الأخبار
أخبار إقليمية
قوى الإجماع تنفذ وقفة احتجاجية الأحد المقبل مناصرة لطلاب دارفور
قوى الإجماع تنفذ وقفة احتجاجية الأحد المقبل مناصرة لطلاب دارفور



11-26-2015 10:10 AM
الخرطوم: إيمان جكسا
أعلنت قوى الإجماع الوطني، تنفيذ وقفة احتجاجية أمام وزارة العدل، يوم الأحد المقبل، مناصرة لطلاب دارفور، والمطالبة بإطلاق المعتقلين منهم.
وقال القيادي بتحالف قوى الإجماع الوطني محمد ضياء الدين في مؤتمر صحفي بالمركز العام للحزب الشيوعي بالخرطوم أمس، إن رؤساء أحزاب قوى الإجماع وقانونيين سيشاركون في الوقفة، بغرض تقديم مذكرة احتجاجية تتضمن إطلاق المعتقلين من طلاب دارفور ورد اعتبارهم ومعالجة أوضاعهم الأكاديمية في فترة غيابهم.
وأضاف أن المذكرة تشمل المطالبة بإعفاء طلاب دارفور من الرسوم بالجامعات والإسراع في معالجة أوضاع من تم تسجيلهم ولم يباشروا الدراسة، وأشار إلى عقد محاضرة عامة في جامعة الخرطوم في ذات اليوم تضامناً مع طلاب دارفور سياسياً واقتصادياً واجتماعياً ولوقف ممارسات العنف ضدهم.
وفي السياق اتهم ممثل تجمع طلاب دارفور فوزي سليمان، الحكومة بالتنصل عن الاتفاقيات الخاصة بإعفاء طلاب دارفور من الرسوم الدراسية، وانتقد عدم تحرك السلطة الإقليمية لدارفور تجاه الأمر، وبرأ طلاب دارفور من الأحداث التي شهدتها بعض الجامعات.

الجريدة


تعليقات 8 | إهداء 0 | زيارات 1367

التعليقات
#1376137 [ود فور]
0.00/5 (0 صوت)

11-26-2015 07:12 PM
وانتقد عدم تحرك السلطة الإقليمية لدارفور تجاه الأمر؟؟

ياخى التجانى سيسى نفض يده من طلاب دارفور من زمان وقال ديل كلهم حركات مسلحة تابعين لعبدالواحد وهو ما عنده بيهم شغلة حتى إنه لم يتحرك حينما تم طرد طالبات دارفور من الداخليات في منتصف الليل وأقمن في الشارع 3 أيام إلى أن بادر أبوقردة لإنقاذهن.

[ود فور]

#1376060 [كرفينابي]
0.00/5 (0 صوت)

11-26-2015 04:15 PM
ببساطة شديده والمابشوف من الغربال عميان ,الناس البتكلمو عن انو ناس باقي الاقاليم تعبانه وظروفه صعبه ديل عاوزين يصطادو في الماء العكر , ياخي ناس دارفور ديل الواحد فيهم ما عارف امو وين وﻻ ابوه وين زول فاقد الامان تماما
وهنا ناس علم النفس والاجتماع ممكن يتدخلو ويقولو كلمتهم, ياخي الناس ديل شباب صغار ومستهدفين من نظام بكل الته الحربيه ورباطته ,يخوانا نحنا في السودان زمان معرفين ناس فزعه ,وهسي الجماعه ديل في محنه,ومحتاجين لوقفه تضامنيه ونحي مجهودات تحالف قوي الاجماع,يخوانا ناس الشرق والوسط والشمال علي الاقل مستقرين في بيوتهم وكل زول مع اسرته ده الفرق ,وحتي مطالبتكم بعداله الموقف يشتم منهارائحة ما جميله اهل دارفور يستحقوا منا وقفتنا معهم
لك الله ياوطني

[كرفينابي]

#1376013 [yahia kamal]
0.00/5 (0 صوت)

11-26-2015 02:37 PM
ابناء دارفور ماحرام عليكم لماذا ابناء دارفور يعاملو بهذة القسوة من كلاب البشير الفاشل والله ياجماعة البشير هذا امعا بمعنى الكلمة راجل ناقص ولا بمكن يكون فى يوم راجل يحترم كلمته دايما ناقص ..
بعدين يافوزى سليمان ماذا تنتظر من كلاب المؤتمر الوطنى يا اخى كل البيحصل دى وماعرفتو سياسة الكلاب دول .. لماذ تم اعتقال الشرفاء بتحالف قوى الاجماع الوطنى من هم يدافعو عن ابناء دار فور تم اعتقالهم ياجماعة ديل شواطين ليس بشر افراد المؤتمر الوطنى جواهم شيطان يخطط لهم وينفذو ولا العكس هم يخططو للشيطان والشيطان ينفذ كل مخططاتهم

[yahia kamal]

#1376004 [الناصر صلاح الدين]
0.00/5 (0 صوت)

11-26-2015 02:24 PM
كتب البوني زمان قبل ان يدجنوه ناس المشروع . قال كل سوداني عايز ياخذ حقو من الجبهجية يشيل عكازوا أو الفأس فى وجه الحيكومة , بعد ذلك ستأتيه حقوقه الى باب البيت ّ!!!!!! حسي الدنيا كلها قايمة وقاعدة عشان يناصروا طلاب دار فور فى قضية اعفاءهم من رسوم الدراسة . وليه بس طلاب دارفور بالذات يعني خلاص ناس الشرق والشمال وكردفان والجزيرة اصبحوا فى رفاعية السويد والدنمارك !!! اسوأ انواع الفقر والاهمال والتهميش فى شرق السودان وشماله .ناس دار فور ضيعوهم اولادم السفهاء الشغالين تجارة بقضية افقدت المواطن هناك اسباب عيشه وشتت شمل الديار .. ناس التجمع الوطني الديمقراطي رايح ليهم الدرب فى الموية . وقفة احتجاجية واستنكار اصبحوا زي الجامعة العربية لاخير فى وجودها ولا ضرر فى عدمها 000000 الوضعع الحالي فى السودان لايزول الا بثورة عارمة ثورة اكتوبر بالنسبة ليها ( ربع وقية) يعني لايزم الشارع يهدر وغبار الكنداكة يغطي عين الشمس .بعد ذلك سينبلج ضوء انهار .. وغير ذلك اكلوا الفتة بموية الفول ونوموا ..

[الناصر صلاح الدين]

#1375975 [كبسور]
0.00/5 (0 صوت)

11-26-2015 01:30 PM
طلاب دار فور اغلبهم ايتام
قتل المتاسلمون أباؤهم
وليس لهم مساكن
امهاتهم فى معسكرات النازحين

هل امهاتكم فى معسكرات وآباؤكم قتلوا وحرقت قراكم ؟؟؟؟؟؟؟؟؟؟؟؟؟؟

[كبسور]

#1375892 [Ahmed]
0.00/5 (0 صوت)

11-26-2015 11:35 AM
غايتو دارفور دارفور كل صباح ومسا كرهتونا حاجة اسمها دارفور بالنقة الكتثيرة بتاعتكم دي انتو ما تجو تشوفوا قري دنقلا والمحس ولا قري شرق السودان بائيسين وفقرانين اكتر من قري دارفور ولا يعني بس اي زول فالح في الهمتة تسمعو كلاموا طيب نحن هسة التعابنين اولادنا بندفع ليهم من دم قلبنا وساكتين اشمعني يعني اولاد دارفور ما يدفعوا هم احسن مننا في شنو

[Ahmed]

ردود على Ahmed
[بلسم] 11-26-2015 03:51 PM
عبيط ليس الا


#1375845 [mahmoudjadeed]
0.00/5 (0 صوت)

11-26-2015 10:45 AM
طلاب دارفور على راسهم ريشة ليه يعفوهم من الرسوم ويدفعوا باقي الاقاليم ؟ طلاب درافور زيهم وزي طلاب باقي الاقاليم لهم ما لنا وعليهم ما علينا .. يعني الحكومة ما بتجي الا بالسلاح ؟ والله الناس ديل دلعتوهم اكثر من اللازم .

[mahmoudjadeed]

#1375826 [الشرق]
0.00/5 (0 صوت)

11-26-2015 10:27 AM
ولماذا لايتم اعفاء كل ابناء السودان من الاسر الفقيرة من الرسوم الجامعية وهل طلاب دار هم الفقراء وحدهم وبقية الطلاب من الاسر الغنية ام ان هناك جهات تريد ان تستقل الامر لاسباب سياسية لانريد تميز يزيد من تفاقم الوضع معظم الاسر فى الشمال والشرق والغرب والوسط وضعها واحد وتعانى من الفقر وعدم المقدرة فى تعليم ابناءها ولماذا لايقوم الاجماع الوطنى هذا بدفع رسوم الدراسة لابناء دارفور؟؟؟

[الشرق]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة