الأخبار
أخبار إقليمية
الصحة تحمل امريكا مسؤولية دخول الأدوية المغشوشة للسودان
الصحة تحمل امريكا مسؤولية دخول الأدوية المغشوشة للسودان
الصحة تحمل امريكا مسؤولية دخول الأدوية المغشوشة للسودان


11-29-2015 09:37 AM

الخرطوم: سعاد الخضر
حملت وزارة الصحة، الولايات المتحدة الأمريكية مسؤولية دخول الأدوية المغشوشة للسودان.
وقال الامين العام للمجلس القومي للأدوية والسموم محمد الحسن إمام، في مداخلته في المنتدى الخاص بزيارة المقرر الخاص المعني بالتدابير القسرية الاحادية بجامعة الخرطوم أمس، إن وزارة الصحة تضطر الى التعامل مع وكلاء أجانب بسبب الحظر الأمريكي حتى تتمكن من استيراد الأدوية مما يؤدي الى دخول الأدوية المغشوشة للبلاد.
واضاف أن هناك أدوية درجة السمية فيها عالية جداً لايمكن التعامل فيها الا مع شركات بحثية، وهي غير متوفرة الا في الدول الأوربية والأمريكية، ولا يستطيع السودان الحصول عليها مما تسبب في حدوث أضرار كبيرة.
وفي السياق أكد رئيس قسم القانون العام بجامعة الخرطوم أمير كمال الدين، في ورقته حول أثر التدابير القسرية الإنفرادية على حقوق الإنسان في السودان التي قدمها في المنتدى، إن وزارة الصحة تعاني بسبب العقوبات الأحادية في الحصول على الأدوية الأمريكية، وكشف عن عدم تمكنها من ادخال جهاز تشخيص الفشل الكلوي مما أدى الى معاناة 14 ألف مريض بالفشل الكلوي، بجانب معاناة الاف من مرضى السرطان، وعدم توفر امصال الحمى النزفية.
ونوه كمال الدين الى زيادة معاناة مرضى الأيدز بسبب عدم توفر عقار أمريكي، ومعاناة المرضى لعدم تمكنهم من فحص عينات من الدم التي تحتاج الى الكواشف الأمريكية المصدر، وكشف عن رفض 3 شركات أوربية نقل محاليل وريدية منقذة للحياة للسودان، وتضرر مليون ونصف من المعاقين بالبلاد من العقوبات لحصول 16% فقط منهم على التعليم.
وفي السياق حذرت ممثلة المجلس القومي لرعاية الطفولة سارة أبو من استمرار تأثير العقوبات الأحادية على الأطفال، وزيادة وفيات الأمهات، وحذرت من ارتفاع معدلات تعاطي المخدرات لدى الشباب، وقالت (لدينا ماهو أسوأ من ذلك مثل لجوء الشباب الى بيع أعضائهم لسد رمق الحياة).
وتابعت (من جملة المنح والمديونيات لأمريكا 17% فقط، لكنها تمارس ضغوطاً على المنظمات الدولية والدول حتى لا تقدم معونات للسودان).

الجريدة


تعليقات 16 | إهداء 0 | زيارات 2057

التعليقات
#1378022 [الحقيقة]
3.00/5 (1 صوت)

11-30-2015 02:17 PM
الأمريكان واضحين معاكم وقالوا لكم حلو مشكلة دارفور وجنوب كردفان والنيل الأزرق وحنرفع المقاطعة ولائحة الإرهاب وأنتم راكبين رؤوسكم،، والسفير البريطاني برضو كان واضح معاكم قال ليكم كيف نلغى ديونكم وأنتم تنفقون 70 بالمائة من ميزانيتكم في الحروب والأمن يعنى بالواضح كدة وقفوا الحروب وحلو مشاكل المناطق الثلاثة لكنكم أيضا راكبين رؤوسكم.

تذكروا الإتحاد السوفيتى لم يسقط عبر القوة العسكرية وإنما عبر المقاطعة الإقتصادية ومطالب الحرية والديمقراطية وحقوق الإنسان وأنتم ما زلتم راكبين رؤوسكم،، سفو التراب.

[الحقيقة]

#1377858 [ahamazole]
3.00/5 (1 صوت)

11-30-2015 10:41 AM
اهم نقطة ناقصة في كلام هبل المؤتمر الواطي ديل لما يقولو امريكا حقو يورونا هم قاصدين ياتو امريكا يعني لما واحد فيكم يسمع ليهو لي واحد من العرورات ديل بتكلم عن امريكا طوالي يقول ليهو افصح عن اي امريكا تتكلم
هل تقصد امريكا فرع المنشية
ولا امريكا فرع كوبر ود بانقا
عشان الكلام يكون واضح و كدا
و عشان نحن خلاص عرفنا ان امريكا فرع القارة الامريكية
المسماة الولايات المتحدة الامريكية ليست هي المقصودة
بهذه المهاترات الماعندها معنى و دا بشهادتهم جميعا في
جريهم و الاعتذارات و لحس الجزم القاعدين يقومو بيهو في كل
رحلة لامريكا الام
فنرجو الانتباه فالناس ديل ما قاصدين الانتو فاهمينو و دي عادتهم
القامو عليها يظهرو غير ما يبطنون منافقين يعني بدون لف ولا دوران

[ahamazole]

#1377736 [أبو جلمبو قاعد جمبو]
3.00/5 (1 صوت)

11-30-2015 07:36 AM
كدي خلونا من أمريكا دي التطير عيشتا... صورة المرة الفارشة الدوا دي جد جد ولا تركيب؟

[أبو جلمبو قاعد جمبو]

#1377723 [ود يوسف]
3.00/5 (1 صوت)

11-30-2015 07:13 AM
وما في أي واحد من المؤتمرين سأل : الحظر سببو شنو ؟؟؟ وعلاجو كيف ؟؟؟ إنتو عارفين أنكم ما قدر أمريكا ، الفصاحة وقلة الأدب شنو ؟؟؟ ما تاخدوها بالسياسة زي ما بتعمل كل دول العالم !!!

[ود يوسف]

#1377667 [Truth]
2.00/5 (1 صوت)

11-30-2015 01:01 AM
كلام غلط فى غلط امريكا رفعت الحظر عن الدواء لاكثر من 3 اعوام و لكن الاجراء يمر بى الكونجرس و لجان الحظر و يأخذ فى حدود ال3 الى 6 اشهر و المفروض الوكيل السودانى يرتب احصائيات الاستهلاك و تدبير العملة الصعبة و اكيد مافى عملة صعبة المشكلة الدخلت جديدة هى مسألة تحويلات الدولار نفسو لان اغلب البنوك لا ترغب فى التعامل مع البنوك السودانية

[Truth]

#1377659 [HISHO]
3.00/5 (1 صوت)

11-29-2015 11:56 PM
كلام كله كذب وتلفيق , وكالعادة يظنون ان الامريكان بلهاء ويمكن الضحك عليهم , وموضوع العقوبات الامريكية هذا للذين لا يعرفون كثير عن تفاصيله اود توضيح الاتى :
1- العقوبات على السودان هى عقوبات من جانب الولايات المتحدة الامريكية (احادية) وتندرج تحت بند العقوبات الاقتصادية وتقوم وزارة الخزانة الامريكية يتنفيذها ومراقبتها, تم اصدار هذه الغقوبات فى العام 1997 بواسطة الرئيس (امر تنفيذى) , ولقد راعى رئيس الولايات المتحدة انذاك بيل كلينتون كثير من الجوانب و قام باصدار هذا الامر قبل ان يصدره الكونجرس الامريكى ولو قام الكونجرس باصداره كان سيكون قانون ولن يتم الغائه او تعديله الا بواسطة الاغلبية المطلقة من اصوات النواب وهذا مستحيل فى امريكا ان تحصل على اغلبية مطلقة للتعديل او الالغاء وخصوصأ فى حال دولة مثل السودان ليس لديها اى شى يمكن ان تضغط به على امريكا او تؤثر على نواب الكونجرس , ولكن فى حال الامر التنفيذى يمكن ان يعدله او يقوم بالغائه الرئيس فى اى وقت .
2- العقوبات الاقتصادية الامريكية يمكن ان يتم استثناء اى معاملة من العقوبات وذلك بتقديم طلب استثناء لمكتب ادارة الاصول الخارجية فى وزارة الخزانة وستقوم هذه الادارة باصدار امر استثناء متى ما كان الطلب ذو طبيعة تمس حياة المواطنيين العاديين .
3- العقوبات الامريكية نفسها تستثنى اشياء حيوية من العقوبات ولا تحتاج الى امر استثناء ( لابد انكم تذكرون تصريح الغبى مصطفى عثمان اسماعيل عندما سقطت طائرة الخطوط الجوية السودانية فى بورتسودان , وكرر نفس الاسطوانة المشروخة ان العقوبات الامريكية هى السبب لانها منعت الخطوط الجوية السودانية من الحصول على قطع الغيار , فكان رد كولن باول وزير خاجية امريكا انذاك سريع ,فقال, ان قطع غيار الطائرات المدنية لا تسرى عليها العقوبات الامريكية ولم تتقدم سودانير باى طلب لشركة بوينج للحصول على قطع غيار اطلاقأ )
انظر نص الاستثنات من العقوبات :
Certain types of activities and transactions are exempt from the prohibitions of the SSR and the Executive orders.
For example, donations of articles intended to relieve human suffering, such as food, clothing, and medicine are
exempt and the importation from Sudan and the exportation to Sudan of information or informational materials, as
defined in § 538.306, whether commercial or otherwise, regardless of format or medium of transmission, are exempt
from the prohibitions and regulations. For a complete list of all exemptions please see 31 C.F.R. § 538.212
.
الترجمة عامة , يستثى من العقوبات , التبرعات العينية من معدات وغيرها التى تساعد على تقليل معاناة المواطنيين مثل الاغذية , الادوية , الملابس . كما يستثنى قطاع المعلومات ومعدات وادوات المعلوماتية بغض النظر عن طبيعتها -انتهى.
هناك قائمة طويلة من الاستثنات والادوية والمعدات الطبية والابحاث العلمية وغيرها , حتى تلك التى تندرج تحت طائلة العقوبات يمكن اصدار امر استثناء فى فترة وجيزة جدأ وخصوصأ مثل الادوية ..
هؤلا الناس كذابون وادمنوا الكذب ويظنون ان الشعب السودانى مغفل يمكن ان ياتى اى غبى ويقول اى كلام ويظن ان الشعب سيصدقه , وهاهو غبى اخر يقول امام مسؤل امريكى ان العقوبات الامريكية تمنع وصول الدواء للسودان ويظن انه سيصدقه .
الدواء المغشوش هى تجارتكم انتم ايها الاغبياء اللصوص وانتم من بداء بادخال الادوية المغشوشة للسودان انتم من تحمون عصابات الدواء المغشوش .

[HISHO]

#1377586 [عمدة]
3.00/5 (3 صوت)

11-29-2015 09:18 PM
اعتذارك ما بيفيدك
ودموعك ما بتعيدك
العملتو كان بايدك
وامريكا ما ليها دخل بيه
- امريكا لم تدمر الامدادات الطبية ولم تشرد كوادر البلاد فى كل المجالات وتفرض سياسة تمكين الجهلاء والخبولين والمتطرفين الارهابيين.
- تقتيل السودانيين بالسلاح وبالجوع والفقر والمرض سياسة كيزانية (ماركة مسجلة)مع سبق الاصرار والترصد. بلا يخمكم.
-الا لعنة الله على الكيزان اين ما حلوا

[عمدة]

#1377434 [ABUBAKER]
3.00/5 (1 صوت)

11-29-2015 03:57 PM
طيب انت حارس شنو ما تتحرك

[ABUBAKER]

#1377364 [ahamazole]
3.00/5 (4 صوت)

11-29-2015 01:24 PM
يا حليلنا نقبل وين نحن من امريكا دي هي يا خوانا مش دنا عذابها من ستة و عشرين سنة ما جاها لي هسا مالو
ما عارفين نسوي شنو مع نا امريكا و اسرائيل ديل يعني يكتلونا بالجوع قلنا ممكن نشحد و انطلقنا شحادين في كل العالم تقوم اسرائيل تسرق مننا المطر كما صرح الامام العالم بكل البواطن و الظواهر الشيخ الكاروري و هسا جانا المهبول دا يقول لينا امريكا هي الجايبا لينا الادوية المغشوشة و السموم يكون كلامن صاح الناس ديل و نكون نحن برا الشبكة و ما عارفين حاجة و يكونو تجار المؤتمر الواطي البستوردو الادوية ديل مساكين ساكت و امريكا بتوريهم الادوية الصحيحة و تدسها منهم و تديهم المغشوشة بتراب القروش عشان ربحهم دا هو عذاب امريكا و ما تنسو برضو كلام المهبول كاروري اسرائيل تسرق مننا السحاب عبر قنوات والله ما عارف عرفها هو كيف لكن برضو دا عذاب لاسرائيل و سؤال بريئ جدا هم الكرار دا بجيبو من وين واحد قاعد يكركر و يكورك في المعادن و واحد يكركر و يكورك في الجوامع و بعدين ابو قردة دا بالمناسبة هي نسناس ولا شمبانزي ولا قوريلا ولا قردة حلبة ساكت مش حقو يعرف نفسو كويس عشان نعرف علاقتو شنو بالصحة و ياتو نوع من الصحة العندو.

[ahamazole]

#1377334 [radar]
3.00/5 (2 صوت)

11-29-2015 12:43 PM
طيب حتمولها حاويات المخدرات برضوا. وسنحملها فساد الأراضي ومكتب الوالي وشرطة الأقطان البذور المعدلة وبالمناسبة ايه اخبار اليخت الرئاسي والفلل الرئاسية؟؟؟
وكما فضل ليكم تحولوا مشروع الجزيرة وسوانير والخطوط البحرية والسكك الحديدة وما تنسوا بالمرة كده تحملوها مسئولة غنماية الشول بت عبد الله الراحت بتل الليلة وبكرة العيد.

[radar]

#1377327 [أبو أمجد]
3.00/5 (3 صوت)

11-29-2015 12:30 PM
المشكلة سببها النظام الحاكم وليس أمريكا .. وكان الاجدر ان يوجه النقد الى حكومة السودان وليس الى امريكا .. أمريكا لها أسبابها في مقاطعة النظام ..وكرر ذلك اكثر من مليون مرة .. ومتى ما تجاوبت الانقاذ مع المطالب الامريكية ستكون اسواق الدواء السودانية مفتوحة للادوية الامريكية وغير الامريكية .. وليس الادوية المضروبة التي تاتي من مصر والهند والباكستان والصين .. خت عقلك في راسك تعرف خلاصك .

[أبو أمجد]

ردود على أبو أمجد
[ميم كاف] 11-30-2015 07:34 AM
الجمل ما بشوف عوجه رقبته


#1377316 [الناهه]
3.00/5 (2 صوت)

11-29-2015 12:18 PM
امريكا بريئه وليس لها ناقه ولا جمل في الموضوع
حكومة المؤتمر الوطني وراء كل هذه المصائب
اين الصحه التي يتشدقون بها
واذا اردت التاكد قم بزيارة مستشفي الخرطوم وبحري وام درمان هل امريكا منعتكم من نظافتها ومسكت عنكم المقاشيش وقالت لكم مارسوا الفساد والافساد
تصريح غير موفق ابدا

[الناهه]

#1377314 [التلب]
3.00/5 (3 صوت)

11-29-2015 12:17 PM
( ... إن وزارة الصحه تضطر الى التعامل مع وكلاء أجانب حتى تتمكن من استيراد اﻻدويه مما يؤدى الى دخول اﻻدويه المغشوشه للبلاد !!) .. بالله عليكم شوفوا خيابة هذا الكلام بل وشوفوا خيابة قائله.. !! يا اخى انت ﻻمن لقيت الدواء ده مغشوش تقبله ليه وكمان قلت سمياته عاليه وطالما ان سمياته عاليه فقطعا سوف يكون الموت نتيجه حتميه .. فلماذا ﻻترجعه بدل ما تكتل الناس وكمان تودر قروش البلد . بذمتكم ده شخص مسؤول ؟؟

[التلب]

#1377294 [ابو جاكومه]
5.00/5 (1 صوت)

11-29-2015 11:47 AM
أمريكا دي عذبتكم عذاب شديد يا أهلي الكيزان أرسلوا ليها فوات الدعم السريع وبالعربات البدون لوحات التي قتلت شهداء سبتمبر 2013 وحتى الآن لم تتعرفوا ولم تدينوا أي حد فيهم والبمقابل تدفعوا الجزيه لكل أمريكي يموت عن طريق الخطاء من خزينة السودان الهامل وعذبوها وأمسحوا بكرامتها الأرض وبهذا تكون النبوءة الفالصوا (أمريكا دنا عذابها .ويا الأمريكان ليكم تسلحنا) قد رئيتموها تتحقق وأنتم تنظرون .

[ابو جاكومه]

#1377262 [albraa]
3.00/5 (2 صوت)

11-29-2015 11:03 AM
ههههههه والله عارفك من العنوان حتقول السبب الحظر الأمريكي .. مشاكل السودان كلها بقت السبب الحظر الأمريكي ... حتى من الطرائف قالوا واحد مشى لبتاع الخدار لقى العجورة بقت ب 10ج لما سال السبب قالوا ليهوا الدولار ارتفع .

[albraa]

#1377221 [واحد داقس]
3.00/5 (2 صوت)

11-29-2015 10:02 AM
الواحد لو طلق مرته تقولو امريكا السبب

[واحد داقس]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة