الأخبار
أخبار إقليمية
عصام أحمد البشير ينصح بعدم التهكم على وثبة البشير
عصام أحمد البشير ينصح بعدم التهكم على وثبة البشير
عصام أحمد البشير ينصح بعدم التهكم على وثبة البشير


رئيس مجمع الفقه الإسلامي بمسجد والد عمر البشير
11-21-2015 10:10 AM

الخرطوم: حذر رئيس مجمع الفقه الإسلامي بضاحية كافوري بالخرطوم من مغبة التهكم من الحوار الوطني الجاري حالياً، وطالب مسؤولي الحكومة بعدم التساهل حيال حاويات المخدرات والنفايات الإلكترونية.
وحذر عصام أحمد البشير في خطبة بمسجد النور أمس من تساهل المسؤولين بالدولة حيال دخول حاويات المخدرات والنفايات الإكترونية، وطالب أجهزة الدولة بضرورة العمل على تحصين المجتمع من المخدرات والتي اعتبرها غزواً ثقافياً يستهدف الشباب.
وقال البشير إن انتشار الأدوية المغشوشة والمياه والأطعمة الملوثة من شأنه إحداث البلبلة والاضطراب، وزاد: "نسمع عن حاويات المخدرات.. يقصد بها غزو ثقافي لتدمير الشباب وعلى أجهزة الدولة والمجتمع العمل على حصانة الشباب".
وأشار إلى "أحاديث عن أن المياه المعدنية والغازية مسرطنة والمشروب والمأكول والنفايات المشعة وأدوية مغشوشة كل ذلك فتح باب الحديث والخوف، ويشرع للناس عدم الثقة والطمأنينة ويحدث بلبلة واضطراب".
وطالب الخطيب بتدخل الجهات المعنية ومؤسسات المواصفات والمقاييس لتتفحص ما يأكله ويشربه ويتنفسه الناس، وأشار الى أن تكدس الأوساخ والنفايات يحتاج إلى ثقافة مجتمعية، قائلاً: "بؤر الأوساخ المتراكمة تشمئذ منها النفوس وتذكم الأنوف.. تنقية البيئة عمل يمارس وقدوة تتجسد وليس لسان".
إلى ذلك دعا عصام أحمد البشير لعدم التهكم على الحوار الوطني الجاري، والعمل على تهئية البيئة المناسبة لإنجاحه والابتعاد من التصريحات السلبية.
ونصح بتنقية أجواء الحوار الوطني والابتعاد عن التصريحات السالبة، وقال "إن الحوار يفضي الى كلمة سواء وكلمة جامعة تستقر فيها النفوس وتتوحد فيه، لذا لا ينبغي أن تعطل أجواء الحوار".
وأفاد أنه يجب تلمس رغبة من يريد العودة للحوار و"ليس من الحكمة إلقاء كلمات هنا وهناك تزيد الشكوك وتلوث الجو"، وتابع: "فالندع الحوار يأخذ مجراه وما يتفق الناس عليه كله لعله يكون الخير بعد نزاعات ومحن".
وانتقد البشير الإعلام الرياضي في البلاد، قائلاً: "إن الصحف الرياضية يُشيب لهولها الولدان. هناك كتاب يكتبون بدون أن يدركوا أثر كتاباتهم"، وأكد ضرورة تنقية الأجواء في مجال الرياضة والإعلام.

الجريدة


تعليقات 22 | إهداء 0 | زيارات 4195

التعليقات
#1373669 [الأزهري]
0.00/5 (0 صوت)

11-22-2015 11:31 PM
عصام داغايتو مهنتو أقصد لسانو دا معيشو عيشة الملوك ومعهم يلوك ، ما عارف دائما بذكرني بحديث معاذ (وهل يكب الناس في النار على وجوههم إلا حصائد ألسنتهم)....

[الأزهري]

#1373666 [هيثم علي]
0.00/5 (0 صوت)

11-22-2015 11:21 PM
فقيه المول الرئاسي خاف ربك

[هيثم علي]

#1373598 [حمدي]
5.00/5 (2 صوت)

11-22-2015 07:59 PM
التهكم و السخرية علي حوار الوثبة حق مشروع لكل سوداني شريف و سودانية شريفة ---
انفقت الحكومة ما يزيد عن 600 مليون جنيه ( جديد ) حتى الان علي حوار عقيم لا يودي و لا يجيب --- و كان االاجدى و الانفع ان تصرف هذه الاموال علي الخدمات المتردية في التعليم و الصحة و صحة البيئة او معالجة طفح المجاري و نظافة المدن ---
الشعب السوداني سيقيم حواره الحر و المثمر بعيدا عن المؤتمرين الوطني و الشعبي و اهبل كافوري و بعد اسقاط الانقاذ الحتمي ( يرونه بعيدا و نراه قريبا و قريبا جدا )

[حمدي]

#1373508 [الكجور الأسود]
0.00/5 (0 صوت)

11-22-2015 03:44 PM
وبعد إنتهاء خطبة الدكتور/عصام البشير بدأت مباشرة في قناة أخرى خطبة الشيخ عبدالجليل الكاروري حيث بدأ حديثه بقصة أهل الكهف التي ربطها بأحداث باريس الدامية وأشار إلى الأذي الذي يمكن أن يصيب المسلمين جراء تصرفهم،أنا غايتو إستمتعت بالخطبة دي شديد،على عكس الكثيرين طبعاً.

[الكجور الأسود]

#1373504 [ابو جلمبو]
0.00/5 (0 صوت)

11-22-2015 03:33 PM
.

[ابو جلمبو]

#1373475 [جنرال زمان]
5.00/5 (1 صوت)

11-22-2015 02:39 PM
(حذر رئيس مجمع الفقه الإسلامي بضاحية كافوري بالخرطوم من مغبة التهكم من الحوار الوطني الجاري حالياً) ...... أها يا عصام طز فيك وطزين في الوثبة،،، حتعمل شنو يا ضلالي؟؟؟؟؟؟؟

[جنرال زمان]

#1373337 [RABSO]
5.00/5 (2 صوت)

11-22-2015 11:08 AM
عصام أحمد البشير .....
في كلمتين ... منافق وأنتهازي وشخصية ضعيفة ومسيسة ....
أتق الله وبطل التستر بالدين ... ما ليك دخل بالسياسة لأن كل ساسة هذا البلد من الرئيس لأقل معتمد حرامية ويكفي ما أخذته من أكتافهم ...
من هو الأفضل لك يا عصام كلام الله أم كلام وثبة البشير ...
أتق الله ألم تأخذك العبرة وماذا فعله لك الخليجين طردوك من بلادهم شر طرد والأن تسترزق من البشير وأزلامه وتشارك في الظلم لشعبك بعد أن أمتلأة بطنك ...

[RABSO]

#1373279 [بكري محمد عمر]
5.00/5 (2 صوت)

11-22-2015 09:18 AM
قال إبليس لسيدنا موسى ( قل لا إله إلا الله ) فرد عليه سيدنا عليه السلام فقال له نعم هي كلمة حق ولكني لا اقبلها من ملعون فالأسبوع الماضي كانت خطبته نصيحة للمسؤلين بعدم قبول الهدايا من أي أحد وذلك لحساسية مناصبهم ودرءا للشبهات ناسيا أنه كان قد أهديت إليه سيارة لكزس من رجل الاعمال الكويتي المعروف جمعة الجمعة فوقتها كان الدكتور وزيرا للأوقاف . مالكم كيف تحكمون
لاتنهي عن خلق وتأتي بمثله *** عار عليك وإن فعلت عظيم

[بكري محمد عمر]

#1373278 [الخاتم]
5.00/5 (2 صوت)

11-22-2015 09:18 AM
حسبنا الله ونعم الوكيل من فقهاء السلطان علماءالحيض والنفاس

[الخاتم]

#1373207 [ود العمدة]
5.00/5 (2 صوت)

11-22-2015 06:46 AM
عالم السلطان عصام لو تفوهت بحديثك من أي بقعة طاهرة من ارض السودان غير مسجد طاغية السودان بشبش كنا سمعنا لك ....من مسجد نور القاتل الصمت خير لك

[ود العمدة]

#1373162 [fatmon]
4.94/5 (5 صوت)

11-22-2015 12:32 AM
يكفي أنك إمام مسجد السلطان الجائر بعده الكلام ما منه أي فائدة

إنت في وداي والدين في وادي تاااااااني خالص

[fatmon]

#1373151 [كرازي]
5.00/5 (4 صوت)

11-21-2015 11:10 PM
عشان كلامك دا اردوغان قال البار إلا البنقو لماذا؟ لانه يعتقد السكره بتفك حسب فقه الضروره...اما البنقو لحسه مافيها رجعه..لذلك وجه كلامك لناس السلطه لقلب المعادله اكيدا النتيجه مضمونه.... كلامي هذا من فقه الدرملي في بلورة..الاسلام السياسي.عارفو ولانشرح...ارجع لسوره النحل وفيه سنه تعصرون ...عصركم الله دنيا وأخره...

[كرازي]

#1373071 [Rebel]
4.94/5 (5 صوت)

11-21-2015 07:02 PM
يقول الدليس: "و تتفحص ما يأكله و يشربه و يتنفسه الناس"!..
* تاكلوا السم الإدردقكم!! أفحصوا لى كروشكم الكبار المليانه من مال السحت و الربا!..الناس هنا بتاكل فول و "حاجات" تانيه إسمها "سخينه" و "بوش", مش بوش بتاع امريكا (القواد إكون قلبه وقف!)!..
*و المخدرات تبع "الكيزان" المجوس!..و "النفايات" جابتها حكومة "الفساد" و قبضت التمن!..
* و "حواركم" بلوهو و اشربوا مويته!..تفوووا عليكم يا مجرمين يا خونه!

[Rebel]

#1373023 [اممممى بدرجة جااااااهل]
4.88/5 (4 صوت)

11-21-2015 03:51 PM
قلتا لى رئس مجمع الفقه الاسلامى وكمان بكافورى اسلام حناكيش وفقهه دجالين....بغبغان مسجد النور...يعنى لا فيكم دم لا فيكم رجولة لا فيكم شهامة لكن الفيكم شكلها زى شيخكم اللعوب كلكم نفس الطينة يا ارزل الرازلين انتا وباقى اخواتك...والمعزرة يا اخوات

[اممممى بدرجة جااااااهل]

#1373014 [الحقيقة]
4.50/5 (2 صوت)

11-21-2015 03:27 PM
يقول هذا وعمر البشير جالس أمامه يستمع لكل كلمة ثم يخرج من المسجد نافضا طرفه كما دخل.

عمى بصيرة.

[الحقيقة]

ردود على الحقيقة
[ashshafokhallo] 11-21-2015 06:11 PM
معليش يا جماعه لكين انا ما عارف ليه لمان اشوف كرش الزول دا بطني تطم من الباسطا او الباقلاوه كما يسمونها هنا.


#1373001 [قاضي إشبيلية]
0.00/5 (0 صوت)

11-21-2015 02:30 PM
و ما رأيكم دام فضلكم في تصريح إبراهيم محمود حامد؟؟؟ هل هو تصريح سلبي أم إيجابي؟؟؟

[قاضي إشبيلية]

#1372982 [Momo]
4.50/5 (2 صوت)

11-21-2015 01:11 PM
بتاع كلو .... معقوله بس

[Momo]

#1372980 [دولار]
4.75/5 (3 صوت)

11-21-2015 01:02 PM
انت تقول ذلك لانك واحد منهم من المنتفين الضلالية تجار الدين

[دولار]

#1372977 [د..الزهجان]
4.50/5 (2 صوت)

11-21-2015 12:52 PM
التنقية قريبة ان شاء الله ..

[د..الزهجان]

#1372957 [فدائى]
4.00/5 (1 صوت)

11-21-2015 11:44 AM
خلاص ياشخشخه الحار ده مافيهو ولا كلمه وحلحل مشاكل السودان كلها وانصف المظلومين وقبض قتلة شباب سبتمبر وقبض الفاسدين كلهم وشنقهم وحرامى فد واحد فى البلد مافى والحياه بقت ساهله واى حاجه متوفره والشعب شحم لانو اى حاجه رخيصه ومتوفره والبقول غير كده ده ايكون عميل للغرب وللدول الكافره (اسمو شنو والله ما تكلمونا ما نخليكم)

[فدائى]

#1372956 [الراجل]
4.50/5 (2 صوت)

11-21-2015 11:41 AM
انا اول المتهكمين على الوثبة والحوار لانها مجرد مسخرة

[الراجل]

ردود على الراجل
[ashshafokhallo] 11-21-2015 05:35 PM
حوار تحت شعار مكانك سر
(بمناسبه الحوار الوطني المنعقد بمن حضر)
نحاوركم
ومافي حرب تقيف فد لحظه مافي اغاثه للمحتاج
وربنا ماب يشق حنكا يخلي يجوع
وما محتاج اغاثتكم
قوانيني المفصله شان تقيدكم
نزيدا شويه وكل حوار نقرطكم
صحافتكم:
نشتري نصفها المشلول
تبارك لينا خطواتنا وتمدح فينا
من واجباتا تشتمكم
نقاباتنا وكوادرنا تجهجهكم
نحاوركم
****
نحاوركم
علي دولت حزب واحد هو الوطني
ولو عايزين حكومه وانتقاليه
حكومتن تبقي قوميه وتفكك دوله الوطني
اعين ناس بعرفا زيو جوع بطني
اعينليها ناس فلته نحيركم
واحاوركم
****
كل الاجهزه المدنيه في لحظات تكون قوميه
والعسكر تكون قوميه
اعيينا بي مزاجي براي
وانا طبعا سديد الراي
اسوي قضاتي بالتعيين عشان اضمنلها استقلال
ومن دون شك ح تعجبكم
واحاوركم
****
محاربت الفساد شغلي
مفوضه الفساد جاهزه اعين فيها حراسي
وموت لي كل زول فاسد اذا كان ماهو من ناسي
نعيد اموالكم المنهوبه شان العدل يتنزل
قبل توزيعا بين احبابنا لابدن نشاوركم
عشان تتحسن احوالكم معيشتكم
واحاوركم
****
اصارحكم
مؤتمر دستوري ما ظنيت يناسبكم
وكان لا بد
بسوي براي وحتي التوصيات جاهزات
اكاشفكم
والدستور كمان جاهز اريحكم
وما داير اضيع وكتكم غالي وازعجكم
تنومو تقومو تلقو بلد علي كيفكم
تلقو الدوله مدنيه وديموقراطيه حد الطيش وتدهشكم
ونعمل انتخابات كاربه يشرف فيها صاحبي اصم
واجيب كارتر عشان يشهد لانو بجم
اسوي الحفله والدلوكه فيها لمع صقيرنا الحام
يكون تم التبادل سلمي يا بخت البيحكمكم
واحاوركم
عشان اقدر اوهط صلبي في كرسي الحكم
والله بعدها ما ح ازعجكم
واحاوركم
اكتوبر 2015


#1372921 [ود صالح]
4.75/5 (3 صوت)

11-21-2015 10:32 AM
يا جماعة أيه آخر أخبار "اللكسوس".


يا أيّها الخطيب المفوّه هلّا جلست في بيت أمّك و أبيك حتّى يهدى إليك.

[ود صالح]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة