الأخبار
أخبار إقليمية
مغادرة إثنين من أعضاء الحركات المسلحة المشاركين في وثبة البشير للبلاد
مغادرة إثنين من أعضاء الحركات المسلحة المشاركين في وثبة البشير للبلاد
مغادرة إثنين من أعضاء الحركات المسلحة المشاركين في وثبة البشير للبلاد


بسبب نقص الدعم اللوجستي
11-18-2015 11:30 AM

الخرطوم : سعاد الخضر
كشف عضو لجنة الحريات والحقوق بالحوار الوطني وعضو الهيئة القيادية بحزب التحرير والعدالة إبراهيم الرضي عن مغادرة إثنين من أعضاء الحركات المسلحة المشاركين في الحوار للبلاد بسبب نقص الدعم اللوجستي.وقال الرضي إن عدداً من أعضاء لجنة الحريات انسحبوا من إجتماع اللجنة بقاعة الصداقة أمس احتجاجاً على تعديل الأمانة العامة للحوار الوطني لجدول أعمال اللجنة من ( ۳) أيام الى يومين دون إخطارهم. ونوه الرضي الى غياب أكثر من ٥۰ ٪ من اجتماع اللجنة بسبب تلك التعديلات، وأرجع زيادة نسبة الغياب الى عدم توفر البيئة المناسبة للحركات التي تشكل أكثر من ٤۰ ٪من تكوين اللجنة، وكشف عن مغادرة إثنين من أعضاء الحركات المشاركة في الحوار لم يسمها بسبب عدم توفر الدعم اللوجستي لهم. وأكد الرضي أن تلك التعديلات أدت الى خلق ربكة واضحة وحمل الأمانة العامة للحوار مسؤولية ذلك، وقال في تصريحات صحفية أمس، إن اجتماع اللجنة كاد أن يفض بسبب احتجاجات العضوية على التعديلات التي أعتبروا أنها تمثل تدخلاً من الأمانة. وتابع: حدث شد وجذب في الاجتماع مما أدى الى تعطيل بدايته الى ٥۰ دقيقة، ونوه الى أن مقرر اللجنة اتصل بامانة الحوار التي تعهدت بدورها بحل المشكلة، وأشار الى أنهم طالبوا اللجنة باعادة الجدول القديم.

الجريدة


تعليقات 9 | إهداء 0 | زيارات 5171

التعليقات
#1372012 [ودالجزيرة]
0.00/5 (0 صوت)

11-19-2015 08:36 AM
لاحلل للشعب السوداني سوي الانتفاضة واسقاط النظام لانو الخوار الوطني لن يحل مشاكل السودان

[ودالجزيرة]

#1371865 [باقان]
0.00/5 (0 صوت)

11-18-2015 08:41 PM
الموضوع مش لوجستي فحسب إن نظام المليشيات غير جادة بأن يحاور ويطرد نفسه من السلطة.
الحركات المسلحة جديرين أن يناقشو أي قضية تتعلق بالسودان.حتى القضايا التي نقشت والتي لم تناقش هم مدركين بها لا جديد ببنود الحوار ومشاكل السودان معروفة للكل.
الموضوع الحكومة عايزة تزل وتهين الحركات بكيفيته ويفتكرها نوع من كروت الضغط .لكن تلك الحركات غير ضعيفة لديهم قضايا حقيقية ومشاكل موجود على أرض الواقع ومعاشة ولديهم طرح قضيتهم واضحة ولديهم شعب وقاعدة عريضة من قوة الهامش ومحمية بالسلاح إذا أراد الحكومة محاورتهم باحترام وتوفير ما يلزم فترة الحوار ويكون الحكومةجادة في تنفيذ مخرجات الحور الزي سيؤدي إلى حكومة انتقالية وزهاب حكومة الحزب الواحد وزهاب نظام المليشيات المتمثل في المؤتمر الوطني إلى إللا عودة.

[باقان]

#1371789 [الوجيع]
0.00/5 (0 صوت)

11-18-2015 04:59 PM
الباب يفوت جمل على الاقل ريحتوا الناس من تكاليف الصرف عليكم ويا ريت كلهم يفوتوا . ويخلوا الهواء يدخل .

[الوجيع]

#1371764 [كربشن]
0.00/5 (0 صوت)

11-18-2015 03:57 PM
دا زمن الحشاش يملا شبكتو عشان كدا ناس قريشتي راحت ديل ما عندهم موضوع ذي صاحب الوسبه لما ليهو احزاب كرتونيه وحركات كرتونيه قال بفاوض معاهم

[كربشن]

#1371761 [توما الإكويني]
0.00/5 (0 صوت)

11-18-2015 03:47 PM
دعم لوجستي يعني مواصلات ونثرية ولا شنو؟ طيب أصلا الحركات دي وكت ما قادره تحرك وفدها وتديهو نثرية وراجيه عدوتا الحكومة تتكفل بيهاحتفاوضا بي شنو وفوق كم? دا كلو عبث في عبث. لا الحكومة حكومة لا المعارضه معارضه والحركات حركات ساي!!!???

[توما الإكويني]

ردود على توما الإكويني
[نبيل حامد حسن بشير] 11-18-2015 09:19 PM
اقرأ موضوع (حوار وحوافز ونثريات) بصفحة مقالات كتاب الأعمدة رقم 211 ب/ نبيل حامد بالراكوبة


#1371757 [كربشن]
0.00/5 (0 صوت)

11-18-2015 03:35 PM
اي دا زمن الحشاش يملا شبكتو.كل تلاتو انفار انشقو وكونو ليهم حركه قال دايرين يفاوضو ودايرين يحررو السودان

[كربشن]

#1371697 [nagatabuzaid]
0.00/5 (0 صوت)

11-18-2015 01:21 PM
من شاركوا فى الحوار طمموابطنى واصلا هم ما عاجبنى ويستاهلوا يحقروا بهم

[nagatabuzaid]

#1371687 [ود التوم]
5.00/5 (1 صوت)

11-18-2015 01:08 PM
مفروض تتحمل و تقاوم كل الظروف من أجل قضيتك وقضية من تدعي حمل السلاح لأجلهم ,,, دعم لوجستي قال ,,, عايزين فنادق 5 نجوم وسيارات فارهة وبرستيج و أهلنا هناك في مناطق الحرب ما لاقين يشربو موية ,,, اتحملو المعاناة شوية وحكوها المؤتمر اللاوطني للآخر ما تنفزرو في النص

[ود التوم]

#1371651 [Ahmed]
0.00/5 (0 صوت)

11-18-2015 11:45 AM
انا ملاحط انو اعضاء الحركات المسلحة كلهم شباب صغار ولسه الواحد منهم ما اتعلم التعليم الكافي والظاهر لمن جو السودان لقو ناس مستواهم التعليمي كبير ويتم طرح مواضيع لم يستطع هولاء فهمها قالوا اخير نتخارج قبل ما نتفضح واحسن لينا قروش اوروبا وامريكا وباريس ولندن لكن الدول دي تاني ما بتديهم وش زي الاول علي خلفية الاعمال الارهابية ومحاربة الغرب لكل ماهو مسلم ولا حيسوو شنو ياربي اوعوو تتنصروا كمان غايتو ولا ياربي بمشو ليبيا الفوضي عشان يموتوا زي الفطايس الله يكون في العون

[Ahmed]

ردود على Ahmed
[شجرة التبلدي] 11-18-2015 06:48 PM
يا اخي انت سطحي خااااااااااااااااااااااااااالص

[hakeem] 11-18-2015 02:06 PM
كل ردودك غريبة ؟

[الأشــعــة الـحــمــراء] 11-18-2015 01:54 PM
و مـين سـمـعـك ..يــا / أبو الـفـهـمـان الـفـهـيـم .. و الـنـايـم ديـمـة تـحـت ضــل الـنـيـم..
صـح الـنـوم .. و إنـتـظــر الـجــايـيـكـم إنـت و مـسـتـجـديـن الـفـاقـد الأخـلاقـي و الـتـربـوي و رأس الـتخـلـف بـشـيـرك الـغـبـيـان .. !!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة