الأخبار
أخبار إقليمية
أهالي الجريف سنصعد مطالبنا باسقاط النظام حال عدم الاستجابة
أهالي الجريف سنصعد مطالبنا باسقاط النظام حال عدم الاستجابة
أهالي الجريف سنصعد مطالبنا باسقاط النظام حال عدم الاستجابة


11-23-2015 11:59 PM
الراكوبة عبد الوهاب همت

أفاد مصدر فى لجنة التفاوض لمعتصمى مدينة الجريف شرق ان وفدهم كان قد اجتمع مع والى الخرطوم بطلب منه لفض الاعتصام بعد ان تلقوا منه وعودا تؤكد حل مشاكلهم ورفعوا الاعتصام لمرتين وفى المرة الثالثة قال لهم ان الولاية ليست لها اراضى وانه لايمتلك أى حل لمشاكلهم وفى نفس اليوم كان قد صرح للصحف بان مشاكل اهالى الجريف والمتعلقة بالاراضى قد حلت تماماً.
وفى مساء نفس اليوم أعلن تلفزيون السودان عن مزاد علنى لبيع اراضى أستثمارية فى مربع 17وهى نفس الاراضى المسماة بمطرى كركوج وهى مسجلة والاهالى يمتلكون مستندات منذ ايام المستعمر البريطانى.
أجتمع الاهالى مساء امس بساحة الشهداءوأتفقوا على تسيير مسيرة تحركت فجر اليوم الاثنين 23نوفمبر فى تمام التاسعة صباحا الى مكاتب الاراضى حيث المكان المعلن للمذاد العلنى وقد تواجدت عناصر كثيرة من قوات الشرطة الذين قطعوا الطريق امام المنظاهرين كما تم اغلاق المدارس فى المنطقة.
قام معتمد شرق النيل ومدير جهاز أمن المنطقة باستدعاء المواطن عبده مختار العاقب عضو اللجنة العلياء للاعتصام بعد احتجازه لعدة ساعات.
بعد ذلك جاء وخاطب المعتصمين عبدالله الحاج الامين السياسى للمؤتمر الوطنى فى المحلية والذى وعد المعتصمين بان اللجنة العليا للمعتصمين سوف تجتمع مع رئيس الجمهورية خلال اسبوع من الان على ذلك انسحب المتظاهرون الى ساحة الشهداء وأثناء ذلك عبرت ثلاثة دبابات كبرى الجريف قادمة من الخرطوم باتجاه العيلفون واختفت عن الانظار.وافاد مصدر فى لجنة الاعتصام بانهم سيواصلون اعتصامهم الى ان يقابلوا رئيس الجمهورية .
قدر عدد المشاركون فى التظاهرة حوالى 1200 من النساء والرجال وكانوا يهتفون مطالبين بارجاع مستشفى شرق النيل لاهالى الجريف والغاء مدينة النيل الازرق على الشريط النيلى والمطالبة بوقف البيع الجارى للاراضى والسواقى.
وقد ختم المصدر قائلا اذا فشلت الحكومة فى تحقيق رغبات الاهالى فان شعارهم سيتحول الى اسقاط النظام.


تعليقات 6 | إهداء 0 | زيارات 3852

التعليقات
#1374557 [الناهه]
0.00/5 (0 صوت)

11-24-2015 11:59 AM
.

[الناهه]

#1374423 [احمد علي]
0.00/5 (0 صوت)

11-24-2015 09:41 AM
معقوله يا ناس الجريف تصدقو الكيزان..ديل با عوها زمان..بس لو محظوظين ربنا يعجل ليكم الثوره القادمه باذن الله..وتجي الحكومه الجديده تردها ليكم..الكيزان الخونه افسدو في كل مجال ..هل تصدقو استاد التحرير في بحري مرهون!!..لكن دي بسيطه..البقتل الروح بعمل اي حاحه..والله ليكم يوم..والله ماكنت عارف انو في بشر زي الكيزان ديل عايشين معانا..بس الحمدلله هي فئه قليله..ما في فرق بينم وبين الخوارج في عهد الرسول(ص)..كوم التراب جاييكم يا كلاب جهنم.

[احمد علي]

#1374372 [سوداني 1]
0.00/5 (0 صوت)

11-24-2015 08:46 AM
قد ختم المصدر قائلا اذا فشلت الحكومة فى تحقيق رغبات الاهالى فان شعارهم سيتحول الى اسقاط النظام. دي الظاهر عليك زودتها منك

[سوداني 1]

#1374349 [ابو جلمبو]
0.00/5 (0 صوت)

11-24-2015 08:28 AM
ياخي تسقطو شنو
هو بس عشان جات على الاراضي بتاعتكم دي
وحتطالبو منو يسقط ليكم النظام؟ ما تقولو لي الشعب

[ابو جلمبو]

#1374309 [الحق يقال]
5.00/5 (2 صوت)

11-24-2015 06:58 AM
إقتباس : وقد ختم المصدر قائلا اذا فشلت الحكومة فى تحقيق رغبات الاهالى فان شعارهم سيتحول الى اسقاط النظام : انتهى الاقتباس .
للأسف الشديد أخلاقيات السودانيين تغيرت كثيرا فأصبحت المنفعة الشخصية هي الأهم.
فأهالي الجريف مثلا لا يهم ما فعلة الكلاب حكومة المؤتمر اللاوطني من نهب وتدمير وإغتصاب وقتل إخوانهم في المناطق الأخرى ، لذلك لا يطالبون بإسقاطه، ولكن سوف يطالبون باسقاطها فقط إذا مسهم الأمر .
كم انت عجيب يا زمن. ليتك توقفت في الستينات .

[الحق يقال]

#1374300 [البراري]
5.00/5 (1 صوت)

11-24-2015 06:49 AM
شنو ي جرافة الحكومة حرامية وانتو كمان حرامية بالنسبة لارض المستشفي الاسرة التي كانت تحوز الارض استلمت التعويض وبالنسبة لمحطط مدينة النيل الازرق ايضا كل اصحاب الحيازة استلمو التعويض انتو مش ملاك ولا تملكون شهادات بخث عشان تتكلمو انتو كنتو منتفعين من اراضي البلد بدون اي وجهة حق كان مفروض يدفعوكم قرش علي الفترات السابقة اما بالنسبة لمخطط النيل الازرق ادو كل اسرة 4 و9 قطغ وهولاء باعو فكيف تبيغو اراضيكم والان تجو تقولو عايزين ارضنا ده شنو ده مش عيب عليكم تمتهنو شغل السرقة

[البراري]

ردود على البراري
European Union [الحق يقال] 11-24-2015 12:36 PM
يا اخي ( ردا على البراري والحق يقال ) الرجاء تنويرنا بالاسباب التي من اجلها طالب من قبل أهالي الحريف باسقاط حكومة الرقاص الهارب ؟ ومنكم نستفيد .

[معاوية الجريف] 11-24-2015 09:47 AM
الجرافة اكبر وأشرف من انه واحد من حثالات السودان يتكلم عنهم او يسىء اليهم وشكلك واحد من المنتفعين من بيع الاراضى ولو انت راجل اظهر باسمك الحقيقى حتى تعرف كيف يرد عليك اهل الجريف الرجال اهل الكرم واهل الامانة اللى ما كانو فى يوم حرامية يا ملعون الوالدين واشرف من شكلك حسبى الله ونعم الوكيل فيك وفى كل شخص على شاكلتك

[ردا علي البراري و الحق يقال] 11-24-2015 08:57 AM
الحق يقال انت بعيد جدا عن هذا الاسم مشكلة الجريف دي قديمة وأقدم من المشاكل البتتكلم عنها وبعدين لعلمك من 26 سنة مافي كوز فاز بالانتخابات في الجريف شرق يعني ماكيزان ومستنفعين الجريف فيها كيزان وسوس لكن بتعدو بالاصابع اليد. وياالبراري البتقول فيه دا والله بتسال عنو يوم لاينفع مال ولابنون إلا من ات الله بقلب سليم ديل ناس مالكين ملك حر يعني الورق دا مسجل من عام 1909 قبل الاستقلال والستينات ومسجل في اللوس الانجليزي في القضائية وفي نسخة في بريطانيا كل الحكاية زي ماقال عبدالرحيم الله لايرحمو دنيا ولا اخرة البلد كلها اتباعت واتباعت لمنو لمستثمر لا طيب لمنو للكيزان والدليل مكتب الوالي الأرض قاعدة واسياد الأرض قاعديين لكن السلطة والجبروت والظلم مابدوم وأي حاجة ب يومها والله قادر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة