الأخبار
أخبار إقليمية
المؤتمر الوطني .. عمدة وخالي أطيان !
المؤتمر الوطني .. عمدة وخالي أطيان !
المؤتمر الوطني .. عمدة وخالي أطيان !


11-16-2015 06:42 PM
محمد وداعة

حزب المؤتمر الوطني صرح طوعاً بأن الحوار الجاري الأن جمعه مع أكثر من ( 80 ) حزباً معارضاً ، وما يزيد على ( 30 ) حركة مسلحة ، وهو دليل كافي على حجم المعارضة التي يواجهها الحزب الحاكم لا سيما إذا أضفنا معارضين شرسين من أحزاب تحالف المعارضة وأخرين ، ليبلغ عدد الأحزاب المعارضة التي لا تشارك في الحوار حوالي ( 22 ) حزباً او يزيدون، وحركات مسلحة لم تلتحق بالحوار حوالي ( 9 ) حركات ، بالإضافة الى قطاع الشمال ، كل هذا بخلاف الذين خرجوا على المؤتمر الوطني إبتداءاً من المؤتمر الشعبي وسائحون وإنقلابيون وإصلاحيون ،

هذا الكم الهائل من المعارضة أو المعارضين المفترضين ، والمؤتمر الوطني يرفض على الإطلاق مجرد إعطاء محاوريه شرف طرح ومناقشة موضوع الحكومة الإنتقالية ، هو حزب واحد في مواجهة مايزيد على ( 120 ) حزباً ، ولكنه متمسك برأيه لدرجة وصف المطالبين بالحكومة الإنتقالية بأنهم ( حالمون ) وتارة ( واهمون ) ، ربع قرن مضى على حكم المؤتمر الوطني تم فيها فصل جنوب السودان ، وتدور رحى الحرب في ولاية جنوب النيل الأزرق وجنوب كردفان وأربعة ولايات في دارفور ، حلايب محتلة ، الفشقة محتلة ، أراضي متأخمة لأرتريا خارج سيطرة الحكومة ، تهريب بشر ، تهريب سلاح ، تهريب مخدرات ، وحاويات مشعة ، أدوية فاسدة ، تقاوي فاسدة ، وفساد ينتشر كالنار في الهشيم ، آليه مكافحة الفساد ، مفوضية مكافحة الفساد ، ولا مكافحة ، ربما هذه الآليات أنشئت لتبرئة الفاسدين ، الدولة ترعى الفساد وتطالب بابراز المستندات ، والا جرجرت المحاكم من تسول له نفسه ان يتهم أحد المئولين بالفساد أو إستغلال السلطة والفوذ ،

السودان لا يزال دولة راعية للإرهاب وهو الدولة الوحيدة التي صدرت مذكرات إعتقال مسئولين فيها ولم يمتثلوا لإجراءات المحكمة الجنائية الدولية ، وهي الدولة الوحيدة التي يتهم فيها النائب العام موظفى حكومته بتلقي رشاوي من المواطنين ، ثم يلقى باللائمة على المواطنين لتسببهم في الفساد ، وهي قطعاً الدولة الوحيدة التي يطالب فيها أحد أبرز قيادات الحزب الحاكم معارضيه ( بلحس كوعهم ) ، عوضآ عن التفكير فى السلطة ، فهو على استحالته أقرب إليهم من التفكير في الوصول اليها ،

أخر إنتهاكات الحكومة لحقوق الشعب السوداني هي في توقيع الحكومة لاتفاقية تنازلت بموجبها عن اميال بحرية فى المياه الإقليمية للسودان لصالح دولة مجاورة ، والمنطقة المتنازل عنها تعتبر الأغنى عالمياً في المعادن البحرية والمتواجدة في عمق قاع البحر الاحمر ، ماتفعله هذه الحكومة في هذه البلاد وشعبها لم يفعله (الثور في مستودع الخزف )،(الجماعة ديل كملوا فهمنا ) و حيرونا، ( الجماعة ديل أكيد راقدين فوق راي ) ، ، لم يقترن لفظ العدل الا بسيدنا عمر (رض)، و مع ذلك قالت امرأة اللهم غير ملك عمر ، ففى التغيير رحمة ،،
[email protected]


تعليقات 2 | إهداء 0 | زيارات 3467

التعليقات
#1371567 [نيبرو]
0.00/5 (0 صوت)

11-18-2015 09:16 AM
الموتمر الوطنى....دخل فيه كثير من الانتهازين والذين لا يخافون الله هناك انتهازى فى الخدمة الوطنية يسمى وليد جبرة حسبى الله ونعم الوكيل فيه يقوم باستغلال الفتيات ويطلب منهم تحويلات مبالغ مالية بل وتوجد مكالمات تلفونية مسجلة مع فتيات يطالبهم بما لا تصدق اذناكم. كيف صار السودان هكذا وهل يسمع رؤوسائه بذلك اين انتم ايها الشرفاء من الموتمر الوطنى وغير الموتمر الوطنى ماذا تقولون فى مثل هذا الحثاله حسبى الله ونعم الوكيل فيه وعسى ربى ان يهلكه وجميع امثاله

[نيبرو]

#1371319 [أبراهيم عثمان]
5.00/5 (1 صوت)

11-17-2015 04:24 PM
إقتباس: (( أخر إنتهاكات الحكومة لحقوق الشعب السوداني هي في توقيع الحكومة لاتفاقية تنازلت بموجبها عن اميال بحرية فى المياه الإقليمية للسودان لصالح دولة مجاورة. ))

والدولة الجارة دي ما عندها إسم ولا أنت هسع نسيتو؟ أنتو ناس ما بتعرفوا حاجة غير صناعة المؤامرات وتوزيع الاتهامات ودائماً صناعتكم دي غير محبوكة كمان.. يعني ما بتعرفوا تلعبوا زاتو.. فاشلين في كل معارضتكم.. ولو مسكتو البلد حتفشلوا وترجعونا لأيام الزمن البتقولو عليهو جميل.. زمن الكهرباء تجي مرة في الأسبوع.. ما عندكم وطنية بتعريفة.. كراهيتكم للحكومة والمؤتمر الوطني عمت بصركم وبصائركم.. وكمان قال شنو قال دايرين حكومة إنتقالية.. إنتقالية من وين لوين يعني؟؟ يعني تنتقلوا بينا من وين لوين؟؟ مافي حكومة إنتقالية والمؤتمر الوطني حيحكم البلد دي لمدة 300 سنة جاية.. وموتوا بغيظكم ساي.. ومدير جهاز الامن قال مافي معتقل سياسي واحد في الجهاز.. لكن لو كترتوا الهبل وقلة الحياء زنازين الجهاز حتتملي للسقف.. ما عندنا كبير وما بنرضي الحقارة وما بنقبل السفاهة.. قالو ليكم الحوار لحلحلة مشاكل البلد ومشاركة الجميع مش عشان نقسم كيكة السلطة ونعمل ليكم حكومة انتقالية.. الحكم ده تاني مافي إلأ عبر صناديق الانتخابات البتقولو عليها مزورة دي.. مافي طريقة بالبندقية ولا بالصوت العالي ولا بالتعاون مع الاجنبي ولا بالحوار.. الداير سلطة يدخل إنتخابات أو يبقي مؤتمر وطني لأنو هو الحزب الأقوي والأكبر والأكثر شعبية.. ورونا شعبيتكم دي وينها؟ بتقولو مافي حريات وما بنسمح ليكم بالندوات؟؟ لا والله الحريات موجودة كتيييييييييييييييييرة ممثلة في 100 حزب نقناق و40 صحيفة نقناقة وكلهم ضد المؤتمر الوطني.. لكن برضو الوطني أقوي منهم كلهم.. وأعقل منهم كلهم كمان.. عارفين أعقل كيف؟ لأنو لو أي حزب حاكم تاني كان قبض آلاف ودخلهم المعتقلات.. لكن المؤتمر الوطني حزب عاقل وبيعرف يخطط للمستقبل وينظر لبعيد.. وزي ما قلت ليكم والله العظيم حيكمنا 300 سنة كمان لغاية ما تكبروا وتعقلوا.

شغالين تشتموا فينا وتتهمونا بالفساد والسرقة والفشل وكل قلة الادب دي ومافي زول منكم قبضناهو أو سجناهو وبعد ده كلو زعلانين أننا بنقول ليكم ألحسو كوعكم وحالمون وواهمون؟؟ فعلاً شفع وأطفال وعقولكم صغيرة قدر النبقة.

[أبراهيم عثمان]

ردود على أبراهيم عثمان
[omer] 11-17-2015 05:49 PM
ورب الكعبة كلامك في الصميم وزي الرصاص , يلا ردوا عليه ,,,,,

[فايز] 11-17-2015 05:14 PM
إنسان جاهل ومتخلف زى اسيادك وكلكم زى بعض فى الرد فلتعلم ياكلب الأمن انت السودان ماحق أبوك ياواطى قال حوار قال هو انتو خليتو شنو مانهبتو كل البلد باسم الدين ياحرامية خلى بالك نحن الحوار العايزنو انو كيف نعدمكم بعد مانعزبكم زى ماعذبتو الشعب السودانى يامجرم ياقليل الأدب والتربية .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة