طولوا لي بالكم شوية ..

6 مليون يورو نقداً

500 ألف شهرياً لمدة سنة .. والسنة 12 شهر .. يعني 500 ألف يورو في شهر 12 يساوي 6 مليون يورو تانية

بالإضافة لي 750 ألف يورو قسط أول ..

يلا ديل كدا 12 مليون يورو و750 ألف ,, وعشان التحلل بالطريقة الفرنسية (على قولة حبيبنا بكور) قوووووولوا 13 مليون .. الباقي (23 مليون يورو) مشت وين وموقفا شنو ..

لا يشطار .. ما تعملوا حريفين وأنا البليد في الحساب من يومي ..

زماااان كان في حاجة إسمها الرياضيات الحديثة .. يا داااااب أنا فهمت الحداثة دي شنو ..

أقول ليكم ..

6 مليون + 6 مليون مقسمة على 12 قسط شهري لمدة سنة + 750 ألف يورو تساوي 36 مليون يورو .. واضح الكلام دا ؟؟

الما فاهم أحسن ليو يعيد دراسة الحساب إعتباراً من روضة ست رابحة ..

ولله درك يا بلد ..

[عمرابي]

#1370532 [لوز القصب]
3.50/5 (2 صوت)

11-16-2015 10:53 AM
يعني تحلل والله لو كنت مسئولا لجدتهم وسحلتهم وخربت بيوتهم وكمان شريك اجنبي وووين يا بنك السودان سنة سنتين ولا لما احتجت فروقات
صراحة حالة تقرف وبلد خراميتها بلدة لانهم فاقد تربوي ةاكيد دفعتهم عطالى وهكم اقارب نافذين والله لوبنك السودان ليه كيان كان يسكر البنك ويحاسب الادارة تفتكر ما عارفين واكيد الجماعة شالوها وقمة الدراما تقسيط مريح سرقة وسداد بالتقسيط والله لا احب التعليق لكن الموضوع حار اهة وزير العدل قريت ولا لا وصراحة يحاسب من ما بقت مقدوووودة واللهم نسألك اللطف
وكل نفس بما كسبت رهينة ولاتنسوا يوم الحساب

[لوز القصب]

#1370471 [ناصر]
1.00/5 (1 صوت)

11-16-2015 09:37 AM
المتضرر هو نفسه خائن بقوله الاقساط على حلاله
واذا كان ده حال البنك المركزي السودان كله عليه العوض
واين وزير المالية واين المراجع العام

[ناصر]

#1370467 [البدرابي]
1.00/5 (1 صوت)

11-16-2015 09:33 AM
أخونا محجوب شبو مدير البنك رأيك شنو فى الموضوع دى !!!

[البدرابي]

#1370454 [ابو فاطمه]
1.00/5 (1 صوت)

11-16-2015 09:16 AM
كيف لنا ان نفهم ذلك وهى ان نسبة 70% تذهب الى بنك السودان حسب المنشور الخاص بالبنك المركزى وهى عباره عن نسبة تحويلات قادمه من مراسليين بالخارج وليست نقديات تم استلامها نقدا حسب صحيفة الخال الرئاسى ، عليه كيف يكون هناك اختلاس او سرقه حتى يتم اتهام موظفيين بذلك ومن ثم لماذا ذلك الاتهام المفاجىء للبنك السودانى الفرنسى فى هذا الوقت بالتحديد من قبل هذه الصحيفة

[ابو فاطمه]

ردود على ابو فاطمه
[alwatani] 11-17-2015 10:35 AM
شيخ سلخ ساق شيخ
شيخ سلخ ساق شيخ
شيخ سلخ ساق شيخ
شيخ سلخ ساق شيخ


#1370427 [عوض قنداوي]
3.00/5 (1 صوت)

11-16-2015 08:51 AM
اقطع ضراعي كان ما الشريك الاجنبي ليه ضلع في الموضوع والموظفين ما هم الا ادوات وحق العمليه فقط بخشيش وبعدين يرحوا كبش فداء

[عوض قنداوي]

#1370382 [عثمان عبده]
5.00/5 (1 صوت)

11-16-2015 07:46 AM
مؤسسة النقد العربي السعودي هي جهة الرقابة على كل بنوك اللملكة..و بالتالي بنك السودان الرقيب على البنوك السودانية...الفوضى من بنك السودان ...دون مراجعة البنوك المصرفية ورقابة لصيقةلكن بعد فوات الأوان يفاجئنا البنك أنه ما بين عامي 2013/2014 حدث إختلاس إستحوا.يا بنك السودان ومالذي يمنع من نشر أسماء المختلسين وقطعا سنجد أذيال من الحكومة ...


يخوانا ....هل في واحد إختلس وعوقب...

بلد ما عندها سيد..

[عثمان عبده]

#1370377 [ابومرام]
3.50/5 (4 صوت)

11-16-2015 07:31 AM
من الاشياء الغريبة عندما يتم توقيف اناس عادين من عامة الشعب يتم التشهير بهم وجلدهم امام الجميع على اعتبار انهم يقيمون شرع الله وحد من حدوده ماعندنا مشكلة في حدود الله تقام ولكن عندما يسرق الكيزان كبار ام صغار تتم تسوية الموضوع ببدعة التحلل اذا كان مالا او بتسوية الامر بعيدا عن القضاء والاعلام اذا كانت القضية فضيحة اخلاقية او غيرها لان المجرمين اما من الجماعة او ابنائهم او اقاربهم او معارف او مؤلفة قلوبهم في امل يصبحوا كيزان يعني ويطلع واحد كوز يقول لك المساواة والعدل وتطبيق شرع الله ومعارف شنو داهية تخمكم كيزان عفن

[ابومرام]

#1370342 [Truth]
4.50/5 (4 صوت)

11-16-2015 01:54 AM
35 مليون يورو القاعدين ليها شنو تانى فى السودان منتظرين التحلل ؟؟؟ ادونى مليون واحد و تلقونى مشترى جزيرة فى انظونيسيا و مرطب فعلا لصوص و اغبياء الواحد يسرق ملايين و ينزل يشترى كسرة بى 3 جنيه و بالليل يقعد فى شيشة و ونسة يعنى يسرق و ما يتطور

[Truth]

#1370314 [omer]
3.50/5 (5 صوت)

11-15-2015 11:11 PM
انشروا الاسامى ما دام مافى قطع يد عشان الناس ماتقتدى بيهم الحرامي هديل الباكلوا اولادهم بالحرام التشهير التشهير التشهير طبعا راكبيين عربات وساكنيين فى الفلل ومدهبيين نسوانهم والناس العايشه كادحه بتتفرج عليهم لازم تشهروا بيهم عشان الكادحين يستمروا فى اكل الحلال

[omer]

ردود على omer
[الهلال السوداني] 11-16-2015 08:53 AM
ضحكتنا ياعمر منو البشهر بيهم لايوجد تشهير في دولة الإنقاذ في تقرير المراجع العام قال بان هناك وحدات في بن السودان رفضت المراجعة اظنها إدارة النقد الأجنبي التي هي روح البنك


#1370310 [سوداني]
3.00/5 (3 صوت)

11-15-2015 10:59 PM
عادي جدا ممكن تحصل لاي واحد انا ذاتو مرة حصلت معاي مشيت سحبت خمسة مليون يورو من حسابي في البنك الفرنسي ووضعتها في شنطة صغيرةٌ وطلعت من البنك ومشيت لي واحد بلدياتنا عنده محل بارد في السوق العربي وبعد ما شربت البارد نسيت الشنطة هناك معه ولما رجعت البيت في ودالبخيت الولية قالت لي وين القروش قلت ليها لاحول ولا قوة الا بالله خلي بالك سهيت ونسيت الشنطة في محل البارد لكن ما مشكلة خليني اركب حافلة وارجع السوق العربي أجيبها لكن الولية قالت لي يااخي حسع انت ما جيت داخل تاني ترجع من هنا لحدي السوق العربي في الحر دي عشان خمسة مليون يورو يا راجل قول بِسْم الله وانسي الفارغة وبكرة وانت جاي من الشغل أغشاه وجيب الشنطة وفعلا قلت كلامها صاح بدل التلتلة وأركب أربعة مواصلات عشان خمسة مليون يورو خلاص أجيبها بكرة وفعلا قعدت اتغديت والعصرية وانا راقد في ظل الصحي بافكر وأقول لنفسي الله يخلي الانقاذ ويطول لينا في عمر عمر البشير وناس نافع والجاز خلو البلد رخية ووفروا لينا كل حاجة بالله حتي موظفين البنوك البسيطين بقي عندهم مقدرة يرجعوا خمسة وثلاثين مليون يورو من مرتباتهم وكمان بالأقساط المريحة يا سلام علي المشروع الحضاري وبينما انا افكر جاء ولدي محمد وهو طالب في مدرسة الأساس وقال لي يابا يابا وين الخمسة مليون يورو بتاعة درس العصر علشان انا راجع الدرس قلت ليه دقيقة ودخلت سالت زوجتي لو عندها شوية فكة وبالفعل ادتني ورقة بعشرة مليون يورو وأديتها لولدي واكدت عليه انه يدي الاستاذ خمسة مليون يورو ويعمل حسابه ياخذ منه خمسة مليون يورو ويرجعها لي علشان نشتري بيها فول وعيش للعشاء وهو ماشي أكدت عليه يرجع الخمسة مليون يورو الباقية ولا ح ننوم من غير عشاء ولد نجيض اول ما رجع من درس العصر ختاها لي في الطربيزه وقال لي يابا يابا هدا باقي القروش وجري فحمدت الله اني أعيش في زمن الانقاذ الاولاد بيدرسوا في مدارس الحكومة الفخمة وكل الناس عندها قروش وكمان باليورو حتي معسكرات النازحين بيوزعوا ليهم يورو وحميدتي وعصابته برضو احمد هارون اداهم باليورو يا سلام بلد رخي وامان واليورو مجدع في الشوارع للبيسوي وألمابيسوي وسوداني وافتخر

[سوداني]

ردود على سوداني
[العمدة] 11-16-2015 07:27 AM
والله يا سوداني ضحكتنا وفرقت علينا شوية ههههههههه


#1370278 [ابوكدوك]
5.00/5 (2 صوت)

11-15-2015 09:11 PM
اقول ليكم الشغلانيه بقت على عينك ياتاجر ،

ياخى دى ارقام فلكيه ، المشكله انه عدد الحراميه كتااار تعد منو وتخلى منو

بصراحه يوم الحساب هيختلط علينا البقر ، وحتى لا تظلم انفس

اتمنى ممن له باع فى حفظ اسماء وتواريخ تلك الاحداث ان يحتفظ بها جيدا

وانا من هنا ومن هذا المنبر الحر منبر الغلابه والمساكين اوصى " بالاخ بكرى الصايغ "

لانه افضل من يحتفظ بهكذا احداث فى ارشيفه فله منا كل الاشاده والتقدير .

[ابوكدوك]

#1370267 [عمدة]
4.00/5 (3 صوت)

11-15-2015 08:36 PM
اذا كان رب البيت بالدف ضاربا فشيمة اهل البيت كلهم الرقص

لقد صار الفساد فى دولة الانقاذ هو القاعدة. فالناس على دين ملوكهم.

الا لعنة الله على الكيزان اين ما حلوا

[عمدة]

#1370260 [بكري الصائغ]
3.00/5 (2 صوت)

11-15-2015 08:19 PM
اقتباس:
(أكد المصدر إجراء تسوية اقترحها الشريك الأجنبي ووافق عليها بنك السودان بأن يدفع الموقوفون "6" ملايين يورو نقداً، وأن يتم تقسيط باقي المبلغ لمدة عام على أن يتم دفع "750" ألف يورو كقسط أول وباقي الأقساط "500" ألف يورو شهرياً لمدة عام بعد تدخل من الشريك الأجنبي).

٢-
"تحلل" علي الطريقة الفرنسية!!

[بكري الصائغ]

ردود على بكري الصائغ
United States [ود التوم] 11-16-2015 06:14 AM
تحلل" علي الطريقة الفرنسية!!

هههههههههههههههههههههههههههههههه


#1370248 [الحقيقة]
5.00/5 (2 صوت)

11-15-2015 08:03 PM
سبحان الله كلما نصبح لا نجد أي أخبار مبشرة غير الإختلاس والنهب والقتل والقبض والسجن،، دة بلد شنو دة؟

[الحقيقة]

#1370244 [Rebel]
4.50/5 (6 صوت)

11-15-2015 07:48 PM
* الحمد لله "حسابى" كان فيه 135 جنيه, سحبت منها 130ج. قبل اسبوع!..
* امانا الليله ما كان واطاتك اصبحت يا "Rebel"!..و كان رحت فيها ساكت مع التماسيح ديل!..و انت ذاتك البخل شنو؟ ما كان تسحب 135ج كلها!...
* لكين على الطلاق إيدينا البياكلم "الدود" ديل, مسكت ال500ج. و ال600ج. و ال900ج. وال950ج. ذاتها, و ينا هسه؟ صرفناها كلها..و ما إتكبرنا و لا إتعالينا على الناس و لا على زول!..و ما فى زول جا حقق معانا!..
* هسه عندهم 5ج., كان اكلوها شنو يعنى؟..كرامه و سلامه و الله ما كريم.

[Rebel]

ردود على Rebel
[ابوروف] 11-16-2015 08:09 AM
ههههههههع


#1370242 [أبو علي علي]
3.50/5 (2 صوت)

11-15-2015 07:45 PM
الواحد ما عارف الناس بكتب كيف المبلغ 36مليون منها ستة مليون الباقي يدفع منه كل شهر نصف مليون يعني عاوز له ستون شهرا وليس عام واحد بل خمسة أعوام

[أبو علي علي]

#1370236 [Amir mohd]
5.00/5 (1 صوت)

11-15-2015 07:18 PM
شوية شديد اذا ما قُورنت بالتماسيح الكبار

[Amir mohd]

#1370234 [أب أحمد2]
1.00/5 (1 صوت)

11-15-2015 07:17 PM
فضحتونا مع الفرتسيين!!!!!!!
هذا نتاج "المشروع الحضارى" وهؤلا هم أبنا المشروع الحضارى وكل يوم فضائح!!!!!
لك الله يا وطنى !!!!!!!!!!!!!!

[أب أحمد2]

#1370226 [ابراهيم الجريميكي]
3.00/5 (2 صوت)

11-15-2015 06:58 PM
والله يا جماعه الحكايه بقت صعبه ... كل يوم فضيحة وجريمة اختلاس ..... ناس بنك

السودان ديل قاعدين وين لامن شوية الموظفين يختلسوا مبلغ قدر ده .....36 مليون

يورو يا مفترين ..... وكمان قالوا حيدفعوا 6 ملايين والباقي يتقصد بواقع 750 الف

شهريا ....طيب بس عارفين نعرق اليوروهات دي مخزننها وين

[ابراهيم الجريميكي]

ردود على ابراهيم الجريميكي
[يوسف على] 11-16-2015 07:53 AM
شغالة سوق اسود

ومن ارباح بيع العملة يتم دفع القصد

شفت الكيزان مفتحين كيف ؟


#1370201 [واحد مهموووووووووم]
3.00/5 (2 صوت)

11-15-2015 06:13 PM
امسك الشريك الاجنبي علموه التحلل كيف

[واحد مهموووووووووم]

#1370196 [كجول]
2.00/5 (1 صوت)

11-15-2015 05:57 PM
لبع يلبع لبعا فهو لابع وبالع والملبوع هو الشعب يا اخوانا انتو تلبعو ساكت وناسيين الاخرة ولا عندكم فتوة لحس ولبع علي وزن التحلل لانو انتو اي شيئ عندكم ليه فتوة جاهزة

[كجول]

#1370195 [علي هولندا]
1.00/5 (1 صوت)

11-15-2015 05:56 PM
الخبر بيقول انه الناس ديل اختلسوا36 مليون يورو يعني 50 مليون دولار...قبل فترة قصيرة شرطي في الجمارك اختلس 85 مليار جنيه يعني 8 مليون دولار... بعد انفصال الجنوب حصروا ابار البترول وجدوا بئر غير مسجل في وزارة البترول يعني في زول سارق بئر كامل بتاع بترول !!!.....المخدرات بتدخل البلاد بالحاويات لاحظو (حاويات) طول عمرنا بنسمع في العالم وبنشوف في الافلام انه المخدرات بيتم تهريبها في شنط صغيرة او اكياس !! عمرنا ما سمعنا بمخدرات بتهرب بحاويات زيها وزي الملابس والاواني المنزلية زيد علي ذلك اليومين دي في موضوع متداول عن نفايات بتاعت مواد مسرطنة دفنت في السودان برضو بالحاويات....والغريبة المجرم بيكون حر وطليق ومستمتع بحياته..فالحين في ستات الشاي الحرامية الصغار.. شي يجلدوهم وشي يدخلوا ليهم شطة في مؤاخراتهم ..بعد ده كله الناس مستغربة انه جوال البصل بقي ب(800) جنيه...كيف ما يصل السعر ده اذا كان 18 شخص سارقين 58مليون دولار في شهر ( 17شخص في الخبر زد عليهم بتاع الجمارك السرق 85 مليار)...بلد شعبها ميت موت سريري...

[علي هولندا]

ردود على علي هولندا
[الـــســـــيــــف الـــبـــتـــار] 11-16-2015 01:38 PM
بير البترول المفقودة و كانت بتنتج و تصدر وتحول الاموال بابو صلعه الى ألأ البيت و أكيد تكون عرفته أل البيت ديل منو ؟
يعنى بلد اصبحت مملوكة لاسره بعينها و حتى العائد من الصادرات و البترول تصب فى حسابات خاصه ليس للدولة حق فى السؤال و لا الاستفسار و الا تجد من يتطاول و يعمل فيها نزهى و وطنى رهن الاعتقال و لا تصفيته جسديا كما حدث لغسان و غيرهم ؟

[كريني] 11-16-2015 10:34 AM
الله المستعان


#1370189 [مبارك]
2.00/5 (1 صوت)

11-15-2015 05:23 PM
يا ناس ماذا يحصل في بلدنا؟
الفساد والاختلاف يشرى في كل مكان ويهز اركان الكيانات الاقتصادية

انا شخصيا يكتوى قلبا ألما عندما اقراء مثل هذا الأخبار
إلى أين يقودنا الفساد؟
إلى الرفاهية ام إلى الانحطاط؟
الدول التى استقلت أمس تنمو بنزاهة نحو العالمية ونحن ......
احسن نسكت

[مبارك]

#1370187 [ابو جلمبو]
4.50/5 (2 صوت)

11-15-2015 05:17 PM
الشخصية السوادنية بقت ما عندها خوف لا من الله لا من القانون في سرقة المال

[ابو جلمبو]

ردود على ابو جلمبو
[ود ناس عزاز] 11-16-2015 01:05 AM
للاسف الشديد كل الناس بقت حرامية. دى نهاية الانقاذ ام نهاية الدنيا.. ربنا يسهل..العقوبات ما رادعة. .ةالتماسيح الكبار قاعدين 36مليون يورو..ونحن مؤجرين..وتعبانين..مافى واحد داير بيهو بتاع قانون يعد ليهو قروشو..او يحرسو..او يﻷسل ليهو عربيتو..او يدرس ليهو بتو الامورة كيمياء
بتاع قانون..وكيمياء..وقاعد فىالرصيف
ربنا يسهل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة