الأخبار
أخبار إقليمية
الإمارات تلتزم بإعمار وتأهيل المساجد والخلاوي في السودان
الإمارات تلتزم بإعمار وتأهيل المساجد والخلاوي في السودان
الإمارات تلتزم بإعمار وتأهيل المساجد والخلاوي في السودان


11-27-2015 09:53 PM

الخرطوم – أعلنت دولة الإمارات العربية المتحدة، التزامها بالبدء في إعمار مساجد السودان وتدريب الأئمة والدعاة والرعاية الشاملة للخلاوي والمدارس القرآنية، وإنشاء مركز تدريب للأئمة والدعاة والوعاظ بولاية الخرطوم، وتبادل الخبرات في مجال تدعيم قيم التسامح الديني، ومواجهة التيارات الهدامة والمنحرفة ونبذ الغلو والتطرف.
وقال نزار الجيلي المكاشفي، نائب وزير الإرشاد والأوقاف، إن وزارته وقعت مذكرة تفاهم مع الهيئة العامة للشؤون الإسلامية والأوقاف بدولة الإمارات العربية المتحدة، برئاسة الشيخ محمد مطر سالم الكعبي، على البدء في إعمار المساجد بالبدء بـ 50 مسجدا بولاية الخرطوم، من المساجد ذات الكثافة، وإيلاء الأولوية للصيانات السريعة مثل الفرش والإنارة، مشيرا إلى أنه تم الاتفاق على تدريب 50 من أئمة المساجد بابتعاثهم إلى دولة الإمارات خلال الأيام القادمة.
وكشف الوزير عن تبرع دولة الإمارات بـ 10 آلاف متر موكيت لفرش المساجد و20 ألف مصحف تم شحنها فورا إلى السودان، مشيرا إلى أن الطرفين اتفقا على التعاون في مجال الوقف وتنميته بوساطة المشاريع الوقفية في مجال البناء والتعمير بما يتوافق والاقتصاد المعاصر والنهضة الهندسية العالمية، وتنظيم دورات تدريبية في أساليب تنظيم الأوقاف وتنميتها واستثمارها.
وضم وفد الوزارة حامد يوسف آدم وكيل الوزارة، والفاتح مختار مدير عام إدارة العلاقات الخارجية والتواصل، ويوسف الطيب قرشي مدير عام إدارة الموارد المالية والبشرية.
من جهة ثانية، يصل غدا (السبت) وفد من الهيئة العامة للشؤون الإسلامية والأوقاف بدولة الإمارات العربية المتحدة، للوقوف على المساجد ودور العبادة المستهدفة بولاية الخرطوم للبدء بالصيانة والتأهيل

اليوم التالي


تعليقات 2 | إهداء 0 | زيارات 1022

التعليقات
#1377078 [الناظر]
0.00/5 (0 صوت)

11-29-2015 01:21 AM
الخلاوى والمساجد موجودة وعلى ما يرام, ما نحتاجه مدارس ومستشفيات وربما مصانع للعمل اذا أمكن.

[الناظر]

#1377034 [Lila Farah]
0.00/5 (0 صوت)

11-28-2015 09:16 PM
المهم ياناس الامارات ماتدوهم ولا مليم في يدينهم حتى ولو أقسموا ليكم علي
كل المصاحف الدايرين تشحنوها للخرطوم بأنهم سيصرفونها في الاماكن التي
تريدونها.....!!!!!!!!!!!!

ديل اولاد حرام لصوص ومابشبعوا حتى اموال الزكاة بياكلوها عادى
جدا ولو لحقوا كل قروش دولة الامارات الموجوده في بنككم المركزى
يمين ينشفوها ويجففوها عليكم ويخلوكم لافين في صحارى الربع الخالي
لا قروش ولا حتي دواب تركبوها وده هدف كبير من اهداف اخوان الشواطين
ان يستولوا علي الحكم في دول الخليج ووضع اياديهم القذره علي ثروات
شعوب الخليج لتمويل عملياتهم القذره ولتحقيق حلمهم الوهم دولة الخلافه

وبعدين ياناس الامارت اعملو حسابكم كويس من المخلوقات التاليه :

نزار الجيلي المكاشفي، نائب وزير الإرشاد والأوقاف.
حامد يوسف آدم وكيل الوزارة، والفاتح مختار مدير عام إدارة العلاقات الخارجية. والتواصل،
ويوسف الطيب قرشي مدير عام إدارة الموارد المالية والبشرية.

اصحاب الكروش الكبيره المتدلاة الي اسفل والجلاليب القصيره وعلامات الصلاة المنحوته في ورش المنطقه الصناعيه الخاتين مساويك في خشومم طوال الوكت
الضاحكين ببلاهة وحموريه وغباوه والزائغه عيونهم عمدا ليوهموكم بانهم انما
يزوغ البصر منهم لانشغالهم في التدبر في ايات وحكم الله.

هؤلاء بالذات ياناس الامارات تعملوا حسابكم منهم شدييييد وبراكم هاتكتشفوهم!!


والله ياناس الامارت كتر الله خيركم ان يكون شعب السودان في بالكم لكن لو بتسمعوا
كلامي وتسمعوا النصيحه قروشكم المخصصنها والتزمتوا بيها للسودان ياريت لو تحولوها للتعليم شرطا تصرفوها بمعرفتكم برضو فمعظم مدارسنا ان لم يكن كلها مشلع لاكراسي يقعد الطلبه والمدرسين عليها لا سبورات زى الناس لاطباشير لاشبابيك لامراوح لا اسقف تقي الطلبه من حر الشمش والمطر ولن نخجل اذا قلنا لكم ان كل المداس لايوجد بها ادبخانات ليقضي الطلبه والطالبات حاجتهم ولو وجد فهو حمام واجد يتيم للمدير وللمدرسين مقفول بقفل كبير مفتاحه المدير مخبيهو ولو طلب احد الاساتذه المفتاح يدعي دايما انو نساهو في البيت ....تخيلوا ياناس الامارات!!!

أو تصرفوها وبرضو بمعرفتكم علي الشفخانات والمستشفيات وياريت لو تعملوا جوله
علي المستشفيات في الخرطوم- ماهانقوليكم مستشفيات وشفخانات الاقاليم- عشان تبكوا لحالنا ونحن تحت حكم الصحابه الغر المحجلين البشير وجنوده.

اقتراحاتي دى سببها انو بصراحه نحنا مامحتاجين لا مساجد لاخلاوى اضافيه والعندنا
كفايه وزياده .... اتو نسيتو ياناس الامارات انو الكيزان اصحاب الرساله المحمديه ووكلاء ربنا الحصريين في السودان ملونا مساجد وخلاوى مما جوه
عشان يدخلوا الناس فوقا ليتفرغوا هم لسرقه ونهب البلاد والعباد.!!!!!!!!

المهم قروشك دى ابقوا عليها عشره ماتسلموها لاى كوز في يده تحت اى ظرف
حتى لو كان محترف في كتلت الحيل وتسبيل العيون زى واحد عندنا اسمه الزبير
اجمد الحسن صاحب مشروع وهمي اسمه الهجره الي الله.!!!

اخشي ان يعرض عليكم هذا المحتال ان تتركوا قروشكم مع الايادى الامينه المتوضيه
وتهاجروا معه الي الله ...!!!!!!! ستدقسوا دقسه كبيره مرتين المره الاولي لو تركتم قروشكم مع تلك الايادى الامينة المتوضيه والتانيه لو وافقتم علي السفر والهجره معه الي الله ...!!!!!!

تحياتنا لكل شعب الامارات ولشيوخ دولة الامارات .!!!!!

[Lila Farah]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة