الأخبار
منوعات سودانية
"الوسيم القلبي رادو" القلب في الأغنية السودانية ... مكانة وعشق وإقامة
"الوسيم القلبي رادو" القلب في الأغنية السودانية ... مكانة وعشق وإقامة



11-25-2015 09:39 PM
رصد - أماني شريف
القلب تلك العضلة المنقبضة والمنبسطة أو الفؤاد النابض بالحياة، فهو مكمن الخوف والفرح، وقد تزيد عدد دقاته أو ضرباته تبعاً للتأثيرات التي تحدث للإنسان، وهو دليل المرء لمختلف الأشياء، كذلك فإنَّ عبارة (قلبي دليلي) تعني المحافظة على سلامته وصحته ضرورة لصحة الفرد العامة، وهذا ما يوصي به اختصاصيو القلب.
هذا في الإطار العام، أما ما يختص بعنواننا أعلاه فقد اهتم شعراء الأغنية السودانية بمفردة القلب وأوفوها حقها، خاصة في ما يتعلق بتآلف قلوب المحبين والعاشقين غراماً وعشقاً وهياماً أو صداً وهجراً وعتاباً وملاماً. وجميع هذه الأشياء يتحكم فيها القلب أو الميل القلبى (القلب وما يريد)، ونتجول في ما يلي على روائع الأغنيات التي تناولت القلوب.
قلوب الملامة
وفي هذه الحالات يلوم ويعاتب المحبون بعضهم الآخر على التجافي أو الصد والتناسي والبُعد والهجران، وأحيانآ ينصلح الأمر بينهما ويعود التصافي بين القلوب، وقد يحدث العكس فيكون سبباً للافتراق الأبدي وينهار جسر مودتهما (حلفتك يا قلبي الخانك تخونو والفايت غرامك أوعك يوم تصونو) و(يا ناس قلبي بالنار انكوى) و (الناسيك يا قلبي انساهو والناسيك يا قلبي سيبو ـ بدأ يتنكر وما بتذكر وباعك رخيص ـ سيبو يا قلبي سيبو سيبو) و(قلبك ليه تبدل صد وليه تحول؟) و(كفى يا قلبي انسى الفات وعيش من تاني وحداني) و(مجبور قلبي يتعلم بعد ولف عليك يقسى) و(يا القاسي قلبك ما بلين ويا العمرو قلبك ما رحم) و (أنا سلمتو قلبي وقايلو أمين عليهو ـ تناسانى ونسى اخلاصي ليهو) و(القلب البعتو والريد الخنتو أنا قلبي معاك سافرت وشلتو) و(قلبك قسى وجافى ليه يا جدي الغزلان؟) و (كلامك ما هو من قلبك) و(مين قساك مين قسى قلبك؟ إيه نساك يا ناسي حبك؟ ) و (يا قلبي يا معذبني في حبو ليه راميني؟ و (سأجليه غراماً تخذ القلب مكانا).
السؤال عن الحبيب
دقات القلب لا تتوقف عند محطة الملامة فقط، بل تتعدى ذلك إلى السؤال عن الحبيب على شاكلة (وين يا ناس حبيب الروح؟ وين يا ناس أنا قلبي مجروح) و(يا معاين من الشباك ارحم قلوبنا معاك) و(ظلموك يا قلبي العوازل) و(ثم ضاع الأمس مني وانطوت في القلب حسرة) و (لو خلاص قلبك نسى الأيام معايا ـ برضي راضي في الغرام كم من ضحايا) و(ما لو لو قلبك طرانا وقسوة الأيام نساها ـ نحن بي ريدك شقينا انت يالقصرت فينا ـ انت اتلومت فينا) و(احلف قلبك القاسي بى لهفة مودتنا) و(بتقولي لا لقليب رهيف ما اظنو لا لا بيحملا) و (بي قليبك تقول لي تعال وتعال ـ وبعيونك تقول لي لا ما في مجال) و(القلب حباهو في الحسن واليتو ياريتو يشعر بي ياريتو ياريتو) و(ما شفت ألم الفرقة صعب علينا ـ خشعت قلوبنا ودمعها كب فينا) و (يا حالم تعال شوف قلبي الموله كيفن ليكا مال) و(خليك معاي واضح أوعك تكون بين بين ـ القلب لو صادق ما بحتمل زولين) و(للقليب الصادق كنت نبعو ودارو ـ كنت ليهو حبيبو كنت أهلو ودارو) و(حطمت في قلبو الأمل ـ كل الأماني الخدرت) و(طار قلبي مني وقال ما هو عايد) و(حيرت قلبي معاك خليتو بيك مشغول ـ يا أحلى من ضماك ما بصح عذابو يطول) و(يا حبيبي وانت غايب قلبي وراني العجايب ـ مرة شاكي ومره باكي وعمري ما حسيتو طايب) و(الله يصبرك يا قلبي من حالتك الفوقك كلما يمر صباح زايد عليك شوقك) و(قلبي في هواكم ذاب) و(القليب الراسمو حنة يبدو من قلبك أحن ـ بيهو داير تمتحنا والله في أمرك محنا) و(أنا قلبي بدق تظلمني ليه يا حبيب ما ليكَ حق والله ما ليك حق) و(يا قلبي السراري ويا الكاتم أسراري ـ سمح الريد نساني) و( الدكاترة كشفوا القلب ولقوا قلبي زايد ضرب يا حبيب ريدي تعال لي) و (قليبي رهيف وما بقدر على الهبباي في عز الصيف) و(ده ما القلب البجرسو شوق ولا القلب التبكي حبيبة) (ويا قلب أنا كنت قايلك تبت من تعب السفر من مخاواة القماري ومن شراب موية المطر).
قلوب مختلفة
وهنا تختلف الأحاسيس القلبية عما سبق من عتاب ولوم وقساوة، ولنستمع الى نبضات قلوب تفيض بالريدة والوفاء، وتشرح القلب الحزين (الريدة الريدة الريدة يا حبيب قلبي ـ الريدة الريدة الريدة بهدى ليك حبي) و(وانت يا الأبيض ضميرك صافي زي قلب الرضيع) و(الوسيم القلبي رادو) و (أنا صادق في حبك لو قلبي يتصل بي قلبك هذا مقصودي) و(دى وحيدة قلبي وانا قلبي وحيدها) و (رف قلبى بي جناح النسايم ـ شافك لقاك أجمل ملاك) و(قلبي الحابيكَ ما خان لياليكَ ـ مابدل حبو أبداً ما اتنكر ليك ) و(قلبى ما لو اليوم من جسمي فر وراح دمت يا محبوبي ودامت الأفراح) و(كيف ناوي تعمل بقلوبنا وحنانه بعد ماجيت لقيتنا حافظين الأمانة ) و(ما بخاصمك ما بلومك لو تخاصم بالسنين ـ أنا عارف قلبك أبيض وأنت أكتر من حنين) و(مبروك النجاح زاد قلبي انشراح) و (كل البيت خليتو في فرحة، ضاحكة عيون، وقلوب منشرحة) و( يا الهليت فرحت قلوبنا ) و(ختيتي في قلبي اليقين يا مطمناني بطمنك) و (لو درتِ قلبي أسلمك) و(قلبي في ترحالو يا ما صيف وشتى وياك انت الانت بيك ازدان عمرنا ويا هدية من الله والله بدي الجنة

اليوم التالي


تعليقات 0 | إهداء 0 | زيارات 878


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة