الأخبار
أخبار إقليمية
اكاديميون يطالبون باتخاذ سياسات للحد من هجرة الافارقة عبر السودان
اكاديميون يطالبون باتخاذ سياسات للحد من هجرة الافارقة عبر السودان



11-16-2015 04:54 PM
الخرطوم : احسان الشايقي
حذر خبراء واكاديميون ومشاركون في منتدى مركز دراسات المستقبل الذي ناقش امس مشكلة هجرة الافارقة لاوربا الاسباب والنتائج لخطورة ان يكون السودان معبرا لهجرة كثير من الافارقة للدول الاوربية ، وطالبوا الجهات ذات الاختصاص بضرورة اتخاذ سياسات وضوابط مشددة للحد من هذا الوضع ، وقالوا ان السودان لايستفيد من العمالة الوافدة عبر طرق غير شرعية ، واكد عوض النيل ضحية رئيس هيئة الجوازات والهجرة بالسجل المدني ان السودان اصبح معبرا لهجرات اللاجئين الافارقة التي ترد من الشرق الافريقي لاوربا ، وقال ان الحكومة والمجتمع الدولي يتحملان عبئا كبيرا جدا في استضافتهم ، وقال خلال تصريحات صحفية بمنتدى مركز دراسات المستقبل حول هجرة الافارقة لاوربا ان الادارة اتخذت عدة اجراءات تجاه هولاء اجملها في تسجيلهم بغرض حصرهم وتأمين الهوية السودانية ، واشار لتسجيل (300) الف لاجئ ،بالاضافة لتسجيل (200) الف لاجئ من دولة جنوب السودان ، في السياق اكدت البروفيسور كاثرين دي ديزون الى ان عدد الافارقة الموجودين بالسودان بلغ (800) الف لاجئ ، وقالت ان دول شمال افريقيا تتزايد بها معدلات الهجرة لاوربا خاصة وسط الشباب والتي تكون لاسباب سياسية او اقتصادية بجانب تسبب الحروب والصراعات وعدم الاستقرار في بعض الدول ، وقال د. عاصم فتح الرحمن باحث وخبير استراتيجي بمركز دراسات المستقبل ان الاسباب التي تقود لهجرة بعض الافارقة خاصة بمنطقة القرن الافريقي للدول الاوربية معظمها سياسية واقتصادية ، بحثا عن تحسين اوضاع اسرهم ، بالاضافة للبحث عن الاستقرار خاصة في الدول التي تعاني من الصراعات والمشكلات المختلفة . وقلل عاصم من هجرة السودانيين لاوربا مقارنة بالدول الافريقية الاخرى .


الراي العام


تعليقات 4 | إهداء 0 | زيارات 1199

التعليقات
#1371445 [الأزهري]
0.00/5 (0 صوت)

11-18-2015 12:29 AM
ليه تحدوا هجرة الأفارقة بعد ففيهم من استوطن وصار مواطنا حاكما وصبر علينا السنين دي كلها تقدروا تمنعوا هجرة عقابو من الأهل

[الأزهري]

#1371031 [كوكاب]
0.00/5 (0 صوت)

11-17-2015 08:56 AM
المدعو الوجيع تعليقاته كلها تتسم بالعنصرية بعدين السودان القديم يمتد من اثيوبيا الى السنقال واما تشاد تسمى بالسودان الفرنسيي قبل ان يطاْ القادمون الجدد السودان قادمين من وراء البحار والمحيطات بحثا عن الماء والكلاْ . ولعلمك حتى اسماء الاشياء في تشاد تتطابق مع اسماء الاشياء في السودان العصيدة والكسرة والبلطي والبلبوط وحتى طقوس الزواج. بالله قل لي شيء واحد يجمع الارتريين والاثيوبيين مع شعوب السودان ياخي ديل حتى الاكل السوداني ما بياكلوه وادعائك بانهم اقرب للسودانيين الا لعقدة السودانيين المعروفة. بعدين ممكن تذكر لينا اسماءقبائل ال8 مليون الذين استوطنو في هذه المناطق؟ يالوجيع والله الناس لو بتتكلم بهذه الطريقة انت زاتك حتروح شمار في مرقة وال8 مليون ديل سودانيين اصلاء تاريخيا وجغرافيا وهو الفيصل بينك وبينهم. وحتى الاكادميين ديل زاتهم صفر كبير.

[كوكاب]

#1370837 [حردان]
0.00/5 (0 صوت)

11-16-2015 08:19 PM
رغم كل البلاوي فنحنن اكثر بلد مضياف في افريقيا والشرق الاوسط،في منتصف الثمانينات وبداية التسعينات،شنت نيجيريا حملة طرد وحشية ضد العمال من الدول المجاورة وتبعتها توجو والجابون،ورأينا ما حدث ابان الحرب الاثيوبية الارترية،حيث قامت كل من الدولتين بطرد مواطني الدولة الاخري ولم يستثن حتي المواطنين المولودين داخل الدولة المعنية،طرد بدون ممتلكات،انجولا وجنوب افريقيا كان الطرد مصاحب لمجازر كما رأينا في ج.افريقيا،،ولكن هذا لا يعني ان نتعامل بغشامة وطيبة اكثر من اللازم،فموجات اللجوء في شرق السودان ساهمت في القضاء علي الغابات والضغط المكثف علي الخدمات الشحيحة اصلا،ولو كانت اعتداءات الفشقة من قبل السودان لما تركوا سوداني واحد في بلادهم،وخير مثال بعد حادثة اغتيال مبارك في اديس،تم طرد مئات السودانييين حتي لم يستثنوا عمال المشاريع الجنقو،نحن بلد غني بموارده لكن يفتقد للادارة الرشيدة وبؤس خيال الحاكمين

[حردان]

#1370803 [الوجيع]
0.00/5 (0 صوت)

11-16-2015 06:54 PM
هؤلاء انطبق عليهم المثل (شايف الفيل وبيطعن فى ضله)مالكم و مال اوروبا المشكلة مشكلتنا فى المقام الاول لان القليل منهم من يقصد اوروبا واغلبهم استوطنوا السودان لانها البلد الوحيدة الهاملة فى العالم وبعدين انتو ما شايفين غير الارتريين والاثيوبيين ديل بالنسبة للاخرين اهل بلد على الاقل تاريخيا كانوا جزء من السودان او السودان كان جزء منهم غير الجيرة وتشابه السحنات والتقاليد وعلى اقل تقدير هنالك 8 مليون من شاد وغرب افريقيا مشتتين جوة البلد اغلبهم فى الخرطوم والجزيرة وسنار والشرق وماسكين اخصب الاراضى واحسن المواقع الاستراتيجية واغلبهم متجنسين بدون وجه حق فلماذا يتم تجنيسهم بينما يسجل الاخرين كلاجئين ينبغى معاملة الجميع على قدم المساواة والله الى ما عندو ضهر ينضرب على بطنه ما استبعد فى ناس واصلين عايزين يفرضوا علينا نجنس منو ونحرم منو والله كيف ؟

[الوجيع]

ردود على الوجيع
[issa] 11-18-2015 06:27 PM
,

[م . مصطفى] 11-18-2015 10:48 AM
المدعو الوجيع انت تمثل نموذج من حالة الاحساس بالدونية وفقدان الهوية
ليش الاحباش اقرب للسودانيين من التشاديين كما تزعم (شان صفر يعني ) قال سحنات قال
طيب ما 90% من السودانيين سحناتهم افريقية اقرب للتشاديين ودول غرب افريقيا عموما
وافتكر ال 8 مليون القاصدهم في مخيلتك هم سكان السودان والوريث الشرعي للسودان القديم الممتد الي اقصي غرب افريقيا بدليل وجود امتدادطبيعي لقبائلهم بنفس مسمياتها وعاداتها في كل مساحة السودان القديم والذي يضم السودان الحالي ومعظم دول غرب افريقيا فهم ليسو مهاجرين كما تزعم هم من قسمتهم الحدود الجغرافية للدول بعكس المهاجرون من خلف البحار (الصفر)كما تعتقد
ودا الخلانا لسسسسسسسسسسسسسع حنقعد الالاف السنين في التخلف والجهل لاننا ببساطة بنعاني من فقدان للهوية وعنصريين ومابنتقبل بعضينا
وربنا يصلح الحال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة